23.11.02

Tónlist
Ég er alveg heillaður af Coldplay þessa dagana. Þó ætla ég ekki á tónleikana, ekki fremur en nokkra aðra tónleika hér á landi. Skiptir tímasetningin þar litlu máli þótt eigi sé hún til bóta. Einnig er eitthvað lag með Red hot chilli peppers að heilla mig upp úr skónum. Ekki hyggst ég þó fara að kaupa einhverja diska með þeim. Hljómsveitin Írafár er líka að heilla mig þó á öðrum forsendum, það virðast bara engin takmörk vera á því hversu vond lög og texta þessi sveit sendir frá sér. Nýjasta lagið er alger snild, "nú flýgur hún hátt, en hvernig kemst hún niður, það nær engri átt" já það þarf stórmenni til að senda þetta frá sér.

Er ég andstæðingur einstæðra foreldra? Nei, en engu að síður tel ég kjarnafjölskylduna vera hið ideal fjölskylduform og öllum fyrir bestu.
Óli Njáll  14:51| link

Dapur dagur
Já, Englendingar munu gráta þetta test. Ég hlæ að þeirra ömurlegheitum, eða öllu heldur yfirburðum Ástrala.
Gærkvöldinu eyddi ég á rólegan hátt í húsakynnum Verzlunarskólans við það að gera ekki neitt ásamt Lambkála og Strump, Móri lét ekki sjá sig og var það miður.
Í dag ætla ég að fara yfir próf og undirbúa kennslu næstu viku. Nú líður að jólaprófum og best að hafa sinn skít á hreinu. Gorbachev fær að bíða aðeins betri tíma, t.d. fram til morguns.
Óli Njáll  11:24| link ------------------

22.11.02

Í kvöld hyggst ég gera ekkert af viti. Það er jákvætt, í réttu samræmi við afköst mín í dag.

Óli Njáll  17:56| link

Jörðin
ku vera hundgömul samkvæmt x bekkingum sem harðneituðu kenningum mínum um að hún væri aðeins nokkurra þúsunda ára gömul út frá biblíulegum skýringum. Ég var eiginlega mjög sáttur að enginn tók undir bullið í mér. Biblían er bull.
Óli Njáll  13:31| link

England
Já, þetta er krikketblogg. En Englendingar virðast vera að missa af sínum möguleikum í Ástralíu, þeir ná þó kanski jafntefli en ég leyfi mér að efast. Þeir munu eflaust hrynja í sínu öðru innings og bíðu háðuglegan ósigur.

Óli Njáll  09:31| link

Ritstjórn er ritskoðun. Og ritskoðun er góð í sumum tilvikum.
Óli Njáll  09:29| link ------------------

21.11.02

Djöfulsins drasl
Ég segi það hér og nú að sumar greinar sem birtast á uvg eru skammarlega vondar. Aðallega er það ein manneskja sem skrifar vondar greinar og fer skelfilega í taugarnar á mér.
Takið eftir að ég skrifa manneskja, slíkt þýðir að átt við konu enda hef ég tekið eftir því í eigin orðræðu að ég nota yfirleitt orðið maður þegar um karla er að ræða og orðið manneskja nota ég nær eingöngu þegar um konu er að ræða. Af hverju geri ég þetta? Ég hef ekki hugmynd en fólk má senda mér sína tilgátu, alveg endilega.
Jamm, en ég er hvort eð er vanur að höggva til beggja handa og móðga fólk þá er greinahöfundurinn Eyrún Eyþórsdóttir, sem ég þekki reyndar ekki neitt. Mér finnst umræða af þessu tagi um einstæða foreldra ömurleg. Þeir eru nefnilega jafn misjafnir og allir aðrir. Sumir ríkir, aðrir fátækir. Sumir konur, aðrir karlar. Mér finnst einnig áberandi í svona umræðu að það er oft látið eins og börn einstæðra foreldra eigi bara eitt foreldri.(ok, sumir vissulega en það er minnihluti). Fólk hlýtur alltaf að þurfa að axla ábyrgð á börnum sínum hvort sem þau alast upp hjá þeim eða ekki, það á ekki að láta börn gifts fólks gjalda þess að foreldrar þeirra búi saman. Helvítis væll og vesalingsháttur segi ég nú bara. Sumir einstæðir þurfa hjálp en mjög margir þurfa þess alls ekki alveg eins og með hjónafólk. Því á að hætta þessum fjandans alhæfingum um stóra hópa fólks. Og mér finnst aumingjalegt að væla líkt og greinarhöfundur hefur svo gaman af. Ég legg því til að tekin verði upp ritstjórn á uvg-síðunni og þar verði bara birtar góðar greinar. Sorppennum á að henda og ritstjórn á að vera óhrædd við að segja fólki það hreint út ef það er ömurlegt. Eru einhverjir orðnir móðgaðir, sama er mér.
Óli Njáll Ingólfsson er maður með skoðanir, tjáir sig hreint út og ef einhver fattar það ekki þá er hann reiður!!!!
Óli Njáll  17:59| link

