10.12.02

Heilagur Jakobínus
Er maður dagsins í dag. Engin spurning um það!
Óli Njáll  18:17| link

Hrói höttur
Gefur þeim fátæku. Já, vér Hallur gerðum reifarakaup í 16" pizzu á 600 kall áðan. Og þetta var hin fínasta pizza. Alveg hægt að mæla með Hróa.
Óli Njáll  18:16| link

Kitkat
Að borða Kitkat er góð skemmtun. Að drekka kók með er líka gaman. Ég held að minn veiki stallari ætti að fá sér Kitkat, það er allra meina bót.
Óli Njáll  13:39| link

Hilma týnd?
Hilma, það er bannað að hætta!!!!!!!
Óli Njáll  13:37| link

Jólastúss
Nú fer að líða að jólastússinu. Reyndar ætla ég ekki að kaupa eina einustu jólagjöf, taka til eða fara í jólabaðið fyrr en á allra síðustu stundu, sumsé 21. des hefst sá þáttur jólanna. Hins vegar þarf maður að senda jólakortin fyrr en það. Ekki það að ágætt er að fá jólakort á síðustu stundu en það er samt helvíti pínlegt ef maður fær jólakort á aðfangadag án þess að hafa sent kort á móti. Í fyrra sendi ég griljón jólakort, keypti nokkur og svo voru eldri borgarar svo vinsamlegir að gefa mér fullt af jólakortum. Ekki skil ég þessa áráttu þeirra að gefa manni fullt af kortum á hverju ári. Jafnframt fær maður svona pakkamerkimiða og gíróseðil. Ég get notað merkimiðana(þangað til mamma eipar yfir því hvað þeir séu ljótir) en engin not hef ég fyrir gíróseðilinn. Mér finnst það nokkur ósvífni að senda fólki óumbeðin gíróseðil heim. Gíróseðlar gleðja engann.
Ég ætla að halda þeim sið að senda griljón manns jólakort. Og ég sendi fólki skemmtileg jólakort, ég skrifa smásögur og ljóð og skrifa óttalega steypu. Það eru skemmtilegustu kortin, líka þegar fólk skreytir umslögin. Ég hef mjög gaman að því að fá þannig dæmi. Reyndar veit maður alltaf að skreytt umslög koma frá konum, aðeins einn karlmaður sem ég þekki sendir þannig skreytt kort. Hann er líka snillingur mikill.
Fyrir þá sem ætla að senda mér kort þá er heimilisfangið Vesturberg 148, 111 Reykjavík. plííííssss.
Óli Njáll  11:13| link ------------------

9.12.02

Ökli í eyra
Já, minn ökli er nú ónýtur og gagnslaus. Áðan ákvað hann að ég ætti ekki að spila fótbolta og fór í verkfall, afskaplega sársaukafullt verkfall. Íspokar eru vinir í raun á slíkum ógnarstundum. Nú er ljóst að ég þarf að fara gera eitthvað í málinu. Spurning um að tala við Doktor Dodda og heyra hans álit. Slíkt þykir eflaust öllum kerlingum ráðlegt en ég held ég geri það ekki, alvöru karlmenn leita ekki læknis fyrr en af er fóturinn. Annars var Maggi eitthvað voðalega ósáttur í boltanum áðan og var næstum því lentur í slagsmálum við Þorgeirsbola og Jörgen. Það get ég fullyrt af biturri reynslu eftir bernskubrek mín að margt er gáfulegra en að æsa upp Jörgen Magnússon.
Lærdómur sóttist ekki nógu vel í dag og ljóst að átaks er þörf á degi Týs. Já, það verður massíf mössun á mössuðu massalesefni á morgun. Ég kveð að sinni, góðar stundir.
Óli Njáll  23:51| link

b>Awake
Ég er vaknaður og alveg gríðarlega hress. Það verður lesið í dag. Ekkert hef ég af viti að segja.
Óli Njáll  11:34| link ------------------

8.12.02

Held heim á leið
Nú skal lestri hætt í dag og haldið heim á leið. Ég er hetja en Hobsbawm er meiri hetja. Hann er töffari líkt og Jón Bjarnason.
Á morgun skal Hobsbawm lokið og eitthvað annað skemmtilegt lesið. Ég horfi bjartsýnn fram á veginn.
Óli Njáll  23:46| link

Breytt skoðun
Ef ég væri samfylkingargimp þá væri titillinn sennilega breytt afstaða eins og það skipti einhverju máli.
En breytta skoðunin er sumsé á kempunni Eric Hobsbawm sem er gengdarlaus snigggglingur. Eftir nokkra leiðinlega kafla er ég núna að lesa kaflann um sósíalismann í Sovétríkjunum. Ég er núna að skemmta mér alveg konunglega í lestrinum. Er kallinn enn á lífi? Ef svo er þá er nauðsyn að fá hann til Íslands og það strax.
Óli Njáll  22:20| link

NV
Ekki er það góð flétta að setja Árna Steinar í 2. sætið í NV kjördæmi. Það er alltof mikill norðurlandsbragur á framboðslistanum. Í svona kjördæmi á að plotta skilmerkilega þannig að hver hluti hafi sinn fulltrúa. Hvað hefur Árni fram að færa þarna? Nákvæmlega ekki neitt, honum hefði átt að fórna fyrir þessar kosningar. Augljóslega átti að henda þarna fram borgnesingi eða einhverri annari tegund af vestlendingi. Jón Bjarnason sér alveg um norðurlandið en við erum að gera okkur of erfitt fyrir með því að hafa engan vestlending. Þetta er heimskuplott.
Engu að síður eigum við auðveld 2 þingsæti þarna. Það gerir Jón Bjarnason einn og sér og sjálfur enda er hann hetja og töffari.
Óli Njáll  17:14| link

Hoppandi grálúður
Erik Hobsbawm er að drepa mig úr leiðindum. Ég ætla hér með að flokka hann sem ónytjung hinn mesta. Ég hlakka gríðarlega til þegar mannkynssögu 4 prófið mitt er búið.
Óli Njáll  16:11| link ------------------