5.2.05

Allt á réttri leið

Í herbúðum Alþýðulistans ríkir glaumur og gleði. Hvílíkur samhugur og stemming sem þar ríkir. Fólk víða að úr samfélaginu hefur haft við okkur samband og lýst yfir stuðningi við frábært framboð okkar. Ljóst er að Alþýðulistinn er kominn til að vera og hefur nú þegar breytt stúdentapólitíkinni um ókomna framtíð.

Annars drakk ég nokkra bjóra í gær með góðum mönnum í góðum fíling. Bitburger og Becks, svoldið þýskt eitthvað. Þar á bæ kunnu menn sig og allir hegðuðu sér vel. Þórir Hrafn Gunnarsson, sem því miður hefur neitað staðfastlega að leggjast inn á Vog, var hins vegar sauðdrukkinn í miðbænum í vondum félagsskap.

Nú styttist í bolludag, það þýðir að ég þarf að hringja í mömmu:)

Óli Njáll  11:50| link ------------------

2.2.05

X-Y

Röskva er fyrir fólk sem drekkur kaffi úr plastglösum!!!

Óli Njáll  13:25| link

Skautastjarna í framboði

Það gengur sko töluvert á í lífi hins margrómaða sjarmörs Óla Njáls Ingólfssonar þessa dagana. Er skemmst frá því að segja að drengurinn sá hefur skrifað undir atvinnumannasamning sem listdansari á skautum. Hefur hann af þeim sökum mætt tvívegis á skautasvell og aðeins dottið einu sinni síðastliðinn mánuð. Það myndu margir kalla stórgott minnugir þess að ekki gat Nancy Kerrigan staðið í lappirnar er hún atti kappi við fylgismenn Tonyju Harding.

Líkt og títt er með stjörnur íþróttaheimsins eru fjölmörg félagasamtök og stjórnmálahreyfingar sem falast eftir kröftum Njallans. Hefur hann af manngæsku og hjartahlýju ákveðið að ganga til liðs við nýstofnaða hreyfingu í Háskóla Íslands, svonefndan Alþýðulista. Alþýðulistinn er klárlega það framboð til stúdentaráðs sem er mest kúl (ekki að samkeppnin sé mikil um þann titil) og með Njallann í fimmta sæti er framtíðin björt. Ekki er vitað hvernig kallinn kemur setu í stúdentaráði inn í sólarhringinn næsta vetur en það er seinni tíma vandamál.

Og að lokum nokkur stórgóð stefnumál Alþýðulistans sem nálgast má í heild sinni á síðunni xy.hi.is

* Stokkum upp stokkakerfið
* Hækkum námslánin og afnemum greiðslubyrðina
* Breytum Odda í leikskóla (og hengjum arkitekt háskólans í leiðinni)
* Komum háskólanum undir eitt þak
* Endurvekjum hina upphaflegu innréttingu í kaffistofu Árnagarðs.
* Gömlu kaffikrúsirnar aftur, burtu með plastglösin.



Óli Njáll  01:09| link ------------------