12.10.02

Látum nú kröfuna enduróma um landið allt Ísland á EM og Atla burt!!!!!!!!!

Þessi maður er gersamlega óhæfur!!!!!!!!!!!!!!!
Óli Njáll  19:09| link

Hvað getur maður sagt á svona degi, ég er latur, það er hráslaðalegt úti og íslenska liðið er skítlélegt og tapar fyrir skotum. Kanski ég leggist í þunglyndi en ég nenni því nú samt ekki. Ég er hins vegar að hugsa um að vinna að leyniverkefninu mínu á eftir. Það er gaman.
Hugleiðing um skóla. Nú þegar nýbygging Hólabrekkuskóla er næstum fullgerð velti ég fyrir mér hversu mikill fíflagangur er í gangi í skólakerfinu hér. Í þessum skóla rúmuðust eitt sinn 1500 nemendur og komust held ég flestir óskaddaðir frá því. Nú eru rúmlega 500 nemendur og þá er húsið of lítið. Íslensk skólastefna er í tómu tjóni. Stærri hús fyrir færri nemendur. Lengra skólaár en nemendur eru jafn heimskir þegar þeir koma í framhaldsskóla. Fjáraustur en enginn ávinningur. Tómt tjón segi ég nú bara.
Aftur á móti er nýbygging Verzlunarskóla Íslands þarft og þjóðhagslega hagkvæmt verkefni. Það er náttúrulega staðreynd að það er línulegt samhengi milli fjölda útskrifaðra Verzlinga og þjóðarhags. Flestir framhaldsskólar eru drasl, sorglegt en satt. Ég virði fáa framhaldsskóla sem menntastofnanir og þeir sem hafa áfangakerfi flokka ég ekki sem menntastofnanir. Það eru aulaútungunarvélar.
Óli Njáll  16:05| link

Í gær var mikið menningarhóf hjá Múrnum, þangað er ég mætti þrátt fyrir þreytu og kvef. Skemmti mér ágætlega en tók jafnframt þá gáfulegu ákvörðun að hundska mér heim upp úr miðnættinu enda heilsu minni fyrir bestu, auk þess sem bær fullur af skotum hljómar fráhrindandi.
Merkir menn voru að vanda samankomnir þarna, náttúrulega múrverjar sjálfir, ÉG, Egilsstaðabúinn, flokksmaðurinn og formaðurinn. Einnig var þarna Selfyssingurinn sem ég man aldrei hvað heitir en þar sem ég hef talað frekar oft við hann fynnst mér asnalegt að spyrja að nafni. Síðast en ekki síst var Karólína beib á svæðinu og jafnframt hr. Karólína, ég hef nú þegar gleymt nafninu á honum, kanski af yfirlögðu ráði enda tel ég hann ámóta óþarfan í íslandssögunni og Gvend góða.
Jafnframt kynntist ég nýjum merkismönnum, Gneistahjónunum og Kristbirni.
Skemmtiatriðin voru ekki af verri endanum, Atómið var öflugt og Erpur og Freyr litlu síðri. Veislustjórinn var reyndar arfaslakur og var hann lýti á annars góðu kveldi.
Í dag er svo landsleikur. Ef við töpum krefst ég afsagnar Atla Eðvaldssonar. Ég reyndar krefst hennar hvort sem er enda er maðurinn geit í neikvæðri merkingu þess orðs. Æja, nóg í bili bæjó.
Óli Njáll  12:47| link ------------------

11.10.02

ekki sniðugt,Orðabók Meinhornsins býður upp á þessa skýringu á kommabloggi "kommablogg = vinstri sinnað blogg" ég hélt að svarið væri olinjall.tripod.com.
Óli Njáll  20:29| link

Afskaplega tel ég það vonda hugmynd þegar menn taka upp á því að færa síður sínar án nokkurs tilgangs líkt og Manni hefur nú gert og fetað þar með í fótspor Hvalsins. Reyndar verð ég að viðurkenna að síðan agflyg.tripod.com batnaði til muna eftir að pistlarnir hans Ágústar hurfu.
Óli Njáll  19:57| link

Í dag afgreiddi ég gríska goðafræði á 25 mínútum. Það var nú meiri sorpumfjöllunin. 'eg tel viku vera rétt svo mátulegan tíma fyrir það verkefni enda gæti gríðarlega yfirgripsmikil þekking mín á efninu skemmt nemendum vikum saman. Menn dagsins eru Jónar og dórar.
Óli Njáll  16:52| link

