2.11.02

Orðabókaáhugamenn
Ég mun seint teljast mikill lestrarhestur né sérlegur áhugamaður um bækur þótt ég grípi í þær af og til, mér til gagns og gamans. Ég skil þó vel fólk sem rökræðir um bækur, gæði þeirra og skemmtanagildi. Eitt er mér þó hulin ráðgáta en það er áhugi vissra manna á orðabókum. Eitt sinn var ég í hópi manna þar sem Felgulykils-Hjalti tjáði sig mjög um orðabækur og Fjósið tók undir af miklum áhuga. Ég hélt að þetta væru einu mennirnir sem nenntu að eyða tíma sínum í þetta. Svo er þó ekki ef marka má þessa frétt.
Ég gersamlega skil ekki svona fólk.
Óli Njáll  18:45| link

Ég er ekki alki fyrir fimmaura. Jæja, bara varð að koma þessu á framfæri.
Áðan gerði ég heiðarlega tilraun til að leggja mig. Ekki gekk það nú betur en svo að allir heimsins símar fóru að hringja í gríð og erg. Spjallaði lengi við hinn góða dreng Eyþór Halldórsson og svo var það hún Gunnhildur sem truflaði svefn minn. Heimilissíminn hringdi einnig sem óður væri en ég var svo latur að ég nennti ekki að svara. Ef fólk þarf að ná í mig þá getur það bara hringt í gemsann, það var hvort eð er enginn annar heima.
Í annað skipti á 8 dögum tók ég leigubíl heim frá Hótel Sögu. Mér þykir það leiðinlegt.
Óli Njáll  17:19| link

Sérstöðublogg
Jamm, ég á mér eina tegund af slíku og þetta er eitt slíkt. Það er sko krikket í gangi þessa dagana og m.a. Indland á móti Vestur Indíum. 3 testa sería og Indverjar unnu fyrstu 2. Það sem er í gangi núna skiptir því engu máli. Í morgun leit út fyrir að hið óhugsandi gæti gerst. Vestur Indíur voru með 140 hlaupa forskot eftir fyrstu innings og Indverjar byrjuðu skelfilega í sínu seinna innings 11/2. Bangar fór fyrir önd, Sehwag með 10. Meira að segja Rahul Dravid var að klikka. En þá gekk lávaxinn maður inn á völlinn og fór að hamra á Carl Hooper og félaga. Já, ég er að tala um minn mann, Sachin Tendulkar sem loksins hefur rifið sig upp úr þeirri lægð sem hann hefur verið í og er búinn að skora 114 stig og koma Indverjum í 195/4 og því góðar líkur á að þeir endi leikinn í jafntefli sérstaklega því Tendulkar er enn inni í leiknum. Litli meistarinn stendur því svo sannarlega undir nafni í dag. Og af þeim sökum dansa ég stríðsdans.
Óli Njáll  13:32| link

hæhó, nú er ég vaknaður og kominn á ról. Illa líkar mér að finna hvergi símann minn en trúi því og treysti að hann sé einhvers staðar í bílnum mínum sem ég þarf einmitt að fara að sækja niður á Melhaga. Vonandi hefur honum hugnast vistin þar í nótt. Því eins og Gunnar Jökull sagði:"Bíllinn minn, ég elska bílinn minn". Talandi um GJ, í gærkvöldi fékk húsráðandi 5000 króna tilboð í Hamfaradiskinn sinn. Svo virðist sem Gunnar Jökull sé loksins að slá í gegn.
Óli Njáll  10:10| link

Sumir hlutir eru alls ekkert sniðugir. Sumir hlutir fara afskaplega í taugarnar á mér og draga mig niður í þessum töluðu orðum.
Að öðru leiti var ég að koma úr ágætu leynipartýi Fróða. Þar skemmtu margir sér vel. Jón Skafti hélt uppi viðurnefni sínu sem Jón fulli. Margir fleiri fylltu þann hóp manna. Spurningin lifir, hver er Sigfús?
Óli Njáll  03:34| link ------------------

