25.10.02

Ég fór á Mark Steel, hann er fínn.
Óli Njáll  14:23| link

naunau, Bangladesh komið í 136 fyrir 2 á móti Suður Afríku. Þessu bjóst ég ekki við. En heimur batnandi fer augljóslega og gott mál að Bangladesh sé á uppleið. (Sjáum hversu lengi það endist)
Óli Njáll  12:40| link

Jæja, hvernig ætli sé umhorfs í stofu 13 í dag þar sem í gær var jólatré og seríur út um allt. Óttalegur bömmer hjá greyunum að ég var búinn að lesa síðuna hennar Guðrúnar Ingu og vissi því af þessu fyrirfram og kom mér því ekkert á óvart. Ég býst við flugeldum í dag, það er eðlilegt framhald af jólaskreytingum.
Ég á aðeins eftir að tala við örfáar hræður í dag og svo þarf ég að taka helling til. Það er eins gott að hafa snyrtilegt í kringum sig á morgun. Svo ætla ég á fyllerí í kvöld, ágætis upphitun fyrir morgundaginn. Mér fynnst það hljóma vel.
Óli Njáll  12:39| link ------------------

24.10.02

Jæja, smölun fyrir laugardaginn gengur eftir áætlun nema hvað meðalþyngd gesta verður lægri en áður var gert ráð fyrir þar sem Feitur mætir sennilega ekki. Því er nú verr og miður enda hafði ég fjárfest í öflugum burðarbitum og stoðgrind til að halda gólfplötunni uppi. Allir vita að mínar afmælisveislur eru ævinlega þær glæsilegustu sem fyrirfinnast. Þessi verður engin undantekning.
Óli Njáll  21:01| link

múhahaha, ég gæti jafnvel haldið að stórgóður pistill minn hefði reitt Ármann til reiði. Hann má svo sem kalla mig fábjána ef hann vill, ég leyfi mér að vera ósammála, það breytir þó ekki því að mér líkar ágætlega við Ármann. Annars finnst mér alveg yndislegt hvílíkur kraftur býr í orðinu menntahroki. Kjarnorka er núll og nix miðað við þetta afl.
Viljinn er kominn út og fékk ég stöðu minnar vegna eitt eintak. Þetta er nú skrambans frjálshyggjubleðill en jákvætt að hinn gamli þáttur "Viljastúlkan" er fleiri fleiri blaðsíður. Það er ætíð jákvætt að hafa sem flestar myndir af stelpum í svona blöðum enda eru greinar þær sem þar birtast ávallt sorp hið mesta.
Fram hefur komið sú kenning frá dyggum lesanda að textinn við Írafárslagið sé "stórir hringir og hjartað lagast" en ekki "stórir hringir og hjartalaga". Nú gæti vel svo verið að ég hefði verið að misheyra þetta og allt tal um hjartalaga hringi því tóm þvæla. En hvort sem er þá er textinn tóm steypa. Það er mín greining, túlkun og skoðun á þessu.
Óli Njáll  19:08| link

Enn hefur enginn getað útskýrt fyrir mér hjartalaga hringinn hjá Írafári. En ég bíð spenntur áfram.
Fór á flakk með heiðursmönnunum Þóri og Stefáni í gæ. Þar var glatt á hjalla. Fórum í keilu. Þórir greyið náði að vísu sjaldnast að hitta keilurnar og uppskar 90 stig samtals í tveimur leikjum. Það þykir slæmt þegar ég og Stefán erum orðnir betri en hann í keilu. Í kvöld fer ég kannski á Mark Steel. Sé til...
Óli Njáll  12:46| link

RIP
Hér hvílir Jósef Guðsson. Hvíl í friði.

Já, það hlýtur að vera alger bömmer að vera bróðir Jesú. Samt spurning hvort nú verður talað um faðirinn, soninn, hinn soninn og hinn heilaga anda...
Óli Njáll  09:12| link ------------------

23.10.02

mól, mól, mól og aftur mól
Jamm, ég er bara alveg hoppandi glaður yfir móldeginum.
Óli Njáll  19:17| link

Sheizen, ég var næstum því búinn að gleyma þessu. Til hamingju með Móldaginn öll sömul. Já hann er í dag, 23. október. Honum skal sko fagnað á viðeigandi hátt.
Annars er ég á leiðinni í undarlegan en nokkuð skemmtilegan félagsskap í kvöld, ég ætla aftur á móti að beila á uvg sem ætlar að halda fund með þeim gamla leiðindaskarfi Benedikt Davíðssyni. Bra segi ég nú bara. Það er líka of mikið að hafa svona fundi vikulega, þótt að vissulega sé þetta lofsvert framtak hjá Kötu og co. Fundurinn síðast var til dæmis mjög góður. Svo nenni ég ekki að hlusta á væl um aldraða útlendinga.
Óli Njáll  17:39| link

