19.10.02

Ég var ekki búinn að minnast á það að ég fór á safn í gær. Fjarskiptasafnið varð fyrir valinu og var þangað farið ásamt upplýsingafræðigúrúinu og kynistanum Danton. Af hverju segi ég kynisti? jú, Díógenes bjó í tunnu, Danton býr í sófa. En safnið er nokkuð skemmtilegt og safnvörðurinn er svona ekta safnvörður, gamall og gráhærður. Jamm, ég skemmti mér þar ágætlega.
Egill Guðmundsson er félagsskapur minn í kvöld og er víst útlit fyrir ofurmætingu nema fólk fari að beila á okkur á síðustu stundu. Mikill mjöður skal drukkinn og það mestmegnis af einni tegund. Að sjálfsögðu er hér átt við Newcastle Brown Ale. Þeir sem vilja hitta Egil geta komið á Celtic í kvöld en ekki ábyrgist ég að við munum tala við utanaðkomandi nema eftir samþykki samkundunar. Ætti maður ekki að hita aðeins upp hér heima????
Óli Njáll  20:45| link

Í gærkveldi héldu þunglyndir vélritunarkennarar á myndina Red Dragon í Laugarásbíói. Það var nú hin besta skemmtun, Hopkins er að vanda gríðarlega flottur og myndin góð í alla staði. Kom skemmtilega á óvart því að mynd númer 2 var svo arfaleiðinleg og léleg. Sumsé gott kvöld í gær.
Dagurinn í dag byrjar líka vel, Liverpool er komið á toppinn í enska eftir góðan útisigur á Leeds. Er Liverpool að taka titilinn? Það held ég ekki, Arsenal er of gott. Jafnframt veit ég að því minni væntingar sem ég geri því betur gengur liðinu. Það liggur því við að ég spái því falli.
Óli Njáll  14:45| link ------------------

18.10.02

já, það er ekki annað hægt en að hrósa þeim ljúfa dreng Stefáni Einari fyrir hversu vel hann tók á erfiðum aðstæðum og hversu fantagóða ræðu hann hélt í hádeginu í dag á marmaranum. Örlög hans syrgi ég enda öðlingur þar á ferð og þrátt fyrir íhaldsskoðanir sínar í pólitík telst hann til góðra manna.
Hverjum lifandi heilvita manni dettur í hug að ég dansi skottís? tja, 4-x fékk þá vondu hugmynd. Ég læt þó ekki plata mig út í þannig vitleysu. Þegar kemur að dansi hjá mér þá er betur heima setið en af stað farið. Lúftgítar, ég dansa ekki!!!

ps. Rekum Atla!!!!!
Óli Njáll  19:20| link

úff, krikketvélritunaræfingar eiga eflaust eftir að vekja gríðarlega lukku meðal 3.bekkinga í Verzlunarskólanum. Ég er sko ábyrgur fyrir þeim. múhahaha.
Óli Njáll  17:46| link ------------------

17.10.02

Úff, sumir hafa ekki hundsvit á því sem þeir tala um. Nepal er tvímælalaust eitt flottasta og í toppi 20 yfir bestu ríki heims því þeir spila Krikket og eru vonarpeningur um að verða test þjóð eftir nokkur ár. Maóistar í krikketi geta ekki verið annað en kúl.
Óli Njáll  20:52| link

hahaha, Guðrún Inga pæjukennari í Verzló er víst bloggari. Hún er hér. Gunna er boltagella með meiru og næst sætasti kennarinn í Verzló(þ.e.a.s. af kvenfólki). Hún gerði þau stóru mistök að halda að ofurbekkurinn 4-x myndi ekki finna heimasíðuna sína en nú vita þau það og ég það og nú vita allir af henni.
Óli Njáll  20:42| link

Ég hef nú ákveðið að halda ammælispartý. Vandamálið við það er að ákveða leið til að takmarka gestafjölda. Ég hef bara ekki hugmynd um hvernig ég fer að því. En eitt er víst og það er að þar verða margir góðir menn samankomnir.

