19.9.03

Borgarnes
Ég ku vera á leiðinni þangað, samkvæmt nýjustu heimildum. Þó ekki fyrr en á morgun.
ps. Hvað gleður meira hjarta þunglynds vélritunarkennara en ofurgóðir vélritarar 3-G sem nú streyma inn á high score listann? Tja, ég veit um ósköp fátt.
Óli Njáll  15:34| link

Helgi framundan
ÞAð styttist í helgina, hún er eiginlega alveg að fara að byrja. Bjór, bjór og meiri bjór. Ég verð fullur um þessa helgi. Gott.
Óli Njáll  11:53| link

Ellin sækir að
Ég hef komist að því að undanförnu að ég er að eldast. Sést best í fótboltanum. Hef spilað nokkuð mikinn fótbolta að undanförnu og hef komist að því að ég er alltof svifaseinn og varnarmannshæfileikar mínir fara minnkandi. Það er aumt hlutskipti að verða gamall 22 ára.
Óli Njáll  09:24| link ------------------

17.9.03

Stafsetning
Hversu fyndið er að íslenskunemar auglýsi stórum stöfum "Fundr". Útskýrðu þeir það með fornum stafsetningarreglum. Sú gamla regla virtist hins vegar hafa fallið úr gildi þegar kom að því að rita næstu línu fyrir neðan, þar stóð fundur. Jæja, nú vitum við allavega hvers vegna þetta fólk er að læra íslensku, ekki veitir af.
Óli Njáll  14:43| link

Gestur
Góður gestur mætti í Árnagarð í dag. Hafði sá átta fætur og skreið beinustu leið inn í lyftuhúsið. Óttaðist ég fyrst að þarna væri kominn æstur ættingi þess sem ég barði af stofuglugganum um daginn.
Óli Njáll  14:41| link

Meðaltal
Ég gær var mér kennt að reikna meðaltal á háskólastigi. Það var ósköp líkt þeirri aðferð sem mér var kennd á einhverju frumstæðu skólastigi á síðustu öld.
Óli Njáll  14:26| link ------------------

16.9.03

Engin leti lengur
Ekkert bloggað í marga daga, nú verður úr því bætt.
Í gær var góður dagur. Ég sótti ritgerðina mína úr ÍN3 og það var alveg stórskemmtilegt. Eggert Þór Bernharðsson er öðlingur mikill. Aldrei hefur mér gengið jafn vel í ritgerð. Er ég ráfaði um Nýja Garð rakst ég einnig á mikilsvirtan fræðimann sem nýlega hefur safnað alskeggi. Fagna ég því enda eru allir alvöru fræðimenn og þá sérstaklega í sagnfræði skeggmenn miklir. Sönnunargagn: Ingi Sigurðsson.
Einhver sjóður vill úthluta 200000 krónum til fólks sem skrifar lokaverkefni um heilbrigðissögu. Þetta þarfnast nánari athugunar. Ekki væri nú leiðinlegt að fá borgað fyrir b.a. ritgerð.
Regla 2 í umgengnisreglum tölvustofa í Verzló er greinilega flóknari en ég taldi. Óþolandi að þurfa að böggast í fólki langt fram eftir hausti til að fá krakkana til að skilja þessa stuttu og hnitmiðuðu reglu.
Landsfundur UVG á næsta leyti. Ætti maður að skella sér þangað? Ég hugsa um það eftir því sem vikan líður. Ekki hef ég hugmynd um hver niðurstaðan verður.
jamm, meira blogg væntanlegt.
Óli Njáll  11:29| link ------------------