13.12.03

Varla heill né hálfur maður

Þetta er hálf furðuleg tilfinning sem kemur yfir mann við lestur frétta um andlát Keiko háhyrnings. Ég sakna hans nú þegar. Helvítis Norðmennirnir voru ekki lengi að drepa hann. Dánarorsök er vitanlega engin lungnabólga, slíkt er bara yfirskin þar sem Keiko dó úr leiðindum umkringdur Norðmönnum. Já, það verður ekki keypt neitt Maarud snakk og Toro sósur á þessum bænum framar!!!
Óli Njáll  11:44| link ------------------

12.12.03

Framhaldið

Mér líkar ekkert betur við Max Weber nú en ég gerði í morgun. Og nú er bara einn og hálfur tími í prófið. Það hlýtur að teljast slæmt. Ég treysti enn á Karl Marx og Emile Durkheim.
Óli Njáll  11:55| link

Morgunraunir

Bölvaður sé hinn armi þrjótur og þræll, Max Weber. Tvímælalaust með þeim leiðinlegri í félagsfræðinni. Má ég þá heldur kjósa Karl Marx og Emile Durkheim.
Eg er svoldið þreyttur núna en mun samt halda baráttunni áfram...
Óli Njáll  09:07| link ------------------

11.12.03

Bróðir minn

Eins og allir aðrir á landinu er ég búinn að lesa blogg Togga pop um bróður sinn. Þetta er saga sem snertir mann enda mjög einlæg og opinská, þarf töluverðan kjark til að skrifa svona fyrir almenning. En hann gerir þetta virkilega vel, alveg frábær penni. Þarf ekkert að benda fólki á að lesa þetta, það eru allir búnir að því.
Bróðir minn á hinn bóginn, hann er ekki geðveikur, hefur aldrei klesst á lögreglubíl, drepið mann eða á annan hátt brotið lögin alvarlega. Mér líkar samt alveg ágætlega við hann.

Ég þoli ekki: Fólk sem þarf umhugsunartíma í röðinni á Bæjarins Bestu. Kannski vöruúrvalið sé eitthvað fjölbreyttara en ég hef hingað til haldið.

Óli Njáll  09:29| link ------------------

9.12.03

Burgeisinn

Ég hef komist að því að ég þekki burgeisa mikinn. Sá sankar nú að sér íbúðum í öllum hverfum borgarinnar og æðir svo bara til útlanda. Jamm, ekki væri amalegt að vera svona efnaður. Ég húki hér bara í íbúð minnar frúar, það er samt ekkert slæmt. Ég vil þó taka fram að þótt ég húki þá er ég ekki púki.

Einnig vil ég taka fram að Glósu-Jón verður fljótlega nágranni minn í Vesturbænum. Já, hingað safnast góðir menn.
Óli Njáll  21:50| link

Um heimsku og vitleysu

Heiðurslaun listamanna eru fáránlegur hlutur, það er ekki neitt vitrænt við slík laun. Að verðlauna það fólk sem gengið hefur vel á sínum ferli, oftast hefur þetta fólk haft vel upp úr því að iðka sína listgrein. Hugmyndin að gefa skattfé almennings til þeirra sem hafa það gott er einfaldlega gersamlega út í hött. Styrkir til menningarmála eiga fremur að beinast að styrkja þá sem eru að hefja sinn feril, reyna að gefa út fyrstu plötu, skrifa fyrstu bækur sínar o.s.frv. Peningum sem dælt er í gamalt útbrunnið fólk sem ekkert skortir eru vitagagnslausir. Þeir skila sér engan veginn til baka. Að styðja við bakið á upprennandi listamönnum getur hins vegar reynst hin gáfulegasta fjárfesting.

Rök fyrir því að verðlauna svona ellismelli með mínum skattpeningum eru engin, það er engan veginn verjandi að sóa peningum í svona gæluverkefni þar sem meðlimir menntamálanefndar fá að útnefna sín átrúnaðargoð og bera á þau fé. Eigum við þá ekki bara einnig að verðlauna Guðna Bergs og Jolla fyrir að góða frammistöðu í boltanum

Óli Njáll  10:29| link ------------------