{ Óli Njáll - oli@verzzzzlo.is }

[ Naggur | ASAT | UVG | Múrinn | Praxiteles | Gamalt ]

[ Alfreð | Thors | Stigastrumpur | Stallari | Gneistinn | Hilma ]

[ Danton | Munnharpa | Keflavík | Bendt | Steinunn | Greinar ]

18.1.03

Haustönn 2002
Hér með er haustönninni alveg að ljúka. Einungis eftir að láta Gísla fá pappírana og losna við fallið sem skráð er á mig í kúrsinum eins og stendur.
Óli Njáll  16:27| 
link

Spánarblogg
Kolla bara byrjuð að blogga aftur. Í þetta skiptið ber ég enga ábyrgð á hennar bloggi.
Óli Njáll  10:19| link
------------------

17.1.03

Fixað
Já, sáttur er ég við kvöldið í Gettu betur. Sérstaklega er ég ánægður með vel fixaðan drátt þeirra Rúv manna að þessu sinni. Öll þau lið sem þau búast við einhverju af fara nokkuð auðveldlega áfram. MR, Verzló, MH, MS, Flensborg. Laugarvatn vs. Suðurnes er keppnin sem er gerð til að einn skítaskóli komist í sjónvarpið þannig að Logi geti sagt "hér er lið sem ekki hefur farið mikið fyrir í keppninni að undanförnu blablabla". Svo er ein jöfn keppni miðlungsliða, MA vs. Bændur. Bæði lið fara að öllum líkindum áfram. Annars gæti ME líka orðið stigahæsta tapliðið. Það væri yndi að fá það lið í sjónvarpið, enda var einn þeirra bæði skemmtilega stressaður og málhaltur.
Óli Njáll  23:26| 
link

Hvílík snigggld
Mér finnst
þetta alveg stórkostlega fyndið.
Óli Njáll  17:26| link

Raunir gb-fíkils
Já, Gettu betur fíkillinn ég fórnaði gærkvöldinu í þágu flokksins og missti þar með af þremur Gettu betur keppnum. Reyndar stálumst við Gunni til að hlusta á hraðaspurningarnar á viðureign MS og Norðfjarðar. Norðfirðingar voru jafn lélegir og þeir voru í fyrra og fengu níu stig á 2 mínútum sem er meiri tími en öll önnur lið fá í þessari keppni. MS-ingarnir voru líka lélegir í hraða og fengu aðeins 22 stig á tveimur mínútum (Flensborg fékk 25 á 100 sekúndum, Borgó 22 og Verzló 21) þannig að ekki skil ég hvað Stefán er að mæra þá, en að vísu veit ég ekki hvernig þeir voru í víxli. Ég gleðst yfir velgengni Bændaskólans, væntanlega er það vinur minn Stefán Geirsson sem er að gera þar allt vitlaust annað árið í röð. Stefáni fylgdi mikil bölvun þegar hann var á Laugarvatni og lenti ávallt á Verzló í útvarpi, fyrir hann var það svipuð bölvun og fyrir mig að dragast tvö ár í röð á móti mr í 8-liða úrslitum.
Í kvöld verður svo útvarpað síðustu keppnunum. Ég held ég verði bara heima við viðtækið og bíði spenntur eftir drættinum í 2.umferð. Ég mun ekki missa af tveimur kvöldum í röð, no way!!!!!
Óli Njáll  17:10| 
link

já, í dag er afleising skrifað með i.
Óli Njáll  12:02| 
link

Afleisingar
Það er lítið stuð í afleisingakennslu.
Óli Njáll  12:02| 
link

Spennandi
Núna er nagli í 4-E sem er skemmtilegur bekkur. Þægilegt að sitja yfir nöglum:) Í dag mun ég svo hitta 3-B í fyrsta skipti. Þar ganga sögur af frægum vélriturum. Hinn þunglyndi vélritunarkennari er að sjálfsögðu spenntur fyrir því.
Óli Njáll  08:18| 
link
------------------

