22.2.03

Árshátíð
Nú´í kvöld er stefnan sett á árshátíð VÍ, þ.e. starfsmanna sem verður haldin í Skútunni í Hafnarfirði. Ekki er það nú dýrt, einungis 2000 kall. Það er jákvætt. Ætli maður reyni ekki að haga sér skikkanlega þarna. Býst svo sem ekkert við svakalegu stuði en þetta verður vonandi ágætt.
Í gær var hins vegar mikið fjör og heljarinnar drykkja hjá vélritunarkennurum sem nú eru hvorki geðveikir né þunglyndir. San Miguel var tilraunaverkefni kvöldsins og þegar þær birgðir fóru að minnka fékk ginflaskan hans Antons virkilega að kenna á því. á vissum tímapunkti virtist meira vera farið úr ginflöskunni en úr tónikflöskunni. Ekki viss um að það sé ráðlegt og hausinn á mér var eitthvað ósáttur í dag líkt og maginn, sennilega hefur eitthvað verið að tónikinu.
Annars sannaðist hið fornkveðna í gær að vélritunarkennarar eiga aldrei að kaupa áfengi í kringlunni, nemendur góma mann ávallt með pokann og það lítur illa út, ég slapp þó í gær en aðrir ekki:)
Óli Njáll  18:51| link ------------------

21.2.03

Hádegi
Ég er að hugsa um að fá mér eitthvað að éta. Borðaði lítið áður en ég hljóp út í storminn í morgun og eyddi þar drjúgri stund í snjómokstri af mínum bíl sem var á kafi enda staðsettur fyrir ofan mörk hins byggilega heims. Skemmtilegt í morgun að meðalnemandinn mætti klukkan ca. 8: 30. Ég gaf þó engum seint fremur en vanalega. Annars er ég nokkuð vel úthvíldur í dag enda fór ég að sofa klukkan 10 í gær. Þetta er samhengislaust röfl, njótið heil.
Óli Njáll  11:53| link

Sagan gengur í hringi
Já, Gettu betur var víst í gær. Það er náttúrulega ekki nógu sniðugt að Verzló hafi dottið út en þeir stóðu sig samt ágætlega og voru oft á tíðum óheppnir í bjölluspurningum. Nokkuð súrt að þeir náðu jafn miklu úr hraða og mr gerði í sinni keppni 18 en voru þó 7 stigum á eftir mh sem voru svakalega góð í hraða, eða öllu heldur góður hann var svakalega mikið einn í liði þessi Jónas. En getur mh sigrað mr? mhingar eru tvímælalaust betri í hraða en mr þó ég sé nokkuð viss um að mringar eigi meira inni í þeim efnum. mringar eru hins vegar mun betur lesnir og eiga að valta yfir bjölluspurningarnar ef þessi lið mætast. Gæti samt orðið skemmtileg keppni.
Óli Njáll  09:29| link ------------------

20.2.03

Bloggari
Þá hefur fyrrum lærisveinn minn, Kristín Halla hafið blogg. Getraun dagsins er því hvað á hún sameiginlegt með þessari snót? Ekki eru nú fyrstu færslurnar langar hjá KH og stór galli á síðunni er tvímælalaust að enginn tengill er á mig.
Óli Njáll  18:49| link

klappídíklapp
Já, bara einn tvöfaldur sögutími hjá 4-X og svo er Gettu betur. Það er merkilegt hvað ég er í litlu kennslustuði í dag. Langar miklu meira á GB þar sem mér skylst að ég verði á fremsta bekk sem er frátekinn fyrir kennara og aðra aðstandendur. Kannski sést ég bara í sjónvarpinu, geðveikt. Annar skylst mér að klapplið Verzló sé búið að vera í stífum æfingum og ætli sér að rúlla yfir mh-ingana. Megi þeirra helvítis Jesú söngur aldrei heyrast, mun ég þá ganga berserksgang og snúa slík óþverrakvikyndi úr hálsliðnum.
Óli Njáll  13:07| link

