6.4.02

Helgi
Ég var að klára grein eftir Helga Þorláksson um Snorra. Hann mynntist ekkert á tyrki fremur en aðrar heimildir mínar en ég mæli að sjálfsögðu með þessari grein sem heitir "Snorri og Oddaverjar". Helgi er jafnvel enn betri penni en fyrirlesari.
Óli Njáll  17:03| link

Úff púff
Nú eru aðeins 5 overs eftir hjá áströlum (af 50) og hafa þeir náð 306/3 þannig að þeir ættu að hafa þetta. Roger Telemachus hætti náttúrulega alveg að standa sig eftir að ég minntist á hann fyrr í dag og Ricky Ponting og Darren Lehmann átu afríkumenn í dag og Ponting er enn að batta. Damien Martin er með honum núna og þar sem hann er djöfull í mannsmynd þá óttast ég niðurstöðuna fyrir hönd suður afríkumanna.
Óli Njáll  17:02| link

Ótrúlegt
Einmitt í þessum skrifuðu orðum þá eiga Suður Afríkumenn raunhæfa möguleika á að sigra Ástrali í sjöttu viðureign þessara þjóða í ODI. SA náðu að skella 326 stigum á Ástralina og þegar Ástralir eru nær hálfnaðir hafa þeir náð 153/3 og menn eins og Gilchirst og Heyden dottnir út. Þetta ágæta gengi SA í bowlinu má þakka manni með hið stórundarlega nafn Roger Telemachus. Fylgist með á Cricket365.
Óli Njáll  15:07| link

Hnit
Rækileg umfjöllun er um Íslandsmótið í Badminton í mogganum í morgun. Þetta er ekki góð umfjöllun því þar vantar klárlega að greint sé frá því að ofurhnitarinn Lambkáli sé ekki meðal þátttakenda þrátt fyrir að vera banvænn hnitspilari. Káli hefur átt í erfiðleikum að hrista af sér hnémeiðsli og tók því þá skynsamlegu ákvörðun að taka ekki þátt að þessu sinni. En svona er fáfræði íslenskra blaðamanna mikil, þeir hafa bara ekki hundsvit á hlutunum.
Óli Njáll  12:41| link ------------------

5.4.02

pommern
Eiríkur af Pommern ku hafa verið magnaður konungur.
Óli Njáll  20:02| link

Einbeiting og föstudagur
Einbeiting er eitthvað sem ég á ekki til í dag, sem er vont mál því nú er kominn sá tími ársins að ég þarf að einbeita mér. Bjóst við að vera í hörku formi fyrir lærdóminn eftir svakalegt Badminton með Kála í morgun en svo var nú heldur betur ekki raunin. Það er kominn tími til alvarlegra aðgerða...en þær hefjast á morgun:)
Óli Njáll  18:27| link

Skráning
Þá er maður búinn að skrá sig í kúrsa fyrir næsta vetur. Samtals 50 einingar. Það þarf því ekkert gáfumenni til að sjá að ég á eftir að segja mig úr nokkrum kúrsum í haust. En það var ekkert voðalega gaman að velja, svo lélegt er úrvalið í sagnfræðinni að þessu sinni. En hvað var valið? Já, M1 og M4 ásamt fýlunni eru grunnurinn að haustönninni. Einnig fékk ég þá flugu í hausinn að sniðugt væri og skemmtilegt að byrja að læra ítölsku. Hvort sú geðveiki líður fljótt eða seint frá skal ósagt látið en það verður í það minnsta látið reyna á þetta. Einnig er ég skráður í Þjóðríki Evrópu sem ég held reyndar að sé leiðindi og mun væntanlega hætta í honum ef ítölskunámið gengur vel. En hvern skrambann er ég að vilja í ítölsku? Ég er ekki viss sjálfur, finnst bara að ég þurfi að gera eitthvað í minni tungumálakunnáttu og það sé sniðugt að læra eitthvað sem fáir tala hér á klakanum, ítalska er líka flott mál. Ótrúlegt en satt þá var ég einu sinni ágætur í tungumálum, það var á grunnskólaárum mínum þegar níur og tíur voru daglegt brauð. Þetta er kanski einhvað statement að sýna fram á að ég hafi enn einhverja tungumálahæfileika. En hvað með það. Vorönnin er annað mál. Þar er ég að sjálfsögðu skráður í Ítölsku fyrri byrjendur 2 og svo nokkra sagnfræðikúrsa, ÍN3, Aðferðir 2, Neysluvenjur á 19 og 20 öld og svo kúrsinn hans Vals Ingimundar með langa nafninu. En annarhvor síðast töldu kúrsanna mun þó detta út, þ.e.a.s ef ég verð ekki hættur í ítöskunni. Gaman að þessu.
Óli Njáll  15:33| link ------------------