Jamm, hvaða röfl er í Sveppnum um rannsóknarháskóla. Allir vita að Háskólinn í Reykjavík er bestur. (Þessa færslu munu fáir skylja en svona er það nú bara, staðreyndir eru staðreyndir)
Óli Njáll  17:40| link

Freddy var fæddur á Sansibar. Meira veit ég ekki.
Óli Njáll  15:28| link

Jafntefli
Já, meiðslum hrjáð lið Spartakusar náði að knýja fram jafntefli gegn stjórn nú í hádeginu 4-4. Þess verður að geta að í lið Spartakusar vantaði leikmanninn Sölvason sem átti að vera okkar aðalstriker. Spartakus menn voru því aðeins 5, sumsé einn skiptimaður, og ætluðu sér að spila kick and run bolta enda með tvo 3 metra menn, þá Hall og Brján, í liðunum. Þetta varð meira eins og höfuðlaus her þegar út í alvöruna var komið. Spartakusmenn komust yfir í fyrstu sókn þegar Brjánn fiskaði víti og skoraði af öryggi úr því. Eftir þetta fór heldur betur að síga á ógæfuhliðina og þrátt fyrir stórleik markmanns spartakusar komst Stjórnin í 3-1. Varð þá markmaður ósáttur og ákvað að taka sóknina í sínar hendur, óð fram völlinn, sólaði mann og annan og renndi boltanum örugglega í markið, 3-2. Stjórnin hélt áfram stórskotaliðs árás á mark Spartakusar en hinn stórkostlegi markmaður náði að verjast öllum tilraunum þeirra nema einni, 4-2. Var þá komið að atvinnumanni Spartakusar að minka muninn eftir vel heppnaða sókn, 4-3. Lokamínúturnar voru stórspennandi þar til Brjánn Gauti Bjarnason fékk sendingu inn í teig og þrumaði framhjá markinu, boltinn hrökk þó beint aftur í stórmennið sem jafnaði af öryggi, 4-4. Spartakus menn náðu svo að halda jafnteflinu, en ekki er ofsögum sagt að það var óverðskuldað.
Óli Njáll  15:25| link

Spenna
Þá styttist óðum í leikinn mikla. Í herbúðum okkar eru meiðsli að hrjá menn, þ.e. mig.(já, við tölum stundum um sjálfa okkur í fleirtölu). Bakmeiðslin mín eru ekki að fullu löguð en góð upphitun ætti að redda því. Síðan er bara að tuddast og berjast og jafnvel fá víti fyrir bol og níð. Mig langar að prófa glímu einhvern tímann, það er held ég eina íþróttin þar sem menn eru dæmdir fyrir bol og níð. Þess má geta að formaður glímusambandsins(eða fyrrverandi) Jón M. Ívarsson er bekkjarbróðir minn í sagnfræðinni. Eitt sinn bar ég út til hans Alþýðublaðið, ég efast um að hann muni eftir því. Já, ég bar út málgagn kratana og meira að segja Tímann líka:(
Óli Njáll  08:31| link ------------------

20.11.02

beib 1. árs er líka með Bush brandara á síðunni sinni. Hvílík gyðja.
Óli Njáll  22:38| link

