5.7.03

Bloggad frá Spáni
Her er ekkert thodn og ekkert ed og ekkert ae. Saettid ykkur vid tad strax.
Eg er a Spani nuna og allt i bloma, her er eins og alltaf magnad vedur og allt leikur i lyndi. Ferdasaga hingad til...
For i flugvel med fullt af leidinlegu folki, fyrir aftan mig var krakkaobermi sem sparkadi reglulega i bakid a mer, a endanum hoppadi eg upp og lysti yfir vantoknun minni a hinum heimsku foreldrum tess, var eg ta tekinn hondum af oeinkennisklaeddum oryggisverdi og geymdur i einhverjum klefa tad sem eftir var ferdarinnar. Komst to til Spanar vid illan leik.
Adbunadurinn a spani er finn. Buum 7 saman i litilli ibud sem hefur reyndar ekkert rennandi vatn ne rafmagn. Hins vegar hofum vid bil med rafmagni tannig ad haegt er ad rista braud med kveikjaranum. Tekur bara sma tima.
Annars erum vid mikid a strondinni og vid sundlaugina i nagrenninu. Hef tar fengid sma aukavinnu hja marokkomanni sem selur alls kyns ur og solgleraugu, hann heitir Farid og er somamadur mikill. Eg stend vaktina 3 tima a dag milli 12 og 15 og hef uppgotvad nokkud mikla solumannshaefileika hja mer, tad kemur samt folki a ovart ad sja naepuhvitan dreng i svona solumennsku. Kannski tess vegan sem tad kaupir af mer, vorkennir mer svona mikid.
Nenni ekki ad segja neitt meira ad sinni, blogga meira eftir helgi. Tangad til, lifid heil.
Óli Njáll  20:10| link ------------------

1.7.03

Nú skal fíflinu rústað í eitt skipti fyrir öll
Góð fyrirsögn, samt tengist hún engan veginn efninu. Ég er að ljúka pakkningu fyrir ferð mína til Spánar en þar mun ég dvelja næstu tvær vikurnar. Væntanlega mun ég reglulega grafa upp netkaffihús þannig að hér á síðunni verður líf og fjör þó ég sé langt í burtu. Gott mál.
Í kvöld var víst krikketæfing sem ég vissi ekkert af fyrr en alltof seint. Það er bömmer ársins og ég mun gráta mig í svefn. Eins gott að það verði krikket um leið og ég kem heim. Úr heimi krikketsins er hins vegar lítið að frétta. Durham er ekkert búið að spila neinn alvöruleik og ég bíð spenntur eftir að sjá hvað Akhtar gerir fyrir liðið. Ég bið líka enn eftir Collingwood.
Er Anton Karl á hraðferð til vesturs, það væri nú ekki leiðinlegt ef svo færi. Ætli ég krúsi þá ekki þá leið bara líka. Aldrei mun ég þó halda með kr né finnast mr góður skóli.
Æja, ég kveð að sinni. Hafið það gott á klakanum öll nema þið fíflin sem hafið tjáð ykkur um mín mál undanfarna daga. Megið þið kveljast í vítislogum.
Óli Njáll  23:28| link

Spánverjar fagna frelsara sínum
Allt er nú á öðrum endanum á flugvellinum í Alicante en þar stendur yfir undirbúningur mikilla hátíðarhalda í tilefni af komu minni þangað á morgun, nánar tiltekið seinni partinn. Annar eins undirbúningur hefur ekki sést síðan páfinn kíkti síðast í heimsókn.
Óli Njáll  10:36| link

Enn meiri undarlegheit
Sumt fólk er jafnvel enn heimskara en mig óraði fyrir. Þegar maður heldur að það hafi náð hámarki heimskunnar þá toppar það bara.
Óli Njáll  10:34| link ------------------