4.4.02

Major Tom
Major Tom og Ziggy Stardust eru bæði óumdeild snigld. Ég er að fíla David Bowie í dag.
Óli Njáll  20:11| link

Praxíteles
Praxíteles hefur opnað vefsíðu. Kíkið á hana hér. Hvað er Praxíteles? Það geta nú menn sagt sér sjálfir, ef ekki þá er svarið á síðunni.
Óli Njáll  14:27| link

Ási
Nú er það Ásmundur Stefánsson og svo er það Spartakus á eftir.
Óli Njáll  14:17| link

Gleði,gleði,gleði
Nú er ég í tíma hjá Inga Sigurðssyni, nánar tiltekið M3. Ég er reyndar búinn að segja mig úr þessum tíma en þar sem Ingi er snillingur þá mætir maður upp á djókið og hefur gaman af fyrirlestri um Suður-Ameríku. Ég bíð eftir að bændurnir komi til sögunnar.
Óli Njáll  11:21| link

Crossroads
Í stuttu máli þá er myndin svo léleg að það er fyndið. Markmið handritshöfundar virðist hafa verið að gera fyrirsjáanlegustu mynd sem gerð hefur verið. Og honum tókst það. Handritið er klisja af verstu gerð, og fáir jákvæðir punktar í því. Ef fólk ætlar að velta sér upp úr leikrænum tilburðum þá fá þeir sennilega ekkert voðalega góða einkunn. En það er þó vel hægt að hlægja að þessari mynd þar sem hún er svo skelfilega asnaleg. Stærsti kostur myndarinnar er án efa Britney sjálf sem er beib að vanda og fær einn Guðjón bara fyrir að vera á staðnum. Tónlistin í myndinni er jafnframt mikil snilld og lög eins og I'm not a girl, not yet a woman og Overprotected. En þessi mynd er svo léleg að hún verðskuldar ekki lengri gagnrýni né vandaðri en þetta. Hún er þó andvirði 2 Guðjóna, 1 fyrir Britney, 1/2 fyrir tónlist og 1/2 fyrir að vera svo léleg að það er fyndið.
Óli Njáll  09:43| link

Við....
...unnum Leverkusen og Sami er hetja.
Óli Njáll  01:48| link

Vaxandi
Þór svarar djóki mínu í dag eins og ráð var fyrir gert. Það er gott mál. Þar með er ég einu skrefi nær því takmarki að prenta það inn í manninn að bloggsíður eiga ekki að innihalda metnaðarfulla pistla nema í bland við eitthvað tilgangslaust.

Ég var áðan á myndinni Crossroads með B. Spears í aðalhlutverki. Ég nenni ekki að skrifa dóm um myndina núna en hún fær 2 Guðjóna.


Óli Njáll  01:48| link ------------------

3.4.02

Styttist
Nú styttist óðum í Liverpool vs. Leverkusen sem án efa verður frábær skemmtun. Hér í Hvítufjöllum munum við pabbi, Lambkáli og Osama fylgjast með í mikilli geðshræringu og sturlun þangað til yfir lýkur.

Ég var í tíma hjá Helga Þorlákssyni áðan, ég held að honum sé illa við mig. Kanski les hann þessa síðu.(Sverrir, ef svo er þá ert þú gerður ábyrgur fyrir því!). Helgi var farinn að horfa illilegum augum á mig þannig að ég tók mig tak og fór að reyna að svara spurningum(vitlaust). En ég náði einu réttu svari í lokin. Annars hlýtur hann Jónsi að vera dugnaðarforkur þessa tíma en hann náði að downloada mestöllum Civ3 í tímanum. Jón fær verðlaun fyrir dugnað.
Óli Njáll  19:38| link

Geit
Frjálshyggjugeit dagsins hlýtur að vera Þór sem skrópaði á forsýninguna á Varði goes Europe en eyddi í staðinn 2900 krónum í erlenda lágmenningu.
Óli Njáll  10:58| link