Jæja, það er mikið að gerast í krikketheiminum. Indverjar eru á góðri leið með að slátra Vestur Indíum sem kemur kanski ekki á óvart þar sem Brian Lara er ekki með að þessu sinni. Wirander Sehwag er í fantaformi að vanda og Dravid líka. Tendulkar hafði hægt um sig í sinni heimabyggð og skoraði 35 í fyrsta innings. sökum þess hversu slakir VesturIndíumenn eru eru litlar líkur á að Indverjar fái að batta aftur.
ástralir eru að flengja Pakistana. Yfir því er ég fúll og nenni ekki að greina frá nánar.
Sigurvegari dagsins er Egill Rúnar Erlendsson sá mikli jöfur íslenskrar bloggmenningar og er hann því kominn í hóp góðra manna. Hann hefði reyndar getað gert tilkall til þess án þess að svara spurningunni en sumsé hópur góðra manna stækkar um einn. Svarið var að sjálfsögðu Viggó Viðutan. "Frank og Jói" eru hérmeð dæmt sem versta svarið.
Óli Njáll  14:33| link

jamm, augljóst er að ég er að missa alla trú á ýmsum mönnum sem ég áður taldi fróða menn.
Óli Njáll  12:05| link

Er ekki föstudagur í dag? Jújú, nú þegar er búið að berast eitt rétt svar við álfakroppaappelsíni en nokkur röng einnig slæðst með. Ég trúi ekki að einungis einn maður viti svarið og krefst þess að menn sem þykjast fróðir vera svari þessu nú hið snarasta.
Óli Njáll  10:30| link ------------------

10.10.02

Jamm, nú er vídeókvöld Fróða, uppbólginn af pizzum, lakkrís og pepsi kem ég hingað í tölvuverið og dúlla mér eitthvað. Að horfa á 3 tíma mynd í þessum stólum er ekki að gera sig.
Ætti ég að fara á súfistann? Nei, það held ég ekki. Veit ekki einu sinni hvenær það byrjar, veit bara að Manni er eitthvað að tjá sig. Þar sem ég mun mæta á Múrkvöld á morgun þá læt ég Súfistann eiga sig.
Óli Njáll  22:13| link

ég er dauður í minni löpp eftir að hafa spilað fótbolta án þess að geta stigið í hælinn. Það var kanski ekkert voðalega gáfulegt. En það var alveg þess virði, bæði Guðrún Inga og Alda sæta mættu í boltann.
Í kvöld er svo vídeókvöld Fróða. Ætli maður drattist ekki þangað.
Óli Njáll  19:10| link

djöfulsins dugnaður er þetta. Glærusjóv dauðans tilbúið um gríska töffara.
Óli Njáll  13:44| link

Enn fjölgar í hópnum "góðir menn" en þangað hef ég sett öðlinginn hr. Muzak. Hann sendi mér nefnilega skemmtilega spurningu sem varð til þess að ég skokkaði út á bókasafn og las bók sem ég hef ekki gluggað í í langan, langan tíma. Og upp úr því kemur spurningin: Hver er helsti aðdáandi að "Áfakroppa-appelsíni"?

og svariði nú!!!
Óli Njáll  12:30| link ------------------

9.10.02

Ég veit ekki hvort er fyndnara, Sverrir að skammst yfir hvað Ágúst sé lélegur í fótbolta eða Ágúst að skammast yfir hvað Sverrir sé lélegur í fótbolta. Mér fynnst bæði tilvik vera mjög mikið grjótkast úr glerhúsum.
Óli Njáll  20:24| link

nf. Flygenring
þf. flaugíhring
þgf. Flaugíhringi
ef. Flauelshring

Já, málfræðin er skemmtileg
Óli Njáll  18:35| link

Mér þykir það kindugt að komast ekki inn á síðuna mína núna. Kerfið hér virðist virka þannig að það velji sér síður af handahófi sem það neitar að sækja. Það þykir mér ekki snjallt
Óli Njáll  17:29| link

Æja, í dag er foreldradagur í Verzlunarskólanum, það er gaman að því. Mun ég þá leiða foreldra í allan sannleik um að englarnir þeirra séu í raun og veru ófreskjur og þurfi vandlega hýðingu með hrísivendi. múhaha!!!
Óli Njáll  15:15| link

