16.11.02

"Í brjálæðishrifningu býð ég þér tópas og berjasaft skilyrðislaust." Þetta er eflaust góð pikkuplína, tópas og berjasaft. Annars var ég fórnarlamb skelfilegrar pikkuplínu í gærkvöldi. Ein dama reyndi að halda því fram að ég dansaði vel og það væri svo gaman að dansa við mig. Það fannst mér fyndið og væntanlega öllum sem séð hafa mig á dansgólfi:)
Óli Njáll  17:51| link

Síðasta
Í gær var síðasta fyllerí fyrir jólapróf. Nú þarf ég að fara að nýta tímann til betri hluta. Dagurinn í dag stefnir þó ekki í að verða mjög afkastamikill sökum leti. Ég ætla þó að reyna að komast yfir einhver próf í 3.bekk á eftir. En ætli ég horfi ekki fyrst á smá fótbolta:)
Óli Njáll  14:54| link

Áman
Svaðalegt fyllerí í gær í Ámunni, hjá þeim Guðmundi Arnari fyrrum ka-markverði og félögum. Endalaus skot og vín, frábær staður. En ég hagaði mér vel í gær og hlýtur það að teljast bara nokkuð fréttnæmt. Ég er í það minnsta mjög ánægður með það.
Ég játa fúslega mistök mín hér í gær þar sem átti að standa 192 en ekki 196. Afsakið.
Óli Njáll  10:31| link ------------------

15.11.02

Hvernig stendur á því að það fellur í grýttan jarðveg hjá nemendum þegar ég tilkynni brosandi út að eyrum að ég hafi fengið það í gegn að nemendur skulu kunna skil á öllum keisörum Rómarveldis frá Ágústusi til Kommódusar. Reyndar hefði ég skilið það ef þau hefðu verið að mótmæla skorti á keisörum enda öllum eftir 196 sleppt með öllu úr þessari tölu.
En þrátt fyrir þetta hélt ég góðan tíma um upphaf kristni og kirkju. Sökum mikills áhuga nemenda komst ég ekki að Díocltíanusi og Konstantínusi. Það var nú meiri bömmerinn. Einnig uppgötvaði ég skrambans villu í bókinni, það vita það allir góðir menn að kristni varð ríkistrú í Rómarveldi 380 en ekki 392. Skamm, Jón Ingvar, skamm.
Óli Njáll  14:59| link

Fjárans trakkerinn minn var í tómu bulli í gær. Ég er hégómlegur og vill sjá aðsóknina. Arg, skamm extremetrakker.
Þetta er búinn að vera svo ljúfur dagur. Allir nemendur eru þunnir eftir 85 ballið hjá ms í gær. Ég röfla um gríska goðafræði og held excelpróf. Bara xið eftir og svo er ég laus.
Mig dreymdi hrikalegan draum í nótt, ég gleymdi að fara á kjörstað og vg fékk bara 7 þingmenn í kjölfarið. Ögmundur datt út af þingi sökum minna mistaka. ´´Eg vaknaði sveittur.
Óli Njáll  11:21| link ------------------

14.11.02

Steini kallinn er eitthvað að missa sig á Múrnum í dag. Mér finnst að hann eigi að skrifa Tsjad ekki Chad.
Óli Njáll  19:03| link

Niðurstaða
Ég hef ígrundað þetta mál vel og lengi og hef komist að þeirri niðurstöðu að The man who er betri plata en The invisible band. Gott ef ég eyddi ekki hálfri nóttinni í það að spekúlera og komast að þessari niðurstöðu, afleiðing af því er að ég er búinn að vera þreyttur í allan dag og hálftíma lúrinn minn varð 2 og hálfs tíma. Það setur öll mín plön úr skorðum og dagurinn er því yfirlýstur ónýtur. Kvöldið fer í excelverkefni og Herkúlessögur.
Óli Njáll  18:45| link

