17.4.04

Ljósið í myrkrinu

Tímabilið byrjaði alveg ömurlega í gær þegar Durham var bowlað út fyrir 128 gegn Hampshire. Ekki það að maður var alveg undir það búinn að Durham menn myndu lenda í vandræðum með Shane Warne en sú staðreynd að það voru hinir bowlerarnir sem tóku flest wicketin er virkilega að pirra mig. Hjá Durham var aðeins einn ljós punktur sem voru 49 hlaup hins síefnilega Nicky Peng. Menn á borð við JJB Lewis og Marcus North voru hins vegar vonbrigði. Ekki gekk bowlingið hjá Durham heldur neitt alltof vel í gær.195/5 var lokastaðan og djöfulsins Ástralinn Clarke enn að batta. En núna virðist allt vera á uppleið, ekki það að leikurinn er sennilega skíttapaður en hins vegar hafa Durham menn náð að koma Hampshire í 216/9 og er það að þakka þeim Plunkett og Davies sem eru í miklum ham. (Uppfært, Davies tók síðasta wicketið og endar með 53/6, frábær frammistaða). Þannig að eftir 1 innings munar aðeins 93 hlaupum á liðunum. Já, Marcus North nú legg ég allt mitt traust á þig. Þú verður, já þú verður að redda þessu.

Í gærkveldi mætti ég í partý á Dillon og var þar samankomið merkilega mikið af fólki sem ég þekkti hvorki haus né sporð á. Þar var þó mættur Finnbogi túbuleikari, snillingur og umfram allt krikketgúrú. Alltaf gaman að hitta fólk sem maður býst ekki við að sjá. DJ kvöldsins fær góða einkunn fyrir lagaval en var þó full hátt stilltur fyrir minn smekk. Og það besta er, ég er ekki vitund þunnur í dag.
Óli Njáll  10:49| link ------------------

15.4.04

Niðurstaða

Niðurstaða er fengin í hinar slæmu leikaravangaveltur. Ég er nauðalíkur Jude Law en ekki Matthew Lillard. Þessar niðurstöður eru samdóma álit æðstaráðs hinna mætustu manna.
Óli Njáll  15:57| link

HRaðaprófagleði

Hraðapróf eru þægilegasti hlutur sem til er í tölvukennslu. Þá þarf ég nefnilega ekki að gera neitt:)
Óli Njáll  10:54| link ------------------

14.4.04

Ég og leikararnir

Að undanförnu hafa nemendur haft gaman af því að finna tvífara mína. Meðal þeirra eru víst bæði leikararnir Jude Law og Matthew Lillard. Þetta þykir mér merkilegt enda þessir tveir leikarar ekkert líkir að mínu mati. Ég vona þó að ef annað hvort á við rök að styðjast þá líkist ég frekar Jude Law.
Óli Njáll  13:47| link

Um landafundi

Landafundirnir voru kenndir í morgun. Oft hef ég nú átt betri spretti í kennslustofunni.

Í næstu viku er víst peysufatadagur Verzló. Það verður nú gaman og verð ég þar enda er ég ofurumsjónarkennari þennan veturinn.


Mikilvægar spurningar:

Hví lætur byltingin bíða eftir sér?

Hvað á ég að borða núna?
Óli Njáll  10:43| link ------------------

13.4.04

Á bókhlöðunni

Alveg merkilegt hversu mikið magn af furðulegu fólki leynist á bókhlöðunni, með furðulegu fólki á ég við furðulegu í útliti. T.d. fólk sem klæðir sig eins og það sé litblindara en Þórir Hrafn Gunnarsson, eða fötum sem engan veginn passa miðað við stærð, fólk sem hefur ekki uppgötvað að til er stétt manna sem klippir hár þannig að maður þarf ekki að gera það sjálfur, stelpur sem virðast hafa málað sig meðan þær engdust um í flogakasti, fólk sem virðist ekki hafa farið í bað svo vikum skiptir og svo mætti lengi telja. Já, svona leið mér líka eitt sinn er ég kíkti inn í mh. Merkilegt.
Óli Njáll  16:27| link

Samanburðarstjórnmál

Ótrúlegt en satt þá er Óli Njáll Ingólfsson mættur á Bókhlöðuna og farinn að lesa heimildir fyrir ritgerð. Já, ævintýrin enn gerast.

Brian Lara setti heimsmet í gær og Indverjar eru vondir við Pakistana. Þetta eru fréttirnar úr krikketheiminum. Öllu áhugaverðari fréttir eru þær að enska county cricketið hefst á föstudaginn. Mitt lið Durham hefur leikinn gegn Hampshire en í því liði eru m.a. Shane Warne og Michael Clarke. Því miður verður enginn Shoaib í liði Durham né Herchelle Gibbs. En MArcus North verður þarna og mun gera góða hluti. Já, við verðum að vinna þennan leik til að komast af stað. Gaman að því.
Óli Njáll  12:58| link ------------------

11.4.04

Páskar

Þeir eru í dag og ég fékk páskaegg. Það var gott. Verst að ég er svoldið lasinn ennþá en það batnar vonandi fljótlega.

Hattrick í kvöld, ég er sennilega að fara að tapa enn og aftur:(

Sugababes voru flottar, sérstaklega Heidi.

Svínakjöt í gær og svo partý hjá Tona. Fínt mál.
Óli Njáll  14:24| link ------------------