28.9.02

Owen búinn að skora gegn City, þetta eru gleðifregnir miklar. Og aðeins eftir 4 mínútna leik.
Annars er ég alveg að eyða enn einum deginum í vitleysu. Ekki handtak gert í dag, nema kanski færa inn einkunnir úr nagla dauðans sem ég fór yfir í gærkveldi. Ekki kom mér á óvart að nemendur voru ósáttir við hina góðu spurningu um 3 tegundir grískra súlna. Allir vita þó að þetta er helsta áhugamál allra sögukennara og því geðsýki að mæta í próf án þess að kunna á þessu skil.
Hvað ætli asat sé? Ég ætla að veðja á ensím. Það hlýtur í það minnsta að vera all magnað fyrirbæri fyrst það hefur þessa ofursvölu skammstöfun.
Óli Njáll  15:17| link

Fálkar eru alveg skelfilega vond mynd. Það er ekki hægt að segja mörg góð orð um myndina. Þetta er bara algert sorp.
Óli Njáll  10:45| link ------------------

27.9.02

sometimes i run, sometimes i hide, sometimes im scared of you but all i really want is to hold you tight treat you right be with you day and night, baby all i need is time.
Djöfull er Britney mögnuð. Ég þarf síðan að fara að bæta 3. diskinum í safnið. Ég á bara fyrstu 2 sem er náttúrulega ófær andskoti. Verð að eignast lög á borð við overprotected og im not a girl not yet a women. Það þýðir reyndar að ég mun einnig eignast lagið slave 4u sem er hið versta sem gyðjan hefur sent frá sér. Einnig langar mig í gamla Coldplay diskinn.
Óli Njáll  20:37| link

jjájájájá, þetta er búið. Sri Lanka er komið í úrslit. Þetta er því mikill gleðidagur.
Þess má einnig geta að í dag á móðir mín ammæli, 49 ára gömul og enn í fullu fjöri. Skál fyrir því.
Óli Njáll  17:13| link

124/1 eftir 30 over. Ekki mjög hvatt skorað en engu að síður gengur þetta allt á áætlun.
Óli Njáll  16:04| link

106/1 eftir 23 þetta gengur vel
Óli Njáll  15:40| link

106/1 eftir 23 overs. Allt í réttum farvegi
Óli Njáll  15:37| link

Þetta er ótrúlegt, Ástralir bowlaðir út fyrir einungis 162 á móti Sri Lanka. Þetta eru engin smá tíðindi í krikketheiminum. Það er skemmst frá að segja að Ástralir sáu aldrei til sólar og stórmennið Murali tók 3/26 í tæpum 10 overum. Og nú eru Sri Lanka 90/1 eftir 20 overs. Það var Jayasuria sem datt út eftir að hafa skorað 42 sem er meira en nokkur Ástalana afrekaði fyrr í dag. Er Sri Lanka á leið í úrslit og þar með draumaúrslitaleikur minn að verða að veruleika? Það lítur bara allt út fyrir það:)
Óli Njáll  15:28| link

Helgin bara kominn og ég kominn í frí. Um þessa helgi verður ekkert djamm enda er ég bindindismaður. Í staðinn ætla ég að lesa slatta af stuttum greinum eftir nemendur mína sem ber yfirskriftina "Það sem mér fynnst vera merkilegast í sögu Egyptalands". Ekki kom mér á óvart að ca 90% fjölluðu um pýramítana. En nú hef ég sumsé hafið átak í að láta nemendur hugsa sjálfstætt og færa rök fyrir sínu máli. Eitthvað sem vantar venjulega alveg í sögukennslu í framhaldsskólum. Næst eru það heimildaritgerðir:)
Í dag hóf ég einnig stærðfræðikennslu þegar ég eyddi nokkrum mínútum í útskýringu á innfeldi vigra. Á þessum mínútum áttaði ég mig á því að stærðfræðikennsla er snigld. Ég mun því eflaust leggja hana fyrir mig í framtíðinni samhliða öðrum störfum.Þess má geta að stærðfræðikennslan átti sér stað í sögutíma.
Ekki man ég eftir neinni ræðu um þríhyrninga en það þýðir ekki að ég hafi ekki flutt hana. Ég mun því ekki gera meira af því að æsa Ármann upp í bráð þótt ég hviki hvergi frá þeirri kenningu minni að um marga hluti er hann fróðari en tónlist Britney Spears.
Nú er ég að hlusta á Britney. ...baby one more time. Þess má geta að það lag er eftir hinn ágæta svía Max Martin:)
Óli Njáll  15:22| link ------------------

