22.3.03

Fyrsta fórnarlambið
Já, það er gamalt spakmæli að sannleikurinn sé fyrsta fórnarlambið í stríði. Það er vitanlega rangt. Fyrsta fórnarlambið og jafnframt það sem ávallt verður verst úti eru þyrlusveitir Bandaríkjanna. Eins og allir vita er það gersamlega óhugsandi að einhverjir Írakar geti skotið Bandaríska hermenn þannig að Kanarnir neyðast til að losa sig við nokkra sjálfir, iðulega í mjög fríkí þyrluslysum. Hvað eru 2 eða þrjár farnar nú þegar? Við eigum eftir að sjá nokkrar fara niður til viðbótar áður en yfir lýkur.
Óli Njáll  12:48| link ------------------

19.3.03

Miðvikudagurinn
Í dag er miðvikudagur og hann er ágætur, ég sit á hlöðunni og hef nýlokið lestri á kyngimögnuðum ritdómum. Loftur Guttormsson og Már Jónsson eru höfundar þeirra. Ég undi mér vel við lestur en nú hyggst ég halda heim á leið. Ekki er hollt að ætla sér að sigra allan heiminn á einum degi. Talandi um að sigra heiminn, stríð hefst víst í kvöld. Búið að tilkynna massífa fréttavakt og voða stuð. Frést hefur að sala á gosdrykkjum, snakki og sælgæti hafi rokið upp í dag er fólk undirbýr sig undir beina útsendingu frá ÍRak. Er ekki allt í lagi með ykkur, heimsku fífl? Þarna er verið að murka lífið úr soltnum og sárþjáðum öreigalýð Íraks og fólk er bara spennt, bara massíf sjónvarpsdagskrá og stuð. Helvítið aumingjar!!!
Óli Njáll  18:19| link

Þýskari
Andrés er bloggari nýr. Hann er Selfyssingur, sósíalisti og býr um stundir í Þýskalandi. Kíkið á hann.
Í gærkveldi vann ég stórmerkilegt afrek, ég kalla það ritgerð á einu kvöldi. Ef þessi nafngift er ekki nógu lýsandi þá felst afrekið í því að skrifa ritgerð á einu kvöldi. Ég komst nefnilega að því í gær að síðasti skiladagur var á einni slíkri. Það var kvennasöguritgerðin fyrir Gunnar Karlsson, reyndar bara 6 síðna gemlingur en engu að síður þurfti ég að halda mig ansi vel við efnið til að ná þessu á 4 tímum. Notaði daginn til að klára heimildaöflun og kvöldið til að skrifa. Klukkan 23:55 rúllaði ritgerðin svo inn um bréfalúguna á Hrísateig 34. Klapp fyrir mér.
Óli Njáll  11:34| link ------------------

18.3.03

Spennandi
Nokkuð flott verkefni sem ég var að fá núna, bera saman umfjallanir Lofts og Más um Snorra á Húsafelli. Það er eflaust gaman.
Óli Njáll  14:07| link

Aukin afköst
Njallinn náði að afreka það að hreinsa út öll verkefni í tölvunotkun nú í morgun. Það er gríðarlega góð tilfinning að vera laus við þetta. Ég svíf á skýi.
Óli Njáll  11:48| link

Já, það er ekki nema tæpir 2 sólarhringar í það. Ekkert sniðugt við það.
Óli Njáll  11:47| link ------------------

17.3.03

Hattrick
Hattrick fór hreint út sagt ótrúlega í gær þegar mér tókst að tapa 4-3 fyrir skítaliði þrátt fyrir að vera miklu betri aðilinn samkvæmt einkunnagjöfum plús að staðan var 3-2 fyrir mér þegar 10 mínútur voru eftir. Verulega ósáttur er ég við þetta allt saman en engu að síður hélt ég mér uppi í deildinni og því málið að taka þetta með trompi á næsta tímabili.
Óli Njáll  18:21| link

Árshátíðarblogg
Árshátíð Fróða var haldin með pomp og prakt í Golfskála Seltjarnarness á laugardagskvöldið. Var þar samankominn dágóður hópur fólks og skemmtu flestir sér nokkuð vel, að ég held. Stórtíðindin eru vitanlega sigur kennara á liði nemenda í spurningakeppni og frábært söngatriði okkar Evu. Restin af skemmtiatriðunum var líka fín og DJ-inn var góður.
Hins vegar á árshátíð Fróða sér eina fylgju er nefnist Hákon en ekki Sigfús. Sá gaur er ósýnilegur allt árið en birtist ávallt á árshátíðum og hagar sér miður vel. Í fyrra angraði hann hvern einasta mann með röfli um að hann héti Hákon en ekki Sigfús og vældi sína sorgarsögu út í hið óendanlega. Í ár tók ekki betra við því gaur ákvað að æla á gólfið, bíta kvenfólk í læri og fleira í þeim dúr. Sumir eru bara ekki að gera sig.
Ég skemmti mér vel.
Óli Njáll  13:23| link

Blikur á lofti
Það virðist nú allt stefna í stríð á allra næstu dögum, svo virðist því sem að stríðsæsingarmennirnir muni ná sínu fram. Það er þó nauðsyn að mótmæla þessu stríði kröftuglega ef það hefst og helst að vekja upp víetnamstemmingu. vonandi læra menn svo eitthvað af þessu.
Óli Njáll  09:59| link ------------------