Varði
Nýja myndin hans Gríms er alveg mögnuð. Ég fjalla betur um hana á morgun. Annars vil ég taka það fram að gatnakerfi Kópavogs er stórhættulegt fyrirbæri.
Óli Njáll  00:12| link ------------------

2.4.02

Grímur
Jæja, nú liggur leiðin á forsýningu myndarinnar Varði goes Europe í leikstjórn Gríms Hákonarsonar. Ég er bjartsýnn á þessa mynd enda er Grímur sniGlingur með stóru G.
Óli Njáll  20:26| link

Framfarasinnar
Áðan fór ég inn á heimasíðu flokks framfarasinna.(þrátt fyrir linkagleði mína að undanförnu þá eru þó takmörk á öllu) Þetta er án efa magnaður félagsskapur manna. Þeir eru víst orðnir 3 samkvæmt nýjustu heimildum meðlimirnir og uppfylla þar með orðabókaskilyrðin til að geta talist sem flokkur. En án þess að fara að spá í þeirra stefnu þá hlýtur það að stinga mann að venja virðist vera hjá foringjunum í flokknum að breyta nafni sínu sbr. Hjörtur J. Hjartar sem hét eitt sinn Hjörtur Jónas Guðmundsson og Gunnarr Hakansson sem eitt sinn hét Óli. Þetta var háttur foringja ýmissa í hinum sálugu Sovíetríkjum að breyta nafni sínu Lenín, Stalín, Trotsky o.s.frv. Þetta finnst mér fyndið að menn sem eru nazískir í skoðunum skuli hafa þennan hátt á sem venjulega er kenndur við Sovíetkommana. Bara smá pæling á þriðjudegi.
Óli Njáll  16:58| link

Yes
Ég er búinn með Sigurð Líndal. Nú fer ég heim og les Gunnar Karlsson fram að kvöldmat og í kvöld. Annars vil ég senda baráttukveðjur til enska crikket landsliðsins sem er í vondum málum eftir að Nýja Sjáland skoraði 269-9 í seinna innings.(og eru þar með alveg að verða búnir) England þarf því rúmlega 300 til að vinna á síðasta degi og verði þeir bowlaðir út fyrir minna er ljóst að serían endar í jafntefli. Sem er slæmt fyrir stöðu Englendinga á heimslistanum.
Óli Njáll  16:38| link

Batnandi mönnum...
...blablabal. Stórmennið Einar er nú búinn að blogga 2 daga í röð eftir ansi geitarlegan marsmánuð á síðunni sinni. Einar er ekki langorður bloggari og er í raun alger andstæða Brynjólfs hvað varðar lengd á pistlum. Ég tel það jákvæðan hlut.
En fyrst talið berst að Brynjólfi Gnirnegylf þá fór hann að ofsækja mig í gærkveldi í kjölfar bloggsins míns um leiðinlegu síðuna, sannfærður um að hann ætti þar einhver hlut að máli. Það segir það allt sem segja þarf um Fulga að hann er sjálfur sannfærður um að hans langlokur séu það leiðinlegasta sem finnst á netinu. Binni minn skilaboð mín til þin eru: Slappaðu af!!!
Óli Njáll  15:54| link

Mahatabarata
Ég er núna að pæla í Sigurði Líndal og réttarsögu. Réttarsaga er án efa eitt mesta ógeð sem fundið hefur verið upp innan sagnfræðinnar. Kvennasaga og saga heimilisiðnaðar á Íslandi er í mínum huga spennandi miðað við þennan fjára. En hvaðan í fjáranum kemur titill þessa bloggs? Sá maður sem getur sagt mér það fær verðlaun.
Óli Njáll  15:45| link

Matur
Keikodude mælir með Mekong við Sóltún. Að þessu sinni voru engir kettir í nágrenninu en cow pad-ið var jafngott og ávallt. Kúfullur diskur af Cow pad og (diet) kók með á aðeins 700 krónur, hollt og gott fyrir fátæka námsmenn.
Óli Njáll  13:57| link

Spakmæli dagsins
"Eigi þarft þú að líta á, jafnt er sem þér sýnist, af er fóturinn." Svo mælti Kolskeggur við Kol í Njálu. Alveg merkilegt hvað þessar gömlu hetjur voru orðheppnar. Eitthvað annað en "þegar þú ert kominn ofan í holu, áttu að hætta að grafa"
Óli Njáll  12:38| link

