8.1.04

Letihaugar í stjórnmálafræði

í gær, þann 7. janúar, rann út frestur Alberts Jónssonar til að skila einkunnum úr Aþjóðastjórnmálum. ekkert bólar þó á einkunnum. Á morgun, þann 9. janúar, rennur út frestur Stefáns Ólafssonar til að skila einkunn minni í Félagsfræði. Ekki býst ég þó við henni þá.

Hvers konar andskotans aumingjar eru þessir kennarar? Geta þeir ekki drullast til að vinna sína vinnu á réttum tíma? Óli Njáll ósáttur.

Í dag fékk ég 2500 króna sekt fyrir að leggja fyrir utan samastað minn í Vesturbænum, gott að vita að löggan hefur næg þörf verkefni eins og þetta. Ef ekki væri, lögum samkvæmt, bannað að bölva opinberum starfsmönnum þá myndi ég skrifa hér að umræddur lögregluþjónn nr. ??? væri andskotans fífl og hálfviti sem réttast væri að kefla hann og berja og troða hans eigin saur upp í kjaftinn á honum. En það ætla ég þó ekki að gera enda löghlýðinn með eindæmum.
Óli Njáll  23:22| link

Sigur

Ekki var nú leiðinlegt að fylgjast með "stórliði" Liverpool leggja Chel$ki að velli í gærkveldi með eins marks mun. Ég man ekki eftir því er við unnum síðast deildarleik á Stafnfurðubryggju þeirra Lundúnarmanna. En leikurinn var reyndar alveg grútleiðinlegur enda spilaði Liverpool ekki fótbolta heldur einvörðungu varnarleik. 3 stig eru þó alltaf 3 stig.

Er ég á leiðinni til andskotans? Nei, en kannski næsta lands við hliðina!
Óli Njáll  08:53| link ------------------

7.1.04

Tilvitnun í frægt verk

Já, áfram skal haldið með bókmenntirnar nú þó í flokki fagurbókmennta, fólk má senda mér tölvupóst ef það kannast við þessa tilvitnun:

"Ég var kanski full neikvæður í garð Færeyinganna hér um daginn. Ég var bara fúll yfir þessum tölvupóstnaugunum Bláa Krossins, sem að mínu mati eru samtök frá helvíti. Þetta eru örugglega bestu skinn þessir algerlega óþróuðu og ósjálfbjarga frændur okkar í suðrinu. Baldur er greinilega hrifinn af þessum BK samtökum og farinn að lesa stefnuskránna. Ég verð bara að viðurkenna að ég skil hana ekki, ég tala nefnilega ekki útlensku. Það væri gott ef Baldur myndi þýða hana yfir á skiljanlegt mál þó ekki væri nema undarleg orð eins og rúsdekka sem í mínum eyrum hljómar eins og stytting á rússneskum skriðdreka."

Ég skal jafnvel gefa verðlaun.

Óli Njáll  12:41| link

Fróðleiksmoli dagsins

Svo hljóðar hann: "Fyrir upplýsingaöld, á því skeiði, sem nefnt er lærdómsöld, var sagnaritun Íslendinga fábreyttari en gerðist með flestum grannþjóðum. Má að nokkru leyti rekja það til félagslegra aðstæðna. Var því mikið svigrúm fyrir nýjungar í sagnfræðiiðkun landsmanna, en vegna ytri aðstæðna var þess þó ekki að vænta, að hún gæti orðið mjög fjölbreytt á upplýsingaöld. "

Áhugasamir mega svo giska hver er höfundur þessa texta, sagnfræðimenntaðir menn sem og aðrir aðdáendur Inga Sigurðssonar mega þó ekki taka þátt.
Óli Njáll  12:31| link ------------------

6.1.04

Gettu betur dráttur

Alveg skelfilega leiðinlegur dráttur í fyrstu umferð keppninnar að þessu sinni. Öll sómasamleg lið munu komast áfram. Hálf sorglegt að horfa upp á Stefán Pálsson túlka viðureignir Iðnskólans í Hafnarfirði vs Flensborg og MS vs Verkmenntaskóli Austurlands sem merkilegar viðureignir. IH hefur aldrei getað rassgat og ekki Verkmenntaskóli Austurlands heldur þó að þeir hafi komist í undanúrslit á lélegasta Gettubetur ári sögunnar. Flensborg og MS vinna þessar viðureignir stórt. Og jamm, Verzló bakar Iðnskólann í Reykjavík. Ekki spurning.
Óli Njáll  09:43| link ------------------

4.1.04

Partý í dag

Nú stendur sko yfir bakstur á Hofsvallagötu 23 enda von á fjölskyldunum alræmdu í öllu sínu veldi í kökuammæli á eftir. Ég þreif baðherbergið, það er tvímællaust skemmtilegasta hreinsunarverk allra tíma enda í raun mjög auðunnið verk þótt mörgum standi einhver stuggur af því að óhreinka hendur sínar á slíkum þrifum. Annars er nokkuð hreinlegt um að litast hér núna þótt eftir eigi að ryksuga og þurka af. Ætli ég sjái ekki um það líka.

ps. Bara biður að heilsa öllum, sérstaklega þeim sem eru góðir í vélritun.
Óli Njáll  13:29| link ------------------