9.11.02

Lottó
Eins og allir aðrir góðir menn spila ég í lottó í kvöld og trúi því virkilega að ég vinni 50 miljónir og ég er að sjálfsögðu með sömu tölur og alltaf þegar ég spila. Þær tölur verða ekki gefnar upp hér enda veit ég að þá myndi einhver ósvífinn maður stela þeim og reyna að fá helminginn af vinningnum mínumm. En það verður gaman í kvöld enda mun ég þá vera foxríkur.
Óli Njáll  17:42| link

Landsvirkjun
Já, eins og fyrr segir var vísó í það apparat dauðans í gær. Þeir mega eiga það að nóg var af bjórnum og einhverjum snittum. Einnig spunnust þarna ansi líflegar umræður. Augljóst var að upplýsingafulltrúinn var ekki glaður að fá spurningar um meinta misnotkun Landsvirkjunar á vísindagögnum. Þá var mér skemmt. En Landsvirkjun fær stóran plús fyrir góða vísindaferð.
Óli Njáll  14:23| link

Jæja, í dag er laugardagur og ótrúlegt en satt þá er ég ekki þunnur. Gærkvöldið var blendið, en svosem ágætt. Ég dansaði við súlu, það segir meira en allt um ölvun mína. Það gerðu Hannes og Kristbjörn reyndar líka. Enginn efaðist heldur um þeirra ölvun.
Í dag liggur margt fyrir. Ég ætla að skrifa ritgerðina um Svarta-Dauða, verður þó aðallega gert á morgun. Ég ætla líka að fylgjast með krikekti á netinu þar sem Sri Lanka eru ekki að meika það. Alls eru 4 leikir í gangi í dag, Ástralía vs England(að vísu nótt þar núna og því lítið spilað), S-Afríka vs. Sri Lanka(í tómu tjóni), Zimbabve vs. Pakistan(stórskemmtilegt en því miður getur Zimbabve ekki neitt) og að lokum er það ODI leikur Indlands og V-Indía(sem reyndar er lokið með sigri V-Indía). En í dag er einnig stórskemmtilegur leikur í boltanum þar sum City er að vinna United. Yfir því gleðjast allir góðir menn.
Óli Njáll  12:47| link ------------------

8.11.02

nei, murali bombaði 10 úr tveimur boltum en missti wicketið í þriðja bolta. Bömmer.
Óli Njáll  14:25| link

já, þegar ég sagði að Murali væri eina vonin þá meinti ég í bowlinginu sko. En Murali er mættur með kylfu í hönd og skellti 6 í fyrsta bolta. Er enn von????
Óli Njáll  14:24| link

Draumur Aldamótabarnsins var auðvitað friður. Það vita nú allir góðir menn.
Annars fékk ég góða og hagnýta gjöf í dag er 4-X ákvað að gefa mér bókina Skrift 3. Þetta er í annað sinn sem ég eignast slíka bók en sú fyrri gerði ekki mikið gagn.
Sri Lanka er að skíta á sig í suður-afríku og ljóst að aðeins eitt getur orðið þeim til bjargar, nei kanski tvennt. Rigning væri það besta sem kæmi fyrir núna, hellidemba í nokkra daga. Hitt atriðið sem gæti bjargað þessu er Muttiah nokkur Muralitharan. Það mun heldur betur reyna á hann núna enda eru Sri Lanka 152/8 á fyrsta degi og því gríðarlega mikilvægt að Murali negli stumpsanna helst í hverju varpi. Annars er þetta á góðri leið til helvítis.
Óli Njáll  14:22| link

