12.3.04

Draumadráttur

Það verður skemmtilegt að sjá Verzló keppa til úrslita í ár í Gettu betur. Já, segi og skrifa, keppa til úrslita. Til að tapa á móti Hraðbraut þyrfti eitthvað stórslys að gerast, það lið er einfaldlega alltof lélegt til að vera í 4 liða úrslitum, sennilega 7. besta liðið af þeim 8 sem komust í sjónvarp og veikari en sum lið er duttu út í útvarpinu. Jamm, sorry Stebbi og Silli, þetta er ekkert persónulegt gegn ykkur:)

mr móti Borgó verður hins vegar æðisleg keppni. Miðað við frammistöðu liðanna í 8liða úrslitum þá eru Borghiltingar engu síðri og jafnvel betri en mringar. Hins vegar hefur það oft gerst í sögunni að aðrir skólar hafi haft jafn góð ef ekki betri lið en mr, en þá hefur mr-heppnin alltaf bjargað þeim. Spurning hvorn hún sé enn með þeim, ef ekki þá bíður þeirra þungur róður.

Keppnin í kvöld, hún var sæmileg. Ég hálf vorkenndi Kópavogsstrákunum, þeir voru með sæmilegt lið en áttu bara aldrei möguleika gegn ógnargóðu liði Borghyltinga.
Óli Njáll  00:21| link ------------------

11.3.04

Ógurleg tímaeyðsla

Í gærkveldi skellti ég mér út á seltjarnarnes og horfði á hundlélega Valsmenn tapa fyrir Gróttu. Það var sorglegt á þetta að horfa. Grótta er samansafn af skítaleikmönnum með hálfvita sem þjálfara. Valsmenn voru hins vegar á einhvern óskiljanlegan hátt enn lélegri en þeir í gær og leyfðu m.a. markverði Gróttu, sem er alger álfur, að verja ca. 20 skot í leiknum.
Dómarar leiksins voru æði undarlegir og ekki mikið vit í þeirra dómum. Ekki það að Valsara klúðruðu þessu alveg sjálfir en dómararnir hjálpuðu nú ekki til.

HVers vegna er ég kominn með kvefflensu núna? Það er ekki gaman og mig langar heim að sofa.
Óli Njáll  10:03| link ------------------

10.3.04

Skemmtun í hæsta gæðaflokki

Í gærkvöldi var glápt á imbann, sýn í gangi og þar var Man.utd á móti Portó. Að sjá Portó skora á síðustu mínútunni var æðislegt. Jafnvel enn skemmtilegra var að Björn Ólafsson var staddur í heimsókn en sá er mikill unitedmaður. Annars er alltaf fínt að horfa á bolta á þriðjudegi með bjór í hönd, góð úrslit eru aukaatriði.
Í dag er nóg að gera hjá mér. Ég ætti kannski að vinda mér strax í verkefni dagsins.

Óli Njáll  10:04| link ------------------