{ Óli Njáll - oli@verzzzzlo.is }

[ Naggur | Pall | Doktor | Múrinn | Anton | Gamalt ]

[ AC/DC | Thors | Smurf | Sverrir | Gneistinn | Kolla ]

[ Nuda Veritas | Kristin | Keflavík | Bendt | Sunna | Greinar ]

4.9.03

3G
Hættið að skoða síðuna mína og farið að læra. Muniið prófið á þriðjudaginn!!!!!
Óli Njáll  11:29| 
link

Knattspyrnuliðið Númi
Númi er áhugavert knattspyrnulið. Eitt af þessum liðum sem birtist allt í einu í þriðju deildinni og nær ágætis árangri. Þannig lið endast þó sjaldnast lengi. Eitt af fáum sem það hefur gert er Léttir sem undanfarin sumur hefur leikið í 2. deild. En fer nú niður í þá þriðju. Númamenn komust alla leið í undanúrslit á sinu fyrsta ári sem hlýtur að teljast ansi gott. Óheppni þeirra náttúrulega að Leiknir var andstæðingurinn og því vita vonlaust fyrir Núma að komast upp. Númi er samt með ágætis leikmenn og þurfa ekki að bæta sig mikið til að geta komist upp á næsta ári. Nokkrir af þeirra leikmönnum þyrftu þó að hemja skap sitt örlítið og hugsa meira um fótboltann en harðar tæklingar og fautaskap.
Mér þætti stórskemmtilegt að sjá Núma fara upp á næsta ári enda áhugamaður um svona litil skrítin fótboltafélög. Mun frekar vil ég sjá Núma fara upp en einhver dreifaralið. Dreifaralið eru öll leiðinleg.
Óli Njáll  09:29| 
link

Fimmtudagur
Jú,
Þórir. Það er fimmtudagur í dag!
Enn viðrar illa til krikketleiks á höfuðborgarsvæðinu. Útlitið er nú ekki gott fyrir helgina. Bangladesh er að standa sig ágætlega enn og aftur gegn Pakistan. Það er svei mér skemmtilegt.
Ég sit nú og eyði 40 mínútna hléi sem re í stundatöflu minni hér í Marmarahöllinni. Er að hugsa um að skrá þennan tíma sem viðtalstíma minn í vetur. Þá geta allir áhugasamir nemendur komið til mín og sagt eitthvað sem þeim liggur á hjarta. Eða foreldrar, mér finnst stórskemmtilegt að spjalla við foreldra. Allavega ef þeir eru í góðu skapi. Ég hef enn ekki lent á svona pirruðu foreldri sem maður hefur heyrt margar slæmar sögur af.
Óli Njáll  09:22| link

Lágnættisblogg
Ég er nokkuð sáttur við daginn í dag. Fór í 3 námskeið, fór á krikketfund og mætti í Ræktina. Djöfuls dugnaður er þetta.
Eins og áður hefur komið fram þá komst
Leiknir upp í 2. deild. Það verður því stuð á næsta ári enda nokkrir skemmtilegir andstæðingar í þeirri deild. Ber þar helst að nefna nágrannaliðið ÍR sem hingað til hefur verið betra liðið í Breiðholtinu. Spurning hvort það mun ekki bara breytast næsta sumar! Einnig verður gaman að mæta Leiftri/Dalvík sökum þess að hinn geðveiki vélritunarkennari er dyggur stuðningsmaður þeirra. Einnig er Ólafsfjörður heimabær hins víðfræga Valla vélritunarmeistara þannig að nauðsyn er að kíkja á útieikinn þar. Annars er helsti ókostur deildarinnar sá að óheyrilegur fjöldi landsbyggðarliða leynist þar. Endalaus dýr ferðalög og langar vegalengdir þannig að maður nennir sjaldan að elta liðið á útileiki. En 9 heimaleikir verða massaðir.
Veðrið er hálfhráslaðalegt hér í vesturbænum núna. Rölti niður á Hofsvallagötu frá Ragga áðan alls um hálfs kílómeters leið. Ekki langt en rigningin var þreytandi. Gott að komast inn.
Áðan áttaði ég mig á því að Valur fálki er einnig hinn víðfrægi og jafnframt ógnvekjandi húsfélagsformaður sem Stefán blogaði ótaloft um á tímabili. Skemmtilegt.
Durham sökkaði í dag, helvítis ástralir hjá Northans. Ég hata þá!!!
Óli Njáll  00:04| link
------------------

3.9.03

2. deild
Ég var ekki búinn að blogga um glæstan sigur Leiknismanna á Núma í roki og rigningu á Tungubökkum í gærkveldi, 1-4. Fyrri leikinn unnum við 3-1 og því samtals 7-2. Það er því ljóst að Leiknir mun leika í 2. deild á næsta ári þar sem strákarnir eiga alla möguleika á að gera góða hluti. Ég gæti ekki verið ánægðari.
Óli Njáll  16:35| 
link

Grunnt er farið
Já, seint verður það sagt um fyrstu tíma mína í stjórnmálafræði að kennararnir fari mjög djúpt í efnið. Sjálftæðisbarátta Íslendinga 1845-1944 á 20 mínútum er nokkuð knappt.
Óli Njáll  14:22| 
link
------------------

2.9.03

Illa gengur
Einhver vandkvæði á publishi núna. Eigi er það gott. Þetta er farið að minna óþyrmilega á upplýsingakerfi Antons Karls...
Óli Njáll  15:43| 
link