30.6.03

Jú, þú mætir nú hingað samt
Frú/fröken Erna tjáir sig um mál mitt og Ágústar Flygenrings í dag. Frú/fröken Erna veit ekkert um hvað málið snýst, það veit ég hins vegar og það veit Ágúst Flygenring einnig mæta vel þó hann setji sjálfan sig á háan hest og þykist ekkert skilja upp né niður um hvað ég er að tjá mig. En það er svo sem ekkert nýtt að Ágúst taki þann leikþátt, á þeim árum er ég hef þekkt drenginn hefur hann gert það æði oft.
En þessi kona sem ég kann nú engin deili á, nema ég veit hvar heimasíðan hennar er, er greinilega einnig búinn að hoppa upp á hinn háa hest Ágústar og þykist geta tjáð sig á vitrænan hátt um málið. Sorry, þú getur það ekki kona því þú veist ekkert um hvað málið snýst. Ef þú hugsar þetta til enda hlýtur þú að sjá það.
Að lokum heilræði til almennings: Blandið ykkur ekki í það sem kemur ykkur ekki við, þið skiljið ekki, getið ekki skilið og líf ykkar mun verða gæfuríkara. Óli Njáll Ingólfsson ber þó engan kala til fólks sem fellur þó í slíkar gryfjur, hann vorkennir því sökum heimsku þess.
Óli Njáll  15:29| link

Örbrot af ferðasögu
Halló Akureyri er yfirsögn helgarinnar en þar dvöldum við Sunna, nánar tiltekið að Hömrum. Eyjafjörðurinn var krúsaður, Bautinn og Brynja heimsótt, Ólafsfjörður og Grenivík skoðuð en umfram allt var heilsað upp á öðlinginn Óla Njál EA 62, hann var vitanlega í góðu skapi að hitta mig og ég heilsaði upp á kallinn í brúnni sem fannst skondið að ég væri mættur þarna til að fá mynd af mér og bátnum. Það var gaman.

Merkilegt í þessari ferð var vitanlega bölvun sú er á okkur var lögð um rok og rigningu í Borgarfirði. Við sáum þó við því og héldum bara norður í staðinn þar sem sérlegir útsendarar okkar lofuðu sól og sumaryl. Ekki vorum við svikin þar þótt örlitlar skúrir kæmu eftir hádegi í gær. Annað merkilegt er að Sunna kann ekkert á Vegahandbókina, hið annars gagnmerka rit. Já, þetta er örsaga, þið fáið ekki að vita neitt meira.
Óli Njáll  11:37| link

Bloggið sem beðið er eftir
Ákvað þennan titil allt í einu eftir að hafa verið að íhuga titilinn "Sá yðar er syndlaus er..." en þetta er sumsé raunin.

Maður nokkur benti yfirvöldum á að eigandi síðu þessarar skyldist biðjast afsökunar á skrifum sínum hér fyrir stuttu. Krafan er tekin fyrir rétt og er dómsorð sem hér segir. Jón Svan, er beðin afsökunar á hinum tveimur bókstöfum er bættust við nafn hans hér á dögunum. Vona að þetta mál megi niður falla án mikilla afleiðinga.

Rétturinn vísar kröfum annarra manna alfarið á bug. Nema hvað sæst skal á að skápur Jóns sé í Hafnarfirði. Að auki lýsir rétturinn yfir megnustu andúð sinni á mannfólki því er þykist geta kommentað eitthvað sniðugt um mál sem það hefur ekki hundsvit á. Ef lesendur hafa ekki enn áttað sig þá er réttur þessi enginn mannvinur heldur hefur hann lítið álit á almenningi og sérdeilis fyrirlítur hann þá er halda sig gáfaða en eru það ekki og/eða tjá sig um hluti sem þeir hafa ekki möguleika á að vita neitt um. Taki þeir til sín er eiga.

Um óskeikulleika minn má fólk röfla um eins og það vill. Hins vegar held ég að fleirum detti annað nafn en mitt í hug er talið berst að þeim sem telja sig alvitra og óskeikula. Taki þeir til sín er eiga. Hins vegar held ég að enginn efist um að ég komi heiðarlega fram við fólk, segi mína skoðanir við það sjálft ef mér finnst það leiðinlegt, óæskilegt, asnalegt, hagi sér barnalega eða sýni af sér siðspillta hegðan, en stundi ekki baktal út um allan bæ. Já, ég er sáttur við mig sjálfan, það er annað en margir aðrir geta verið.
Óli Njáll  01:38| link ------------------