27.3.04

Powervika framundan

Já, hátt í 40 kennslustundir framundan í næstu viku. Alls 4 pensúm í sögu og stjórnmálafræði að auki. Ég verð óviðræðuhæfur næstu daga. En núna er það Argentína. Ó, já, alvöru matur þar sko. Gott mál.
Óli Njáll  18:58| link

Have you been to Gullfoss and Geysir?

Gott djamm í gær með sagnfræðinemum. Borgarskjalasafn er áhugaverður staður og eflaust á maðru eftir að kíkja þangað aftur. Annars þá héldum við á Viktor eftir vísó og náðist ágætis steming í mannskapinn þrátt fyrir arman stað. Ódýr bjór er vissulega kostur. Blöðruðum um eitt og annað, jú vissulega töluvert um Gettu betur og fyrir tilstilli Sunnu og Hilmu var töluvert rætt um sæta stráka í gettu betur. Það er nú hið besta mál. Svo kom að þeim tímapunkti að við Silli sáum útlendinga á næsta borði. Við erum ákaflega gestrisnir við fólk frá fjarlægum slóðum.

Kom í ljós að þetta voru kanar og þeir hötuðu Bush, fíluðu Magic Johnson en höfðu ekki heyrt um Pétur Guðmundsson og ekki heldur Jón Arnór Stefánsson, þeir vissu hvað handbolti var en einn þeirra hélt reyndar að handbolti væri spilaður með veggjum, allir þekktu þeir Eið Guðjónsen en voru ekki búnir að fara og sjá Gullfoss og Geysi en það stóð til bóta, þeir voru ekki hrifnir af viking bjór og fannst fyndið að heyra um the icelandic government tobacco and wine store. Við sögðum þeim einnig að blue lagoon væri prump og mikið betra að fara bara í sund. Já, bræðurnir Óli Njáll og Sigurlaugur Ingólfssynir kunna að taka á móti erlendum gestum.

Við héldum loks til móts við Jesú á Ara í Ögri. Vúhú, furðuleg manneskja spurði mig í upp úr þurru hvort ég væri með nýrnasteina og fór svo að tala um ógnvekjandi augnaráð hjá sjálfri sér. Hjálp!!! Ég finnst pikkuplínur sem innihalda nýrnasteina ekki jákvæðar. Þegar ég kom loks heima var Sunna steindauð þar. Mikið stuð.
Óli Njáll  10:15| link ------------------

26.3.04

Hvar á maðurinn heima?

Ég er ekki frá því að í dag hafi hann verið gersamlega heimilislaus og nú er bara að vona að í Hannesi H. Gissuararsyni leynist hinn miskunnsami Samverji. Ég verð að játa að ég hef talið mínar líkur betri, einhvern tímann.
Óli Njáll  16:45| link ------------------

25.3.04

Um fóstureyðingar

Ekki get ég nú sagt annað en skoðanir mínar og Hannesar Gissuararsonar fara ekki saman í þeim efnum. En það er svo sem ekkert merkilegt, við erum ekki sammála um margt.

Nemendur voru áðan að skoða myndir af mér, guði sé lof að þeir sjá ekki síðustu djammmyndir. *(já, þarna eru 3 m í röð)
Óli Njáll  11:48| link ------------------

24.3.04

20000kr

Já, skattmann hyggst rukka mig um þá upphæð og rúmlega það á haustmánuðum, skv. útreikningi þegar ég skilaði skattframtalinu áðan. Þar af er 5500 kall í svokallaðan framkvæmdasjóð aldraðra. Það sér það hver heilvita maður að það er rangnefni enda væri landið troðfullt af elliheimilum ef þessir peningar rynnu til þeirra verkefna sem þeir eru eyrnamerktir.

Sumir halda að tölur sem þessar eigi að vera leyndarmál. Það er rangt. Ég lýsi því glaður yfir hvað skattmann ætlar að rukka mig um. Jafnframt gef ég það hér upp að heildarlaun mín á síðasta ári voru 1.227.684 krónur fyrir skatta og gjöld. Allar launatölur eiga að vera opinberar og öllum aðgengilegar. Hægri menn sem halda öðru fram eru einvörðungu að reyna að fela skattsvik sín og skoðanabræðra sinna.
Óli Njáll  20:22| link

Lestur

Þessa vikuna er mikið að gera. Erfitt námsprógram. Á föstudag skal nefnilega mætt í tímaritgerð hjá Hannesi H. Gissurarsyni. Ég er þegar búinn að lesa mest allt efnið. Það er mjög jákvætt. Þarf bara að lesa aðeins í seinni bókinni og svo glósur.

Dr. Jóhann M. Hauksson heimtar skil á verkefnum líka á föstudag. Mál þar standa ekki jafnvel enda ég ekki byrjaður. Það stendur þó allt til bóta. Reyni sennilega að gera þetta í kvöld.

Ég var ótrúlega hagsýnn áðan og keypti brauð og álegg og smurði í frystinn. Keypti einnig mjólkurvörur og ávaxtadrykki. Nú er nóg til af matvælum á Hofsvallagötunni. Svo eigum við líka þetta fína múslí frá mömmu. Matarbirgðir sjaldan staðið jafn vel. Ég er undirbúinn fyrir fimbulvetur.

Verzló - Hraðbraut á morgun: Ég lít upp úr Hannesi til að kíkja þangað. Úrslitin engin spurning, bara gaman að sjá Verzló á sigurbraut.
Óli Njáll  14:33| link ------------------