27.2.03

Word
Afskaplega er þægilegt að kenna vörd í 3.bekk, verslunarbréf eru æðisleg.
Óli Njáll  09:38| link ------------------

26.2.03

Kosningar
Jæja, ég mætti á kjörstað áðan og kaus að sjálfsögðu H-listann. Nú er bara að vona að þeir nái inn manni og geti hrist aðeins upp í þessum steingeldu fylkingum.
Óli Njáll  16:17| link

Indland
Indverjar eru að standa sig ágætlega gegn Englendingum, ég þori þó ekki að leggja mikið undir á þá enda gætu þeir alveg látið Englendinga taka sig í görnina á eftir. Þá myndi ég gráta.
Óli Njáll  16:13| link

Litli Sesar
Einhverra hluta vegna virðist sá staður vera enn á lífi og sendir auglýsingabæklinga heim til fólks í gríð og erg. Tilvera þessa staðar er með öllu óskiljanleg enda eru þeir með vondar pizzur. Ég man enn það ár er ég var neyddur til að borða pizzurnar þeirra í heilan vetur. Ég hef ekki enn beðið þess bætur.
En hverjir eru svo sem bestu pizzastaðirnir, tja Papinos er í miklu uppáhaldi hjá mér, verst að þeir eru staðsettir á hálfvitalegum stöðum. Ódýrar og slepjulegar pizzur, það er gott.
Óli Njáll  11:31| link

Dugnaðarkvöld
Já, loksins komst maður eitthvað af stað í framleiðnu atferli nú er skyggja tók. Fór á öflugan fund UVG-manna þar sem saman voru komnir margir merkismenn. Eigum við að linka á þá sem hægt er að gera slíkt, jamm gerum það því fæstir þarna blogga að minnsta kosti svo að ég viti til. Þarna voru Huginn sem ég þekki frá gamalli tíð og einnig voru þarna mr-bloggararnir Snæbjörn og Oddur, aðrir held ég að bloggi ekki. En góður fundur og ljóst að VG mun rokka feitast nú á vormánuðum.
Annar sem rokkar feitast er svo Valli vélritunarmeistari sem er massífasta framhaldssaga 21. aldarinnar. Mikið skrifað um hann í kvöld. Svo er bara að sjá viðbrögðin á morgun.
Óli Njáll  01:39| link ------------------

25.2.03

Það tókst
Mér tókst að koma mér niður í Verzló þar sem fundur vélritunardeildar hefst eftir 5 mínútur í leyniklefa deildarinnar. Hvað fer fram á þess háttar fundum er náttúrulega "top secret" en þar er sko margt brallað.
Óli Njáll  17:12| link

Leitblóðið Óli Njáll
já, hann hefur ekki gert handtak í dag. Fór reyndar í göngutúr um Breiðholtið en það getur nú ekki kallast framleiðið. Svo á ég víst að mæta á fund nú klukkan korter yfir fimm. Og svo annan fund klukkan 8 í kvöld. Er líf mitt að fyllast af fundum, það er nú ekki jákvætt. Jákvætt þó að kannski get ég rukkað inn skuld á eftir. Það er alltaf jákvætt.
Óli Njáll  16:27| link

Svefnsýki
Já, ég lagði mig óvart í morgun að lokinni kennslu. Það er ekki gott því nú er ég þreyttur og á að mæta í tíma uppi í háskóla eftir 10 mínútur, nokkuð ljóst að mér mun seinka örlítið.
Fyrir mér liggur í dag að lesa aðeins um kvennasögu og fara svo að huga að skrifum, jafnframt væri sniðugt að skrifa eins og 2-3 æfingar um Valla vélritunarmeistara. Það er skondin gaur og sagan af honum ansi mögnuð. Jafnvel skelli ég mér líka í ræktina.
Pakistan að vinna Holland, það kemur nú ekki á óvart.
Óli Njáll  13:09| link ------------------

