5.10.02

Djöfulsins klaufi er ég í fantasy football. Ég er með Dwight Yorke í liðinu og kemst svo að því í dag að hann verður ekki með á morgun. Einnig er Hugo Viena í liðinu og hann er ekki að spila með Newcastle. Þetta þýðir að lið mitt byggist upp á 9 mönnum í stað 11. Jákvæðu hliðarnar eru þó að Joe Cole er búinn að skora og Wayne Bridge er kominn með 1 stoðsendingu(spurning hvort að hægt er að telja 2 mark Soton sem stoðsendingu líka) og eitt skot á mark.
Áðan setti ég Spoon á fóninn. Rifjaðist þá upp fyrir mér hversu vond sú sveit var. Lagið Taboo er það eina áheyranlega á þessum disk. Ég mun ekki spila hann mikið meira. Spurning hvað fer næst undir geislann, Brian Adams kemur sterklega til greina:)
Óli Njáll  16:16| link

Ég er vaknaður og það er langt síðan. Kvöldið í gær var ágætt. Ég var reyndar undarlega mikið þreyttur allt kvöldið. Egill var fínn og nýju auglýsingarnar þeirra fyrir Malt eiga eftir að slá í gegn. Kvöldið var svo á Gauknum. Það rifjaðist upp fyrir mér mitt gamla hatur á skemmtistöðum. Miklu sniðugra er að halda partý í heimahúsum. Annars var Sálin góð að vanda en ég var bara uppgefinn og fór rúmlega 2 heim. Á gauknum mátti sjá Sillý beib sem kynnti mig fyrir brjóstunum á vinkonu sinni. Sillý var sæt að vanda. Um kvöldið hittum við einnig Lalla Johns og spjölluðum um hversu gott væri að búa á Íslandi.
Að lokum vinsamleg tilmæli: Ófrýnilegt kvenfólk er vinsamlegast beðið um að nudda sér ekki upp við mig í ofurölvun sinni og ef ég svara öllum þeirra setningum með eins atkvæðisorðum alveg út úr kú þá þýðir það "FARÐU!!!!!!!!!"
Óli Njáll  13:11| link ------------------

4.10.02

æja, einn tími eftir í dag og mig langar heim. Heim að leggja mig áður en ég fer í vísóið ógurlega. Ég ætla að vera fullur í kvöld, ó já, þó ekki eins og síðast. Það verður ekki endurtekið næstu mánuðina.
Hversu kúl er löggan að drepa bjórkvöld framhaldsskólanema? Tja, bara nokkuð mikið. Augljóslega á að banna öll bjórkvöld framhaldsskólanema enda eru 90% þeirra undir aldri og því eiga svona skemmanir engann rétt á sér. Framhaldsskólar eiga að halda böll, og muna "ölvun ógildir miðann".
Í gær sá ég bourne identity. Hún er nokkuð góð. Svo er Matt Damon alltaf svo svaðalega krúttulegur:)
Óli Njáll  13:10| link ------------------

3.10.02

Í gær horfði ég á boltann og skipti svo yfir á RÚV. Þar var Steingrímur í miklu stuði og fór á kostum. Alltaf flottastur og mun vinna stórsigur í kosningum í vor.
Ástralir byrja vel á móti Pakistönum, 330/5 á fyrsta degi er nokkuð gott. Hjá flestum liðum myndi þetta þýða að lítið væri eftir af stigum í pottinum en með Gilchirst og Martin ennþá inni eru Ástralir í góðum málum. Þeir munu vinna þetta örugglega.
Óli Njáll  19:20| link

Grikkir eru kúl þjóð. Næstum spurning um að mæta í Machlas búningnum mínum næstu vikurnar í grikkjakennsluna mína. En í dag er það sko Liverpool.
Í dag er ég duglegur mjög. Glærusjóv tilbúið og á eftir er það Ziegler og Svartidauði.
Óli Njáll  12:42| link ------------------

2.10.02

jájaáaaaá. 5-0 fyrir Liverpool gegn rúsneskum námuverkamönnum úr old boys. Stórsigur er þó alltaf stórsigur. Ljóst að ég mun mæta í Liverpool búning í kennslu á morgun til að fagna sigrinum. Það er hætt að rigna, það er gott.
Óli Njáll  23:32| link

Hversu flott verður vísindaferð Fróða á föstudaginn? Fyrst er það Egill og svo gaukurinn með gúddí tilboð og frítt á Sálina hans Jóns míns. Ég dýrka sálina þannig að þetta hljómar bara stórkostlega að mínu mati.
Óli Njáll  16:52| link

Jæja, þá er ég farinn að viða að mér bókum um svarta-dauða fyrir m1 ritgerðina mína. Einnig búinn að lesa smá, t.d. ágætis grein eftir Harald Briem. Nú vantar mig helst eitthvað gott greinasafn um svarta-dauða. Greinar eru miklu sniðugri en bækur þar sem hægt er að lesa urmul af greinum á móti hverri einni bók. Því fleiri og styttri heimildir, því betra. Allar ábendingar vel þegnar.
Óli Njáll  16:42| link

úffpúff, er ég balletdansari í eðli mínu? Ég er ekki frá því að það sé nokkuð til í því. Best að skippa sagnfræðiferlinum og hefja balletferil enda hef ég fínhreyfingar og liðleika kúrsins.
Óli Njáll  12:06| link

