Prófin nálgast
Já, síðasta kennsluvika runnin upp í háskólanum og veðrið svarar því með jólasnjó sem kyngir niður í þessum skrifuðum orðum. Ég er alfarið á móti jólasnjó þar sem hann leggst á götur bæjarins og hægir á öllum ferðum mínum. Sérstaklega þegar haldið er heim í Breiðholtið en í svona tíðarfari tekur sú leið um hálftíma eða svo. En það er ekki ætlunin að ræða um snjóinn þótt leiðinlegur sé.
Ég mætti í félagsfræði áðan, hlýddi á fyrirlestur og spjallaði við gott fólk um kúrsinn. Komst ég eiginlega að því að ég er í stórgóðum málum í þessum félagsfræðum öllum saman og hef nú litlar áhyggjur af honum. Einnig er aðferðafræðin í góðum farvegi en hinir tveir kúrsarnir mínir öllu óljósari. Alþjóðastjórnmál Berta ku vera nokkuð auðveldur ef maður les vel allar fáanlegar glósur. Tíðni sjálfsvígi ku hins vegar vera allhá hjá þeim er hætta sér í lesefnið. Það er því spurning hvort það sé fórnarkostnaður sem maður er til í að greiða. Ég hef enga löngun í að deyja strax þannig að lestur minn í því fagi mun miðast við glósur og lifa sæll og glaður það sem eftir er. Inngangurinn er leiðindafag og það í ýmsum skilningi. Þar gæti maður jafnvel haldið að Ingi Sigurðsson hefði gert lesefnislistann en lesefnið er dreift út um allar þorpagrundir, fullt af bókum og hefti líka. Þetta er nú meiri vitleysan. Ég mun samt lesa stóran hluta af því enda nægur tími til að lesa undir það próf er fram fer 19. desember.
Í kvöld þarf ég að fara yfir 25 excelskyndipróf hjá 3-G. Það eru eintóm leiðindi, kannski maður noti bara RANDOM fallið í excel og klári þetta á 1 mínútu....
Óli Njáll 15:22| link
Svikahrappurinn mikli
Já, svikari helgarinnar er hér með útnefndur Brjánn Guðni Bjarnason, víkingur og ofurillmenni. Hann veit upp á sig skömmina!!!
Ég fór á minn fyrsta handboltaleik í vetur, Vikingur Valur, á laugardaginn. Hefði betur sleppt því þar sem mínir menn voru líkt og hauslausir hundar og gerðu þar af leiðandi fátt af viti í leiknum. Stórtap og niðurlæging þar. En jæja, við erum samt í ágætum málum í deildinni.
Óli Njáll 11:13| link
------------------