Æ, hvað ég er þreyttur í dag. Kanski ég leggi mig aðeins áður en ég hef uppbyggilega vinnu við ritgerð. Annars er alveg merkilegt hvað sífellt fleiri eru að grafa upp síðuna mína. Ég fer eiginlega bara að verða hræddur
Svo ætla ég að svara aðdáendabréfum í kvöld, það er annar hlutur sem ég er farinn að hræðast, þetta tekur endalausan tíma í hverri viku. Já, krakkar mínir. Svona er að vera ég.
Óli Njáll  15:05| link

hér hafa undarlegir hlutir gerst, mringi er hleypt inn í húsið í kennslu. Það er gamla gettu betur brýnið Ágúst Hauksson sem kennir sögu í forföllum. Er þetta eðlilegt? Að sækja mringa? tja, hann er eflaust ágætisnáungi. Vond finnst mér þó sú þróun að Verzlunarskólinn ráði mringa.
Óli Njáll  10:42| link

Gleði
Í dag er konungleg hátíð enda ætla ég að byrja á nýrri ritgerð í dag. "Yersinia pestis, Af Svarta dauða í Evrópu, aðdraganda og afleiðingum" er lokið. Eina vandamálið að ég á eftir að velja mér efni í M4. Verður nefnilega að tengjast framsögu sem ég á líka eftir að velja og flytja. Ég stefni á að halda auma framsögu, hraðsoðna og leiðinlega. Gott væri ef hún innihéldi dágóðan slatt af latínuorðum og tyrknesku þannig að enginn í salnum myndi fatta að ég væri að fokka í þeim og kynni í raun ekkert um efnið.
Nemendur 4-h eru í könnun núna um tölvunotkun. Þar var ég spurður hvort playstation teldist sem tölvunotkun. Að sjálfsögðu svaraði ég já. Jafnframt vissu sumir nemendur ekki hvað blogg var. Það fannst mér fyndið.
Augljóst er að jólaprófið í sögu vekur ugg hjá mörgum nemandanum. Og það er sko líka full ástæða til.
Óli Njáll  08:33| link ------------------

13.11.02

ps. þegar ég verð kominn í framboð mun standa á kjörseðlinum: Óli Njáll Ingólfsson, Konungur
Óli Njáll  22:31| link

Nú fer ég bráðum að móðgast. Uppstillinganefd hefur ekki enn haft við mig samband. Ef ekkert breytist mun ég ganga í sjálfstæðisflokkinn í næstu viku. ARG.
Óli Njáll  22:30| link

Ritgerð og Travis
Alveg er nú magnað að skrifa ritgerð og hlusta á Travis i leiðinni. Það gerir gæfumuninn. Svo keypti mútta pizzu í kvöldmatinn. Það er jákvætt. Pizzur eru góðar sérstaklega þar sem mútta tímir að kaupa aðra hverja áleggstegund sem fyrirfinnst.
Óli Njáll  20:22| link

Skyldurækni
Einhverra hluta vegna finnst mér ég vera hálfskyldugur til að mæta á fundi borgarmálaráðs VG. Ég get reyndar vart ímyndað mér neitt verra og finn mér því ávallt einhverjar góðar afsakanir til að gera eitthvað annað. Sérstaklega fyrst menn vilja hafa fundi á laugardagsmorgnun, er þetta ekki alger úrkynjun að boða til fundar kl. 11 á þeim dögum? Eiginlega er ég þakklátur fyrir að eiga stóran góðan bunka af óyfirförnum excelverkefnum. Ég get með góðri samvisku réttlætt fyrir sjálfum mér að ég sé of upptekinn til að mæta. Ekki það að klukkan 11 á laugardaginn verð ég ekki í líkamlegu ástandi til að mæta á fundi, hvers eðlis sem þeir væru:)
Óli Njáll  16:47| link

