27.2.04

Leiðindi

Djöfulsins nöldur keppni var milli mh og mr í gærkvöldi. Og hvaða andskotans skrípaleikur var þetta? Að mæta í búningum og með lélegan hatt brandara. Takk guð fyrir að láta þetta lið tapa. Sorglegast fannst mér þó hvað mringarnir voru ósannfærandi enda áttu þeir að vinna þessa keppni með miklu meiri mun.
Annars var fullt af jákvæðum hlutum í þessari keppni, s.s. steiktasta og langsóttasta spurning í langan tíma um Jónatan og einnig spurning um hinn kynngimagnaða Skötufjörð en þangað geta allir góðir menn rakið uppruna sinn. Sömuleiðis gladdi það mjög mitt litla hjarta að sjá gamla átrúnaðargoð mitt frá yngri árum, Van Damme, í lokaspurningunni.
Annars fannst mér Stefán gera stór mistök með því að gefa mh stig fyrir Metúsalem. Hann hefði fremur átt að halda sig við mjög gott fordæmi Svenna frá því í fyrra með "að hann væri dómarinn og hann verður að heyra svarið". Það er nú einu sinni þannig að fólk verður að tala skiljanlega í svona keppni og þetta var mjög óskýrt svar, reyndar alveg eins og Pétur Gunnarsson hjá mringum. T.d. horfði ég tvisvar á þetta og er sannfærður um að það sem stúlkan sagði var eitthvað bull sem byrjaði á B. Spurning hvort skýra megi þetta með hræðslu við að vera bendlaður við það að hygla mr.
Annars er alveg sorglegt að sjá hvað keppendur voru tómir í kolli þegar kom að íþróttaspurningum, en af þeim mætti einmitt gjarnan vera meira.
En næsta keppni er málið. Ljóst að ég er að fara upp á Skaga að fylgjast með mínum mönnum, ekki að það verði spennandi, Verzló rústar þessu.
Óli Njáll  16:33| link ------------------

26.2.04

Um þrennuna

Það er merkileg staðreynd að því meira sem maður spilar hattrick þeim mun meira gaman hefur maður af þessum leik. Þetta er nefnilega einhver besti leikur í heimi. Þess má einmitt geta að liðið mitt, Mumbai Maestro, sigraði sína deild iii.13 núna í síðasta seasoni og verður því í deild ii.2 á því næsta.

Þetta blogg vakti eflaust áhuga voðalega fárra:(
Óli Njáll  12:54| link

Boltakvöld

Góðir menn skemmtu sér ágætlega við það að glápa á meistaradeildina í gærkvöldi á Hofsvallagötu 23. Megin ástæðan fyrir gleðinni var vitanlega sú staðreynd að Man.Utd. tapaði sínum leik gegn Porto. Það þótti öllum jákvætt nema Birni Ólafssyni.

Í dag er síðan önnur keppni átta liða úrslita í Gettu betur. mr vs. mh að þessu sinni og mr mun vinna. Sjaldan sem maður fagnar mr-sigri en á móti mh styð ég alla.
Óli Njáll  09:03| link ------------------

25.2.04

Um grundvöll stjórnmálafræði

Stjórnmálafræði er fag sem gengur út á það að finna út með tölfræði það sem allur almenningur getur sagt sér sjálfur með því að nota almenna skynsemi.
Óli Njáll  12:42| link

Ógurlega skemmtilegt samanburðarstjórnmálafræðiverkefni

Ég er að tapa mér af ánægju við það að púsla saman ritling fyrir kúrsinn hjá honum Indriða. 5 síður og gildir 15%. Þessi ritlingur verður vitanlega seldur hér í gegnum netið og mun kosta 1500 krónur. Efnið er stórskemmtileg og áhugaverð grein Mikko Mattila um kosningaþátttöku í kosningum til Evrópuþingsins.

Í gærkveldi hittist svo elíta krikketklúbbsins Kylfunnar og plottaði aðeins komandi tíð í krikketheiminum. Spennandi tímar framundan þar. Krikket er kúl!!!
Óli Njáll  10:26| link ------------------

24.2.04

Sugababes

Þá er það orðið ljóst að ég er á leiðinni á stuðtónleika Sugababes í Apríl. Það er nú ekki amalegt enda eru Sugababes æðislegar, þó ekki jafn æðislegar og Atomic Kitten sem eins og allir vita er besta hljómsveit í heimi.

Í dag þarf ég að skrifa 5 blaðsíðna ritgerð um 18 síðna stjórnmálafræðigrein. Þetta er alveg afspyrnu lítil vísindi í þessu fagi verð ég að segja. Öll greinin er einhver fjárans aðferðafræðiútreikningur um það hvernig hægt sé að auka kosningaþátttöku í kosningum til Evrópuþingsins. Lokaniðurstaðan úr öllu því tölfræðifargani er svo að ekki sé gáfulegt að hafa kosningar þegar fólk er í sumarfríi og líka sé betra að hafa kosningar um helgar því þá sé færra fólk bundið í vinnu.
Jamm, ég held að maður hefði nú getað sagt sér þetta sjálfur.
Óli Njáll  09:31| link ------------------