14.3.03

Fyrirlestur ársins
Já, það styttist nú í Svarta-dauða fyrirlestur hjá 4-X. Það þykir mér nú svei mér skemmtilegt enda fá atriði merkari í mannkynssögunni.
Óli Njáll  12:16| link ------------------

13.3.03

Arbeit
Ég er aftur mættur í vinnuna eftir langa fjarveru, það gekk sko ekki lengur að vera eymingji. Af mér er annars mjög lítið að frétta, fór í bíó í gærkveldi á hina vondu mynd DearDevil. Sú mynd er slæm en Jennifer Garner er andskoti sæt. Það þykir mér vera stór kostur við slíkar myndir, ef hanritið er þunnt má alltaf bæta það upp með sætum gellum. Og af þeim sökum ætla ég fljótlega á myndina Blue Crush, því sætar gellur í sundfötum eru betri en fullklæddar. Já, þetta voru spekingsorð dagsins.
Óli Njáll  10:26| link ------------------

12.3.03

Ég er Doktor Ármann!!!
Já, samkvæmt þessu prófi


Ég er Ármann Jakobsson!
Þú hefur miklar hugsjónir varðandi stjórnmál og ert mjög vinstrisinnaður en samt hefurðu áhuga á eins jarðbundnum hlutum og hvað einhverjir bóndar voru að gera fyrir 1000 árum. Þú ert vægur við nemendurnar og talar ekki niður til þeirra en getur verið kvikindislegur þegar kemur að prófum. Ágætur maður.
Taktu "Hvaða kennari 4.B ert þú?" prófið


Já, það er sko ekki leiðum að líkjast. Ég er stolltur og ánægður með niðurstöðuna. Kannski erum við Doktorinn svipaðir í kennsluháttum, allavega minnir mig að nemendur mínir hafi einhvern tímann haft á orði að mín próf séu þung, jafnvel of þung:)
Óli Njáll  17:17| link

Kokteill
Já, kokteilar eru magnað fyrirbæri og menn ættu ætíð að innbyrða sem flesta slíka og passa þá upp á fjölbreytnina. Það er nefnilega svo að æðimargir þeirra eru skuggalega góðir og því eru menn að fara á mis við mikið ef þeir prófa ekki sem flesta.
Kokteill dagsins hjá mér er hins vegar nokkuð nýstárlegur en uppskriftina fékk ég hjá Þórði G Ólafssyni heimilislækni. Að undirstöðu eru 2 töflur parkódín og 1 tafla íbúfen, þetta skal svo innbyrða ásamt einu vatnsglasi en líka ku vera gott að skipta vatninu út fyrir einhvern ávaxtasafa eða kók. Það besta er að þetta virkar nokkuð vel.
Að lokum vil ég þakka öllum þeim fjölmörgu lesendum sem sýnt hafa mér hlýhug og stuðning í veikindum mínum kærlega fyrir. Það hlýjar sjúkum manni um hjartarætur að vita að einhverjum stendur ekki á sama. Takk fyrir mig.
Óli Njáll  15:01| link

Meistari Árni
ÁRni Hermanns á einn besta punktinn í V69 í ár er hann fékk spurninguna "Hvað gerðu foreldrar þínir?" Svarið var "Þau voru lögfræðingar". Ætli Þorsteinn Davíðsson myndi einhvern tímann svara "pabbi, hann er lögfræðingur". Bara pæling.
Óli Njáll  12:45| link

V69
Já, ég hef nú lokið við að fletta V69 sem að þessu sinni er bók en ekki blað. Hafði ég af þessu takmarkaða ánægju enda er það regla að Verzlunarskólablaðið er ávallt flott en innihaldið er alltaf jafn lafþunnt. Engu að síður er rétt að hrósa nefndinni og ritstjóranum fyrir vel unnin störf því blaðið (bókin) er gríðarlega flott.
Óli Njáll  12:37| link

Stórfurðulegt
Í gærkvöldi talaði ég við mann sem að eigin sögn var sannfærður sósíalisti. Engu að síður var hann í vafa um hvort kjósa ætti VG eða hinn arma hóruungaflokk, Samfylkinguna. Svona fólk er náttúrulega alveg út í hött.
Óli Njáll  09:43| link

Léttir
Já, í dag er mér létt. Á síðustu stundu náði ég að skila greinargerð minni um Rostow í gær, í kjölfarið ákvað ég að fara aftur út úr húsi og kíkti á Kaffi Reykjavík þar sem UVG atti kappi við Heimdall. Magnús heimdellingur fær plús kvöldsins fyrir kenningu sína um að stangir í stangarstökki séu úr áli.
Núna líður mér ekki jafnvel, ég er kominn í eitthvað mynstur að mér líður illa á morgnana en skárr eftir því sem á líður daginn. Tengist það eflaust því að sökum óþæginda sef ég illa og get ekki legið eðlilega. En þetta hlýtur að lagast. Kannski ég mæti jafnvel í tíma eftir hádegið, það er nú skemmtileg tilbreyting að fara niður í skóla.
Óli Njáll  09:41| link ------------------

