29.8.03

Ekkert
...bólar á einkunnum mínum úr sumarprófum.
Af hverju er ekki boðið upp á m.paed próf í sagnfræði?

Óli Njáll  12:32| link

Rautt
Að mála b takkann rauðan bendir til furðulegra hvata gerandans.
Óli Njáll  08:49| link ------------------

28.8.03

Dúddablogger
Blogger er nú á móti mér.
Nýnemadagur verzló í dag. Það þýðir frí eftir hádegi skilst mér, ekki syrgi ég það.
Óli Njáll  11:45| link

Margt í deiglunni
Fór með strumpinn í Borgarnes í gær og hittum þar hinn góða dreng Stefán Einar. Sá var óvenju geðheilbrigður í gær og í góðu skapi. Fínasta ferð í stuttu máli þar sem m.a. var komið við á golfvelli bæjarins og snætt í shellskálanum. Borgarnes er fallegur bær, ef ég væri dreifari kæmi sá staður til greina sem búsetustaður.
Leiknir er kominn í undanúrslit 3. deildar eftir magnaðan 4-0 sigur á Fjarðabyggð í stórleik á Leiknisvelli, sem var þétt setin af áhorfendum, sem reyndar stóðu flestir. Eftir 3-0 tap í fyrri leiknum var þetta það sem þurfti og strákarnir stóðu sig stórkostlega. Ég mætti þegar 4 mínútur voru liðnar og þá var kapteinn Haukur Gunnarsson strax búinn að setja hann, í kjölfarið fylgdu mörk frá Sævari, Jóni og Robba. Já, þetta var alveg frábær skemmtun í alla staði og verðlaunin, leikir gegn núma um helgina og í næstu viku. Þeir verða vonandi spennandi.
Óli Njáll  08:58| link ------------------

25.8.03

Þessi drengur
Guðjón Þórðarson er ótrúlegur stjóri. Barnsley er bara á blússandi siglingu þrátt fyrir að eiga enga leikmenn og enga peninga, og þetta lið var í fallbaráttu í fyrra. Já, sannast enn og aftur að Gaui er kóngur. Að sjálfsögðu er ég nú orðinn mikill Barnsleyaðdáandi enda styð ég ávallt lið Gaua. Ég meira að segja studdi stók á sínum tíma þótt það sé nú hið argasta lið sem ég óska norður og niður.
Ben Bradshaw er augljóslega heimskur maður með eindæmum og kemur það svo sem ekki á óvart enda þriðju leiðar krati þar á ferðinni. Fáir hópar manna eru meiri illmenni og hálfvitar. Það eru einmitt menn af því sauðahúsi sem telja 10% fylgi í skoðanakönnun alveg stórgóða niðurstöðu fyrir sig, jafnvel þótt hin 90% hafi öll lýst yfir stuðningi við einn og sama andstæðinginn. Vitanlega er ég ekki að vitna í neina nýlega uppákomu.
Vikan sem nú stendur yfir er síðasta vika háskólasumarfrísins míns. Ég verð einmitt í félagsvísindadeild næsta vetur að taka 30 einingar af stjórnmálafræði. Já, það verður eflaust ágætt enda eru þar ekki stunduð vísindi heldur eitthvað sem kalla mætti dægradvöl.
Óli Njáll  18:41| link

Nú er ég...
..kominn með 9þúsund króna dýrara bros en í gær. Og það á eftir að verða verðmætara.
Óli Njáll  15:35| link

Sál til sölu, á 1200 krónur
Það er ekki gaman að vera Valsari um þessar mundir. En verra er þó að ég seldi sál mína fyrir 1200 kall og kallaði áfram kr í Frostaskjóli í gær. Best að bera strax í bætifláka fyrir það. Sigur kr skilar mér hæstánægðri Sunnu í nokkra daga en hefði kr tapað þá hefði hún verið í fýlu fram í nóvember. Það er hagur Vals að Fylkir klúðri þannig að leikur liðanna í 18. umferð muni skipta sem minnstu máli fyrir þá. Þriðja ástæðan er vitanlega sú að Fylkir er alveg jafn mikið skítalið og kr og með eindæmum fyndið hvað þeir klúðra alltaf seinni hluta móts. Það er líka ömurlegt að mæta á leik og halda með hvorugu liðinu, þá er vitanlega langgáfulegast að halda með þeim sem líklegri eru til sigurs, þegar staðan er 2-0 eftir 10 mínútur sannfærist maður um val sitt.
Ekki mun ég styðja kr oftar í ár enda er krafta minna þörf á Hlíðarenda svo ég tali nú ekki um Leiknisvöllinn þar sem mínir menn eru í skítastöðu eftir stórfurðulegt 3-0 tap á Eskifirði.
Kannski ætti ég að gerast stuðningsmannamálaliði. Áhugasamir hafi samband í tölvupósti. Mjög auðvelt væri t.d. að fá mig til að styðja Víkinga í toppbaráttu 1.deildar.
Óli Njáll  09:37| link ------------------