7.9.02

Kominn laugardagur, og ég ætla í Ræktina. Í gær drakk ég töluvert en ekkert óhóflega mikið. Spilaði bingó, þar vann ég einhverjar bækur. Ekki veit ég hvar þær eru niðurkomnar núna. Af því dreg ég þá ályktun að ekki sé sniðugt að ganga um bæinn með bækur undir hönd á föstudagskvöldi.
Ég fór sumsé bæði á uvg og fróða. Á báðum stöðum var mikið af skemmtilegu fólki. Ég skemmti mér vel, takk fyrir mig.
Óli Njáll  14:58| link ------------------

6.9.02

Í þessum skrifuðu orðum var Rahul Dravid að skora 13 stig í einu over gegn Alex Tudor og Indverjar því komnir í 42/1 eftir 8 over. Ef frá er talið hið glataða wicket Sehwags þá er þetta á fínu róli. En hafa skal það hugfast sem í fornum ritum stendur: "sjaldan er gott að tapa wicketi í upphafi innings".

ps. Dravid skoraði víst bara 12, Bangar skoraði 1.
Óli Njáll  17:31| link

ha, það er virkilega til 3.bekkingur sem heitir Leifur Eiríksson hér í VÍ. jamm, svo er annar sem heitir Aeshatu Efua Mensiwa-Mensah. Mér finnst það næstum jafn kúl nafn og Leifur Eiríksson. Ég veit reyndar ekki hvort Aeshatu sé karl eða kona:(
Í dag var ég duglegur. Það er daglegur viðburður um þessar mundir að ég sé duglegur. Dugnaðar-Óli-Njáll er nú nafn mitt. Vandamál þó að ég er orðinn uppgefinn af öllum þessum dugnaði.
Í kvöld ætla ég að mæta á Leiknisvöll þar sem fram fer úrslitaleikur um fall í 3.deild milli Leiknis og Léttis. Það viðrar vel til loftárása og knattspyrnu og því ætti þetta að verða hin besta skemmtun. Sennilega dregur maður pabba gamla með sér. Í kvöld er svo þéttriðin dagskrá hjá mér, uvgskemmtun klukkan 20 og svo hleyp ég þaðan á bjórkvöld með fróðum mönnum. Nóg að gera hjá mér sko.
Indverjar eru ekki að sýna sýnar bestu hliðar ef frá er talinn Harbhajan Singh. Wirender Sehwag er ekki í góðu bókunum hjá mér núna...
Óli Njáll  17:27| link

úff, ég er búinn að fá nóg af símum, búinn að tala í síma í allt kvöld við að smala saman spurningaliði fyrir heimspekideild. Held ég hafi raðað saman ansi sterku liði þótt mínir draumavalkostir hafi ekki verið til taks. En liðið er nokkuð sterkt:

1. Hrafnkell Freyr Lárusson.
2. Sigurlaugur Ingólfsson
3. Páll Theodórs

Já, heimspekideildin mun rústa þessari keppni. Samt merkilegt hvað maður getur aldrei slitið sig fullkomlega lausan frá þessu spurningadóti. Þetta er alltaf jafn skemmtilegt.
Óli Njáll  00:17| link ------------------

5.9.02

Alvöru Alyssu aðdáendur horfa nú helst á charmed enda er Alyssa þar mun flottari en í who's the boss. Þótt reyndar hafi who's the boss verið snildarþættir. Hann var sko að dansa, tony dansa. Já, ég er Alyssu-aðdáandi líkt og allir góðir menn.
Óli Njáll  20:45| link

fyrir margt löngu ´lagði ég köku og kaffi undir í veðmáli. Veðmálið snerist um að viss síða yrði ekki uppfærð fyrir lok sumars. Ég held að sumarið hljóti að teljast búið þegar komið er fram í september og spádómur minn hefur því ræst. Það er reyndar ekkert óeðlilegt, ég hef nefnilega alltaf rétt fyrir mér. Þess má geta að fleiri aðilar úr þeirri fjölskyldu hafa líka svikið þau loforð að búa til nýja heimasíðu í sumar, sá sami aðili er reyndar að ég held að forðast mig, í það minnsta hoppaði hún yfir hálft Ísland þegar von var á mér í heimsókn. Og sökum þess fékk ég vont kaffi.
Óli Njáll  20:43| link

sódíak er að ég held bátur, (þótt vissulega gæti þetta vel verið brútal fíkniefnadulmál)
Óli Njáll  20:38| link