1.11.02

Það er nú svei mér gott að vita að meður fái ´"Staður í nýjum heimi" á tilboði. Stækkar þá ört vaxandi safn mitt með ritum eftir dr. phil. Ármann Jakobsson.
Óli Njáll  18:59| link

nei, hér er engin skygnilýsing í gangi.
Óli Njáll  15:44| link

Úps
Ekki er það gott að vera böstaður á skólalóðinni af nemendum sínum með 25 lítra af bjór í kerru. Það er allavega ljóst að ég þarf að tala alvarlega við þau um áfengisnotkun og forvarnir:)
Óli Njáll  15:05| link

Próf dauðans stendur víst undir nafni.
Óli Njáll  13:10| link

Meira kynlíf
Nú er ég búinn að semja próf dauðans fyrir 4-X. Það er alltof létt. Kanski ég hafi prófið á þýsku svona rétt til að láta það standa undir nafni. Eða jafnvel latínu, kanski maður hringi í Sverri og fái hann til að snara þessu yfir á 10 mínútum....

Og nú ætti heimsóknunum að rigna inn.
Óli Njáll  12:20| link

Kynlíf
jæja, þetta virkaði hjá Gneistanum (sem augljóslega er ekki excel gúrú) og ég reyni því að hækka heimsóknatölna með sama bragði. Annars fór plottið mitt í morgun út um þúfur, ég ætlaði að vera voða strangur og fúll við 4-E sem stóð sig skelfilega á prófinu. Ég er bara ekki nógu vondur maður, ég get ekki verið vondur við þennan bekk. Þetta eru yndislegir krakkar. Ég var sumsé skemmtilegur að vanda og slökkti meira að segja ljósin þegar glærusjóvið var í fullum gangi og leyfði Kristínu að flétta Helgu.
Hmmm, augljóslega fjallar þessi færsla ekki um kynlíf en engu að síður trúi ég því að fólk sem sér fyrirsögnina á nagportal rambi hingað inn. Jafnframt kemur þetta fyrir í leitarvélum og ætti að auka straum ferðamanna hingað, ætli sé þá ekki best að skrifa orðin sex og porn líka til að fá sem allra flest hits.
Óli Njáll  09:25| link ------------------

31.10.02

Gneistinn svarar að sjálfsögðu kórrétt enda bjóst ég nú ekki við öðru frá þeim mæta manni. Ég legg því fyrir hina svonefndu svínslegu spurningu prófsins en hún er svohljóðandi: Hver er munurinn á eftirfarandi segðum
E4*D3
$E$4*D3
E$4*D3
Ekki þarf að taka fram að enska orðið yfir segð er formula. Annars kom meðaleinkuninn vel út eða 6,3 sem þykir hátt á mínum prófum. Skalinn notaður frá 0 og upp í 10. Ég er að velta fyrir mér hvort kennarar séu ekki almennt of gjafmildir á einkunnir. Allar meðaleinkunnir yfir 6,5 eiga varla rétt á sér nema í nemendahópi sem er þeim mun gáfaðri.
Óli Njáll  22:51| link

80.000 stk
Óli Njáll smásál gleðst yfir gestkomu nr. 80000 í dag. Nú er stefnan sett á 100.000 stk innan skamms.
Annars hef ég ekkert tjáð mig um Liverpool leikinn í gær. Liverpool menn voru aumir og gerðu fátt af viti. Ég sá hins vegar ekki þessa góðu spilamennsku Valencia sem menn hafa verið að röfla yfir. Þeir voru ekki að skapa mörg færi og markið þeirra var helvítis heppnis mark. Liverpool skapaði alveg jafn mörg marktækifæri og þeir í þessum leik. Þetta var leiðinlegur leikur og ég fór ósáttur að sofa. Í kjölfarið ákveð nefnilega flugufjandi að hefja suð mikið í herberginu mínu. Elti ég kvikyndið uppi með hárlakk að vopni og endaði það með því að hún hvarf. Í morgun birtist hún svo aftur, römm að afli og ill í skapi. En viðnám hennar hafði beðið hnekki í átökum gærkveldsins. Hún laut í gras.
Óli Njáll  20:59| link