Eigi er mér öllum lokið heldur endurnærður og gríðarlega kraftmikill. Í gærkvöldi var ég duglegur. Ég byrjaði á því að horfa á vondan fótboltaleik og sjá mína menn falla úr evrópukeppninni. Fór síðan í bíó með kommúnistagyðjunni á Tom Hanks myndina, road to p-eitthvað. Það er alveg helvíti skemmtileg mynd. Annars var mjög merkilegur karakter sem sat fyrir framan okkur í bíó. Hann hló að öllum ötriðum í myndinni, t.d. ef einhverjir kallar voru sallaðir niður þá hló hann hvað hæst. EFtir myndina sást þessi svo maður í miklu handapati fyrir utan Regnbogann, ég held hann sé skrítinn.
Að lokum heilræði dagsins, það er ekki sniðugt að hamast berfættur á hlaupabretti, enn ósniðugra er að fara svo í háhælaða támjóa skó á eftir. Já, þetta er reynslusaga.
Óli Njáll  13:27| link

Að semja excel próf er eflaust gaman. Ég er nú að velta fyrir mér hvernig hægt er að tengja jólaprófið í excel við krikket. Það væri t.d. hægt að hafa stigatöflu og nota síðan countif fall, t.d. til að telja hversu mörg wickets einhver bowlari tekur, if setningu til að meta t.d. ef bowlari tekur 3 eða fleiri wicket þá textinn góður annars ekki góður. Já, það eru fjölmargar leiðir til að útfæra þetta nánar.
Óli Njáll  09:56| link ------------------

12.11.02

Ekki eru þetta nú góðar fréttir af Seyðisfirði, bara skriða og læti. Vonandi er frú Jóhanna heil á húfi. Hún kanski sendir mér póst og lætur mig vita:)
Annars er Seyðisfjörður næstuppáhaldsþorpið mitt á landsbyggðinni. Hitt er Grenivík, þó á mjög mismunandi forsendum. Og nei, Selfoss er ekki í þriðja sæti.
Annars er þessi dagur lýjandi. Þriðjudagar eru alltaf jafn erfiðir, fullt af tímum og fundum. Gísli var bitur maður í dag og lýsti því yfir að Jóhanna hefði unnið prófkjörið með því að smala 700 sjúklingum og elliærum gamalmönnum. Annars hefðu þær Bryndís verið jafnar. Alltaf gaman að svona löguðu.
Óli Njáll  19:10| link

Alltaf er nú gaman að fólki sem ásakar mann um skítkast og fordóma en er augljóslega sjálft illa haldið af slíku. Hann um það, ég glotti við tönn og hef gaman að þessu. Blogg er ekki háalvarlegt mál, þetta er gert mönnum til skemmtunar. Reyndar rétt að hafa eitt á hreinu hér, ég blogga sem einstaklingur, ekki sem kennari né nemandi eða hvað annað. Ég er kannski óþroskaður einstaklingur með barnaleg viðhorf og skoðanir, en það eru nú fleiri. Eigi að síður lít ég á sjálfan mig sem snigling.
Óli Njáll  10:21| link ------------------

11.11.02

Jæja, nú er ég aldeilis bit. Ég af minni konunglegu mildi linkaði á Erling og slíku eiga menn að taka fagnandi enda linka ég ekki á hvern sem er. Augljósasta dæmið um fyrirlitningu konungs er þegar hann fjallar um menn á síðunnni, nafngreinir þá en linkar ekki. (Þetta atriði á þó ekki við um góða kunningja og vini sem kóngur nennir ekki að tengja á í hvert skipti sem þeir koma við sögu).
Nú er Erlingur þessi fæddur á Selfossi og býr á Selfossi, samkvæmt hans eigin síðu. Ég flokka hann því sem Selfyssing. Að sama skapi flokka ég menn sem búa í Agureyris sem Agureyrisinga og menn sem búa í Reykjavík Reykvíkinga. Ekki flókið kerfi. Vilji Erlingur endilega vera í fýlu þá má hann það, ég hef ekki verið þekktur fyrir það að gefa mikið fyrir dreifaravæl.
Ég á helst líka að mæta á umrædda ráðstefnu á morgun, þangað ætla ég þó ekki að mæta. Kennarastéttin hefur ekkert fram að færa um upplýsingatækni í skólastarfi sem ég veit ekki. Það er reyndar merkilegt með kennarastéttina hversu lítið flestir einstaklingar þar vita um upplýsingatækni og hversu gríðarlegt snobb er í gangi fyrir fartölvum og annarri tækni. Kennarar sem vilja láta nemendur nota tölvur og skjávarpa einungis vegna þess að þeim finnst það flott eru fífl. Kennslugildi slíkra hluta er í flestum tilfellum núll og nix. En fíflin eru ófá í þessum heimi.
Ég var óheyrilega góður í boltanum áðan, sjaldan hef ég verið jafn stórgóður. Ég er greinilega að komast á hátind ferils mína enda er ég jafngamall og Steven Gerrard.
Óli Njáll  23:00| link

