Auma ástandið
Ekki er það gæfulegt þegar vísindaferð er uppbókuð þegar ég mæti á svæðið þrjár mínútur yfir tólf. Eitthvað verulega grunsamlegt við það, en DJ Toni mun redda því með parketpartýi aldarinnar. Þar verur öl bæði á gólfum og borðum. Haha, þessi er voðalega fyndinn en bara fyrir þá sem skilja hann.
Í dag er ég duglegur, þrífa, þvo og rusli henda. Held að það stafi allt af hinni góðu útrás sem við Toni fengum með kúbeinið á Vesturgötunni áðan. Já, kúbein eiga eitt sameiginlegt með krikket (fyrir utan það að byrja á k). Já, bæði kúl.
Óli Njáll 15:39| link
Kommóðan mín
Alveg ótrúlega mikil framkvæmdaglði á Hofsvallagötunni í gær. Reyndar hófst þetta stórundarlega ferli á því að hinn þunglyndi vélritunarkennari keypti þessa líka fögru kommóðu í Rúmfatalagernum um helgina. Björninn var þó ekki unninn heldur var djöfuls verk eftir við að púsla dæminu saman. Tengdapabbi reddaði því þó án þess að blása úr nös enda hinn frægi smiður Sunna honum til aðstoðar. Á meðan þvoði ég þvotta og tók til í eldhúsinu, sem nú er skínandi hreint og fínt.
Núna verður svo loksins hægt að koma þessari íbúð í skikkanlegt form. Það er ekki leiðinlegt.
Kennarar tóku stjórn NFVÍ í bakaríið í hádeginu í gær í hinum árlega knattspyrnuleik þar á milli. Lokatölur 9-4. Má segja að nemendur hafi aldrei átt séns enda stilltu kennarar upp ógnvekjandi byrjunarliði þar sem saman voru komnir Hallur, Brjánn og Róbert sem allir slaga í 2 metrana. Ásamt þeim var fótbrjóturinn ógurlegi, ÉG. Hófst síðan skipuleg yfirvöltun þar sem ágætis harka var við höfð og m.a. felldu sumir andstæðingana inní vítateig og komust upp með það. OK, það var ég:)
Að lokum hafði ég skorað 2 mörk en engan mann meitt alvarlega. Það hlýtur að teljast ásættanlegt.
Óli Njáll 11:00| link
------------------
7.10.03
Afmæli
Jamm, ég átti afmæli í gær. Hélt upp á það með flensu. Góðu fólki verður svo boðið í afmæli síðar.
Óli Njáll 11:49| link
------------------