Einn nemandi minn hafði það á orði fyrr í dag að ég væri geðveikur(eða sagði hann klikkaður? skiptir ekki öllu máli). Hann var eitthvað ósáttur við vinnuálagið í tölvunotkun.Mér þykir leitt að heyra svona barnahjal en get að sjálfsögðu ekki látið það óátalið. Geðþóttastuðullinn hrapar við svona hjal. Ætli þessi nemandi geri sér grein fyrir að hann hefur skrifað undir eigin dauðadóm?
Það er staðreynd að hingað til hefur tölvukennsla verið á villigötum í Verzlunarskólanum og eflaust í fleiri framhaldsskólum. Mér kemur það ekki til hugar að gera öll verkefnin og varpa þeim upp á skjávarpa og tyggja hverja einustu excel formúlu ofan í krakkana. Ég beiti gömlum og gildum aðferðum úr sundkennslu, sparka fólki ofan í djúpu laugina. Ég stend svo á bakkanum með veiðistöng og kræki í þá sem virðast vera að sökkva til botns. Þannig á nefnilega að gera þetta. Láta nemendurna æfa sig smá í því að gera þetta sjálfstætt. Ég er enginn helvítis teletubbie sem segir allt tvisvar og hananú!!!
Óli Njáll  17:14| link

Mósaík frh.
Ekki er það ósennilegt að sannleikskorn leynist í þeim orðum fræðimannsins að almenningi komi ekkert við hvort honum þyki bækur skemmtilegar eða leiðinlegar en þá hlýtur það jafnframt að vera umhugsunarefni hvort almenningi komi á nokkurn hátt við skoðanir Ármanns yfir höfuð á bókum enda þarf svo sem ekki neitt 12 ára nám til að hafa skoðanir á hinum og þessum hlutum. Hegðun þessa sprenglærða fræðimanni með 12 ára háksólanám að baki(ég ítreka 12 ára háskólanám) er því ekkert nema menntahroki:)

Næsti maður á dagskrá. Stefán Pálsson, sá armi þrjótur, leyfir sér að efast um Valshollustu mína. Nú er svo mál með vexti að ég hef ávallt verið Valsari, sennilega var það fjölskylduhefðin sem gerði mig að Valsara í upphafi enda fannst mér mjög merkilegt sem litlum gutta að Árni frændi hefði verið fyrirliði Vals á sínum yngri árum. Sérstaklega í ljósi þess að Árni frændi var(og er enn) gráhærður kall með skallablett og bumbu. En þar sem ill örlög gerðu það að verkum að ég ólst upp í Breiðholtinu lá náttúrulega beinast við að stunda íþróttir með Leikni. Enn í dag styð ég Leikni heilshugar í boltanum og mæti ávallt öðru hverju á völlinn. Ég hef hins vegar ekki sést á Hlíðarenda á knattspyrnuleik síðan sumarið 1992. Ástæðan er einungis sú að ég tími ekki að eyða morðfé í að borga mig inn á knattspyrnuleiki í lágum gæðaflokki. Ég hef hins vegar mun oftar sést í íþróttahúsi því er nú skal rífa enda þykir mér mun skemmtilegra að horfa á handknattleik en knattspyrnu. Það íþróttahús er náttúrulega fiskverkunarhjallur og því kærkomið að fá nýtt og stærra hús fyrir flottasta lið landsins.
Að lokum ein skemmtileg staðreynd. Sætanýting í stúkunni á Hlíðarenda er ævinlega betri en hjá Frömurum. Oghananú.
Óli Njáll  14:54| link ------------------

22.10.02

Maður er nefndur
Merkilega fannst mér bókaspjall Mósaíkur minna mig óþægilega á þá örmu þætti "maður er nefndur" en ég var einmitt að fylgast með því. Heyrði nefnilega hinn ástsæla fræðimann Ármann Jakobsson kynntan til sögunnar og ákvað að fylgjast með. Þessi dagskrárliður er alveg gersamlega misheppnaður. Í fyrsta lagi er löngu kominn tími til að starfsfólk rúv átti sig á muninum á útvarpi og sjónvarpi. Þetta var útvarpsspjall. Í öðru lagi fór kerlingin skelfilega í mínar fínustu taugar, svona fjandans artíruslmanneskja sem er afskaplega jákvæð út í allt og reynir að halda því fram að lýsing á prentsmiðju sé svakalega áhugaverð. Það er einfaldlega ekki fræðilegur möguleiki að það sé svo. Hinum fræðimönnunum fannst bækurnar augljóslega mjög leiðinlegar nema hann hafi verið í svona vondu skapi. Allt hans tal benti til þess að bók Stefáns Mána væri algert drasl, þegar nákvæmar lýsingar á vélum er það sem stendur upp úr að hans mati þá getur það ekki þýtt að hann hafi skemmt sér við lesturinn. Fleira í hans máli benti til þess sama.
Mér fannst þó vanta hreinskilni í þetta spjall. Ég hefði viljað sjá Ármann segja hreint út, "þessi bók er leiðinleg". Það eru alltaf skemmtilegustu umfjallanirnar þegar bækur eru rakkaðar niður. Það er engin þörf á að vera jákvæður út í eitthvað sem verðskuldar það ekki. Allir menningarvitar sem tjá sig í ljósvakamiðlum eiga að taka sér Jón Viðar til fyrirmyndar. Þetta er allt saman klént. Tala hreint út er málið og hrauna yfir sorplið.
Óli Njáll  22:26| link