Þetta er yndislegur dagur. Ástralir hafa ekki enn drepið Englendinga í Ashes sem er jákvætt. Verra er að Sri Lanka byrjar illa móti Suður-Afríku þar sem staðan er 86/2. Hef reyndar trú á að þeir séu að ná sér á strik þeir Atapattu og Jayawardiene.
Nemendur mínir í 3-G voru alveg frábærir í morgun, þunnir og vitlausir og því ósköp framlág og róleg. Ég var ferskur enda fékk ég að sofa til 9.
Í gær fórum við lagastrumpur á góða vonda mynd. Undercover brother. Sú mynd er fyndin. Ekki góð, eiginlega frekar vond, en fyndin.
Í dag er það svo landsvirkjun. Þar verður stuð á sagnfræðinemum. Jafnvel að maður skelli sér líka í klippingu og kaupi sér linsur. Kominn tími til að láta lubbann fjúka, ég leit í spegil í gær og sá einhvern barbara, hafði þá ekki rakað mig í rúma viku og lubbinn kominn niður á axlir. Ákvað að gera eitthvað í málinu.
Í hádegismat eru snittur hér í Verzlunarskólanum. Ekki borga ég 400 krónur fyrir það. Fremur svelt ég heilu hungri.
Óli Njáll  11:56| link ------------------

7.11.02

Hvernig stendur á því að uppstillinganefnd VG hefur ekki enn haft samband við mig og boðið mér sæti á lista fyrir komandi kosningar? Ég bara skil ekki hvernig á því getur staðið að ég sé ekki fyrsti maður sem leitað er til. Eða er þetta kanski samsæri gegn mér til að bola mér úr flokknum? Ég fer bráðum að halda það:(
Óli Njáll  20:51| link

Jamm, af hverju er ekki haldið Byltingarball í kvöld? Það væri eflaust gott ball.
Ég er með nýja kenningu, það á að hætta að gefa frí fyrstu tvo tíma daginn eftir ball, nær væri að fella niður kennslu eftir hádegi daginn sem ballið er. Nemendur eru óþolandi á þeim tíma.
Undercover brother er eflaust vond mynd, ég ætla að komast að því í kvöld.
Óli Njáll  18:11| link

Sjúkrapróf
Sjúkrapróf eru góð skemmtun. Sérstaklega sú óskráða regla að þau skuli ætið höfð helmingi þyngri en venjuleg próf.
Hér áðan fór rafmagnið af Verzlunarskólanum og eyðilagði sjúkraprófið mitt, ég varð að semja það aftur. Annars er ávallt stuð í Verzló, Jackson ball í kvöld sem þýðir að ég fæ að sofa út í fyrramálið. Svo er víst verið að boða haustpartý hjá kennurum í næstu viku. Ég er reyndar búinn að bóka þann dag en hver veit, maður sér hvernig mætingarlistinn lítur út þegar nær dregur og ákveður sig svo:)
Óli Njáll  11:27| link

Úff, ekki byrjar Ashes vel fyrir Englendinga og Heyden er strax á fyrsta degi búinn að rústa þeim. Þessu var ég einmitt búinn að spá(líkt og allir aðrir krikketáhugamenn).
Óli Njáll  08:01| link ------------------

6.11.02

Úff, best að halda heim á leið eftir vel heppnaðan vinnu og lærdómsdag. Í dag náði ég að fara yfir öll próf sem ég átti eftir, útbjó rómverjaverkefni handa 4-X(já, krakkar það verður stuð hjá ykkur á morgun), lesið og glósað góða heimild um Svarta dauða. (Robert S. Gottfried ef það segir einhverjum eitthvað), borðað á Mekong og spjallað við Siggu. Ég á því svo sannarlega skilið að fara heim í kvöldmat núna og í fyrsta skipti í allt haust með nokkuð góða samvisku gagnvart náminu.
nú styttist óðum í góða helgi. Ég hef ekki trú á öðru en hún verði mögnuð. Landsvirkjun ætlar að hella mig fullan á föstudaginn og hin merku heiðurshjón Gvendur og Guðrún bjóða til veislu á laugardagskvöldinu. Jamm, best samt að halda drykkju í hófi því mikil vinna er jafnframt áætluð um helgina.
Óli Njáll  19:58| link