Rýnir
Vefmeistari aðferða frá því í fyrra ákvað nú áðan að athuga hvernig heimasíður núverandi aðferðanema líta út. Gróf hann því upp nokkrar og komst að því að flestar eru ansi súrar þótt sumir séu með fyndnar myndir af balletdansandi Spiderman, aðrir líti svo lágt á sig að þeir skrifa nafnið sitt með litlum upphafsstaf og enn aðrir lýsi því yfir að þeir haldi ekki með neinu fótboltaliði. Ein síða fær þó háa einkunn en það er einungis vegna þess að eigandinn hefur nokkrar myndir af sjálfum sér á síðunni. Augljóslega myndi ekki hver sem er fá háa einkunn fyrir það en fyrir beib 1. árs virkar það.
Og augljósa spurning dagsins í framhaldinu: Hvern hefur Njallinn útnefnt beib 1. árs?
Óli Njáll  22:37| link

Jæja, nú er komið að því að Njallinn er búinn að fá nóg af vinnu, sérstaklega þar sem hann finnur ekki uppáhalds bók sína, Mannkynssögu BSE. ´Kanski hefur eigandinn tekið hana heim, eða einhverjir óprútnir náungar t.d. Lambkáli, eða jafnvel fúlmennið sem rændi lyklunum mínum um daginn. Augljóslega gruna ég þann arma þræl enda hlýtur maður sem stelur lyklum að stela einhverju fleira. Ég er að hugsa um að gefa honum 2 daga til að skila lyklunum mínum áður en ég fer í harðar aðgerðir, (já, kallinn minn myndavélakerfi Verzlunarskólans kom upp þig, skilaðu þeim eða deyðu ella!!!!!). Ég er stuðningsmaður myndavélaeftirlits með almennum borgurum.
Óli Njáll  22:34| link

Nóg komið
Alveg er ég búinn að fá nóg af bloggernum núna. Kanski spurning um að fara að koma sér upp nýrri síðu, með einhverju nýju kerfi. sumsé, neyða einhvern til að búa til eitthvað gott handa mér því ekki er ég hæfur til að gera það sjálfur. Umsóknir um verkefnið sendist á netfangið hér að ofan.
Óli Njáll  22:05| link

Ég er að hugsa um að setjast að hér í Verzlunarskólanum fram að jólum. Hér er ró og hér er friður. Og í kvöld verður unnið hér. Svakalegur dugnaður, reyndar eina ástæðan fyrir því er að venjulega nota ég hádegið á fimmtudögum til að undirbúa kennslu eftirhádegisins en á morgun fer hádegið í tuðruspark þegar Spartakus leikur sinn eina opinbera leik á tímabilinu. Spartakus tapaði í fyrra en slíkt mun ekki henda aftur. Reyndar skilst mér að andstæðingar okkar séu fantar og fautar og sumir hverjir jafnvel með ákærur og dóma fyrir líkamsárásir á bakinu. Mér finnst ógnvekjandi að eiga að spila við þannig menn.
Óli Njáll  20:11| link

Man einhver eftir sögubrotum af Tyrkjum? ég bara spyr:(
Óli Njáll  17:46| link

Góð tímasetning
Áðan fékk ég að vita af fundi sem ég átti að mæta á klukkan 14 í dag. Þessar upplýsingar bárust mér klukkan 13:58.
Pottþétt jól er eitthvað sem allir eiga að hafa í sínu plötusafni því þar er lagið Jólahjól að finna, gott ef ekki númer 3 á disk 1. Jólalög eru kúl í einn mánuð á ári, og hann er ekki byrjaður enn þótt einhver fífl haldi að jólin séu komin. Allt jólastúss fyrirlít ég fyrir mánaðarmót.
Ég held að á næsta ári reyni ég að fá að kenna eitthvað annað en tölvunotkun. Ástæðan er gengdarlaust hatur mit á yfirferð excelverkefna, sem nota bene hafa nú tekið rúma 2 klukkutíma í dag, nær 2 og hálfum reyndar. Það eru leiðindi. Mun skemmtilegra er t.d. að fara yfir sögupróf. Sérstaklega þegar ég hef sett brandara í prófið. Dæmi:
Hver er maðurinn, hann var vinsæll alþýðuforingi í Róm, barðist fyrir endurreisn smábændastéttarinnar og var að lokum drepinn ásamt stuðningsmönnum sínum.
a) Júlíus Sesar
b) Tíberíus Gracchus
c) Gaius Gracchus
d) Scipio Africanus
e) Forum Romanum