Fimmtudagur
Já, ekki var mikið bloggað í gær. Þó var hellingur að gerast t.d. í krikketheiminum. Samt fátt merkilegt. Öll úrslit eftir bókinni og það markverðasta var að Kanada setti heimsmet í lélegheitum þegar þeir skoruðu bara 36 stig gegn Sri Lanka. Í dag eru svo Ástralir að leiða Hollendinga til slátrunar, og þó eru ýmsir markverðir menn svo sem Gilchrist hvíldir.
Í gær fórum við gömlu jaxlarnir Lambkáli og tókum þátt í svaðalegri pressukeppni við Verzlóstrákanna og var þar hart barist. Mér fannst strákarnir vera í fínu formi og er bara bjartsýnn fyrir daginn í dag.
Í morgun innleiddi ég svo nýja tækni í wordkennslu í Verzló. Eigi nennti ég að sitja við tölvuna og þylja yfir þeim verkefnið líkt og gamlar hefðir segja til um, í stað þess mætti ég tímanlega í morgun og útbjó skriflegar leiðbeiningar. Lét þau síðan klóra sig fram úr þessu. Ég hef mikla trú á þeirri kennsluaðferð þótt ókosturinn sé að ég vaknaði klukkan 6:55:(
Rokkar Ingi 'Sigurðsson feitast? jamm, tvímælalaust gerir hann það.
Óli Njáll  10:28| link ------------------

19.2.03

Vont, mjög vont
Áðan fékk ég alveg svaðalega vondar fréttir í gegnum símann. Fréttir sem ég hefði alveg getað verið án.
Óli Njáll  13:20| link ------------------

18.2.03

Þriðjudagur #3
Já, það er bara allt að fara fjandans til á Seyðisfirði skv. MBL. Þetta bæjarfélag verður eflaust horfið innan nokkurra ára ef svo heldur fram sem horfir.
Áðan hélt ég hins vegar framsögu um bók Iggers eða öllu heldur þann kafla hennar er lítur að áhrifum marxisma á sagnfræði. Ég var svakalega illa undirbúinn og stóð mig ekki vel en það er það skemmtilega við þessa framsögu að hún gildir ekki neitt.
Windies vs. Bangladesh var blásinn af sökum úrhellisrigningar sem skall á þegar Bangladesharar voru nýbyrjaðir að batta. Dauði og djöfull, bæði lið fá tvö stig sem getur reynst dýrkeypt fyrir Windies.
Óli Njáll  15:47| link

Þriðjudagur #2
Sögutíminn í morgun var óvenjulegur fyrir ýmsar sakir. Nemendur sem áttu að hafa framsögu beiluðu á því og verða þær því tvær á föstudaginn. Í staðinn fékk ég í hendurnar geisladisk sem innihélt myndir úr nemópartýi bekkjarins og var það bara ansi skemmtilegt að rúlla þeim upp á skjávarpann. Ég slapp greinilega mun betur við myndavélina en ég hélt, aðeins nokkrar myndir af mér og fáar mjög slæmar. Meirihluti tímans fór þó í hinn merka Ottó 1 og afrek hans. Jafnframt smá kennsla í heimildaskrám. Þetta kallar maður að fara yfir víðan völl í einum tíma.
Óli Njáll  10:41| link

Þriðjudagur #1
Jæja, var ég ekki búinn að vara við krikketfærlslu? Jú, eflaust. En hún er stutt. Windies eru ekki að gera góða hluti gegn Bangladesh. Að öllum líkindum munu þeir þó samt vinna öruggan sigur enda andstæðingurinn af verri endanum. Brian Lara skoraði 46 en aðrir hafa ekki verið að standa sig, t.d. Chris Gayle sem stóð á öndinni, skoraði sumsé 0 stig. En Hooper og Sarwan eru nú að batta og virðast vera að ná upp takti, slíkt getur þó breyst með einu varpi því í krikketi er allt hverfullt.
Óli Njáll  10:38| link ------------------