16.1.03

Fram þjáðir menn...
....í þúsund löndum

þessi orð heyrast aldrei nógu oft.
Óli Njáll  22:37| 
link

Súrt
Já, súr hvalur í fyrsta skipti í mörg ár. Hann bragðaðist vel.
Súr fundur í borgarstjórn í dag. Ingibjörg Sólrún er geit.
Súr Pressa. Kíkti á pressuna áðan, djöfull er það lélegur vefur.
Súrt hlutskipti mitt. Ég á að mæta á herráðsfund, það brýtur gegn öllum grundvallarlögmálum.
Súrt að á sama tíma missi ég af þremur skemmtilegum Gettu betur keppnum.
Óli Njáll  19:14| 
link

Fyndið
Mér finnst það alveg magnaðar fréttir að Liverpool sé að scouta hinn unga svía Kim Kallström. Mér sem champnörd þætti það afskaplega skemmtilegt ef þessi maður yrði einhvern daginn alvöru stórstjarna. Svo er það bara að tryggja sér Maxim Tsigalko, Jonas Lunden og Arjen Robben. Þá verðum við massífir.
Óli Njáll  15:02| 
link

Skinka
átti augljóslega að vera með stórum staf í síðustu færslu, sumsé Skinka Ármannsson. Það endar meira segja á -a og er ekkert heimskulegra en Skúta.
Óli Njáll  14:58| 
link

Hinn sanngjarni sögukennari
Sögukennarinn hinn góði leyfði nemendum að fá meðaleinkunn upp á 7,1 í sögunagla nú fyrir stundu. Já, hann er ljúflingur þessi drengur.
Ef Ármann vill skýra Ham af hverju þá ekki skinka?
Óli Njáll  14:58| 
link

Brottfall
Sjaldan er brottfall nemenda jafn áþreyfanlegt og hjá Inga Sigurðssyni í dag. Eins og vanalega hvarf ca. tugur nemenda eftir fyrsta tíma en í frímínútum virðist flóttinn vera að aukast. Vonandi fara sem flestir, því færri sem eru eftir því betra. Ef tekst að hemja þetta niður í ca. 15-20 manns þá verður rokkað í vor. Hvers vegna vil ég losna við þennan skríl? Jú, þetta er vitanlega að mestum hluta skríll hinn versti auk þess sem fámennir kúrsar skapa miklu betra andrúmsloft. Mér finnst að það mætti fækka sagnfræðinemum í heildina því all verulega.

Óli Njáll  11:13| 
link

´Halló Frosti
Það fór þó aldrei svo að ekki kæmi vetur á fróni. Ég mætti of seint í vinnuna enda var fremur erfitt að komast leiðar sinnar fyrir hattakörlum og fíflum á sumardekkjum sem óku um götur borgarinnar í bakkgír. Djöfulsins fífl að geta ekki verið á almennilega búnum bílum og keyrt eins og menn.
Ýkjur eru komnar út, en þær eru sem kunnugt er slúðurblað Fróða. Ýkjur hafa þar með komið tvisvar út í vetur sem er tveimur tölublöðum meira en í fyrra. Allt er þetta hluti af svakalegri upprisu Fróða. Ekki að ýkjurnar hafi verið ýkja góðar í þetta skiptið en sem betur fer tókst mér að forða mínu nafni úr blaðinu. Fróði á svo eftir að rokka enn feitar á vorönn líkt og VG, ég og Ingi Sig.
Í þessum töluðu orðum á ég frí í tölvutíma því Magnús Stefánsson er að segja krökkunum að dóp sé slæmt. Ég efast um að það hafi einhver áhrif, ég hef miklu meiri trú á sjálfum mér þegar kemur að forvörnum enda er ég kennarinn sem hélt hátíðlega ræðu um böl áfengis og var svo nappaður sama dag af nokkrum nemendum með fulla innkaupakerru af bjór. En ég er sáttur með fríið.
Óli Njáll  09:01| 
link
------------------

