19.8.04

Loksins, loksins

Í gær skrifaði ég loks undir kaupsamning á nýju íbúðinni minni. Ekki seinna að vænta enda aðeins tvær vikur í afhendingu. Mjög gott mál þar á ferðinni. Nú á ég því aðeins steypu, enga peninga sem er gott enda er steypa mun gagnlegri en pappírsbleðlar.

Stundataflan mín fyrir veturinn í Verzló er kominn. Hún er ágæt, sérstaklega eftir að mér tókst að breyta tvöfalda sögutímanum sem upphaflega átti að vera klukkan hálf þrjú á miðvikudögum.

Durham getur ekkert í krikket fremur en vanalega, nú er það Essex sem fer illa með okkur. Guði sé lof fyrir rigninguna.

Danskir dagar voru fínir á Stykkishólmi um helgina. Ég fór ekki Vini vors og blóma og keypti heldur fátt á útimarkaðnum og svo sannarlega ekkert á uppboði lionsmanna. Drakk smá bjór, það er nú alltaf ágætt.

Óli Njáll  12:38| link ------------------