30.10.04

Blómin í glugganum

Mikið óskaplega er Flowers in the window gott lag. Ekki skemmir að myndbandið er töff líka.



Óli Njáll  11:45| link

Upp og ofan

Mikið bölvað er leiðinlegt að vera með flensu. Hiti þriðja daginn í röð og nú hefur hálsbólga bæst við og hausverkur væri að drepa mig ef ég hefði ekki fengið smá parkódín í morgunmat.

Annars þá sit ég hér á Kapló og reyni að láta fara vel um mig. Travis í græjunum, að þessu sinni the invisible band sem er mjög svo góður diskur. Meðan að Travis menn djöflast í græjunum sit ég með kók í annarri og kæfubrauð í hinni. Eins og lög mæla fyrir er kók leyfilegt til neyslu þegar maður er lasinn. Verst að ég hef ekki enn fengið kók í gleri heldur einvörðungu plastkók sem vitanlega er ekki jafn gott stöff. Svona eins og kókaín þynnt með hveiti eða eitthvað. Sennilega er þetta ástæðan fyrir því hversu illa gengur að hrista af sér flensuna.

Kæfubrauðið er ekki af verri endanum enda bý ég svo vel að eiga góðan hleif af rúgbrauði frá henni móður minni. Móðir mín er óumdeilanlega mesti snillingur í víðri veröld þegar kemur að eldhússtússi. (ég virðist nú hafa erft töluvert af þessum hæfileikum því ekki koma eldunarhæfileikar mínir frá föður mínum, ó nei:). Það versta við kæfubrauðið er þó að kæfan er svona drulla sem keypt er í plastdollu úti í Hagkaup en ekki heimagerð. Heimagerð kæfa er vitanlega mun betra fóður en þetta verður að duga að sinni.

Valsarar farnir að kaupa leikmenn fyrir næsta tímabil. Margrét Lára er tvímælalaust góð kaup í kvennaliðið og tryggir að bikarinn helst á Hlíðarenda næsta sumar. Á meðan kaupir félagið karla sem ég botna ekki í. Gummi Ben var síðast góður tímabilið 2000 ef ég man rétt og hefur á undanförnum árum verið helsti viðskiptavinur Össurar hf. enda held ég að hann sé kominn með gervifætur á báðar. Og hvað í andskotanum er málið með að hleypa öllum þessum kringum inn í klúbbinn?

Á meðan berast engar fréttir úr herbúðum Leiknis. Ég er enn að vona að Daníel Hjaltason snúi heim frá Víking og einnig væri gott að fá týnda soninn, Rúnar Kristinsson, heim frá Belgíu.

Óli Njáll  11:34| link ------------------

26.10.04

Furðulegar hugmyndir

Stundum fær fólk hugmyndir sem ná ekki nokkurri átt. Ég hlæ að því.

Óli Njáll  11:18| link ------------------

25.10.04

Hinn nýi skólastjóri

Þá er það ljóst að Sölvi Sveinsson verður næsti skólastjóri Verzlunarskóla Íslands. Því fagna ég heilshugar enda aðrir kostir í stöðunni ekki vænlegir. Um Sölva veit ég þó mest lítið og hef aldrei hitt manninn. Það stendur væntanlega til bóta.

Óli Njáll  13:28| link

Helgarspjallið

Hvað skyldi nú hafa drifið á daga Njallans þessa helgina? Hápunkturinn sennilega gott djamm á föstudaginn þar sem sagnfræðinemar komu saman og riðu húsum í miðborg Reykjavíkur. Hvað Björn Ólafsson afrekaði þetta kvöld verður ekki upplýst hér en hins vegar skal það lýðum ljóst að Jón Skapti var steindauður á Celtic um miðnætið.

Knattspyrnulega séð var þessi helgi upp og ofan. Liverpool sýndi meistaratakta og tók Hemma og félaga í bakaríið. (ég fór líka í bakarí um helgina, fékk ég þar brauð og snúð). I sunnudagsboltanum gat mitt lið ekki skít og stórtap staðreynd. Allt er þetta því að kenna að mínir fúllyktandi skór eru ónýtir og eru fætur mínir illa þjakaðir af þeim sökum.
En hattrick liðið mitt, Mumbai Maestro, vann góðan 4-1 útisigur gegn Stormi. Það er nú ekki leiðinlegt og ts nú paradise on earth.

I morgun var ég svo vaknaður snemma og mættur á BJB pústverkstæði um klukkan 8. Djöfull voru þeir snöggir að rífa pústið undan og skella nýju í staðinn. Nú þarf ég bara að spjalla við Valla bifvélavirkja, skipta um bremsudisk vinstra megin að framan (og væntanlega klossann líka) og losa um handbremsuna sem lætur öllum illum látum um þessar mundir og heldur hægra afturdekkinu í gíslingu. Spurning um að kíkja líka á kertin, eldsneytiseyðslan er kominn út fyrir allan þjófabálk.

Hér er tómlegt eftir að Bara kvaddi...






Óli Njáll  10:06| link

Náinn vinur fallinn frá

Ástækær gullfiskur okkar, Bara, til heimilis í Trévatni, Kaplaskjólsvegi 51, Reykjavík, andaðist á heimili sínu laugardaginn 23. október. Jarðarförin fór fram í kyrrþey.

Óli Njáll Ingólfsson
Sunna Mímisdóttir

Óli Njáll  01:08| link ------------------