Engin óskarsmynd
Einskis manns land hlaut víst óskarinn sem besta erlenda myndin nú fyrir skömmu. Það val er gersamlega út úr kú og bendir til alvarlegrar geðveilu meðlima akademíunnar eða að Guðjón Helgason hafi tímabundið tekið þar völdin og valið þessa mynd. Ég var einmitt á þessari mynd fyrr í kvöld og það sannfærði mig ennfrekar um það að Amelie átti óskarinn skilið. Sú mynd sameinaði allt sem mynd þarf að hafa. Hún var áhugaverð, skemmtileg og jafnframt átakanleg, súrrelalísk í meira lagi og einnig hjálpaði að hafa sæta aðalleikkonu. Einskis manns land hefur ekkert af þessu. Ég ætla þó ekki að segja að þetta sé slæm mynd. Ef ég hefði horft á þessa mynd á miðvikudagskvöldi á RÚV einfaldlega vegna þess að ekkert annað væri í sjónvarpinu, þá myndi ég segja ok, ekki sem verst. En engan vegin bíómynd og enn síður verðlaunamynd. Pælingin á bak við myndina er svo sem ágæt, 2 menn ofan í skotgryfju milli stríðandi fylkinga auk eins manns sem liggur á einhvers skonar jarðsprengju og sýnir samskipti þeirra í þessum vondu aðstæðum. Myndinni mistekst samt bara alveg að koma þeim boðskap til skila sem hún á að gera, það er sína hinar slæmu afleiðingar borgarastríðsins í Júgóslavíu, til þess er hún alltof þunn. Myndin deilir einnig á S.Þ og þeirra aðgerðir í stríðinu, eins og flest annað er það ekki vel gert. Einnig eru nokkrar tilraunir gerðar til að segja brandara í myndinni, þeir voru ámóta fyndnir og Össur Skarphéðinsson. Í stuttu máli þá rennur þessi mynd í gegn um huga manns án þess að skilja neitt eftir sig. Hún er eflaust ágætlega unnin en myndin er bara ekki nógu merkileg til að verðskulda óskarinn. Og nú til að ljúka þessum pistli verður innleidd ný mælieining í kvikmyndadóma sem er Guðjóninn, kenndur við Guðjón Helgason, og hlýtur Einskis manns land 2 Guðjóna af 4 mögulegum.
Óli Njáll  02:11| link ------------------

1.4.02

Kirkjan
Þeir sem eru á leiðinni að kaupa kjöt í Bónus eiga endilega að koma við hjá Kópavogskirkju og mótmæla McDonalds og fá hamborgara í staðinn.
Óli Njáll  20:14| link

Stuð
Ég ætla í tilefni páskanna að þakka guði(ef hann er til) fyrir Friðbjörn og félaga á frjalshyggja.is. Þegar ég er í steiktu skapi þá les ég þá síðu og Baggalút og hef gaman af. Mæli með pistlinum um stefnuskrá íhaldsins.
Óli Njáll  20:13| link

Bónuskjöt
Best að minna fólk á kjötútsöluna í Bónus í kvöld þar sem lambakjöt verður selt á 220 krónur. Allir nema tollverðir hvattir til að mæta en þeir eiga víst að vera í megrun.
Óli Njáll  19:49| link

Ummæli páskanna
Bestu ummæli páskana hljóta án efa að teljast ummæli ónefnds manns á laugardagskvöldið um ónefnda bloggsíðu: "Maðurinn hlýtur að vera að gera í þessu, það er enginn svona náttúrulega leiðinlegur." Þetta fannst mér stórkostlega fyndið.
Óli Njáll  17:28| link

Lambkáli
Ég tók eftir því áðan að hinn magnaði einstaklingur Lambkáli hefur uppfært heimasíðuna sína. Hún er miklu betri fyrir vikið. En samt sem áður þá vantar Snæfinn Brján og geirvörtusnjókarlinn ennþá, að ógleymdum sundboltanum.
Óli Njáll  17:14| link

klukkubögg
Klukkan mín er aftur orðinn klukkutíma á undan áætlun. arg,arg,arg. Hjálp!!!!
Óli Njáll  15:21| link