24.2.03

Bloggþjófnaður
Áðan stal blogger af mér stóru og löngu bloggi. ég skrifa því aftur styttri útgáfu af því hér og nú.
Í dag var setið á Bókhlöðunni og rannsakað. Njallinn hefur nefnilega fært út sitt sagnfræðilega áhugasvið og snúið sér að kvennasögu. Það var upp og ofan að lesa það, sumar voru ansi sterkar en aðrar voru eins og beljur á svelli í málflutningi og þær verstu mynntu mann einna helst á nasista að skrifa um gyðinga, svo innblásnar voru þær af einhverjum heilögum kennisetningum. Ég ætla að halda þessu starfi mínu áfram á morgun.
Heimsku hálfvitar eru þeir sem nota sagnfræðitímarit á Bókhlöðunni að geta ekki gengið frá eftir sig almennilega. Það er ekki gaman að þurfa að leita í heilum rekka að vissum árgangi bara af því sauðskur selfyssingur veit ekki að 26 er á milli 25 og 27. Ef ég stend einhvern slíkan asnakjálka að verki mun ég brytja hans ógæfusama líkama í búta með bryntrölli og varpa þeim í hið fúla síki er umlykur bókhlöðuna. Mun ég svo glotta þegar mávarnir gæða sér á sundurtættum nánum.
krikketið var vont við mig í dag og Sri Lanka tapaði fyrir Kenýa sem opnar B riðil alveg upp á gátt. Ég veit bara ekkert hverjir komast áfram.Ástalir unnu hins vegar Zimbabve, það þykir mér leitt.
Óli Njáll  23:33| link

Ósigur yfirvofandi
Sri Lanka er hreinlega að gera í brækurnar gegn Kenyamönnum núna, alveg merkilega lítill stöðugleiki í mínum mönnum. Á sama tíma er allt í járnum hjá Ástralíu og Zimbabve. Zim skoruðu 246 og nú eru Ástralir komnir með 118/2 eftir 23 over. Það munar því ekkert voðalega miklu á run rate. Hins vegar eiga Ástralirnir það mörg wicket eftir að þeir geta farið að gefa svoldið í og bombað á heimamenn. Það væri þó með eindæmum ánægjulegt ef Mugabe myndi sigra Ástralina.
Óli Njáll  13:31| link

Góðan daginn
Já, þá er ný vinnuvika hafin og sú verður strembin því nú styttist í ýmis verkefnaskil í sagnfræðinni hjá mér. En byrjum á umfjöllun um helgina.
Áður hefur verið greint frá föstudagskveldinu og laugardagurinn því næstur. Árshátíðir eru alltaf eins og ég fíla þær ekki. Reyndar var mjög góður matur, hlaðborð með ýmis konar steikum. Að öðru leyti voru fáir jákvæðir punktar þarna. Gamalt fólk er bara ekki magnaðir djammfélagar, ég fór því heim upp úr miðnætti. Hápunktur kvöldsins var þó þegar Anton drap Glósu-Jón næstum því. Aldrei bjóst ég við að upplifa klént b-myndaatriði að kalla yfir sal, "er læknir í húsinu?" en einhvern tímann er allt fyrst. Og líkt og í öllum slíkum myndum var læknirinn að sjálfsögðu nærri og bjargaði málunum þannig að Jón lifir. Happdrætti kvöldsins sökkaði, ég vann ekkert.
Rétt er þó að minnst á stórgóð skemmtiatriði kvöldsins, þar sem Ólafur Víðir fór mikinn í brúðarkjól og Þorkell Diego í eldrauðri samfellu. Já, íslenskudeildin rokkaði svo sannarlega í góðri uppfærslu á atriði úr Þrymskviðu. Einnig kom nemendakór Verzlunarskólans og stóð sig frábærlega, þessi kór er að verða sá besti á landinu enda er annað ekki ásættanlegt fyrir besta framhaldsskóla landsins.
Í gær horfði ég á þunglyndislegan knattspyrnuleik og fór í bíó. Þar var á ferðinni Hugh Grant einn af mínum uppáhaldsleikurum því hann er svo sætur. Myndin sem var Two weeks notice var bara þrælskemmtileg. Ég fíla myndir sem hafa mjög fyrirsjáanlegan og tíðindalítinn söguþráð og byggjast upp á ódýrum samtalsatriðum. Áhorfendahópurinn var áhugaverður, allt fullt af pörum og svo við vélritunarkennarar. Súrt.
Er ekki nauðsyn að enda þetta á smá krikketi. Tendulkar var hrottalega góður um helgina og skoraði 152 úr 151 bolta gegn Namibíu (sem er skítalið), Englendingar unnu Pakistan með glæsibrag og eitthvað fleira gerðist sem ég man ekki eftir. Í dag er svo Ástralia að berjast við Zimbabve og lítur bara nokkuð vel út fyrir þá Áströlsku, þrátt fyrir að Flower bræður hafi á smákafla ógnað þeim. Sri Lanka er svo að keppa við Kenýa og ætti að taka það, Murali tók 4 wickets þannig að ég er sáttur. Framhald síðar....
Óli Njáll  10:07| link ------------------