Pæling
"Stórir hringir og hjartalaga sem síðar breytast í þig". Nú má einhver svara mér hvernig hringurinn getur verið hjartalaga. Vegleg verðlaun í boði fyrir rétt svar.
Óli Njáll  15:16| link

Malið í karlinum hljómar sem lágt suð í mínum eyrum, óþægilegt hljóð þar á ferð. Ekki nógu hátt til að greina orðaskil, ekki nógu lágt til að leiða það hjá sér. Afleiðing þessa er gríðarlegt einbeitingarleysi hjá mér í þessum tíma. Nýnemageiturnar sperra eyrun og hamast við að hlusta á boðskapinn. Þeir hafa ekki enn uppgötvað hinn gyllta sannleika lífsins að orð karlsins skipta engu máli...
...loksins gat ég greint orðaskil, hann sagði jihad. Framburðurinn nokkuð skondinn, hann notar venjulegt íslenskt joðhljóð fremst svona eins og þegar einhver segir jii, bætir svo við had. Ég þekki reyndar bara eina manneskju sem notar orðið jii.

Óli Njáll  11:46| link ------------------

21.10.02

jamm, ég fynn bara tyl með þeym sem láta bylbug á sér fynna. Ýslenskan er fallegry með sem flestum ypsylonum.
Óli Njáll  23:42| link

Smiðir á ferð
Hér í Verzlunarskólanum eru smiðir á ferð sem trufla vinnufriðinn. En það jákvæða er að þeir eru að einangra loftið í matsalnum þannig að gaggið í kerlingunum bergmáli ekki jafn rosalega í hádegismatnum. Hér er á ferð stórsmiðirnir Jóhann Hauksson og Magnús Jóhannsson. Þeir eru svo gæfusamir að vera tengdir mér nánum fjölskylduböndum.
Óli Njáll  19:12| link

Það er alveg merkilegt hvað margir aðilar virðast veita styrki til hinna ýmsu verkefna. Ég tel það jákvæðan hlut. Því fleiri og meiri styrkir, því betra.
Óli Njáll  16:19| link

...ég er samt í vinnunni:)
Óli Njáll  09:35| link

Mánudagsveiki hrjáir mig:(
Óli Njáll  09:35| link ------------------

20.10.02

Jamm, þessi dagur er líkt og allt haustið búinn að vera eintóm leti og leiðindi. Ég þarf að fara gera eitthvað rótækt og það sem fyrst. Annars mun illa fara í desemberprófunum. Mér fynnst miklu skemmtilegra að vera hinum megin við kennaraborðið og pína fólk fremur en að vera píndur sjálfur. Það er einfaldlega staðreynd að lærdómur er leiðindi. Já, þetta er rétta attítútið Óli Njáll!!!!
Óli Njáll  20:41| link

Egill hittist í gær en enginn var þó Egill á svæðinu. En engu að síður var gleðskapur góður og skemmtan mikil fram eftir nóttu. Sérstök heiðursverðlaun fyrir góða hegðun og drykkjusiði hlýtur Jói Gloss, sem áður var þekktur sem Jóhannes Runólfsson. Fyrir þá sem ekki þekkja Jóa þá er hann leikari að aðalstarfi og hefur getið sér góðs orðs í samstarfi við Land og syni. Já, hann þekkir Hreim!!!!
Skammarverðlaun fara alla leið til Seyðisfjarðar. Kolbrún kom seint og drakk ekki neitt með þeim rökum að hún drykki ekki áfengi eftir miðnætti (huh?), fylgifiskar hennar voru einnig af verri endanum og flúðum við að lokum. Skammarverðlaun 2 fara svo til Daniels Isebarn sem lokaði Bæjarins beztu áður en við strumpur náðum þangað og neyddi okkur því til að éta vonda pulsu á lækjartorgi. Synd og skömm.
Á Celtic mátti svo einnig finna ýmsa góða menn og loksins hitti ég dularfullu konuna sem ég hef heyrt ýmislegt um en aldrei séð áður. En mér skilst að um hana sé ekki fjallað opinberlega og mun ég ekki breyta út frá þeirri venju.
En í stuttu máli sagt alveg frábært kvöld og ljóst að bjórklúbburinn Egill Guðmundsson lætur engann bilbug á sér fynna og mun þamba áfram sem mest hann má. Takk fyrir mig.
Óli Njáll  13:50| link ------------------