Í gær
Í gær var ég í mögnuðum hagsögutíma hjá Gísla Gunnarssyni. Hagsaga kom þessum tíma lítið við. Réttara hefði verið að kalla hann "Gísli Gunnarsson hraunar yfir alla aðra sagnfræðinga". Það var samt eiginlega bara mjög gaman. Alveg merkilegt þetta hatur innan stéttarinnar.
Óli Njáll  19:01| link

Stefán Einar
ég verð að játa að þetta er nú helvíti gott umræðuefni í ræðukeppni og sennilega verður keppni um það ansi skemmtileg áhorfs, allavega fyrir þá sem þekkja drenginn. Ekki vildi ég að haldin yrði ræðukeppni sem snerist um mig og mína persónu. Það er kosturinn við að vera kletturinn í hafinu, það hefur aldrei og verður aldrei haldin ræðukeppni um slíkt efni.
Óli Njáll  16:52| link

haha, Fróði liggur nú undir ásökunum um að hafa brotið áfengislög. Slíkt er að sjálfsögðu úr lausu lofti gripið. Samt merkilegt að áfengis og vímuvarnarnefnd skuli ákveða að væla í fámennum nemendafélögum meðan að sjónvarpsauglýsingum fyrir bjór rignir yfir landsmenn. Forgangsröðun, ekki góð ef hún er þá nokkur á þeim bænum.
Óli Njáll  15:32| link

Sarwan skellti fjórum á Indverja í síðasta bolta og tryggði sigur sinna manna þar með með einungis 2 hlaupum. 285 vs. 283. Magnað.
Óli Njáll  14:23| link

Bólusótt, mislingar og svarti dauði eiga hug minn allan. Antóníska pestin er skemmtilegt fyrirbæri.
Óli Njáll  13:23| link

Ég á nokkra strumpakalla hér heima hjá mér. Ég á t.d. hjólastrump, kóngastrump, löggustrump, amorstrump. Ég á líka snoopy en hann er þó ekki strumpur og ég er enginn aðdáandi smáfólksins. Ég á líka tvo svona Liverpoolkalla´, annar er hinn gleymdi hægri bakvörður Rob Jones en hinn er enginn annar en Robbie Fowler. Mig langaði bara til að deila þessari vitneskju með heiminum.
Óli Njáll  10:38| link ------------------

5.11.02

Mig langar að taka þátt í prófkjöri. Spurning um að skrá sig í alla flokka og kjósa. Þar með sýnir maður jafnframt fram á heimskuna sem býr í prófkjörum. Kjósa Jakob Frímann og Ágúst Ólaf í efstu sæti samfylkingarinnar????
Óli Njáll  22:43| link

Undur og stórmerki
Ég var í þessum töluðu orðum að taka þá ákvörðun að gefa einum nemanda 40 stig af 40 mögulegum fyrir ritgerðahluta á söguprófi dauðans. Þetta er sjaldséður atburður.
Óli Njáll  21:30| link

Hamingjuóskir
Hamingjuóskir dagsins fara óumdeilanlega til Strumpsins sem sýndi fram á mátt sinn og megin og snýtti lagadeild allrækilega með 10,0. Þetta er sko ekki maðurinn sem undanfarnar vikur hefur labbað um í stresskasti og lýst yfir fjölda spurninga sem hann var viss um að væru rangar, og öðrum eins fjölda sem hann væri næstum jafn viss um að væru rangar.
Óli Njáll  20:02| link

Hvað er Bett
Sökum fjölmargra fyrirspurna er rétt að það komi fram að þessi Bett ráðstefna í London er svona alþjóðleg ráðstefna um eitthvað tölvutengda kennslu. Og þar sem ég er frumkvöðull í þannig efnum hefði náttúrulega verið langsniðugast fyrir Verzló að senda mig. Ég er svektur.
Óli Njáll  17:36| link

