1.11.03

fokk
Orðinn of seinn í spinning, best að hendast af stað og fara á hlaupabretti eða eitthvað í staðinn.
Minni fólk á Ásgeir Jóhannesson sem er nýlegur bloggari. Ásgeir þessi er drengur góður og gamall vinur minn úr Verzló. Engu að síður er hann hið mesta illmenni þegar kemur að stjórnmálum:)
Óli Njáll  10:38| link

Tonabíó og skemmtikvöld
Í gærkveldi var haldið í Tonabíó á Vesturgötu 53 en þar er sem kunnugt er besta bíóhús landsins. Toni húsvörður var í stuði og bauð upp á kók og snakk með hinni svaðalega góðu mynd, Final Fantasy. Ok, hún er ekki góð en það má hafa gaman af henni. Salurinn var nokkuð þéttsetinn enda alls 4 í salnum að húsverði meðtöldum. Ansi gott að taka svona rólegan föstudag til tilbreytingar.
Á heimleiðinni röltum við Sunna svo á skemmtikvöld UVG sem var í rénun. Einhver armur rappari var þar á fullu og sökkaði feitt. Ekkert persónulegt, bara blákalt mat á raunveruleikanum. Annars var þarna margt góðra manna og alltof langt að telja þá alla upp. Einnig var eitthvað magn af furðulegu liði sem ég þekki ekki, sumt dansaði og fór í fimleika án nokkurrar sýnilegrar ástæðu. Vonandi er þetta ekki það sem koma skal.
Óli Njáll  10:14| link ------------------

31.10.03

Helvítis víkingur
Afskaplega er mér illa við Víkinga í dag. Að reyna að ræna góðum og gildum Leiknisleikmönnum er bara illmennska. Megi þeir allir brenna!!!
Óli Njáll  14:16| link ------------------

30.10.03

Vetrarfríið hafið
Nú er hafið hið kynngimagnaða vetrarfrí Verzlunarskólans. Þetta er náttúrulega algjör bölvuð vitleysa að hefja kennslu fyrr á sumrin til þess eins að fá eina langa helgi í nóvember. En svona er þetta nú og um að gera að njóta vetrarfrísins. Og þá er spurningin hvað skal gert við tímann? Ég ætla allavega að koma mér í skálaferð Fróða á laugardaginn. Það verður svalt. Sami áfangastaður og í fyrra(reyndar var það í ár, bara á síðustu önn). Síðast var mikið drukkið, sungið og hlaupið undan áreitni. Ég er alveg til í að sleppa einu af þessum atriðum, einnig veit ég að margir aðrir vonast til að ég muni sleppa söngnum. En augljóslega verð ég nú að taka eitt eða tvö lög. (u.þ.b. 50 síðast).
Einnig ætla ég í spinningtíma á laugardaginn. Jú, víst, ekkert grín!!!
Óli Njáll  16:44| link

Helgi #2
Myndin um Helga var stórskemmtileg enda vart annað hægt en að gera skemmtilega mynd um jafn magnaðan karakter og Helga Hóseasson. Myndin var þó alls ekki gallalaus og mér fannst vanta inn í hana nokkra staðreyndamola svona eins og til dæmis um uppruna Helga og líf að öðru leyti. En ég skemmti mér konunglega og best að enda þetta á tilvitnun "Brennið þið kirkur krosslafs draugs"
Óli Njáll  12:31| link ------------------

29.10.03

Helgi
Í kvöld ætla ég að mæta á myndina hennar Þóru um Helga Hóseasson. Það verður eflaust mjög fróðleg og skemmtileg sýning. Ég bíð spenntur.
Annars er það helst að frétta að nú fyrir nokkrum andartökum sporðrenndi ég tveimur maltbrauðssneiðum með skinku og osti. Var sú næring kærkomin eftir smá ferð í Ræktina og Bónus fyrr í dag. Maltbrauðinu skolaði ég svo niður með örfáum sopum af flötu pepsi max. Fyrr í dag slátraði ég líka bévítans flugunni sem hefur verið að gera mig geðveikan að undanförnu. Hún átti því skilið smá úðadót í hættuflokki C. Og já, jamm og yes. Ég skipti um klósettfýluhylki, það kallar maður nú stórafrek.
Lífið er yndislegt, ég geri það sem ég vil(jamm, alveg satt)
Óli Njáll  16:25| link

Champa
Nú er ég loksins aftur farinn að spila Champ 4 og tengist það allt ofurtölvunni hennar Sunnu sem keyrir hann mun hraðar en gamla ræksnið mitt. Tók Newcastle að mér og keypti að sjálfsögðu Kim Kallstrom á fyrsta degi. Svo vann ég Real Madrid á útivelli. Það var nú stórskemmtlegt.
Óli Njáll  11:24| link ------------------

28.10.03

EmbættisÓlar
Merkilegt að ég og nafni minn Gneisti höfum báðir tekið að okkur hlutverk skorar- og deildarfulltrúa. Að vísu í alls oskyldum deildum og skorum.
Óli Njáll  20:50| link

Bíbhljóð í Austurveri
Í gær og í morgun dvaldi ég í nokkra klukkutíma í verslun Nóatúns í Austurveri. Verðkönnun var málið, en slíkt er aukastarf mitt og það í þágu Hagkaups. Einhvern veginn er maður alltaf tengdur þessu fyrirtæki á einn eða annan hátt. Ég er ógeðslega góður í þessu djobbi enda með eina bestu skönnunarhendi sem fyrirfinnst á landinu. Gaman að því. Ókosturinn við starfið er hins vegar að það stuðlar að geðveiki. Í hvert skipti sem vöruliður er skannaður gefur tækið frá sér bíbhljóð. Og þegar maður er búinn að skanna 8000 hluti þá er maður orðinn þreyttur á hljóðinu. Ó, já.
Óli Njáll  15:49| link

Þróttur
Nú í dag heldur frúin í Laugardalinn til að kynna sér knattspyrnuna í Þrótti. Ég horfi á björtu hliðarnar, Þróttur er skömminni skárri klúbbur en kr.
Óli Njáll  10:59| link ------------------

27.10.03

Aulinn ég...
...virðist hafa klúðrað einni spurningu í tölfræðihluta prófsins um daginnn. Það sökkar feitt.
Óli Njáll  22:38| link ------------------