17.2.03

Greifarnir
Man ekki hvort ég var búinn að blogga um Greifadiskinn sem ég keypti um daginn á útsölu á kúk og kanel. En ég hef glettilega gaman af þessari tónlist, afskaplega létt og skemmtileg. Frystikistulagið, Útihátíð og fleiri og fleiri eru alveg stórskemmtileg. Ætli ég rúlli honum ekki bara undir geislann núna....
Annars er skemmst frá því að segja að Historians on History fannst að lokum með hjálp góðviljaðs bókavarðar á hlöðunni. Í kvöld ætla ég svo að lesa Iggers fyrir svefninn til að fá heildstæðari mynd af viðfangsefninu.
Hvað finnst mér um bloggumfjöllun Fréttablaðsins? Vitanlega var þar einn stórmeistari og ofursnillingur, enginn annar er prímusmótor Praxítelesar og austfjarðagoði í hjáverkum, Þór Steinarsson og er það vel. Aðrir voru einhverjir hortittir og eymingjar sem ekkert merkilegt hafa að segja. Gef lítið fyrir þess háttar fólk.
Óli Njáll  19:37| link

Brjálaður
Af hverju er Historians on History ekki finnanlegt hér á bókhlöðu dauðans? Ekki nógu sáttur með það, neyðist víst til að finna Hobsbawm eftir öðrum leiðum. Alveg er ég hoppandi illur þessa stundina. En leitin heldur áfram....
Í dag er ekkert krikket. Ég er ekki að höndla það ófremdarástand. En á morgun hefst ballið aftur og ég er búinn að raða upp fantasyliði mínu fyrir aðra umferð (reyndar einn leikur búinn nú þegar)
batsmenn: Gibbs, Vaughan, Lara, Hayden
Hinn brjálaði vörður: Gilchirst
Alltíkringum: TENDULKAR, Kallis, Jayasuria
Varparar: MURALI, Dillon og Akhtar

Í all caps eru að sjálfsögðu mínir tveir uppáhaldsmenn, ef þið hafið ekki áttað ykkur á því að þessir tveir eru guðir í mínum augum þá er eitthvað að...
Óli Njáll  15:25| link

Spennandi
Nú er ég að fara niður á bókhlöðu að undirbúa framsögu fyrir morgundaginn. Lesefnið fyrir hana er greinin Marx on History eftir engann annan en meistara Hobsbawm. Jafnframt eitthvað krapp eftir Iggers. Er það tilviljun að Guðmundur Jónsson skyldi skylda mig á framsöguverkefnið "Áhrif marxisma á sagnfræði á 20. öld"? Dæmi nú hver fyrir sig.
Í morgun var ég svakalega ánægður með samstarfskonu mína hana Jóhönnu sem sendi mér í pósti tilbúin öll verkefnin í 1. kafla í ritverki sem er word-kennslan. Annars hefði ég neyðst til að vélrita 8 blaðsíður sjálfur. Því nenni ég nú engan veginn.
Óli Njáll  13:55| link

Enn af Birgittu
Það er afskaplega skemmtilegt þessa dagana að fylgjast með súrsuðum móral þeirra hottintotta er vildu fá auma Hafnfirðinga í kjúklingabúningum í Júróvisíon. Við aðdáendur Birgittu brosum hins vegar út að eyrum enda sigurinn öruggur í vor. Aftur á móti virðast þeir vera mjög fáir sem vildu fá eitthvert annað lag en þessi tvö í keppnina, Stefán Einar er t.d. eini maðurinn sem vildi fá ferrarilagið (eða hvað sem það nú hét) en hann er nú svo sem ávallt einn á báti.
Ætli Júróvísionkvöldið verði ekki með nokkuð hefðbundnu sniði í vor, fara í partý, drekka áfengi og hlusta á mjög léleg lög og sitja svo spenntur yfir stigagjöfinni sem verður náttúrulega alveg mögnuð sökum þess að Ísland er að verða heimsmeistari í Júróvision. Go Birgitta!!!!
Óli Njáll  09:34| link ------------------