26.9.02

Alltaf gaman þegar gamlir og góðir bloggarar rísa upp frá dauðum. Samt er augljóst að linkasýkin tröllríður enn húsum.
Óli Njáll  23:35| link

Við fólk sem ekki hlustar á þá sem meira vit hafa á hlutunum en þeir sjálfir hef ég aðeins eitt að segja: Hátt hreykir heimskur sér.
Óli Njáll  22:15| link

jæja, þetta var nú ágætis leti dagur. Nú fer ég að vinna. Þarf að semja nagla og fylla inn í skýrslur fyrir verkefnaskil nemenda minna. Þetta er víst fylgifiskur starfsins. Mér líkar það ágætlega.
Það er búið að vera virkilega vont að stíga í hælinn eftir boltann í dag. Vont en það venst.
Stefán greyið er augljóslega í tapaðri baráttu. Ég er besti bloggari landsins og þótt víðar væri leitað.
Óli Njáll  21:56| link

Æ, markmið mitt að vera latur gengur vel, en nú þarf ég víst að fara að gera eitthvað. Kaffi, ég verð að fá kaffi.
Óli Njáll  14:06| link

Já, í dag er stefnan sett á að vera latur, flytja langan fyrirlestur um föníkíumenn, Spartakus verður einnig á dagskrá. Ekkert annað er á dagskrá dagsins í dag. Leiðindi að Sri Lanka vs. Ástralía er ekki fyrr en á morgun. Ég hélt hann væri í dag:(
Best að halda áfram að vera latur núna, hef þrjá klukkutíma til að gera ekkert. Gæti reyndar lært, en common það er september ennþá.
Óli Njáll  11:09| link ------------------

25.9.02

Djöfulsins drasl er miðjan hjá Liverpool. Kanski full harkalega orðað en í leiknum í kvöld var aðeins einn maður að gera eitthvað af viti á miðjunni, konungur vor Steven Gerrard. Baros var svo magnaður í framlínunni. Það var eiginlega bara alveg grátlegt að við skyldum ekki vinna þennan leik. Fengum ca. 173 marktækifæri en Basel fékk 1. Jæja, koma tímar, koma ráð. Vonandi.
Óli Njáll  23:02| link

Já, Indverjar lögðu Suður-Afríku naumlega með 10 hlaupum. Það var Virender Sehwag sem var þeirra öflugastur en einnig áttu Dravid og Y. Singh góðan dag. Tendulkar og Ganguly ollu vonbrigðum. Í liði S-Afríku voru það einungis Gibbs og Kallis sem veittu mótspyrnu en þeir áttu báðir stórleik. Bowlerar Indverja voru ekkert voðalega iðnir við að taka wicketin en Sehwag tók flest eða 3 stykki í 5 overum. Harbhajan tók einnig 2 og það ansi mikilvæg, Rhodes og Dippenaar.
Á morgun verður svo gaman að sjá hvernig mínum mönnum gengur gegn Áströlum. Hart verður barist þar.
Óli Njáll  18:43| link

já, sárt svíður réttmæt gagnrýni. Í kjölfarið fylgir gott heilræði: Ekki skrifa menningargreinar um efni sem menn hafa ekki hundsvit á.
Óli Njáll  18:18| link

Guð minn góður! Menning Múrsins er endanlega sokkin í svaðið. Max Martin er tekinn fyrir í dag og eignuð tónlist Britney Spears eins og hún leggur sig. Nú er ekki ætlunin hér að gera lítið úr hlut Max sem vissulega hefur átt þátt í mörgum smellinum hjá gyðjunni Britney en ekki má nú gleyma öðrum höfundum sem lagt hafa hönd á plóginn. Það besta er að þeim væri nefnilega líka hægt að troða inn í hinn vonda greinarflokk "Merkir svíar", t.d. Jörgen Elofsson, Per Magnusson, Kristian Lundin og Andreas Carlsson. Ekki veit ég hvort Eric Foster White teljist til sænsku þjóðarinnar en hann er hvort eð er þekktur sem maðurinn sem semur vondu Britney lögin. Þátt Rami mætti einnig fjalla betur um í pistlinum þar sem mynd múrverja af þeim gaur er ekki alveg rétt. Já, margt mætti betur fara í menningu múrsins þessa dagana þótt vissulega sé það þarft verk að minnast nokkrum orðum á Britney í öllum góðum menningarritum.
Óli Njáll  16:03| link

