12.2.05

Furðulegt föstudagskvöld

Í gær var kíkt í bæinn. Ekki fór kallinn þó í vísindaferð enda var hún um miðjan dag og ekki svíkur maður Gísla Gunnarsson um mætingu en þeir tímar eru til 18:00 á föstudögum. Mæting sagnfræðinema á djammið var hálf slöpp og margir góðir menn fjarverandi, aðrir voru edrú og leiðinlegir eins og ég. Ég hef þó afsökun að vera enn að jafna mig af flensunni sem angraði mig þessa vikuna. Ég endaði á því að kíkja með Pál á Mamas og var mættur heim rétt upp úr miðnætti.

Nú á laugardagseftirmiðdegi er ég enn hálf þreyttur og slappur. Sit í sófanum og skipti á milli stöðva, Everton-Chelsea og Ír-íbv berjast um hylli mína. Í raun er ég þó bara að bíða eftir að Birmingham - Liverpool hefjist. Ef mínir menn vinna minnka þeir bilið í Everton niður í 2 stig. Það væri ekki leiðinlegt.

Í kvöld bregður njallinn sér svo upp í sveit að gæta barna bróður síns. Það verður eflaust stuð ef ég þekki þau rétt.

Að lokum erð ég að taka fram að ég er þessa dagana einkar stoltur af Sunnu minni sem afrekaði að fá 9 fyrir b.a. ritgerð. Geri aðrir betur!
Óli Njáll  14:36| link ------------------

11.2.05

Stórsigur Alþýðulistans

Það er engin spurning um það hvaða framboð fór með sigur af hólmi í gær þótt margir vilji stimpla sig sigurvegara. Alþýðulistinn náði mest öllum sínum markmiðum. Svo dæmi sé tekið var stefnan sett á 100% fylgi en atkvæði reyndust akkúrat 100. Það eins sem náðist ekki var eitt skitið prósentumerki (%). Alþýðulistinn slapp líka við að enda með menn í stúdentaráði. Andra og Kristbirni var töluvert létt þegar niðurstöður bárust og frelsinu fegnir. Alþýðulistinn náði líka að fella meirihluta Vöku en eins og allir vita vantaði Vöku 25 atkvæði til að ná 5. manni inn. Okkar 100 réðu því baggamuninn að þessu sinni.
Að lokum er hægt að taka Ástþór á þetta og eigna sér öll þau 62% stúdenta sem ekki nenntu að kjósa. 65% í heildina hlýtur að teljast stórsigur.

Hér hef ég ekkert bloggað um Gettu betur keppnina á miðvikudaginn. búinn að tjá mig nóg á spjallsvæði #. Hins vegar get ég lofað GB bloggi eftir næstu keppni.
Óli Njáll  13:00| link ------------------

10.2.05

Bölvað heilsuleysi

Þá er kallinn búinn að liggja undir feld með kvefpest í tvo daga og unir hag sínum illa. Áðan var þó gerð tilraun til að fara úr húsi og á fund, svokallaðan húsfund. Ekki voru íbúar á Kapló á þeim nótunum að mæta og sökum slælegrar mætingar varð að fella niður fundinn og verður annar boðaður innan skamms. Það er nú gaman.

En þrátt fyrir lasleika ætlar Njallinn að kíkja við á Celtic Cross á eftir þar sem kosningasigurhátíð Alþýðulistans verður haldin. Ekki verður þar mikið drukkið en vonandi verður hægt að fagna góðum úrslitum. Góð úrslit eru reyndar nokkuð líkleg þar sem Alþýðulistinn hefur engu að tapa. Allt yfir 16 atkvæðum er sigur (það er ef við fáum einhver atkvæði utan listans, nú þegar hafa 2 á listanum yfirgefið framboðið og kosið skít yfir sig)

Ætli maður reyni ekki að mæta í vinnu í fyrramálið og kvelja krakkana eitthvað. Sjáum til hvernig heilsan verður.



Óli Njáll  20:51| link ------------------

9.2.05

Kosningar hafnar

Baráttan er búin og stúdentar geta nú gengið að kjörborðinu og kosið Alþýðulistann til góðra verka. Samkvæmt skoðanakönnunum mun Alþýðulistinn koma sterkur inn og fella núverandi meirihluta. Það verður gaman að sjá hvernig samstarfið verður í stúdentaráði þegar stóru fylkingarnar neyðast til að mynda meirihluta með okkur (h-listinn dettur út úr stúdentaráði)
Allur áróður af okkar hálfu heyrir sögunni til og nemendur geta um frjálst höfuð strokið á kjördag, við lofum að ofsækja ekki fólk eins og vænisjúku og valdagráðugu dusilmennin í Röskvu, Vöku og H-listanum. (undanþegnir þessum óhróðri eru Óli Gneisti og Stefán frambjóðendur H-listans sem báðir eru heiðursmenn)

Gettu betur hefst svo í kvöld á viðureign MS og Lauga. Ég er nú nokkuð bjarsýnn fyrir hönd Ms-inga sem eru þjálfaðir af hinum margrómaða Skandálfi og fleirum. Laugar eru lítið nafn í þessari keppni en gætu þó alveg slegið ms út á góðum degi. Ég held þó að msingar taki þetta með 4-5 stiga mun og fari því í undanúrslit. Þangað munu þeir þó ekki eiga mikið erindi að ég tel.

Í gær eignaðist Sunna 3 seríu bráðavaktarinnar á DVD eftir miklum krókaleiðum. Ég held ég hafi unnið mér inn nokkra punkta með þessu góðverki. Bestu þakkir fær Þorgeirsbolinn ógurlegi sem sá um smyglun þessa varnings til landsins.

Óli Njáll  13:31| link ------------------

8.2.05

Saltkjöt og úldin svið

Mikið afskaplega var nú gott að fá smá saltkjöt hjá múttu áðan. Saltkjöt borða ég yfirleitt ekki oftar en einu sinni á ári. Hvers vegna veit ég ekki því þetta er alveg eðalfóður, meinhollt og stuðlar að langlífi. Allavega át afi minn heitinn helst saltkjöt í hvert mál og varð 94 ára gamall.

En hvað er annars málið með Mahmood Abbas. Ég er virkilega farinn að halda að palestínumenn hafi kosið gyðinginn í sekknum yfir sig nú á dögunum. Menn sem þykjast geta samið við Sharon. Ó nei, hvað næst? Er Halldór Ásgrímsson kannski góður maður og gáfaður?

Allt stefnir nú í að farið verði í viðgerðir á húsinu mínu. Meinilla er mér við það og finnst að fólk sem er svo heimskt að kaupa sér íbúð við austurgaflinn eigi skilið að það leki inn til þeirra. Allavega hef ég enga ánægju af því að leggja út fyrir slíkt fólk. Ég hata íslensk lög um fjölbýlishús.

Óli Njáll  20:28| link ------------------