Ég vil læra tyrknesku til 30 eininga.
Í dag gerðist merkilegur atburður í tíma. Sími hringdi. Saklaus drengur svara og segir að hann sé í tíma og skellir á. Ég segi nokkur vel valinn orð um meðferð farsíma í kennslustundum. Þar sem þetta er nú ágætis grey fékk hann að hanga inni. Þessi nemandi misnotaði hins vegar góðmennsku mína algerlega og þegar síminn hringdi aftur eftir örfáar mínútur svaraði hann aftur. Þá var hann settur í hóp manna á borð við Friðbjörn Orra og fékk að yfirgefa stofuna. Allir góðir menn sjá náttúrulega að við þessa sögu er ekkert merkilegt líkt og lofað var í upphafi greinarinnar. Það merkilega er hins vegar að ég hafði af þessu enga ánægju og þótti eiginlega bara leiðinlegt að þurfa að standa í svona löguðu. Er ég að verða meir með aldrinum?
Óli Njáll  17:22| link

Mér leiðist að kenna Rómverja:(
Mér finnst Grikkirnir miklu skemmtilegri.
Óli Njáll  14:51| link

Sverrir...
...er að sjálfsögðu minn uppáhaldsbloggari. Ekki veit ég þó hvort mér líki hugmyndir hans allskostar þótt eflaust séu þær settar fram í góðum tilgangi. Ekki veit ég til þess að ég ætli að gerast einhver smurður Röskvu agent og hvað þá í latínu. Frönskuna lýst mér ekki nógu vel á. Frakkar eru ein ógeðslegasta þjóð í geymi. Það ættu allir að vita mitt álit á þeim. Það þyrfti að vera þeim mun meira magn af hágæða skutlum til að draga mig þangað. Ekki bætir úr skák að ég kann ekki stakan staf í frönsku enda lærði ég í nasistaframhaldsskóla íslands þar sem þýska var lögboðin sem þriðja mál. Æ mig auman, mín framtíð er svört.
Óli Njáll  14:49| link

Nýjung
Í gær mætti ég í fyrsta skipti á ævinni á Röskvufund. Þegar ég sá mætinguna þar skyldi ég hvers vegna Röskva tapaði síðustu kosningum. Augljóslega enginn sem nennir að starfa í þessum samtökum. En þessi fundur var svo sem ágætur. Nokkrir góðir og gildir kommúnistar mættu einnig s.s. Gunni og Huginn(nú mega menn velja hvor er góður og hvor er gildur). Spurningin er svo hvort ég læt hér staðar numið eða hef Röskvuferil minn af fullri alvöru. Það fyrrnefnda kemur mun sterkara til greina enda mætti ég einungis af góðmensku gagnvart Huginn. Lifi byltingin.
Óli Njáll  10:55| link

Að sjálfsögðu á að halda skrifleg excelpróf og því fleiri því betri. Skriflegt próf reynir á fólk á allt annan hátt og dýpkar skilning nemandans á efninu. Gneistanum er hér með boðið að spreyta sig við nokkrar spurningar:
1) Hvaða virkni hafa flýtiskipanirnar Ctrl+c og Ctrl+v
2) Skrifið segð sem leggur saman reitina A1 og B2 og margfaldar summu þeirra með reitnum E8

Kanski mun ég birta fleiri magnaðar spurningar af skriflegum excelprófum hér í náinni framtíð. Bíðið spennt.
Óli Njáll  10:52| link

kvöl og pína
Hvernig ætli krakkagemlingunum mínum líði á leiðinni í sitt fyrsta excelpróf og það skriflegt. Sennilega ekki vel:) Þetta er þörf nýjung í excelkennslu, skrifleg próf. Þá lesa krakkarnir fjárans bókina. Gaman að því.
Óli Njáll  08:13| link