Þegar nemendur giska á Forum Romanum er mér skemmt.
Óli Njáll  17:44| link

Miðvikudagur
Í dag er miðvikudagur og ekkert hef ég bloggað hingað til. Í dag er ég hins vegar búinn að fara á mikilvægan fund, redda hlutum hjá nemendaskrá, fara í tíma, skila ritgerð, gera 2 árangurslausar tilraunir til að ræða við kennara, mæta á deildarfund sögudeildar, vandræðafund um vandræðabekk, og ég veit ekki hvað og hvað. Dugnaður minn á sér engin takmörk.
Nú skal farið yfir excelverkefni og undirbúa sögutíma, jafnframt skal hringja í einhvurja frú sem ætlar að kvarta í mér eitthvað í sambandi við dóttur sína. Ég hlakka til að takast á við verkefni dagsins.
Óli Njáll  14:35| link ------------------

19.11.02

Ég er...

Jolly good, wot! Anyone for tennis? That'll be ten ponies, guv. You're the epitome of everything that is english. Yey :) Hoist that Union Jack!

How British are you?
this quiz was made by alanna

Óli Njáll  21:27| link

Á móti sól
Ég held ég verði bara að vitna í lag með þeirri hljómsveit núna, "djöfull er ég flottur". Framsaga mín um Gorba gekk meistaralega vel, sérstkalega líking gorba við guðmund góða. Þá hváðu stjórnmálafræðinemar, enda eru þeir annars flokks fólk og dæmast allir sökum leiðinlega mannsins í m4 sem talar í öllum tímum. En þá er einni hindrun rutt úr vegi, eftir standa 2 ritgerðir og svo jólapróf.
Óli Njáll  16:53| link

Lottó
Ég hyggst nú gerast pro lottóspilari. Þannig mun maður græða peninga.
Óli Njáll  14:00| link

Það er nú ekkert grín að kenna Rómverjasögu. Ég hélt einmitt leiðinlegan tíma í morgun um uppruna Rómverja, etrúra, latína, rómulus og remus. Exceltíminn var lítið skárri.
Ég virðist hafa týnt lyklunum mínum að vinnustaðnum, vart þarf að taka fram að það þykir mér mjög slæmt.
En hér er komið rit sem er víst frá Heimdalli. Ég hélt reyndar fyrst að þetta væri auglýsingabæklingur frá Landssímanum og opnaði hann í góðri trú um að þarna væri verið að gefa mér einhver tilboð fyrir gsmsíma eða eitthvað í þá áttina. Fljótlega áttaði ég mig þó á því að þetta væri geitarbæklingur armur mjög þegar hver smjörkúkurinn á fætur öðrum birtist(mér líkar vel við þetta orð, smjörkúkur). Best fannst mér þó þegar ég las nafn á hafnfirðingi nokkrum undir liðnum "Heimdellingar leggja nokkrar vel valdar spurningar fyrir Birgi Ármannsson". Já, það er nú aumt að ekki finnist nokkrir heimdellingar til að koma með vel valdar spurningar heldur þurfi að ná í búrhvalinn og villa á honum heimildir.
Óli Njáll  11:41| link

jæja, ég nenni ekki lengur að læra. Á morgun mun ég bara bulla tóma vitleysu. Það er ágætt. Vonandi tekst mér að líta vel út, það er sko kúlið sem skiptir öllu máli.
Bitrum fróðameðlimum er bent á að sitja á strák sínum því Fróði sífulli mun boða til málstofa.
Óli Njáll  01:14| link ------------------