Ekki vissi ég að ég væri á leið í ritdeilu um skemmtanaglaða hanann þegar ég varpaði fram sakleysislegum pælingum hér í gær. Enda kann ég ekki nema setningu á stangli í þessum texta þannig að ég hef í raun ekki næganlega þekkingu til að deila ég er meira forvitni utangarðsmaðurinn sem leitar svara við spurningum.
Mér fynnst þó margt vera enn óljóst um það hvers vegna greyið maðurinn er sannfærður um að hafa séð þarna hana. Getur ekki einfaldlega verið að þetta hafi alls ekki verið hænsfugl heldur einhver framandi kvenkynsfugl sem hann hafi í upphafi haldið að væri hani eða fuglaþekking höfundar sé einfaldlega svo slæm að hann þekki ekki muninn á hænu og hana. Sannfærður er ég nefnilega um að þetta fjalli um dýrapervert. Ef við tökum þá útgáfu að hann líti á sig sem ofurmenni "ofurmennið ég" má jafnvel íhuga hvort þarna sé ekki einfaldlega á ferðinni maður með ofskynjanir eða hann sé á heljarinnar sýrutrippi. Ég held að þetta séu atriði sem þarf að rannsaka mun betur.
Óli Njáll  12:55| link

nei, það er alls ekkert Ármann sem svaraði fyrstur. Það er Kristbjörn sem var löngu á undan en þar sem ég veit ekkert hver það er og sá ekki reference fyrr en rétt áðan þá var vitlaust tilkynnt um sigurvegarann í upphafi. Kristbjörn er beðinn afsökunar á þessu og má heilsa upp á mig í Árnagarði einhvern daginn og rukka kaffibollann sinn.
Óli Njáll  12:42| link

Það er að sjálfsögðu bókmenntagúrúinn Ármann sem svarar spurningunni fyrstur. Slæmt þykir mér hversu dræm þáttakan er. En vitanlega er alltof augljóst að skrifa orðið kalífi og upphaflega var það ekki ætlunin hins vegar ákvað ég þegar ég var búinn í upphaflega textabrotinu að setja táknið x í staðinn fyrir öll augljósu orðinn s.s. Kalífi, stórvésír, Bagdad, að taka þessa línu. En nú er bara að finna efni í næstu getraun. Og Ármann á inni hjá mér verðlaun. Hver þau verða veit ég ekki, sennilega kaffibolli eða eitthvað.
Óli Njáll  12:28| link ------------------

8.10.02

Ný getraun. Hér kemur textabrot úr einni merkustu bók 20. aldar og eru að sjálfsögðu vegleg verðlaun í boði.Hér kemur textabrotið:
"Eigum við að handsama einhvern?"
"Nei, við höldum að okkur höndum finnum okkur vinnuveitanda!"
"Eruð þið handlangarar?"
"Þarf að handlanga eitthvað fyrir þig, melónusali?"
"Ég vil, að þið handsamið mann í höll kalífans..."
"Í höll kalífans? Það er ekki heiglum hent að komast þangað!"

Nú hefur alltof mikið verið sagt og augljóst að allir bókmenntaunnendur löngu búnir að átta sig á þessu.
Óli Njáll  20:02| link

Hugleiðingar Sverris um skemmtanaglaða hanann eru gríðarlega vel ígrundaðar og góðra gjalda verðar. Ég velti þó fyrirmér hvers konar hani það er sem tekst að koma í kvenkyni fyrir síðar í textanum. "...og til hennar gekk". Það er nú spurning hvort haninn hefur skipt um kyn í miðju lagi eða hvort kynferði hans hafi eitthvað verið á reiki allan tímann. Ég vil gjarnan fá nánari útskýringu á þessu.
Óli Njáll  19:56| link

Enn annar sem gleymdist í upptalningu var Ísfuglinn. Nú hlýt ég að vera búinn með upptalninguna.
Óli Njáll  15:41| link

Það kom nú ekki á óvart að Ármann skildi vita svarið við spurningu upp úr hans eigin bók. Og talandi um Ármann þá ætla ég bara að lýsa yfir andúð minni á popup glugga Múrsins. Ég hata popup glugga. Enginn sómakær maður setur popup glugga viljandi á síðuna sína. Eini maðurinn sem það gerir er fúlmennið Þórir og hann er allt annað en sómakær.
Óli Njáll  15:34| link

Hér áðan gleymdist að teja upp Doju og Finney. Vonandi gleymi ég engum öðrum.
Óli Njáll  12:31| link

Góðir menn:

