7.3.03

Sjúkur maður
Ég held ég sé að veikjast, þó ekkert í líkingu við hinn uppskorna vélritunarkennara.
Þetta er bölvað líf...
Óli Njáll  17:31| link ------------------

6.3.03

VG í vanda
Jæja, enn og aftur kemur VG illa út í skoðanakönnun. Það er orðið daglegt brauð. Ætli það séu tengsl milli þessa slæma gengis og óþolandi mikillar áherslu flokksins á þetta helvítis hálendi. Já, óumdeilanlega. Ég færist stöðugt nær því að vera á móti umhverfisvernd. Rautt er málið, ekki grænt.
Óli Njáll  11:52| link ------------------

5.3.03

Skemmtilegar fréttir
Áðan bárust mér þær skemmtilegu fréttir að Valli vélritunarmeistari sé orðinn umtalaður á vef Verzlinga. Það er gott að vita að þarna er fólk með eðlileg áhugamál.
Annars leit ég við hjá sjúka manninum í dag. Sá var sjúkur og því ekki í sínu besta formi. Skiljanlega.
Óli Njáll  23:08| link

Gleði en enginn grátur
Jú, Birgitta Haukdal á leiðinni á Júróvísíón. Því fagna allir góðir menn að sjálfsögðu enda eigum við þá langflottustu söngkonuna í keppninni og einnig með langflottasta lagið. Að sjálfsögðu finnst mér að það skuli sungið á íslensku.
Ég fór á Árbæjarsafn áðan það er alltaf nokkuð flottur staður.
Óli Njáll  17:16| link

Grátur
Hversu slæmt er það ef að Birgitta fer ekki í Eurovision? Alveg óhugnarlega mikið slæmt því þá missum við af titlinum. Hlustið á mig, ég á mér bjartan draum og sendum hana samt út.
Óli Njáll  10:26| link ------------------

4.3.03

Kvartanir
Umsjónarmanni netsíðu þessarar hafa borist kvartanir um að of mikið sé fjallað um krikket um þessar mundir. Á slíkar gagnrýniraddir er blásið af fyrirlitningu mikilli enda er krikket kúl. Hins vegar ætla ég ekkert að fjalla um krikket núna enda segir færslan fyrir neðan allt sem segja þarf.
Ég ætla hins vegar að fjalla um framtíðina sem lítur bara nokkuð vel út núna, allavega virðist sem ég muni á næsta vetri halda áfram starfi mínu við Verzlunarskóla Íslands og það í bæði sögu og tölvudeild. Mjögott.
Einnig ætla ég að fjalla um kvöldmatinn sem mér skilst að sé lasagne. Það er góður matur. Menn eiga að blogga sem oftast um matarvenjur sínar, enda erum við það sem við borðum. Í dag hef ég borðað jógúrt, brauð með osti, banana og eitt kex. Ekki mikið enda er ég sársvangur.
Óli Njáll  17:27| link

Zimbabve
Óli Njáll  13:42| link

Allt að skýrast
Veðrið í Zimbabve er ekki upp á marga fiska núna en þar hellirignir og augljóslega veldur það fólki áhyggjum á Englandi. Ástæðan er vitanlega sú að fram á að fara í dag leikur Zim og Pakistan sem er síðasti leikurinn í A-riðli. Ef ekki styttir fljótlega upp munu Zim komast áfram með 14 stig enda er leikurinn dæmdur jafntefli. Englendingar sitja þá eftir í riðlinum með 12 stig og Pakistan með 10. England verður því að treysta á að Pakistan vinni þennan leik en þó ekki of stórt. En gert er ráð fyrir rigningu í allan dag þannig að líklegt er að supersexliðin verði: Ástralía, Indland, Zimbabve, Sri Lanka, Kenýa og Nýja Sjáland. Augljóslega eru bara 3 lið sem geta unnið keppnina, þ.e. Ástralía, Indland og Sri Lanka. Eitt þessara liða verður þó að teljast sigurstranglegast:(
Óli Njáll  08:04| link ------------------

3.3.03

Á nálum
Nú er ég alveg á nálum enda er afskaplega mikil spenna í leik Sri Lanka og Suður Afríku akkúrat núna. Sri Lanka skoraði fyrr í dag 268 hlaup og SA er núna komið með 215/6 úr 43 overum. Ég hef reyndar trú á því að mínir menn muni klára þetta enda eiga Vaas og Murali eftir að bowla 5 af 7 síðustu overunum, væntanlega Da Silva eða Gunaratne hin 2. Sigri Sri Lanka þá er SA dottið úr leik og það á heimavelli, slíkt þykir sko frétt til næsta bæjar.
Óli Njáll  19:48| link