16.2.03

Pokurinn og sögubókin
Ég er sannfærður um að ill öfl ásæki mig og þau stunda það að stela sögubókinni sem ég á að kenna. Nú hefur hún horfið í annað sinn á einum vetri sem er náttúrulega alveg stórmerkilegt. Mögulegir sökudólgar eru Pokurinn, 4. hæðar Móri og svo það fólk sem hefur sést í Bókveri undanfarnar vikur þ.e. sögukennarar, ræstingafólk, Atli vaktmaður og geðveiki vélritunarkennarinn. Þetta er alveg hætt að vera fyndið.
Í sumar ætla ég svo að flýja þetta bölvaða sker og halda með múttu, pabba, Bolanum og fjölskyldu hans til Spánar í hálfan mánuð. Það verður eflaust nokkuð gaman. markmið ferðarinnar: Drekka bjór, heilla senjorítur og lemja latínólufsur enda eru þess háttar kvikyndi öll viðurstyggileg. Einnig ætla ég að verða brúnn eins og tzjokkó.
Ég hef ekki svarað í símann minn í 2 daga og það af ásettu ráði. Fólk er fífl og ég nenni ekki að tala við það.
Að lokum vil ég lýsa dálæti mínu á þeirri stefnu Kollu að láta nær alla tengla tengja á sama manninn, nánar tiltekið austurlandsgoðann Þór Steinarsson.
Óli Njáll  21:25| link

Pakistan, England og Nýja Sjáland
Það eru sigurvegarar dagsins á HM í krikket. Pakistanir rústuðu Namibíu og kom ekki mikið á óvart. Sá leikur var aðeins formsatriði. Akram og Akhtar voru massívir í vörpunum og börðu á afríkumönnunum.
Englendingar tóku Hollendinga auðveldlega. Þar voru Knight og Vaughan aðalmennirnir ásamt varparanum Anderson. Þetta telst líka skyldusigur og fátt fréttnæmt við hann.
Leikur Nýja Sjálands og Suður Afríku var hins vegar stórleikur. SA byrjaði svakalega vel og skoruðu alls 306/6 í sínum 50 overs. Var þar H. Gibbs í fantaformi með 143 stig. Staðan var því ansi vænleg fyrir SA á þessum tímapunkti. NS voru hins vegar ekkert á þeim brókunum að gefast upp og S. Fleming var í svipuðu formi og Gibbs og skoraði um 140 stig. Sökum rigningar varð að stytta leikinn og takmarkið sett á 239 úr 39 overs. Og því takmarki náðu NS og fóru því með sigur af hólmi í mögnuðum leik. SA er því búið að tapa tveimur leikjum á mótinu(sá fyrri gegn Windies) og gætu því verið í vondum málum. Þeir hreinlega verða að vinna Sri Lanka, annars er draumurinn úti að öllum líkindum. Ef SA dettur út þá munum við pokurinn glotta við vorar grænu tennur.
Óli Njáll  17:47| link

Sigur
Að sjálfsögðu var það Birgitta Haukdal sem vann Eurovision og er það af hinu góða. Það hefði fátt verið aulalegra en að senda hina örmu sveit Botnleðju út, ekki einu sinni Pokurinn er svo illur að óska evrópubúum þess. Ég kaus að sjálfsögðu Birgittu, 3 sinnum. Að sjálfsögðu mun Birgitta svo vinna keppnina úti og vandamál okkar því að ákveða hvar við ætlum að halda keppnina 2004
Óli Njáll  11:59| link ------------------