Áfram RÚV
Afskaplega ánægjulegt að lesa að hinn fjölfatlaði og gersamlega ósjálfbjarga hvalur, Keiko, hafi lent í kúlnahríð sunnlenskra bænda þegar hann ruddist upp Ölfusá í leit að vorsilung. Ritstjórn Keikodude krefst þess að leið Keiko upp ána verði auðvelduð auk þess sem skotvopn Brúnastaðabænda verði gerð upptæk, sniðugt væri t.d. að ryðja burtu virkjunum í Soginu ef Keiko velur Þingvallavatn sem ákvörðunarstað og ef dúllan stefnir upp Hvítá er nokkuð ljóst að Gullfoss verður að hverfa.

Ritstjórn Keikodude harmar örlög Þóris Hrafns Gunnarssonar sem fyrr í dag var handtekinn á heimili sínu í Grafarvogi grunaður um stórfelldan kattaþjófnað. Við húsleit fundust á 3. tug katta af hinum ýmsu stærðum og gerðum og gaf húsráðandi þær skýringar að kettirnir væru hættulegir strumpabyggð í hverfinu. Jafnframt á Þórir yfir höfði sér ákæru frá allt að fjórum einstaklingum sem ásaka Þóri um stórfelldar ofsóknir á hendur sér. Sökum eðli málsins er nöfnum fórnarlambana haldið leyndum en traustar heimildir kveða á um að allir beri þeir nafnið Kjartan. Frekari fréttir verða birtar hér um leið og þær berast.
Óli Njáll  15:05| link

1. apríl
hahaha
Óli Njáll  01:51| link ------------------

31.3.02

30.mars
Jæja, í dag eru páskar en ég er ekki þunnur. Kvöldið í gær var mikil snigld. Það hófst að sjálfsögðu á 30.mars partýi SHA þar sem stíft var drukkinn bjór, þar var gleðin fram eftir kveldi að mestu tíðindalaus. Þarna var boðið upp á eðaltónlistarflutning og ber þar hæst hinn fransksyngjandi trúbador Sigvarð Ara. Einnig voru þarna flutt gæðalög, t.d. Ísland úr Nató lagið. Þar vakti það heimsathygli að harði herstöðvarandstæðingur Sverrir Jakobsson kunni greinilega ekki textann og vildi því syngja viðlagið í tíma og ótíma. Félagi Jónsson hafði aftur á móti allt á hreinu og söng lagið frá upphafi til enda og fór létt með. Af öðrum atburðum þessarar skemmtunar ber án efa hæst þær fréttir sem þar bárust að hljómsveitin Tvö Dónaleg Haust stefnir á að fá sér nýjan gítarleikara og halda ótrauðir áfram. Í kjölfarið var að sjálfsögðu stofnaður aðdáendaklúbbur þeirrar sveitar og ber hann nafnið Praxíteles. Ljóti kallinn lifir.

Leiðin lá síðan á hinn ágæta Næstabar þar sem drykkja hélt áfram þó reyndar héldi ég mig aðallega í kaffinu og náði að afreka það að fá 3 kaffikönnur + 1 bolla á borðið fyrir verð einnar könnu. Á Næstabar dvöldu menn í góðu yfirlæti fram að lokun nema einhverjir kjúklingar sem stungu fyrr af, s.s.hinn skeleggi formaður SHA og frú.

En við héldum svo heim til Hugins og Dagnýjar á Eggertsgötuna þar sem haldið var áfram fram í dögun við lítin fögnuð nágranna. RumpuLýður Ólafsson var eitthvað ósáttur við þetta og ákvað bæði að kvarta og hringja á lögregluna á sama tíma, kunni greinilega enga mannasiði og tók upp á því að sparka í útidyrahurðir og láta dólgslega. ÓþjóðaLýður þar á ferðinni og greinilegt að Sigfús þarf að ala bróður sinn betur upp. En lögreglumenn voru sauðskir að vanda og komu einhverra hluta vegna svalamegin og góluðu þar út í nóttina í stað þess að nota útidyrahurðina líkt og venjulegt fólk, tóku svo niður kennitöluna á ekki húsráðanda og fóru.

En í alla staði vel heppnað kvöld og ekki versnaði það við að spjalla við rauðskeggjaðan byltingarsinnaðan leigubílstjóra á leiðinni heim. Lifi Byltingin.
Óli Njáll  14:05| link ------------------