ps. Atli Eðvalds er ekki einn þeirra. Rekum Atla!!!!!
Óli Njáll  20:27| link

Hvaða, hvaða. Það var víst spurningakeppni nemenda og kennara í dag. Ekki veit ég ástæðuna en kennarar tefldu fram einhverju c-liði og ég og Lambkáli víðsfjarri. Það er spurning hvort það hafi verið að kröfu liðsins eða hvort að kennarar hafi talið það betra að tapa keppninni enda slæmt að brjóta niður sjálfstraust ungra drengja í upphafi tímabilsins. Jamm, það er víst svona. Viva Verzló.
Óli Njáll  20:24| link

Afskaplega er ég glaður núna. Indverjar bowluðu Vestur Indíur út fyrir aðeins 169 á fyrsta degi og höfðu skellt 31 hlaupum á þá fyrir stumps. Þar af var nýja ofurhetjan Wirender Sehwag kominn með 24. Sanjay Bangar rólegur að vanda með 6. En í bowlinu voru það að sjálfsögðu gamla kempann Anil Kumble og hinn magnaði turbanator Harbhajan Singh sem rústuðu Carl Hooper og félögum. Já, krikket er kúl.
Óli Njáll  13:41| link

Bókagetraun á fimmtudegi:

"Kristín Jónsdóttir (1888-1959) varð fyrst íslenskra kvenna til að leggja fyrir sig myndlist. Hún lærði málaralist í Kaupmanahöfn. Myndir Kristínar lýsa nánasta umhverfi hennar, landslagi og mannlífi, og sýna glögglega áhrif frá frönskum síðimpressionisma."
Jæja, ef einhver getur þetta þá verð ég nú stórundrandi. Því eru verðlaunin árnagarðskaffibolli.
Óli Njáll  11:25| link

jæja, tölvutími nálgast. Þar eru tvær línur sem eru mest kúl í tölvuheiminum þessa dagana "talaðu við Þórð" og "það stendur í bókinni". Ég er master í þessum fræðum.
Óli Njáll  09:10| link

Áðan var það stórgóður fundur um velferðarmál hjá UVG. Þetta er flokkur sem rúlar.
Eiður Smári rúlar líka. Maðurinn er flottastastur. Engu að síður er góð vísa aldrei of oft kveðin....

...REKUM ATLA!!!!!!
Óli Njáll  00:23| link ------------------

16.10.02

Sjóvá sendi mér bréf í dag, það er svona fartölvutrygging því ég er fartölvutöffari og með minn skít á hreinu, tryggður fyrir öllu. Ég á líka sjúkdómatryggingu og slysatryggingu við heimilisstörf(haha, ég sinni engum heimilisstörfum). En vindum okkur aftur að Sjóvá, ef eitthvað kemur fyrir mína ibm maskínu fæ ég víst 183.247 krónur. það er ágætt. Mig langar í nýja maskínu, kanski ætti ég að hoppa á þessari? En svo ég reyni að koma mér að kjarna málsins. Það kostar 2161 krónu að tryggja tölvuna á ári. Asnaleg tala það. Það sem er enn asnalegra er að þetta er einhvern veginn skipt niður í nokkra liði, iðgjald 2107 krónur, brunavarnargjald 8 krónur, viðlagatrygging 46 krónur. Tilgang með þessu get ég ekki greint. Hvað gera 8 krónur í brunavarnargjald? Væntanlega ekki mikið, sennilega einhver svikamillusjóður tryggingarfélagana til að krunka hverja krónu út úr saklausum viðskiptavinum.

ps. Rekum Atla!!!!!
Óli Njáll  18:09| link

Í dag er stór dagur, Ísland vs. Litháen. Sjaldan hefur mér liðið svona undarlega fyrir leik en ég vona eiginlega að Litháar vinni leikinn. Ef svo færi gætu menn ekki annað en losað sig við Atla og þar með gæti uppbygging hafist hjá íslenska liðinu, við erum hvort eð er búnir að klúðra riðlinum og komumst ekki á EM. Ef við vinnum og Atli heldur áfram þá munum við skrölta eins og gamalt Fiat í dálítinn tíma í viðbót en engar framfarir. Það er á engann hátt jákvæð framtíðarsýn. Nú er það ansi hastarlegt að maður þurfi að styðja andstæðinga íslenska landsliðsins en það lýsir eflaust best þeim neikvæðu straumum sem fylgja Atla Eðvaldssyni. Það er aðeins eitt ráð í stöðunni....