11.3.03

Dauði og djöfull
Í fyrsta skipti í sögunni gerðist það í morgun að fella varð niður tíma hjá mér og það 2 stykki. Slíkt má alls ekki gerast aftur og því verð ég að ná fullri heilsu fyrir fimmtudag. Annars er ég búinn að dumpa mínum gamla vini íbúfen núna, mútta keypti parkódín sem er náttúrulega miklu betra lyf enda er kódín yndislegt. Verst að ekki eru seldar parkódín forte nema gegn framvísun lyfseðils. Það er alveg fáránlegur fasismi að mínu mati. Þetta á að vera stefnumál Vg, Parkódín forte í matvörubúðir!!!!
Shane Bond er svakalegur maður, í dag getur enginn efast um það.
Mér þykja sumir menn með eindæmum leiðinlegir þegar þeir tjá sig. Einkenni á slíkum mönnum er ekki bara að þeir séu leiðinlegir heldur vilja leiðindin oft dragast óheyrilega á langinn, eins og þeir geti aldrei stoppað. Já, svona er mannkynið magnað.
Óli Njáll  13:44| link ------------------

10.3.03

Þróun í rétta átt
Já, ég held áfram að mjaka mér gegnum Rostow og punkta hjá mér mikilvæga punkta. Það er hið besta mál.
Ég ætla að verðlauna mig fyrir dugnaðinn og skreppa út í búð. Best að dúða sig vel í úlpu, trefil, húfu og vettlinga og fara akandi. Ég ætla að kaupa súkkulaði, það er gott.
Óli Njáll  15:35| link

Tralala
Vg á góðri siglingu samkvæmt Fréttablaðskönnun (sem reyndar eru mjög ótraustar) og Frjálslyndir líka, þeir skríða næstum í hin alræmdu 5%. Ég vona innilega að Frjálslyndir lifi þessar kosningar af enda er Addi Kitta Gauj með flottari pólitíkusum á landinu, einnig miklu skemmtilegra að hafa 5 flokka en 4, mættu jafnvel vera enn fleiri. En VG myndi sumsé fá 9 þingmenn, það væri ágætt, ég set stefnuna þó á 10. 17% fylgi á landsbyggðinni gæti jafnvel þýtt að suðurlandsbóndinn Proppé myndi skríða inn á þing. Það væri mikið ánægjuefni. Flottast væri ef Vg kæmi bæði Proppé og Þórey Eddu inn á þing. Þá værum við langflottust(erum það reyndar nú þegar en yfirburðir okkar myndu aukast). Á ég að spjalla meira um gersamlega óvísindalega skoðanakönnun Samfylkingarfréttablaðsins? (Það auma blað birti meira að segja alla helvítis Borgarnesræðuna í dag. ) Nei ég held ég láti þetta duga.
Óli Njáll  13:23| link

Mánudagur
Jæja, mér tókst að berjast aðeins í gegnum Rostow í gærkveldi og mun áfram reyna það í dag en ég er einmitt bara búinn að vera vakandi í ca. klukkutíma. Reyndar vaknaði ég til að hringja í vinnuna í morgun en það telst ekki með.
Í hattrick er ég kominn á skrið og rústaði Andra með 5 mörkum gegn 1. Nær Mumbai maestro að halda sér uppi þetta tímabil? Því fæst svarað næsta sunnudag þegar lokaumferðin fer fram. Sem stendur er MM einu sæti fyrir ofan fall. Ef einhver fylgni er milli liðsins og helstu fyrirmyndar þess, hins eina sanna Mumbai Maestro aka. Sachin Tendulkar, þá er útlitið bjart því Sachin skoraði 97 stig gegn Sri Lanka nú rétt áðan og er óumdeilanlega langbesti leikmaður HM að þessu sinni. Það er gersamlega útilokað að einhver annar geti gert kröfu til þess titils. Indverjar skoruðu alls 292 hlaup gegn Sri Lanka í morgun og fróðlegt að sjá hvernig Jayasuriya svarar því. Ég held að hann svari bara með passi.
Óli Njáll  12:11| link ------------------

9.3.03

Barlómur
Ég er orðinn hundleiður á þessum veikindum. Flensa og útbrot eru ekki skemmtilegir hlutir. Helgin hefur því farið algerlega í hundana og slíkt er gersamlega óþolandi. Það sem ég hef t.d. ekki gert sökum þessa er að 1) fara og borga Bjössa, 2) standa við loforð mitt við að hjálpa til við kosningaskrifstofu VG 3) fara á opnun kosningaskrifstofunnar 4) lesa bókina sem ég á að skrifa greinargerð um fyrir þriðjudag 5) fara á háskólakynningu til að kynna sagnfræðiskor og augljóslega djammaði ég ekkert um helgina. Þetta er skítt.
Íbúfen er vinur minn núna, mætti þó vera sterkara. Verkjalyf eru góð.
Í kvöld ætla ég að reyna að einbeita mér að bókinni minni, stages of economic growth, enda er það einn af fastapunktum lífs sagnfræðinemans að Guðmundur Jónsson gefur enga fresti. Ætli maður reyni ekki líka að kíkja aðeins á hattrick leik kvöldsins sem er gegn "Kongurinn" en það er víst hann Andri hagkaupsmaður sem stendur á bak við það. Eins gott að buffa hann illilega. Jæja, nóg í bili...
Óli Njáll  19:18| link ------------------