Bolludagur
Bolludagurinn er góður dagur en ég held að ég hafi nú eflaust bætt á mig ca. 1 kílói yfir helgina. Astæðan eru heimatilbúnu bollurnar hennar mömmu svo og púnsbollur úr austurveri. Merkilegt hvað maður er fastheldinn á bollur, alltaf keyptar eins og á sama stað. Mjög gott mál það. Hjá okkur var svo sprengidagurinn á laugardaginn, allavega var saltkjöt þá. Saltkjöt er góður matur og baunir sömuleiðis.
Fréttablaðið heldur áfram að sýna fram á forkastanleg tengsl þess sjálfs, baugs og sköllótta skriðdýrsins Sólrúnar. Þetta er allt saman samsæri.
Óli Njáll  17:08| link

Jakkidíjakk
Í dag er 3. mars, það myndi vera afmælisdagur Flygenrings. Til hamingju með daginn, Ágúst! Kannski maður geri tilraun til að hringja í kallinn á eftir...
Óli Njáll  11:57| link ------------------

2.3.03

Mumbai Maestro
Þetta blogg fjallar alls ekkert um Sachin Tendulkar eins og gera má ráð fyrir af lestri fyrirsagnarinnar. Ég nefnilega skýrði Hattrick liðið mitt eftir hetjunni og þaðan er fyrirsögnin kominn. Í kvöld var Mumbai Maestro nefnilega að vinna góðan 4-2 útisigur á Röftum þar sem hinn bráðefnilegi Karl Skogmo skoraði 2 mörk. Ég er vitanlega afskaplega sáttur með þetta enda fyrsti sigurinn sem liðið vinnur undir minni stjórn en áður hafði ég keppt 2 leiki við toppliðin í minni deild og tapað (öðrum þeirra mjög illa). Nú þarf ég svo bara að vinna 2 næstu leiki og þá bjarga ég mér frá því að lenda í umspili um það hvort ég fell eður ei. Að lokum vil ég þakka hinum rauðhærða risa er stýrir stórliðinu FC Kutuzov kærlega fyrir hjálpina.
Óli Njáll  23:58| link

Spurning
Um hvað skyldi maður blogga núna á þessum tímapunkti. Jú, augljóslega byrjum við á krikketi. Ástralir unnu Englendinga naumlega áðan og drógu þar með verulega úr möguleikum tjallans á að komast áfram, möguleikinn er þó enn fyrir hendi. Nú þegar riðlakeppnin er að verða búin er ljóst að Ástralía, Indland og Kenýa eru komin í 6 liða milliriðil en 3 sæti eru enn laus. England, Zimbabve og Pakistan berjast í A-riðli um eitt laust sæti og standa þar Zimbabvemenn best en ef þeir sigra Pakistan í lokaleiknum komast þeir áfram. Ef Pakistan vinnur fer hins vegar í gang mikil reikniformúla til að velja eitt af þessum liðum áfram á run-rate. Voða stuð.
Í B-riðli eru Kenýamenn komnir mjög óvænt áfram en Sri Lanka, Suður-Afríka og Nýja Sjáland berjast um 2 laus sæti. Ómögulegt er að spá nokkru þar um.

Jæja, bloggatriði dagsins númer 2. Próftaflan mín sem ég sá fyrst áðan. Hún er vond. Fíla 25. apríl, IN 3 28. apríl, A2 þann 30. apríl og svo M3 þann 13. maí. Nokkuð ljóst að Fílan verður send í sumarpróf enda allt of þétt að taka 3 próf á 5 dögum með þetta miklu lesefni.

Númer 3 er leikur Liverpool og United. Við unnum, jibbíkajey!!!!!!! Takk Dudek, Gerrard og Owen, ég elska ykkur alla. Houllier má samt hverfa mín vegna. Liverpool var miklu betra liðið í þessum leik og aumingjarnir frá Oasisborginni voru bara fallbyssufóður, ég vorkenni ykkur aumu stuðningsmenn þeirra.

4. atrðið. Helgin mín. Ég fór í magnaða skálaferð Fróða og skemmti mér þar mjög vel. Læstist inni á Landspítalanum og borðaði bollur. Nenni ekki að segja frá fleiru.
Óli Njáll  16:58| link ------------------