...REKUM ATLA!!!!
Óli Njáll  16:09| link

Það var orðið framorðið þegar hann staulaðist á fætur, úrillur og úfinn. Helvítis skólakrakkarnir í frímínútum gerðu þennan ógnvekjandi hávaða sem réðst á sofandi sakleysingja og reif þá upp úr rúmum sínum. Hann ruddist fram og burstaði tennur og fékk sér lýsi. Lýsi ku vera gott við ýmsum kvillum. Í imbanum var lítið að gerast, nágrannar á dagskrá með öllum sínum dramatísku fléttum og sköndulum. Eftir að hafa sóað stórum hluta dagsins í svefn og leti ákvað hann að grípa í bók. Dudley Dillard. Eflaust spennandi kall...
Óli Njáll  14:01| link ------------------

15.10.02

Í dag er afmæli. Það er hinn vaski drengur Ingólfur Már Magnússon sem fagnar ellinni, 51 árs gamall. Hann hefur afrekað margt og mikið á sinni löngu ævi, og merkilegast þeirra afreka er ÉG. Sumsé, pabbi gamli á ammæli. Til hamingju pabbi!!!!!

ps. Rekum Atla!!!!
Óli Njáll  20:49| link

Sem deyjandi hundur
svíf ég upp himingeiminn
leita í ljósið
segi voff!!!
Óli Njáll  15:18| link

í matarhléi er gert ráð fyrir að fengið verði sér eitthvað í svanginn, það hyggst gera ég. jafnframt skal bankinn sóttur heim og eitthvað sniðugt brallað.
Óli Njáll  13:04| link

Drakon spyr: Hefðu vissir helótar ekki bara gert eitthvað annað pirrandi en að syngja ef söngur hefði verið leyfður. Sumir voru (og jafnvel eru) meistarar í því að pirra fólk. Drakon vill einnig minna á að refsingakerfi sitt var magnað og telur að það hafi haft mannbætandi áhrif á helótann.
Óli Njáll  12:23| link

Í anddyri Árnagarðs situr eldri kona og prjónar, hún er með gráan garnhnykil og lykkjunum fjölgar með hverri mínútunni. Hvað verður úr þessu? Kanski trefill, máske peysa. Skiptir ekki máli. Á næsta borði sitja gimp og gera hópverkefni, gruppearbejde pa dansk. Ekkert er aumingjalegra en gruppearbejde. Ég hleyp framhjá þessum undarlegu aðstæðum og keyri næstum niður Þórólf húsvörð, (einnig þekktur sem ógnvekjandi maðurinn.) Ég ætla að vera duglegur í dag, mæta í tíma hjá Sveinbirni og haga mér eins og maður. Og hvað tek ég mér fyrir hendur þegar þangað er komið?
Óli Njáll  12:05| link ------------------

14.10.02

Jæja, þá er kominn nýr listi yfir bestu krikketmennina í testheiminum í dag. Þar er Matthew Hayden sagður besti battarinn og Adam Gilchirst dettur niður í annað sætið(ógeðslegu ástralir) og minn maður Tendulkar er bara þriðji sem er svo sem skiljanlegt eftir lægð hans að undanförnu. Eitt af því sem ég er þó ósáttur við er það að ekki er Wirender Sehwag á topp 10 en hann er á góðri leið með að verða mitt átrúnaðargoð og fyrirmynd í battinu.
En þótt að batting listinn sé að mestu ásættanlegur þá geri ég stórar athugasemdir við bowling listann en þar er Glenn McGrath í efsta sæti sem mér þykir ekkert voðalega sniðugt enda vita ALLIR að Muralitharan er langsamlega besti bowler í geimi. Jafnframt tel ég að Shane Warne verðskuldi meira en fjórða sætið. Ég myndi stilla listanum svona upp: 1. Muttiah Muralitharan, 2. Shane Warne, 3. Glenn McGrath, 4. Shaun Pollock, 5 Shoaib Akhtar. Reyndar verðskuldar Akhtar nú varla að vera þarna en maður sem bowlar á 100 mílna hraða er bara ofursvalur.
Óli Njáll  21:23| link