15.1.03

Sólrún
Mikið er fyndið hversu margir sem á þessum tímapunkti segjast ætla að kjósa Sólrúnu hafa ekki hugmynd um fyrir hvað hún stendur. En það mun breytast þegar hún mun þurfa að tjá sig um málefni. Og þá munu væntanlega ansi margir hætta við að kjósa hana.
Óli Njáll  22:18| 
link

Torfkofar eru málið
Já, ég býst við að þessi fyrirsögn laði marga hingað af naggnum. En þetta verður viðfangsefni mitt í nokkra daga í vor. Ég er nefnilega nær alveg búinn að velja mér kúrsa, þeir eru þessir:
1. Mannkynssaga 3. Ingi og Ömmi eru rokkarar báðir tveir en Ingi þó þyngri en Ömmi. Þetta verður því gríðarlegt stuð. Ég ætla að sjálfsögðu að skrifa ritgerð hjá Ömma en halda framsögu hjá Inga, sennilega verður hún um stöðu bænda í kringum 1900.
2. Íslandssaga 3. Palli og Eggi verða þarna með samspil sem mun verða fróðlegt. Ég ætla einmitt að hafa framsögu um torfkofa, kosti þeirra og galla. ritgerðin verður sennilega um steinsteypunotkun í húsbyggingar á fyrri hluta aldarinnar sem leið.
3. Aðferðir 2. Þetta námskeið verð ég að klára og eins gott að ljúka því af. Hef ekki enn mætt í tíma en þetta verður eflaust fínt.
4. Fýlan. Já, nú verður hún sko mössuð. Kennarinn er ekki upp á marga fiska en ég læt það ekki stoppa mig. 18 einingar skulu nást í hús á þessari önn og svo klárað næsta vor.
Heimi miðalda er fórnað, annað árið í röð.
Valur Ingimundarsson er kominn langleiðina með að sannfæra mig um að fara í framhaldsnám til Bandaríkjanna, orð þessa manns eru lög. Þetta myndi að vísu fara alveg með mín fyrri áform og lífssýn en what the fuck.
Ég er ekki búinn með ritgerð í hagsögu:(
Óli Njáll  17:40| 
link
------------------

14.1.03

Auðvitað...
...spáði ég öllum keppnunum rétt þótt Flensborg hafi komið öllum hugsandi mönnum á óvart með góðri frammistöðu en þar er fantagott lið á ferðinni. Ekki munu Sauðárkrókur og Suðurnes gera neinar rósir og bæði detta út í næstu umferð, þó gæti Sauðárkrókur komist áfram með heppni í drætti. Orð kvöldsins var Myndhöggvun.

Óli Njáll  22:07| 
link

Spádómur kvöldsins
Auðvitað hlustar maður á Gettu betur í kvöld eins og allir góðir menn.(Fólk sem fylgist ekki með keppninni af áfergju og drekkur í sig þann fróðeik sem þar er að finna er annars flokks fólk og mun allt deyja í byltingunni). Spáin er á þessa leið.
Sauðárkrókur skellir Suðurlandi. Suðurland hefur aldrei getað neitt á sögulegum tíma(hann hefst 1987) nema þegar þeir keyptu sér Seyðfirðing í liðið er nefndur var Eyjólfur. Sauðárkrókur er að vísu algert skítalið líka en ég held þeir merji þetta. Bæði lið mættu þó deyja mér að meinalausu.
Iðnskólinn mætir til leiks í ár og mætir FS. Ekki treysti ég minni mínu fullkomlega en man ekki eftir að Iðnskólinn hafi keppt síðan að þeir töpuðu 30-2 í fyrstu umferð árið 1999. Segja mér fróðir menn að það hafi á sínum tíma verið mesti munur á liðum í útvarpskeppni með þáverandi fyrirkomulagi. Það segir að vísu meira um getu Iðnskólans en andstæðinganna. Ég spái þó að Iðnskólinn verði aðeins skárri núna og tapi bara með ca. 15-20 stigum.
Flensborg hefur hefð ólíkt FASK sem þó hefur komist 1 sinni í sjónvarp er drengur að nafni Hjalti kom þeim þangað, hann fór síðan til kaupstaðarins og keppti með FÁ árið eftir, reyndist hann þó enginn mannvitsbrekka þá. Flensborg vinnur. Þetta verða þó allt mjög lélegar og leiðinlegar keppnir.
Óli Njáll  18:28| 
link