Ábending
Mér þykir það viðeigandi að bloggarar sem minnast á mig í textum sínum noti orðalagið hans hátign eða yðar hágöfgi ef ég er ávarpaður beint.
Óli Njáll  18:58| link

Boba
Nei, ekki Bubbi. Þetta þýðir bolti hjá frænda mínum Þorgeiri Haldóri Bjarka Brynjarssyni. Og í kvöld er mánudagsbolti. Vonandi stend ég mig betur en síðast. Þá gat ég ekki hitt rammann fyrri helming tímans og seinni helminginn hitti ég bara rammann sjálfan. Mér var ekki skemmt. Betur gekk mér í Spartakus síðast þar sem flest mín skot höfnuðu í netinu enda valdi ég færin mín vel. Nú mun ég stilla hina konunglegu fallbyssu vel og öll mín skot munu steinliggja. Kóngur hefur talað og þá skulu boltar hlýða.
Óli Njáll  18:58| link

Þetta er ágætis dagur. Ritgerðin raðast jafnt og þétt í hausnum á mér og þegar þannig er ástatt verður hún fljótskrifuð. Inngangurinn tilbúinn, kaflaskipting og niðurröðun efnis í góðum farvegi. Það skyldi þó aldrei ætla að rætast úr þessu hausti, námslega séð?
Óli Njáll  16:04| link

Alltaf verður maður jafn forvitinn þegar nýtt netfang birtist á trackernum. Sérstaklega þegar maður þekkir hvorki haus né sporð á umræddri síðu. Erlingur er ein slík síða sem ég kannast ekkert við eigandann á enda ku hann vera Selfyssingur. Ég þekki fáa Selfyssinga og tel Skítamóral vera lélega hljómsveit. Annars var ég að vinna með einum Selfyssing síðasta árið, öllu heldur tveimur. Annar hét Haraldur, maður á þrítugsaldri, næstum því bifvélavirki en hafði valið sér starfsframa í Hagkaup eftir að hafa fengið nóg af Ruslatunnum á Selfossi. Kristín, hinn Selfyssingurinn, hafði flúið ung frá Selfossi og sest að í borginni og einnig valið sér starfsframa í Hagkaup. Fleiri Selfyssinga þekki ég ekki, nema ég hef lesið æviágrip Erlings á heimasíðunni hans. Sagnfræðingur og framhaldsskólakennari, það hlýtur að vera eitthvað í manninn spunnið. mringur og Selfyssingur það eru ókostir.
Óli Njáll  14:04| link

Í dag skal skrifað, og það mikið. Ég er að hugsa um að rölta út í búð og kaupa mér DV til að hafa með kaffinu. Veit þó ekki hvort það sé eitthvað áhugavert. Væntanlega snýst það bara um prófkjör og auma blekkingarleiki manna til að hilma yfir þá staðreynd að þau voru öll aum. Aumingi dagsins er Stulli Bö, "ótvíræður sigurvegri" sem vann með 40 atkvæða mun í mörg þúsund manna prófkjöri.
Óli Njáll  13:47| link