Viðauki
Hagfræðingar sagði ég. Ég gleymdi reyndar áðan að ég þekki einn ærlegan hagfræðing og er það minn fyrrum lærifaðir og mógúll, Björgvin Ingi Ólafsson. Hef reyndar ekki hitt hann eftir að hann varð hagfræðingur og kanski hefur hann breyst við það, en ég vona ekki. Ætli hann sé ekki bara undantekningin sem sannar regluna.
Um daginn kepptu sagnfræðinemar við hagfræðinema í fótboltamóti á Ásvöllum. Við flengdum þá. Þeir eru ekki einu sinni nothæfir til knattspyrnuiðkunar.
Óli Njáll  00:03| link ------------------

30.10.02

Hugleiðing
einhvern veginn hef ég verið að hugleiða alveg ótalmargt í dag. T.d. var ég töluvert að spekúlera í stórverkefni okkar Antons. Það eru skemmtilegar pælingar. Við erum sko að mála bæinn rauðan þessa dagana.
Ég er líka að pæla í námsframvindu minni. Eftir þennan vetur verð ég búinn með ca. 55 einingar í sagnfræði sem þýðir að ég þarf að ákveða mig hvort ég tek aukagrein eða klára bara söguna til 90 eininga. Í dag er ég að spá í 30 eininga hagfræði. Slíkt hefur kosti en jafnframt ókosti. Afskaplega hentugt að læra smá hagfræði og skrifa svo jafnvel ba um hagsögulegt efni. Einnig hafði ég gaman af hagfræði í framhaldsskóla og hún reyndist mér afskaplega létt(enda er ég með kenningu að hagfræðingar séu engar mannvitsbrekkur og því hlýtur hagfræðin að vera létt). Verulegur ókostur við þetta er þó að hagfræðingar eru fantar og fúlmenni og flestir kapítalistar í þokkabót. Mig langar ekkert svakalega að umgangast þannig skríl of mikið. Mér líkar lífið ágætlega í Árnagarði innan um sagnfræðinörda og get vel hugsað mér eitt ár í viðbót þar.
Einnig spái ég í heimilisstöðu minni. Eins og alþjóð veit bý ég hér hjá foreldrum mínum í svona háfjallabæ. Það er í sjálfu sér ekkert slæmt ef frá er talin staðsetningin. Hins vegar langar mig til að koma mér að heiman, fá mér litla íbúð á sniðugum stað og vera sjálfs míns herra. Fjárhagslega er þó enginn grundvöllur fyrir því. Ég þarf því annað hvort að finna mér stórauknar tekjur eða kvenmann til að búa með. Það fyrra gæti reynst erfitt enda hef ég nóg að gera. Það síðara er tvímælalaust mun auðveldara fyrir stórsjarmörinn mig en hefur þó þann ókost að ég hef litla löngun í að hefja búskap með kvenmanni eftir stutt samband. Það þyrfti að vera magnaði kvenmaðurinn til að það gengi upp.
Ég er því hræddur um að líf mitt sé í algerri kyrstöðu. Ég á sennilega eftir að búa hér heima um ókomna framtíð og hanga í sagnfræði eitthvað í viðbót. Nema ég vinni í víkingalottó. Nei, ég gleymdi að kaupa miða:(
Óli Njáll  18:27| link

Enn og aftur eru fjölmiðlasnápar að fjalla um blogg. Rætt er við hina og þessa bloggara um málið. Einu sinni var ég fenginn til að tala um blogg í útvarpi, ekki hafði ég þó neitt merkilegt að segja. Það fynnst mér einmitt vera einkenni á öllum bloggfréttum, það hefur enginn neitt merkilegt fram að færa. Óg ég velti líka fyrir mér, Hefur fólk virkilega gaman af því að fylgjast með fréttafluttningi af bloggi?
Ég hef komist að þeirri niðurstöðu að ég er á móti bloggumfjöllunum. Jafnframt hef ég tekið þá ákvörðun að ræða aldrei opinberlega aftur um blogg. Þróun bloggsins er nefilega alveg skelfileg síðan að byrjað var að fjalla um blogg opinberlega. Allt fullt af hyski og ruslaralýð sem þessa iðju stundar nú til dags og meirihluti þess er hundleiðinlegt. Ég er fúll á móti, stoltur af því og gef skít í þetta allt saman. Ég er kletturinn í hafinu, óhagganlegur og óbreytanlegur. Ég er ekkert merkilegur en samt alltaf til staðar. Slíkir menn eru orðnir fáir í bloggheimum, í staðinn hafa sprottið upp urmull blindskerja sem skapa ekkert nema vandræði og leiðindi. Oghananú.
Óli Njáll  15:09| link ------------------