Jibbíkajei
Skólinn er byrjaður og ég mætti í fyrsta tímann minn í dag. Það var mjög magnaður tími þar sem afar fróður og góður kennari taldi upp alla sína uppáhalds hugmyndasagnfræðinga og reyndust þeir koma úr öllum áttum, sömuleiðis fylgdu öll fæðingar og dánarártöl þessara manna(nema augljóslega þeirra sem ekki eru enn látnir). Reyndar var þarna hin gullna regla sem segir að ekki megi kenna í fyrsta tíma þverbrotin og er það hæstvirtum læriföður til vansa. Jaðrar við að hann sé dóni af þessum sökum en þar sem ég er hvorki samfylkingarmaður né sjalli dettur mér ekki í hug að kalla hann það. Við vinstrimenn erum nefnilega sjéntilmenn og með eindæmum kurteisir ólíkt fasistum þeim sem mest láta um þessar mundir.

Í gær kom skoðanakönnun sem sýnir að meirihluti fólks er hlynntur kárahnúkavirkjun, í dag myndaði Ingibjörg Sólrún sér skoðun á málinu. Ótrúlegt en satt var hún sammála meirihlutanum.
Óli Njáll  18:15| 
link

Blaðasnápar
Af hverju er það ekki á forsíðum allra blaða að Katrín Jakobsdóttir skipi 5. sætið á lista VG í Reykjavík suður, Ármann sé forsætisráðherraefni en Steingrímur ætli samt að stýra innra starfi flokksins? Ómerkari fréttir hafa nú komist þangað á undanförnum dögum.
Óli Njáll  11:40| 
link
------------------

13.1.03

Músík
Hinn mikli tónlistargúrú ég mætti í Skífuna í dag í góðum félagsskap og eyddi pening. Alls voru þrír diskar keyptir að þessu sinni. Fyrst skal þar telja Best of Sting and the Police sem er mikið meistaraverk og tvímælalaust sá diskur sem ég mun rúlla undir geislann fyrir svefninn næstu daga. Næst skal telja safndisk með öllum bestu lögum Greifanna, sá diskur kostaði einungis 700 krónur og var því kippt með, nokkur góð lög sem gaman er að eiga en vitanlega meirihlutinn rusl. Síðast en ekki síst skal nefna diskinn Líður svo vel með Kjarnakettlingunum, það er tvímælalaust meistaraverk 21. aldarinnar.
Óli Njáll  19:23| 
link

Stúdentapólitík
Svansson var eitthvað að tjá sig um "3. framboðið" í stúdentapólitíkinni án þess að vita greinilega eitt né neitt í sinn haus. Þriðja framboðið er sko alls ekkert dautt. Fornar fylkingar geta því haldið áfram að skjálfa á beinunum.
Óli Njáll  16:09| 
link

Spádómur
Kunnugir menn segja að Ágúst Flygenring eigi eftir að blogga eitthvað um arabaheiminn á næstunni, sel það ekki dýrara en ég keypti það.
Óli Njáll  16:00| 
link

Sigurblogg
Sri Lanka vann öruggan sigur á Englendingum í dag og má þakka þeim Aravinda Da Silva og Sanath Jayasuria þann sigur en báðir voru þeir magnaðir. Spurning samt hvort þeir jafnist á við Valla vélritunarmeistar...
Óli Njáll  14:26| 
link