Villti tryllti Villi
Já, Vilhjálmur Egilsson bara að gera allt vitlaust. Skemmtilegt. Sérstkalega gaman að sjá lista sjallana með engan norðlending á lista og guð veit að landsbyggðarfólk hefur ekki heilbrigðar stjórnmálaskoðanir og kýs í flestum tilfellum einungis heimamenn. Sjallar í Skagafirði munu því flykkja sér um Jón Bjarnason í komandi kosningum. Það er jákvætt. Er Jón Bjarnason flottasti þingmaðurinn? Nei, en það er hægt að hafa helvíti gaman að honum stundum.
Óli Njáll  11:45| link ------------------

10.11.02

Leicestershire er sennnilega að verða mitt lið í ensku deildinni(í krikket). Wirender Sehwag er genginn til liðs við þá og hann er hetja.
Óli Njáll  20:20| link

Af prófkjörum og flokksvölum
Alveg er yndislegt að hlusta á samfylkingarbjálfa reyna að segja jákvæða hluti um annars misheppnuð prófkjör þeirra. Niðurstöðurnar eru ósköp einfaldar. Össur er kúkur í lauginni sem enginn vill hafa en helmingur flokksins kýs því þeir hafa ekki hjarta í sér að fella hann út af þingi. Allt unga fólkið er bara aumingjar og vitleysingar og þess vegna vildi enginn kjósa það í öruggt sæti. Samfylkingin fær ekki 3 menn í suður, ekki fjóra í suðvestur og alls ekki 8 í Reykjavík. Og hvar er svo nýja fólkið fyrir norðan? Jóhanna er ennþá flottasta kerlingin í flokknum (eða fylkingu eða flokksleysu eða hvað sem þetta er). Samfylkingin er sumsé jafn aumur flokkur og hún hefur alltaf verið og mun alltaf verða.Lokaniðurstaðan er svo sú að sjallar á vesturlandi eiga í vandræðum með að telja. Þar sem ég hef kynnst stærðfræðikunnáttu eins þeirra þá kemur það mér ekki á óvart.
Óli Njáll  19:27| link

"Klukkan 17 var búið að telja 1500 atkvæði af 3342 eða 63%." Já, talnafimi textavarpsins er með eindæmum góð. 1+1=3
Óli Njáll  17:41| link

Jón Bjarnason verður að sjálfsögðu í norðvestur en ekki norðaustur kjördæmi. Gneistinn skal því bara hundskast til að kjósa flokkinn og ekki orð um það meir.
Óli Njáll  15:32| link

Enn er beðið eftir tölum af suðurlandi hjá kratadjöflunum. Tölum sem munu segja að listinn þar verði eins og í síðustu kosningum líkt og í öllum öðrum kjördæmum. Spennan magnast.
West Ham getur ekki rassgat.
Óli Njáll  15:32| link

Eins og allir vita eru prófkjör afskaplega lýðræðisleg leið til að velja fólk á lista sem einnig hefur þann kost að tryggja nauðsynlega endurnýjun þingmanna og þar með gefur nýju fólki kost á að komast að. Samfylkingin hefur nú sannað þetta svo um munar. Allir nýliðarnir bara tóku þetta með trompi. Hvenær fær maður svo úrslit hjá sjallanum? Ég lifi í voninni um að Sturlu verði slátrað.

Ég var edrú í gær, hvers vegna veit ég ekki en ég er sáttur við það núna. Gvendur og frú stóðu sig vel sem gestgjafar og át ég því fullt af einhverju grænmeti og snakki. Grænmeti er hollt og gott.
Englendingar skitu á sig gegn Ástralíu eins og vera ber. 79/all out í seinna innings er náttúrulega stórgóður árangur. Glenn fjandinn McGrath stendur við orð sín um að leggja Vaughan í einelti og gaf honum önd.

ps. Mér fannst spaugstofan fyndin í gær. Samson bræður eru flottir.
Óli Njáll  11:23| link ------------------