Bett
æja, ég er víst ekki á leiðinni á Bett ráðstefnuna í janúar. Það þykir mér mjög miður:(
Óli Njáll  14:21| link

Ekki var erfitt að sannfæra nemendur um að Aristófanes væri fyndinn. Sérstaklega þótti fyndin senan þar sem Lípídó kallar upp yfir sig, þú þuklar á mér eins og fórnardýri!!!. Það var leikið af innlifun og vakti mikla lukku.
Nú ætti ég að vera að hundska mér í M4 tíma en ég nenni því ekki. Ætla þó að mæta í hagsögu klukkan 15:15. Það er eintóm gleði. Engir stjórnmálafræðigemlingar að þvælast fyrir mér.
Óli Njáll  13:46| link

Aristófanes var alveg magnaður karl. Ég var einmitt að lesa lýsisströtu og hafði gaman af. Grísk leikrit rúla. Nú er svo bara að sannfæra nemendur mína um það.
Óli Njáll  07:54| link ------------------

4.11.02

Jæja, þá nennir enginn lengur að tala við mig á msn nema Gvendur. Ekki dugar hann til að ég haldi áfram á netinu, ekki eftir að Kolla yfirgaf mig og lætur mig fara grátandi í háttinn. En ég skila bestu kveðjum til frú Jóhönnu.
Óli Njáll  23:55| link

Enn mótmælir fólk viðurnöfnum sínum hér á hinni konunglegu bloggsíðu. Réttast væri að senda fólk í gapastokkinn en konungur hefur ákveðið að sýna stillingu og gefa þeim lærða manni Ármanni nýtt virðingarheiti og sæti við hirð konungs. Verður hann héðan í frá nefndur stallari.
Óli Njáll  22:52| link

Sportið
Í kvöld er Hagkaupsbolti með Bolanum. Spurning um að reyna að vera saman í liði, annað gæti orðið blóðugt. Það er líka fínt að hafa geðveiku mennina í sama liði.
Á fimmtudaginn er Spartakus. Það er sorglegt að kvenfólkið okkar virðist hafa lagt upp laupana. Og að sjálfsögðu syrgir maður það sérstaklega að Alda skuli ekki láta sjá sig. Ekki það að Guðrún er flott líka sko.
Á fimmtudaginn byrjar líka Ashes. Það er ekki spennandi. Á föstudaginn byrjar svo fyrsta testið milli S-Arfíku og Sri Lanka. Ég held með Sri Lanka að sjálfsögðu en er smeykur fyrir þeirra hönd. Wicketin henta spinnerum illa sem drepur bowlingliðið hjá þeim enda enginn nothæfur fast bowler í liðinu. Chaminda Vaas er bara meðalgutti, Dilhara Fernando einnig. S-Afríkumenn geta aftur á móti bara fast bowlað. Þetta mun reynast þeim erfitt.
Hér er kominn grænn heftari. Hann segir allt ágætt.
Óli Njáll  19:32| link

S
Þetta kemur nú rosalega á óvart. Nú hefur ríkiststjónin sannað að það er ekkert til sem heitir helmingaskiptaregla.
Óli Njáll  18:35| link

Varla þarf að taka fram að konungur bloggsins leggast alfarið gegn öllum hugmyndum um virkjanir í Mekong fljóti.
Óli Njáll  16:20| link

