12.8.04

Ætlar þetta engan endi að taka?

Já, ég reyni ekki að vinna í dag. Ég er bara úti og verð áfram úti í dag.

Þetta er augljóslega vita gagnslaus færsla þar sem flestir aðrir eru væntanlega líka úti.

Óli Njáll  13:35| link

Sagan endalausa

Jæja, fór sjálfur niður í Íbúðalánasjóð í morgun. Viðmælandi minn þar var hinn almennilegasti maður og eftir stutt spjall er málið komið í réttan farveg. Allavega um sinn, ég hef fulla trú á að þeir finni stafsetningarvillu í kauptilboðinu og hafni umsókninni af þeim sökum.

Í gærkveldi var svo háður lítill krikketleikur milli Kylfunnar og AsiansXI. Skemmst er frá því að segja að Kylfan var tekin í bakaríið og þá aðallega af Samma ofurkrikketara. Óli Njáll á hinn bóginn var fálki en eitt wicket bjargaði deginum fyirr hann.
Skemmtileg uppákoma þegar ég tjáði Benna að við hefðum selt hann til Indverjanna fyrir leikinn. Sammi var fljótur að breyta því í Asians enda sjálfur frá Pakistan. Var að spá í að spyrja hann um álit hans á Kashmir í framhaldinu.

Og auðvitað bakaði Ponting Durham í gær. Ljóst að Durham verður enn eitt árið í 2. deild.

Óli Njáll  10:21| link ------------------

11.8.04

Erfiðir tímar

Þetta er gersamlega ómögulegt. Gula ógeðið brennir mann lifandi innan dyra. Ég er farinn út.

Verið þið sæl þið ógæfufólk sem ætlið að skoða blogg það sem eftir er dags.

Óli Njáll  14:20| link

ÍLS, ekki meir, ekki meir

Og ég sem hélt í barnslegri einfeldni minni að vandræði vegna Íbúðalánasjóðs væru búin. Ó nei heldur betur ekki. ÍLS hefur nú tekið þá ákvörðun að hafna umsókn minni (aftur), að þessu sinni því eigið fé skráð í greiðslumati er lægra en það fé sem ég hyggst greiða fyrir íbúðina næsta hálfa árið eða svo. Ekki virðist skipta máli að greiðslumat mitt sýnir að ég geti greitt öll mín íbúðalán mjög skilmerkilega heldur hefur íls miklar áhyggjur af því að ég sé fáviti sem hafi bara ákveðið að kaupa íbúð sem ég á enga fræðilega möguleika á að borga fyrir.

Þessu gátu hinir ágætu starfsmenn í íbúðalánasjóði þó ekki spítt út úr sér síðast þegar þeir höfnuðu umsókn minni.

Ég held ég þurfi að líta þarna við á eftir og vera með vesen.

Ef það gengur ekki þá bið ég Stefán Pálsson hér með um að koma með mér í nótt og brenna helvítis báknið.

Óli Njáll  09:20| link ------------------

10.8.04

Brjálæði

Þetta veður er farið að minna óþyrmilega á hitabylgjuna sem við Kerry lentum eitt sinn í í Nam. Hér er þó ekki jafn mikið af skordýrum.

Óli Njáll  14:01| link

Undur veraldar

Ekki gat ég með nokkru móti skilið hvers vegna eitt kertið þaut út á miðja tjörn í gær meðan öll önnur létu fara makindalega um sig upp við bakkann meðan á kertafleytingarathöfn stóð.

Þegar líða tók á kvöldið fóru 4 til viðbótar út á miðja tjörn og eitt strandaði á litla hólmanum.

Góð athöfn enda voru þarna mættir margir góðir menn (og konur). Einnig var Þórir á svæðinu.

Hér eru tenglar í færslunni, það heyrir til tíðinda.

Óli Njáll  09:41| link

Kerry

Ég kynntist John Kerry ágætlega meðan við dvöldum saman í Víetnam. Ég get því staðfest að hann er jafn leiðinlegur og hann lítur út fyrir að vera.

Og svo er tómatsósan hans vond. Lengi lifi Hunts.


Óli Njáll  09:36| link ------------------