Í dag fór ég í klippingu, maður verður nú að viðhalda kúlinu. Það er hinn magnaði Björgvin á Bliss sem sér um mitt hár. Mæli með honum, hann er hetja.
Einnig fór ég með hvalnum á KFC í hádeginu. Mæli líka með KFC, hann er hetja. Og hvalurinn líka.
Óli Njáll  14:43| link

Jæja, í morgun var haldið til læknis. Doktor Doddi sagði allt hið besta og gaf mér lyfseðil og meðferð. Afskaplega fynnst mér ekki gaman að fá lyfseðil á dót sem ekki er niðurgreitt um eina krónu af tryggingarstofnun. Það fer illa með minn fjárhag. En gómennskuöflin í Lyfju gáfu mér 5,7% afslátt. Hvað er málið af hverju 5,7%???? Góðu fréttirnar eru þó þær að bráðum fer ég aftur að geta stigið í hægri hælinn.
Hér var áðan reynt að draga mig í myndatöku. Ég mótmælti staðfastlega og komst upp með það. Að minsta kosti í bili. Myndatökur eru verkfæri djöfulsins, ég lít alltaf illa út á myndum. Sem er merkileg staðreynd miðað við hversu vel ég lít nú út venjulega.
Óli Njáll  11:39| link

nei, það er ekki heiglum hent að vera ofurhetja.
Óli Njáll  00:20| link ------------------

24.9.02

núna er ég mjög glaður, búinn að ganga frá máli sem hefur nagað mig inn að beini frá því á laugardagskvöldinu. Já, ég gerði ýmislegt ógáfulegt það kvöld en af þessu atviki hafði ég þó lang mestar áhyggjur(eiginlega eina atvikið sem ég hafði áhyggjur af). Gott að það er komið á hreint.
Óli Njáll  21:06| link

Í dag er ég alveg andlaus. Langar þó að skrifa eitthvað af viti en ég hef þarfari hnöppum að hneppa. Á fimmtudaginn fæ ég frí í vinnunni hálfan daginn sökum ölvunar nemenda. Það er gott, þ.e.a.s. sú staðreynd að ég fæ frí, ölvun nemenda er að sjálfsögðu slæm. Ölvun ógildir miðann er náttúrulega setning sem allir ættu að taka alvarlega. Aldrei hef ég heyrt um mann sem hefur ekki komist á skólaball sökum þess að ölvun hafi ógilt miða. Edrúball er samt undarleg pæling.
Óli Njáll  12:47| link

þetta er dagur dauðans. Skóli til 17:00 í dag er ekki að slá í gegn. Mig langar heim að sofa.
Eru ófarir helgarinnar yfirstaðnar? Vonandi, það er þó aldrei að vita.
Ég nenni ekki að blogga neitt af viti, nóg í bili.
Óli Njáll  10:05| link ------------------

23.9.02

afskaplega borðaði ég hollan mat, fisk, kartöflur, gúrku, gulrætur og tómat. Gerist varla mikið hollara og ekki mikið betra heldur.
Óli Njáll  20:49| link

Alveg fynnst mér kostulegt að í könnun á cricket365 skuli Trescothick og Vaughan vera með helmingi fleiri atkvæði en Langer og Hayden í keppni um besta parið. Það bendir til þess að meirihluti síðunnar sé annaðhvort bretar eða vitleysingar(eða bæði sem er mjög svo sennilegt)
Annars er mikið að gerast í krikket heiminum núna, ICC champions Trophy á Sri Lanka þar sem riðlakeppni er lokið og munu Ástralir mæta heimamönnum og Suður-Afríka mætir Indlandi í undanúrslitum. Indverjar tóku einmitt Englendinga í boruna í riðlakeppninni og sendu þá heim. Ég ætla að vera djarfur og spá Sri Lanka óvæntum sigri á ofurgóðum Áströlum og jafnframt spái ég Indverjum sigri í hinni viðureigninni enda eru þeir í fantaformi núna. Það yrði því draumaúrslitaleikur ef þetta gengur eftir þar sem Murali og félagar myndu að lokum sigra Tendulkar og hans crew.
Það sem kemur þó skemmtilegast á óvart er gott gengi Kenya sem sýndu mikinn baráttuanda í leikjum sínum þrátt fyrir að báðir hafi tapast. Þeir stóðu sig t.d. mun betur en hin arma þjóð Bangladesh sem þó er test þjóð. Hlýtur því að styttast í það að Kenýamenn komist í testin og fagna ég því mjög. Fulltrúar evrópumanna voru hinsvegar slakir enda ekki við öðru að búast. Hollendingar voru þó sýnu verri en Englendingar(og Walesverjar).
Já, hér verður bloggað um krikket í vikunni, lesendum til mikillar armæðu.
Óli Njáll  15:37| link