29.10.02

haha, manneskja dagsins er tvímælalaust hún Gunnhildur sem ætlar að redda Fróða um þessa helgi. Gunnhildur þessi er femínisti, sósíalisti, sagnfræðinemi og fyrrum mhingur. Jæja, einn stór galli, menn geta giskað á hvert af þessu ég tel galla. Gunnhildur les einnig þessa síðu sem ber vott um góðan smekk á lesefni.
Óli Njáll  22:34| link

Hagsagan var að meika það í dag, náðum að láta Gísla tala um allt annað en hagsöguna. Það rokkar.
Óli Njáll  17:08| link

Brandari dagsins er í boði Sveinbjarnar Rafnssonar: "Vilhjálmur Sigurvegari var einnig nefndur Vilhjálmur Bastarður". Kjartan Svarti fær líka stóran plús fyrir að röfla tóma heimsku í tímum. Fífl dagsins líkt og alla aðra daga er heimska kerlingin á fyrsta ári sem röflar tóma heimsku í öllum tímum. Ólíkt Kjartani er ekki hægt að hlægja að hennar bulli. Les þetta fólk síðuna? Sama er mér. Dökkhærða kona á fremsta bekk: Þú ert fífl og ég hata þig!!!!

ps. Í þessum töluðu orðum er ég ekki vel upplagður.
Óli Njáll  11:25| link

Ekki eru e-bekkingar sammála mér um sanngirni prófsins míns, engu að síður eru alveg guðdómlega týpískar prófspurningar hér á ferðinni. Lýðræði í Aþenu er ritgerðin. Jæja, ég er farinn að halda að það skipti engu máli hvað ég set á prófin. Þau munu ávallt mótmæla.
Óli Njáll  08:27| link

Skattbændur voru um 4500 árið 1100. Þetta er fróðleiksmoli dagsins. Ég er þreyttur en kaffibollinn minn hjálpar ásamt góðum slurk af lýsi. Ekkert hef ég merkilegt fram að færa núna. Próf að hefjast, í raun mitt fyrsta alvöru próf. Og þar hringir bjallan.
Óli Njáll  08:05| link

Hnerra Níels mótmælti nafni sínu harðlega. Sökum góðmennsku minnar hef ég því breytt nafni hans.
Annars er ég að bræða með mér að kynna til sögunnar stórefnilegan bloggara á allra næstu dögum. Bloggbyltingin er alveg farin úr böndunum.
Óli Njáll  00:02| link ------------------

28.10.02

Já, bróðir minn Þorgeirsboli var ekki á því að gefa neitt eftir í þetta skiptið og uppskar ég því ófá spörk í leggina og verð eflaust með skemmtilega marbletti næstu dagana. Í staðinn jarðaði ég Vidda greyið. Hann átti sér einskis ills von og átti það ekkert skilið. En enginn dó og enginn slasaðist þannig að fótboltinn fær fullt af Guðjónum. Sjálfur átti ég stórundarlegan dag, öll mín skot flugu út og suður en átti hins vegar fjölmargar glæsisendingar á félaga mína og fór það því að lokum svo að við unnum nokkuð sannfærandi sigur þrátt fyrir að bolinn færi mikinn í liði andstæðinganna.
Í fyrramálið er svo einn af þessum yndislegu vinnudögum, fyrst próf hjá 4-E og svo tölvutími í 3-G. Þægilegri verða dagarnir ekki. Það má því búast við bloggi úr fyrsta tíma meðan elskulegur e-bekkurinn svitnar í prófi.
Óli Njáll  23:14| link

