Margþætt morgunblogg Ok, í gær var Leiknir-Reynir á Leiknisvellinum. Leiknir vann 2-1 og 1. sætið því öruggt. Með Reyni spilaði þjálfarinn Gunnar Oddsson og verður að segjast að hann hefur sést í betra formi. En Reynir er tvímælalaust langbestanæstbestaliðið í riðlinum. Þeir gætu gert góða hluti í úrslitakeppninni. Gaman að þessu. Fór á LB2 í gærkveldi með geðveiku og kexrugluðu fólki. Spólumynd dauðans eins og fyrirfram var búist við. Ekkert meira um hana að segja. Í dag er nammidagur og ég verð að fá Elitesse. Besta súkkulaðið í dag ásamt Kitkat. Stundum er þessi heimur illur staður, ég fékk það mjög á tilfinninguna í þessari viku. Á suma er bara of mikið lagt. Ætla ég í Gaypride? Nei, svo sannarlega ekki. Ég færi heldur ekki þótt um væri að ræða skrúðgöngu gagnkynhneigðra eða fólks með pervertískar hvatir. Ó nei, ó nei ó nei. Óli Njáll 11:19| link ------------------
Hvalur Mikið afskaplega er gaman að vera til nú þegar Íslendingar eru aftur farnir að veiða hval, þetta mun að sjálfsögðu leiða gæfu mikla yfir alla landsmenn. Allir þeir vitleysingar, fífl, fávitar, umhverfisverndarsinnar og hálfvitar sem mótmæla þessari bestu ákvörðun sjávarútvegsráðherra mega fara fjandans til og verðskulda það helst að vera tjargaðir og fiðraðir á Austurvelli við hátíðlega athöfn. Auðvitað eigum við að veiða hvali. Hvalir eru skaðræðisskepnur sem éta alltof mikið og stuðla þannig að minni fiskistofnum, hvalir eru góðir og súr hvalur er heilög fæða. Rök á móti eru ósköp fátækleg, 10 umverfisverndariofstækismenn standa við sendiráðið í London og eru í fýlu. Hver heilvita maður sér að allt fólk heimsins hættir ekkert að kaupa íslenskar vörur bara út af nokkrum hvölum sem við étum. Japan og Noregur eru allavega ekki enn farinn á hausinn út af slíkum aðgerðum. Og það er nóg af hval hér við land þannig að hægt sé að sýna ferðamönnum nokkrar skepnur, þær hverfa ekkert. Svo má bjóða upp á sýningar á hvalsurði, það yrði eflaust aftur vinsælt sjóv. Já, niður með Grænfriðunga og skjótum hvalina. Óli Njáll 12:17| link ------------------
Merkur dagur í sögu mannkyns Nei kannski ekki en allavega á Skallagrímur afmæli í dag. 48 ára gamall, til hamingju með það. Af öðrum fréttum er það helst að ég er ekkert þunnur mér til mikillar ánægju en í gærkveldi fór ég í partý í félagsskap sem nefnist GF. Það var stórgott partý. Talaði líka í síma við Björn Jón Bragason, erkikomma og umhverfisverndarsinna með meiru, sem var augafullur í miðbænum og röflaði líkt og Hlemmsróni í símann. Gaman að því. Leynidrykkur var brúkaður í gærkveldi, hann er rammgöldróttur sá fjári. Óli Njáll 13:19| link ------------------