Seint verð ég það fullur að ég reyni við Ármann. Með þessu er ég þó með engu móti að gera lítið úr þeim sómamanni. Að auki vil ég taka fram að ég reyndi ekki við allt sem hreyfðist. Markmið mín voru skýrt afmörkuð.

Aumir eru þeir sem eigi bjóða mér með í matarboð, legg ég fæð á þannig fólk og reisi því níðstangir og risti fyrir það rúnir á kefli. Eigi eru þær rúnir til góðra hluta ætlaðar.

Les Guðmundur Jónsson síðuna mína? Ég fór að spjalla við hana áðan og hann var eitthvað að fjalla um stílinn minn. Nefndi hann ótt og títt að léttur og lauslátur stíll væri vel við hæfi ef ég væri að skrifa á netinu en ekki í prófum og fræðiritgerðum. Eru sagnfræðiprófessorar í hópi minna lesenda? Guðmundur minn endilega sendu mér póst ef svo er.

Óli Njáll  15:16| link

djöfull leiðast mér besservisserar í m4 og stjórnmálafræðinemar. Sorplið dauðans.
Óli Njáll  12:38| link

jájá, nú í dag skulu allir níðast á mér og gera grín að framgöngu minni um helgina, sé að Sveppi hefur bæst við þann sístækkandi hóp manna. Ég vil endilega ljúka þessu af sem fyrst og bið því alla um að hrauna yfir mig í dag og ljúka sér af. Hvað ummæli Sverris varðar þá tel ég að kenning mín hafi verið alveg rétt.
Hvur í bjálfanum er Hlynur sem setti mig á MSN? Það er vonandi ekki Hlynur heilagi í 4-X, kæmi samt ekki á óvart.
Hvað drykkju mína varðar þá hef ég verið að vellta fyrir mér hvað ég drakk eiginlega mikið á laugardaginn því þynku minni létti ekki fyrr en ég vaknaði í morgun. Ég man eftir að hafa drukkið min. 8 bjóra, 4-5 hvítvínsglös og nokkur skot og einn kaffibolla, það hefur eflaust verið meira sem ég man ekki eftir.
Jæja, best að fara að læra. Valur malar og malar en ég er ekkert að fylgjast með:(
Óli Njáll  11:31| link ------------------

22.9.02

jæja, nú er dagur breytinga. Letibloggarar eru nú að hrinja út af tenglalistanum og aðrir taka við. Þetta eru kaflaskil í lífi mínu og mannkynssögunni þar með.
Óli Njáll  21:47| link

úff, Pálsson segir að ég hafi gert mig að meira fífli en ég vilji viðurkenna. Ég stóð í þeirri trú að ég hefði gert mig að algjöru fífli, það er greinilega verra en það. Þá er það nú slæmt. Í samtölum við góða menn hef ég svo verið að rifja upp afrek mín í gær, en vantar þó nokkur brot. Ég þarf að tala við fleiri aðila til að fá heildræna mynd af þessu. Æi, nú gerist ég bindindismaður, sný baki við kvenfólki, raka af mér hárið og fer að ganga í kufli.
Óli Njáll  21:36| link

Jæja, nú er bloggað með hausverk. Gærkveldið var bara ansi skemmtilegt þar til ég var orðinn alltof,alltof,alltof fullur og álpaðist þá loksins heim í slæmu ásigkomulagi. En hvað var svo sem málið: Ég man ég hagaði mér eins og bjálfi, hitti strákúst og strumpa, át fullt af rjómaosti, bullaði í Færeyingum og er í dag alveg skelfilega þunnur. Margt er þó hulið móðu hvað gærkvöldið varðar. Já, krakkar, áfengi er böl.
Óli Njáll  15:10| link ------------------