Sterílíseruð skurðstofa
Nei, það hugboð reyndist rangt. Þetta er hin nýja kaffistofa í Árnagarði. Þetta er armur staður og ljóst að úr þessu verður að bæta. Ég hef í hyggju að stofna eins máls flokk í stúdentapólitík sem berst fyrir því eina máli að lagfæra kaffistofuna og koma henni í fyrra horf. Mun hann nefnast Kaffistofulistinn. Spurning að berjast þá fyrir einhverjum svipuðum málum í leiðinni svo sem lægri álagningu og bættu vöruúrvali. Kaffistofulistinn mun á engan hátt skipta sér af lánasjóðsmálum eða stúdentagörðum enda eins máls flokkur að eðli og upplagi. Nú er bara málið að safna góðu fólki á lista. Áhugasamir hafi samband við mig!!!
Óli Njáll  14:33| 
link

Sama gamla
Jæja, annar dagur haustannar runninn upp, bjartur og fagur. Sól skín ekki í heiði, heldur hafa hér hrúgast upp rigningar- og óveðursský. Mér líkar vel við svona daga þótt þeir hafi þann leiða ókost að krikketiðkun verður vart við komið, nema þá innanhúss og slíkt kallar á skipulagningu. Áframhaldandi rigningarsuddi út þessa viku samkvæmt glaðværum morgunhana á léttri útvarpsstöð sem ég hlustaði á meðan ég silaðist lúshægt um stræti stórborgar á leið til vinnu í morgunsárið.
Gunnar Helgi ómar um salinn enda tengdur á nýtískulegan hátt með hljóðnemum og alls kyns tækjum og tólum. Eitthvað er þó tæknin að stríða læriföðurnum enda hefur alnetið þann leiða ávana að virka helst aldrei er á þarf að halda. Mér líst vel á þennan mikla mann. Kennarar með skegg hafa alltaf vissan autorítetískan sjarma.
Sjálfur fylgist ég með með öðru eyranu og varla svo mikið. Þessir kynningartímar eru vitagagnslausir en engu að síður þykir mér ágætt að mæta í þá og hlusta á hið svokallaða almenna fróðleik sem þar vellur upp úr kennurunum. Alnetið heillar þó alltaf á slíkum stundum og þessi tími er augljóslega engin undantekning.
Óli Njáll  13:49| 
link
------------------

1.9.03

Nýnemar
Sjaldan hef ég séð ófegurri hóp nýnema en þann er nú stundar nám í sagnfræði. Ég ætla rétt að vona að sætu stelpurnar hafi verið ókomnar og muni birtast þegar líða tekur að vísindaferðum. Er ég að taka áhættuna á að verða mjög óvinsæll með þessum skrifum? Nokk sama.
Aðferðafræði 1 hljómar mjög léttur kúrs. Flúði út í hálfleik enda átti seinni hlutinn að fjalla um notkun netsins. WTF segi ég nú bara, næst verður eflaust fjallað um sprengiskutla.
Vélritunarforritið er ónýtt, á dauða mínum átti ég von en ekki þessu. Nemendur hafa ekkert geta vélritað í dag og frí hafa verið gefin alveg út og suður. Slíkt er ólíðandi ástand. Sem betur fer var ég ekki að kenna í dag. Á morgun skal kerfið virka og nemendur píndir.
Óli Njáll  16:13| 
link

Stefán Ólafsson
Ég verð að játa að ég heillaðist mjög af Stefáni Ólafssyni í fyrsta tíma í Almennri félagsfræði. Sú staðreynd að maðurinn mætti ekki og því fékk ég frí á þar mjög stóran hlut að máli.
Óli Njáll  12:30| 
link

Andskotans hafnfirðingar
Já, ekki orð um það meir nema að FH ingar eru allir saman eymingjar, fífl og fávitar.
Eg á að mæta í almenna félagsfræði eftir 40 mínútur og eftir það taka við aðferðafræði og eitthvað í þeim dúrnum. Þetta verður áhugavert, ég hef aldrei náð að meika heilan tíma í háskólabíói og í haust eru flest allir mínir tímar þar. Já, aumt er mitt hlutskipti. Þeim sem vilja minnast mín er bent á félag þunglyndra vélritunarkennara. Blóm og kransar afþakkaðir.
Óli Njáll  11:08| 
link
------------------

31.8.03

Morgundagurinn
Á morgun er fyrsti kennsludagur í HÍ, allavega í minni deild sem núna er félagsvísindadeild.
Óli Njáll  21:07| 
link

Sko
Enn er allt í ólestri í Írak. Ég er sannfærður um að hafa lesið það fyrir mánuðum síðan að kaninn hefði stjórn á þessu.
Ingibjörg Sólrún í opnuviðtali í kratafréttablaðinu. Leiðindi út í eitt enda ekki við öðru að búast. Sorp blað tekur viðtal við sorp pólitíkus.
Húsgagn dagsins er tvímælalaust Anton skápur frá IKEA. (sjá. IKEA 2004), Spurning hvort að skápa-Jón komi sér fyrir inni í Antoni???
Óli Njáll  21:04| 
link

Skin og skúrir
Ömurlegt að gera jafntefli við ka í kvöld. Ég mætti á leikinn og skemmti mér illa. Hefði samt skemmt mér mjög vel ef ka hefði sleppt því að skora tvisvar. Valur að falla, ég missti trúna í dag á því að þeir bjargi sér. Siggi Sæberg er tvímælalaust fífl dagsins.
Leiknir vann Núma í stórfurðulegum leik sem átti fátt skylt við knattspyrnu. 3-1 er ágætis veganesti inn í seinni leikinn. Nú er bara að klára þetta.
Shoaib Akhtar verður með Durham í næstu leikjum. Það eru miklar gleðifregnir. Durham í fyrstu deild!!!

Óli Njáll  21:01| 
link
------------------




Powered by Blogger