Í dag fékk ég mitt nýja debetkort frá Landsbankanum. Það styttist því í að ég færi allt mitt drasl þangað og loki mínum reikning í Búnaðarbankanum. Jafnframt fékk ég eitthvað sem átti að heita glaðningur sökum þess að ég skráði mig í námuna. Sá glaðningur var gleðilegt símakort frá Íslandssíma. Takk kærlega fyrir herra landsbanki. Þetta kemur sér að svakalega góðum notum. Best að hringja eitt langt símtal fyrir þúsundkall og henda svo þessu helvítis drasli. Ógeðslegi landsbanki, kanski ég flytji mig bara í heilu lagi aftur yfir til Búnaðarbankans.

ps. Rekum Atla!!!!!
Óli Njáll  18:10| link

Hvað er Manni að væla yfir tekjum næsta árs. Ég er staðfastur í þeirri trú að hann verði ráðinn í nýja vinnu næsta vor, tímabundið til fjögurra ára. Það er meira að segja ágætlega borgað.
Óli Njáll  12:38| link

Var Stalín ekki einn mesti töffari 20. aldarinnar? Það er í það minnsta fáir flottari.
Annars sendi ég tölvupóst á KSÍ í gær. Menn mega geta sér til um hvað sá póstur fjallaði. Hér er smá vísbending....

...Rekum Atla!!!
Óli Njáll  11:33| link

Í gær hélt ég í Apótek að kaupa meinlausar íbúfen töflur. Komst ég þá að því að það er hámark sem maður má kaupa og ég var látinn líta út eins og versti dópisti að biðja um 2 glös. Jæja, það eru eflaust svakalega góðar ástæður fyrir þessum reglum.

ps. Rekum Atla!!!!!
Óli Njáll  09:11| link ------------------

13.10.02

Fyrstur með rétt svar í sunnudagsgetrauninni er Óli Gneisti. Að sjálfsögðu var þetta Taboo með Spoon. Confront the changes, tell the world o.s.frv.
Ég horfði á myndina tremors í gær með strumpmann. Það er virkilega góðvondmynd. Sumsé svo vond að það er fyndið. Brjálaðir ofurormar sem éta hús og bíla. Gaman að handritum þar sem vottar fyrir frumlegri hugsun. Kevin Beikon er líka góður.
Til hamingju með Guttorm segi ég nú bara og eitt í viðbót....

...Rekum Atla!!!!!!!!!!
Óli Njáll  20:29| link

Rekum Atla!!!!!
Ég hvet alla áhugamenn um knattspyrnu til að blogga þessa gullnu setningu sem oftast næstu dagana því Atli er drasl.
Óli Njáll  17:15| link

Bókhlöðublogg. Nú er sko bloggað af bókhlöðunni þar sem ég er önnum kafinn við vinnu mína. Jafnframt náði ég mér í áhugaverða bók. Hér býst ég við að eyða dágóðum tíma í viðbót. Það er nú ekki upplífgandi staðreynd.

Rekum Atla!!!!!
Óli Njáll  15:10| link

jæja, sunnudagsgetraunin snýst um lagatexta. Hann er svona:

standing in the doorway
seeking shelter from the rain
her worn out dress and careless look
was made of something her step dad took

Svo er bara að sjá hvort einhver þekkir þetta.

ps. Rekum Atla!!!!!
Óli Njáll  12:47| link ------------------