þá kemur hér endanleg skilgreining á góðum mönnum, þ.e. þeim hluta þeirra sem lesendur gætu kannast við. Aðrir koma hér eigi við sögu. Ármann, Hvalurinn, Strumpurinn,Gummijóh, Finnbogi túba uppgjafarbloggari, Feitur, Jónasarsynir, Lambkáli, Lenínistinn og Danton. Hér er talinn upp netvæddi hluti góðra manna. Einnig stendur eftir nokkrir vinir og fjölskyldan. Nú getur fólk semsé haft á hreinu við hverja er átt þegar ég ofnota frasann "allir góðir menn".
Óli Njáll  12:28| link

Hvað er málið með það að yfir mig rignir tilkynningum um það að nemendur mínir séu skildmenni einhverra sem ég þekki. Búinn að komast að því að tveir nemendur mínir eru yngri systkin fyrrum bekkjarfélaga minna. Á ég að vera vondur við þetta fólk, á ég að láta það njóta skyldleikans? Ég held að nettur kvikyndisskapur sé málið í það minnsta í sambandi við Feitan.
Óli Njáll  11:42| link

Þá er maður nú vaknaður ferskur og fínn, tilbúinn í að sitja yfir nagla næstu 20 mínúturnar eða svo.
Annars er augljóst mál að svar við síðustu spurningu er stórritið "Í leit að konungi". á það gat enginn bent. Kanski spurningin hafi verið of erfið? Mér er iðullega legið á hálsi fyrir að semja dauða og djöfuls spurningar. æ, skiptir svo sem engu máli.
Óli Njáll  08:59| link ------------------

7.10.02

jæja, þá eru nemendur mínir farnir að feta í fótspor sinnar fullkomnu fyrirmyndar,(það er að sjálfsögðu ÉG). Hlynur heilagi hefur hafið blogg.
Óli Njáll  23:48| link

Af hverju er Þórir að nefna mig í sömu andrá og þessa mynd? Ekki er ég þekktur fyrir að ofsækja fólk í netheimum:)
Óli Njáll  22:13| link

Nú erum við í vondum málum. Ofurgóði svissarinn Henchoz bara frá í mánuð. Það þýðir að Arsenal er orðið englandsmeistari í knattspyrnu. Til hamingju með það.
Óli Njáll  12:30| link

Helvítið hann Shane Warne náði að bjarga Áströlum sem voru komnir í djúpan skít gegn Pakistan. 7 wicket hjá honum redduðu málinu. Hatur mitt á Áströlum stigmagnast.
Hópur góðra manna fer stöðugt vaxandi. Ég hyggst þó loka hópnum síðar í dag þannig að síðustu forvöð að redda málinu.
Óli Njáll  11:23| link ------------------

6.10.02

Þessi dagur er nú að kvöldi kominn. Ég er búinn að lesa töluvert og vinna einnig töluvert. Ég ætla þó að klára smá lestur áður en ég held heim. T.d. ljúka þessum Ziegler gaur af. Á morgun hefst svo ný vinnuvika, mín fyrsta á 23. aldursári. Það verður upplifun. Í þeirri viku verður minn fyrsti foreldradagur. Ég er búinn að semja umsagnir um alla mína þriðjubekkinga og hyggjst spjalla vel og duglega við þá foreldra sem til mín koma á miðvikudaginn. Yfir sumum þeirra þarf að lesa pistilinn!!!
Óli Njáll  22:54| link

Spurning dagsins:
Úr hvaða bók er þessi texti: "Algengast var að í ættartölum væru samtvinnaðar ætt til Óðins og ættartölur úr Mósebókum, Óðinn verður 16. liður frá syni Nóa, Sceaf."
Verðlaun eru pláss í hópi góðra manna sem fer ört stækkandi.
Óli Njáll  19:12| link

Netverðlaun dagsins fær Jónsi sagnfræðitölvunörd fyrir þessa síðu hér, þar sem fram kemur að í árshátíðarnefnd Fróða er einstaklingurinn Ríkharður Hjartar Magnúsdóttir. Rikki er greinilega svona svakalega kvenlegur.
Óli Njáll  11:45| link

Í dag á ég afmæli og því fagna allir góðir menn. Skilgreiningin á góðum mönnum fer sumsé eftir því hverjir senda mér afmæliskveðju. En hvernig er best að halda upp á svona dag, jú það er vinur minn Ziegler sem ég hef trassað alltof mikið sem mun halda uppi fjörinu í dag, að minsta kosti til ca. 15 þegar að Liverpool mætir Chelsea.
Óli Njáll  11:37| link ------------------