18.11.02

Framsagan
Ég á að flytja framsögu á morgun, slíkt myndi iðulega ekki valda mér áhyggjun en það gerir það núna. Ástæðan sú að ég hef sama og ekkert lesið um efnið og verð því aðallega að bulla eftir minni mínu, efnið er reyndar ekki mjög erfitt og ég get nú sennilega klórað mig út úr því með smá lestri í kvöld. Annars væri mjög fínt ef einhver fróður lesandi minn gæti sent mér smá póst um áhrif stefnu Gorba á fall austurblokkarinnar og jafnframt áhrif stefnu vesturlanda á sama ferli. Í boði eru embætti við hirð konungs. Já, þessi konungur selur sko embætti vilt og galið enda er það einn aðalkosturinn við það að vera kóngur.
Er mjög sniðugt að kennarinn ég sé að uppljóstra á heimasíðu minni sem mínir eigin nemendur lesa, hversu illa skipulagður námsmaður ég er sem geri iðulega eins lítið og ég kemst upp með í námi? Sennilega ekki en munið það bara krakkar mínir að einungis gáfumenni mikil komast upp með slíkt háttarlag.
Krikketið er ömurlegt um þessar mundir. Enn og aftur mörðu Windies sigur á Indverjum undir lokin og leiða nú seríuna 3-2. Sri Lanka er ekki að fara að vinna seríuna gegn S-Afríku, jafntefli væri ágætt. Murali er ekki að meika það á fastbowlerfriendly wicketi og fastbowlerarnir geta ekki neitt. Einnig er augljós veikleiki Sri Lanka, skortur á allrounderum, að koma þeim í koll. Síðustu 5-6 batsmennirnir skora skid og ingen ting, andstætt við S-Afríku þar sem restin skorar oft mikilvæg stig.
Bolti í kvöld. Síðast fór ég á kostum, meðan bróðir minn hefur oft leikið betur. Hann verður því eflaust sem naut í flagi í kvöld(hann er það oftast:) og ég vil ekki vera á móti honum, hann er nefnilega stórhættulegur.
Óli Njáll  18:26| link

Jæja, þá er ljóst að ég verð að kljást við nemendur í knattspyrnu á fimmtudaginn. Það er einhver mest brutal knattspyrnuvettvangur sem til er, leikur kennara og stjórnar í íþróttavikunni. Best að fá sér legghlífar og eitthvað fleira í þeim dúr.
Svo fer að líða að því að ég semji jólapróf:)
Óli Njáll  10:29| link ------------------

17.11.02

Djöfulsins rjómasprauta að bila, en handlagni maðurinn ég náði að redda því með gífurlegri útsjónarsemi og visku.
Óli Njáll  14:51| link

Sunnudagur
Í dag er heldur betur sunnudagur. Og í dag skal lært og því er ég á bókhlöðunni að ná mér í heimildir. Vonandi get ég tekið allar heimildirnar með mér heim, þá get ég stolist til að horfa smá á leikinn á eftir. Já, ég er dálítill fíkill:(
Í gær var farið á svo vonda mynd að það var ekki fyndið. Changing lanes er sorp. Reyndar kemur þar fram mjög raunsæ lýsing á lögfræðingum og var það það eina sem við Kolla gátum fundið jákvætt við myndina, Þóri var ekki jafnmikið skemmt. Kíktum svo aðeins niður í bæ á kaffi kúltúr, það er eins og allir vita armur staður sem enginn fer á, það er kostur því það þýðir að ávallt er hægt að fá borð og næði. Drykkir eru eins alls staðar sérstaklega ef maður pantar kakó sökum gífurlegs kulda úti við.
Svo virðist sem Robert Key hafi bjargað Englendingum frá hrottalega hallærislegum ósigri gegn Ástralíu A (það er sko b-liðið hjá Áströlum), kanski er von fyrir tjallann. Af öðrum krikketvettvangi er það helst að frétta að allt er í járnum hjá Sri Lanka og Suður Afríku. Sri Lanka skoraði 323 og S-Afríka er nú með 245/5 og allir þeirra helstu menn fallnir út. Sri Lanka gæti jafnvel verið að jafna seríuna en til þess þarf þó ofurmennið að vakna og rústa þeim batsmönnum sem eftir eru hjá gestgjöfunum. Zimbabve eru ekki að meika það gegn Pakistönum, greyið þeir.
Óli Njáll  12:18| link ------------------