Eip
Eip dagsins er tvímælalaust fimm þátta leikverk Ármanns á Múrnum.
Óli Njáll  14:25| 
link

Í fréttum er þetta helst
4-H nennti ekki að vakna í morgun og vantaði því alls um 10 manns í bekkinn. ÞAð þótti mér ágætt en Jóhönnu öllu síðra. Stafar það eflaust af mismunandi sýn okkar á starfið, ég tel nemendur fánýta furðufugla sem best er að kenna sem minnst og pína sem mest í sjálfsnám, Jóhanna vill fremur kenna þeim eins mikið og hún mögulega getur. Í tölvukennslu er fyrrnefnda aðferðin vænlegri samkvæmt nýlegum rannsóknum RNUKIT stofnunarinnar og koma þær niðurstöður svo sem ekkert á óvart. Ég taldi því tímann í morgun hinn besta í langan tíma. Á morgun verður svo tölvunotkun hjá 3-G, þar vona ég að sem flestir mæti enda verður vélritunartími. Jafnframt verður kynnt mitt nýja stórbrotna árangurstengda afkastakerfi í vélritun sem og öðrum verkefnaskilum. Þetta verður BOMBA.
Í kvöld hef ég tvo kosti og báða góða. Sá fyrri er að fara í fótbolta með Þorgeirsbolanum hinum ógurlega, reyndar er ég varamaður í þeim tíma en hef þó mætt í síðustu 15 skipti eða svo. Sá síðari er stórfundur VG í Rúgbrauðsgerðinni þar sem uppstillingarnefnd ætlar að kynna til sögunnar nýja stórgóða frambjóðendur sem munu gersamlega slátra málefnalega- og málhöltum frambjóðendum Samfylkingarinnar og annarra smáflokka í komandi kosningum. Þar sem rík hefð er fyrir því að slíkir fundir dragist verulega á langinn tel ég minn vænlegasta kost að halda í fótboltann en mæta síðan á fundinn sem mun væntanlega standa sem hæst ca. 22:30-0:00. Síðan er væntanlega einhver bjór á dagskrá og loks þynkukennsla í fyrramálið. Jamm, þetta hljómar vel en nú skal ritgerð skrifuð fyrir hinn mikla jöfur íslenskrar sagnfræði.
Óli Njáll  11:02| 
link
------------------

12.1.03

Ekki slæmt
Nei, það er ekki leiðinlegt að lesa um bowlera vandræði Ástrala sem nú eiga 3 slíka meidda, þ.e. Shane Warne, Glenn McGrath og Jason Gillespie. Allir stórgóðir og nauðsynlegir Ástralska liðinu. Nú er bara að vona að þetta ástand vari fram yfir HM. Sri Lanka er á uppleið og verður heimsmeistari, það vona allir góðir menn.
Óli Njáll  22:18| 
link

Ekkifréttir
Haukur Hauksson hefur tekið yfir alla fjölmiðla landsins og segir þar ekki-fréttir. Sérstaklega fjalla þær um samfylkinguna.
Á morgun verður kosið um vondan lista VG í Reykjavík. Sjaldan hefur manni gengið jafn bölvanlega að veiða upplýsingar upp úr fólki um svona mál. Afleiðing þess er sú að ég veit bara örfáa hluti um listann og þeir eru annað hvort slæmir eða tilgangslausir. Verður Suðurkjördæmið vonarglætan? Tja, það eru allavega ekki margar aðrar vonarglætur í stöðunni.
Annars fór ég í fjölskylduboð í dag, það geri ég ekki oft. Ég veit fátt verra en skyldumætingar í svona hluti. Þessi pæling að fullt af fólki eigi að hittast á vissum tímum og hafa voða gaman að er ekki fyrir mig. Að sama skapi fer ég aldrei í bæinn eða á ball á gamlárskvöld. Já, ég er fúll á móti.
Óli Njáll  19:39| 
link
------------------




Powered by Blogger