Þessi dagur var skrýtinn. Bergný fór í morgun og kemur ekki aftur fyrr en næsta sumar. Þannig að ég er svona aðeins í lausu lofti í dag. En lífið heldur víst áfram og best að sökkva sér í vinnu og lærdóm, fara yfir próf og undirbúa próf morgundagsins. Reyndar ekki próf, bara svona nagli.
Úr sögunni er það annars að frétta að helmingur kennaraliðsins er að leggja á flótta til útlanda, það þýðir að kanski tek ég að mér aukakennslu á meðan. Meðal þeirra kennara sem eru á útleið í lok september er Jón Ingvar Kjaran. Sá maður virðist alltaf vera á einhverju flakki.
Í dag fékk ég bókhald Fróða í hendur. Ég allavega held að þetta sé bókhaldið, en við fyrstu sýn er þetta einungis undarlegt samansafn af sneplum troðið inn í eina gamla möppu. Jæja, þetta hlýtur nú allt að reddast. Einnig þarf ég að fara að tékka á hvernig mál standa með spurningalið heimspekideildar. Ekkert hefur verið rætt við okkur enn og skilafrestur á liðsskipan í dag. Það er nú auma liðið sem ekki inniheldur sagnfræðinema. Ég tilnefni tvo keimlíka doktorsenema í þetta, það væri bara fyndið.
Knattspyrnuakademían Spartakus hittist í dag og spilaður var mikill bolti. Alltaf gaman í bolta. Að vanda fór Lambkáli langleiðina í að slasa sig en slapp þó með skrekkinn. Alltaf stuð hjá Spartakusi. Og þetta er akademía, ekki klúbbur!!!!!!
jæja, farinn að vinna, bæjó.
Óli Njáll  20:36| link ------------------

4.9.02

trallala, nú er ég mættur í tíma hjá Sveinbirni Rafnssyni. Hann hefur ámóta karisma og Helgi Þodláks hafði í upphafi. Reyndar er ég búinn að taka Helga í helgra manna tölu en Sveinbjörn er ekkert á leiðinni þangað, ekki strax að minnsta kosti. En M1 verður letikúrsinn í ár. 5 síðna ritgerð, hahahahahahahahhaahha. Það er bara fyndið. Lesefnið er meira að segja hætt að vera á sænsku, reyndar er Bjössi að spá í að lesa sænsku bókina bara til að vera öðruvísi en allir hinir. Hann er líka snillingur.
Í dag ætla ég svo á nýnemafund Fróða, fróði er náttúrulega magnaðasta nemendafélag í geymi, sérstaklega út frá bókhaldslegu sjónarmiði. Ég er nefnilega ekki enn kominn með bókhaldið í hendur og þó er komið fram í september:( En þetta verður samt ofurrokk í vetur.
Óli Njáll  11:24| link ------------------

3.9.02

Er Solla á leið í landsmálin? gott mál það bara. Menn munu fljótlega sjá hversu ofmetinn hún er þegar hún fer að berjast við hákarla á borð við Steingrím J. og Davíð. Hingað til hefur hún nært sig á kettlingum íhaldsins en annað mál er með alvöru andstæðinga. Í öðru lagi á Solla ekkert fylgi á landsbyggðinni og jafnvel mínusfylgi þar. Að auki mun þarna opinberast endanlega fyrir alþjóð hversu stefnulaus flokkur þetta samkrull er, það er bara reynt að tjalda öllu til að ná völdum. Hefur þessi flokkur stefnu? Kanski, hún er öll í póstkosningum sem stendur. Já, þetta eru asnar, Guðjón!
Gaman í skólanum? Jamm, alveg ágætt. Er þó enn ekki búinn að ákveða endanlega kúrsana mína. Trúarbragðasaga eða neysluhættir? Ég veit ekki. En það er gaman að hitta allt liðið aftur. Svo verður mikið stuð á fyrsta bjórkvöldi Fróða á föstudaginn. Staðurinn að sjálfsögðu hinn keltneski kross. Þar ku vera hægt að fá norður enskt brúnöl á góðum kjörum á föstudaginn.
Ég fór yfir mitt fyrsta próf(eða nagla öllu heldur) í dag. Niðurstöður eru að sjálfsögðu leynilegar en þetta var skemmtilegt. Ég er stöðugt að verða ákveðnari í því að leggja kennsluna fyrir mig í framtíðinni.
Daman mín fer út eftir einn og hálfan sólarhring. Vælskæl. Það er engann veginn jákvætt. En jákvætt að þá hefur maður meiri tíma til að læra. Ætla ég að nýta þann tíma skynsamlega? Heldur betur ekki.
Óli Njáll  22:36| link ------------------

2.9.02

djöfull er ég uppgefinn núna. Búinn að vera í útréttingum í allan dag, vonandi að það borgi sig svo. Svo er það Liverpool vs. Newcastle á eftir. Eins gott að mínir menn taki þennan leik, áfram El-Hadji.
Annars fór ég á tvær vondar myndir um helgina, Signs og Slap her, she's french. Báðar vondar en sú síðarnefnda þó mun verri. Aftur á móti fór ég á góðan veitingastað, Galileo, á laugardaginn með Bergný og var það vægast sagt mjög gaman, góður matur í góðu umhverfi í góðum félagsskap.
Skólinn byrjaði í dag, það er ágætt að koma aftur í Árnagarð. Ég er annars alveg foxillur yfir því að ég þarf að sitja tíma í Odda sökum þess að miljón stjórnmálafræðigimp hafa tekið yfir M4 en alls eru 115 skráðir í kúrsinn. Vægast sagt ógn og skelfing.

Óli Njáll  19:00| link

bdd
Óli Njáll  10:21| link ------------------