Boltablogg
Ég er víst að halda í bolta í kvöld. Það er alltaf gaman í boltanum þrátt fyrir að hæfileikar mínir séu af skornum skammti. Síðast tók ég brósa minn í gegn og varði næstum öll hans skot og rústaði hans liði, hann var argur mjög það sem eftir lifði kvölds. Gaman væri nú að endurtaka þann leik.
Óli Njáll  18:56| link

Jabbs, mikið að gera hjá manni í dag. Samt best að fara að koma sér heim og slappa af. Vandræðamóment dagsins gengu vel. Það er gott. Var að ljúka við að semja próf fyrir krakkana í 4-E. Það er held ég sæmilega sanngjarn en þar sem ég er ekki sanngjarn maður að eðlisfari skulu aðrir nemendur ekki búast við að sleppa jafnvel.
Óli Njáll  15:21| link

Æja, í dag verður vandræðamóment, það ætti þó ekki að vera mjög alvarlegt. Allavega verður maður ekki jafn vandræðalegur og Ingi Sigurðsson á góðum degi. Annars var ég á föstudaginn að fá nýnema til að skrá sig í M3 eftir áramót enda tvímælalaust flottasti kúrs vorannar. Einhverra hluta vegna trúðu mér fáir þegar ég sagði að Ingi væri mesti töffarinn í kennaraliðinu. Þeir um það, ég fer þangað og skemmti mér eflaust konunglega.
Óli Njáll  10:13| link

Jamm, að undanförnu hefur stóraukist umferð hér frá minni örmu háskólaheimasíðu. Nú veit ég hvers vegna. Allt er það Má Jónssyni, helsta handrita og saurlífisfræðimanni Íslands að þakka en hann er víst byrjaður á vefhluta aðferða og sýnir öllum gríslingunum mína síðu og sérstaklega myndina frægu sem þar er að finna. Hann er alveg heillaður af mér kallinn. Skil hann svo sem alveg, hver er það ekki?
Ég er nú kominn vel áleiðis með að lesa bókina Ham on Rye sem mér áskotnaðist í gær. Bukowski er alveg gersamlega geðveikur og sennilega fíla ég hann þess vegna, allavega fíla ég bókina mjög vel.(Nú kunna einhverjir að glotta við græna tönn þegar þeir lesa þessa færslu um bókalestur minn. Við þá hef ég bara eitt að segja: "Ágúst, þegiðu!!!)
Óli Njáll  08:40| link ------------------

27.10.02

Megastuð
Að vanda var ammælisveisla mín mögnuð. Ég hlýt að fá verðlaun fyrir að vera fyrirtaksgestgjafi enda veitingar glæsilegar með góðri hjálp minnar yndislegu móður. En þarna voru saman komnir ýmsir góðir menn. Blanda af Verzlingum og sagnfræðinemum. Hvað sem geirvörtustrumpur vælir þá eru þeir laga- og verkfræðinemar sem þarna mættu allir saman ágætis manneskjur.
Mitt markmið að safna sem flestum pökkum, stórum, hörðum og dýrum, gekk alveg ágætlega eftir. Margar voru gjafirnar þó nokkuð undarlegar. Ég eignaðist t.d. mína fyrstu kaffikönnu og irishcoffiebolla með henni. Sumir virtust haldnir þeirri ranghugmynd að ég hafi annaðhvort græna fingur eða sé pandabjörn og gáfu mér því bambus. Geirvörtustrumpurinn gaf mér hins vegar kúbverska fánann og fær hann mikið hrós fyrir. Einnig áskotnuðst mér geisladiskur, axlabönd, klámspóla með m.a. Ron Jeremy, rauðvínsflaska og einhver undarleg bók á útlensku.
En í stuttu máli var þetta stórgott partý, skemmtilegt fólk og skemmtileg stemming. Þeir fáu boðsgestir sem ekki mættu mega éta það sem úti frýs og eru gengisfelldir úr hópi góðra manna.

Og að lokum, íslensku vefverðlaunin. Ég tel það skandal að þessi síða hafi ekki unnið. Frumleg og góð hönnun, skemmtileg litasamsetning, áhugavert innihald. Tær snigld.
Óli Njáll  18:27| link ------------------