Þá er hann tekinn að rigna eins og skúnkur með blöðrubólgu. Eiginlega bara alls ekkert sniðugt. Ég afrekaði þó að mæta í M1 hjá Sveinbirni Rafnssyni. Það verður eflaust vond stund. Á eftir tekur síðan við heimildasöfnun í ritgerðina sem ég á að skila eftir viku og því best að fara að byrja. En nú er Sveinbjörn mættur í salinn og því best að fara að byrja.
Óli Njáll  11:16| link ------------------

1.10.02

Jæja, er ég alveg búinn eftir langan og strangan dag. Best að leggjast í leti og kör. ég er alveg skelfilega heiladauður og hef í raun ekkert að sejga núna. Einungis harðsvíraður bloggvilji sem rekur mig til þessa verks að skrifa þessar gersamlega tilgangslausu línur.
Sagnfræðinemar eru upp til hópa fífl. Þetta er staðreynd sem eigi er hægt að rengja. Sönnun: Landsbankinn og Fróði semja um að fyrir hvern mann sem Fróði skráir í Námuna fái Fróði 1000 krónur. Engin skilyrði um notkun á reikningi og kostnaður einstaklingsins enginn. Fróði kynnir þetta ágætlega og minnir jafnframt á að allt fé sem Fróða áskotnast renni í bókstaflegri merkingu þess orðs aftur til nemenda. Það eina sem sagnfræðinemar þurfa að gera er að fylla út 2 eyðublöð í hádeginu í dag, fórnarkostnaður því áætlaður ca. 2-3 mínútur. Þetta var greinilega of mikið álag á flesta sagnfræðinema því ekki gátu þeir hundskast til að gera þetta. Nú vaknar spurningin til hvers í fjandanum á ég að vera að safna vísindaferðum og skipuleggja eitthvað fyrir þetta fólk sem annað hvort er of latt eða of heimskt til að hafa snefil af sjálfsbjargarviðleytni? Ekkert svar, kanski ég bara láti þetta drabbast niður í sama gamla farið.
Óli Njáll  18:14| link

Jæja, í gær var nýnemateiti sagnfræðiskorar í Skólabæ. Það heppnaðist ágætlega þótt að mæting hefði mátt vera meiri. Síðan var farið á hinn arma stað Nelly's þar sem fæst víst ódýr bjór. Nelly's er þó engu að síður einn versti staður sem fyrirfinnst á jarðarkringlunni. Ég fór líka á Nonnabita.
Nú er það svo skóladagur dauðans. Skóli til 17 er bara kvöl og pína. Ég er latur.
Óli Njáll  11:58| link

Jæja, í dag er sleikjódagur og það er nú alltaf stuð. Ég á enn eftir að ákveða hver fær sleikjó í dag en það kemur allt í ljós með tíð og tíma.
Óli Njáll  09:47| link ------------------

30.9.02

Jæja, helvítis rigningin drap leikinn aftur milli Sri Lanka og Indlands og því eru bæði lið sigurvegarar í ICC Champions Trophy. Alltaf leiðindi þegar rigning fer að skipta sér af leikjum. En brátt hefst teströð milli Ástrala og Pakistana. Það verður nú ekki spennandi enda vantar Ul-Haq og fleiri góða í lið Pakistana. Það verður því leikur kattarins að músinni þegar að Langer, Hayden, og félagara valta yfir þá.
Á eftir held ég niður í Skólabæ í nýnemateiti sagnfræðiskorar. Það er stórhættulegt því þarna mun vín fljóta og ég á að mæta í vinnu klukkan 8 í fyrramálið. En hóflega drukkið vín gleður mannsins hjarta og ætla ég því að brjóta vínbindindi mitt. Skál!
Óli Njáll  16:24| link

Hversu þreytandi er gaurinn sem situr aftast í M4 og blaðrar endalaust einhverja leiðindahluti með sinni leiðinlegu rödd sem er alltaf eins og hann sé í hrikalega vondu skapi? æ, ég vil eiginlega ekki vita hver þetta er. Leiðinlegt fólk hefur aldrei verið sérstakt áhugamál hjá mér. Og nú er hann enn og aftur að tjá sig, arg!!!!!!!!!!!!!!!! Ég verð dæmdur fyrir morð í vetur, það er bara ekki fræðilegur að ég þoli þennan mann til lengdar.
Óli Njáll  11:53| link

Það er svakalega erfitt að vakna á mánudögum og ég er eiginlega ekki enn vaknaður en þó búinn að vera í vinnunni frá klukkan 8 í morgun. Er þetta eðlilegt ástand? Já, ég er alltaf þreyttur á vetrum. Hvers vegna veit ég ekki.
Óli Njáll  10:22| link ------------------

29.9.02

Jæja, þá er helgin að baki. Henni var eytt vel t.d. í það að horfa á Ryderinn, fara í bíó og umgangast heiðursmenn. Ég á þó enn eftir að lesa ritgerðirnar um Egypta, kanski ég eyði kvöldinu í það á eftir.
Annars er búið að vera vesen á blogger í dag og ég ekkert getað bloggað. Eigi er ég sáttur við þá skipan mála. Blogger þarf að taka sig á.
Spurningar dagsins, hvað er ég að bralla og hvert stefni ég í lífinu? Tja, full stórar til að svara í einu bloggi. Sérstaklega þegar maður veit ekki svörin.
Óli Njáll  22:49| link ------------------