15.8.03

Fóbolti
Með stuttu millibili hef ég mætt á tvo Valsleiki. Svo virðist sem nærvera mín sé farin að hafa góð áhrif, allaveg 4 stig í hús. Þróttur Valur í Laugardalnum var stórgóð skemmtun. Þangað mætti ég með hinum harða köttara, Sigurlaugi Ingólfssyni. Ég fór glaðari heim en hann. Annars voru Valsarar miklu betri en Þróttarar enda er Þróttur lið sem á að falla með Fram. Í gær var það svo kr og hefðu þeir fengið sömu útreið ef ksí hefði ekki sett Garðar Örn Hinriksson á leikinn sem var greinilega enn fúll með að Þróttur hafi tapað fyrir Val. Garðar Örn var alveg úti á þekju í þessum leik og bjargaði kr. Sönnun 1) Þegar við fengum ekki víti í fyrri hálfleik þegar krgerpið tók hann augljóslega með hendi. Sönnun 2) Spjaldið á Kidda Lár þegar einhver helvítis krhommi renndi sér fyrir hann og fékk hann auðvitað á sig. Með því náði hann að eyðileggja leikinn endanlega. Í þriðja lagi var samræmi í dómum hans alls ekki neitt allan leikinn út í gegn. Garðar Örn ætti að horfa vel á myndbandsupptökur af þessum leik og biðjast svo afsökunar á tilveru sinni. Megi hann fara norður og niður. Þess má geta að eitt sinn þekkti ég Garðar Örn nokkuð persónulega en mikið líkaði mér betur við hann þá enn nú.
Allt það sem ég sagði jákvætt um Durham í síðustu færslu dreg ég til baka, hvílík aumingjaframmistaða móti glamorgan. Hjálpi mér Júppi.
Óli Njáll  17:36| link ------------------

13.8.03

Mál dagsins
Reykjavíkurborg vill hætta að borga sinfóníunni. Ekki gæti ég verið ánægðari með r-listann. Gott væri ef ríkið myndi komast að sömu niðurstöðu og menn myndu hætta þessum eilífa fjáraustri í eina hljómsveit. 350 miljónir eru bara allt of mikið í áhugamál fárra snobbara.
Næsta mál á dagskrá. Herchelle Gibbs á leiðinni til Durham næsta sumar. Takk, takk, takk. Ekki verður nú leiðinlegt að hafa hann í voru ágæta liði. Ljóst að Durham mun setja stefnuna á toppbaráttu næsta sumar, sérstaklega ef menn halda í Shoib Akhtar. Menn eins og Gary Pratt, Nicky Peng, Mark Davies eru allir að komast til vits og ára og munu gera góða hluti næsta sumar. Paul Collingwood kemur aftur úr meiðslum. 1.deildarsæti verða okkar örlög.
Næsta mál. Gerard Houllier ætlar að láta hinn kynngimagnaða Igor Biscan byrja gegn Chelsea, hjálpi mér allir heilagir. Maðurinn er endanlega genginn af göflunum.
Næsta mál. Íslensk sagnritun nær sínum lægsta punkti í ritgerðarhefti Gunnars Karlssonar og nemenda hans í Íslandssögu 3. Sjaldan hefur mér leiðst jafn mikið og þegar ég bægslaðist eins og ósjálfbjarga selur í gegnum hvern kaflann af öðrum um hinn ómerka leiðindavestfirðing, Jón Sigurðsson, og endalaust röfl hans og tuð. Meiri þvergirðing og leiðindapúka er vart hægt að finna í veraldarsögunni. Enda var allt hans starf mjög óþarft. Íslendingar væru miklu betur komnir í hinu danska konungsríki. Nú væri hægt að koma með langa tölu um það hvað Danir eru kúl og miklu skemmtilegra væri að vera íslenskur Dani en sjálfstæður mörlandsbúi en það er bara svo augljóst að ég nenni því ekki.
Óli Njáll  16:38| link ------------------