2.11.04

Stór dagur í mannkynssögunni

Jahá, sumir kynnu að halda að ég léti þessi orð falla sökum einhverra kosninga í fjarlægu landi. Þær kosningar eru fúlar enda er ekkert samhengi milli þess hvernig atkvæði falla og hver sigrar. Bananar úti um allt í því ríki.

Hin raunverulega ástæða er knattspyrnuleikur milli Stjórnar NFVÍ og úrvalsliðs kennara. Kennarar hafa aldrei lotið í gras síðan ég hóf störf hér við skólann og stefnt er að því að verja titilinn í 3. sinn. Annars á þessi leikur lítið skylt við knattspyrnu heldur er þetta meira svona blackburnbolti þar sem tilgangur nemenda virðist oftast sá að tuddast og meiða andstæðingana fremur en að skora mörk. Slíkt háttarlag er þó gjarnt á að koma í hausinn á mönnum enda segja sögur að það sé óþægilegt þegar ég keyri menn út í rimla. Jújú, mín 85 kíló segja víst til sín í slíkum atvikum.

Óli Njáll  11:03| link ------------------

31.10.04

Bölvaðir séu Blackburn

Hversu mikil mannvonska getur búið í einu liði? Svarið er jafn mikil og býr í Blackburn Rovers. Í fyrra hálfdrápu þeir bæði Carragher og Baros í sama leiknum og núna rústuðu þeir löppinni á Cissé. Hatur mitt á þessu pakki er nú í hámarki. Þeir hefðu allavega mátt leyfa okkur að hirða 3 stig í sárabætur fyrir morðið á Cissé.

Óli Njáll  13:28| link ------------------