Serrano
Ég var að borða á Serrano með hæstvirtum vélritunarkennara, Antoni Karli Ingasyni. Ekki reynist mér auðvelt að dæma þennan stað. Keypti mér burrito með kjúkling og pepsi með á 824 krónur. Það er eignlega algert rán. Þetta var nú bara hrísgrjón í brauði með smá kjúkling. Eitthvað grænmeti með. Ekkert varð ég sérstaklega saddur af þessu. Gæti vel étið meira. Verðlag er því dæmt fáránlegt og fær hauskúpu á mínum skala.
Gæði matarins eru annað mál. Mér fynnst hrísgrjón og grænmeti gott. Kjúklingur er líka góður. Þetta var því alveg ágætt á bragðið þótt ekki hoppi ég hæð mína í loft upp eins og arabinn í hafnarfirðinum. Vandamálið er bara það að bragðgæðin eru ekki nóg til að réttlæta verðið.
Afgreiðslan, hún var hæg. Það var ekkert að gera en maður þurfti samt að bíða lengi.
Ég mun nú sennilega gefa þeim einn séns í viðbót. Ég þarf að prófa guacamoleburrito. Þer sem það kostar mikið minna en kjúklingadæmið(og það er nú ekki mikið magn af kjúkling í kökunni) gæti það verið ásættanlegt. En áður en það gerist verður haldið á Mekong. Namminammi, Kao pad ped. Það er sko gott og á góðu verði.
Óli Njáll  15:54| link

Fundinn
Eitt sinn var ungur fræðimaður í leit að konungi. En nú er hann fundinn og það er ég.
Óli Njáll  15:47| link

Ashes
...er á næsta leiti. Það bíða allir góðir menn í ofvæni eftir því. Ekki það að það verði nein spenna í þessu, Ástralir eru alltof góðir.
Var Berlínarmúrinn flottasta bygging 20. aldar? Tja, hann kemur allavega sterkur inn í þá keppni...
Óli Njáll  11:24| link

Að breyta lykilorðum er góð skemmtun. Alltaf gaman að því þegar sauðskir nemendur gleyma að breyta sínum lykilorðum innan tímamarka og svo fer allt í fokk.
Óli Njáll  08:37| link ------------------

3.11.02

Jæja, þetta er víst einhver vinnufélagi hennar múttu (gömlu). Já, þær eru magnaðar gömlu kerlingarnar í héraðsdómi. Bara farnar að blogga og alles.
Óli Njáll  21:52| link

Svín og sósa og sitthvað fleira var á boðstólum í sveitinni hjá Þorgeirsbola í kvöld. Það var mjög gott. Ég er því saddur og sæll í kvöld.
Á morgun er stór dagur...
Óli Njáll  21:29| link

Er nema eðlilegt að þegar einhver biður mann um að hringja í sig í vinnuna og gefur upp símanúmerið, og maður gerir það og svarað er Skrifstofa Forseta Íslands, að maður haldi að verið sé að bulla í manni?
já, þetta hefur komið fyrir mig.
Óli Njáll  17:46| link

Þá er Sverrir farinn að heimsækja fiðurfénað. Það er nú jákvætt að hann skemmti sér.
Í dag er enn einn letidagurinn hjá mér. Ljóst að ég er búinn að skapa mér hið prýðilegasta sjálfskaparvíti sem leiðir yfir mig nóvembermánuð dauðans. Ekki gott.
Fantasyfootball gengur illa og bróðir minn siglir nú hratt framúr mér eftir að ég hafði byrjað betur. En lið næstu viku er algert dúndur...
Óli Njáll  17:43| link

Meiðsladjöfull
Meistari Sachin var hvergi nærri hættur eftir að hafa skorað 114 í gær heldur bætti hann 62 hlaupum við í dago og endaði í 176. VVS Laxman var einnig í fantaformi og setti 150 og var ósigraður þegar leik lauk. Indverjar tryggðu því jafnteflið á mjög sannfærandi hátt eftir arma byrjun. Vondu fréttir dagsins eru þó þær að Tendulkar meiddist og gæti verið frá keppni næstu vikurnar. Ekki þarf að fjölyrða um hversu slæmt það er skömmu fyrir HM að missa hann í meiðsli. En jafntefli var sumsé raunin á Eden Gardens í Calcutta, þeim sögufræga velli. Og spurning dagsins er: hvaða maður skoraði 281 hlaup í einu innings gegn Ástralíu á þessum sama velli fyrir ca. 2 árum?
Óli Njáll  12:12| link ------------------