31.8.02

jæja, stefnan er sett á Galileo í kvöld, það verður eflaust nokkuð næs. Annars fór ég í kringluna áðan að skoða buxur, þær sem mér leist best á kostuðu fjórtánþúsundkrónur. Það þykir mér mikið.
Óli Njáll  18:56| link

Í fantasy leiknum á Yahoo var ég að kaupa senter í gær. Valið stóð á milli Maccaroni hjá Boro og Anelka hjá Man.City. Ég sé mjög mikið eftir mínu vali núna:(
Óli Njáll  18:55| link

þá er ég búinn að semja mitt fyrsta próf eða öllu heldur minn fyrsta nagla. Reyndar hef ég ekki hugmynd um hvort hann er of léttur eða of þungur og ætla því að láta hann Eika líta yfir hann fyrir mig áður en ég skelli honum á x-bekkinga. En ég held að þetta sé stórgott próf. Jafnframt er ég nú á fullu að undirbúa kennslu næstu viku, búinn að sanka að mér glærum og plana smá, dugnaðurinn er ódrepandi í mér núna.
Óli Njáll  13:33| link ------------------

30.8.02

ánægður er ég með uvg.vg núna, sósíalísk vika með góðum greinum kemur mér í gott skap. Sérstaklega góð grein í gær.
Óli Njáll  22:42| link

ekki er hann gvendur jóns neitt að deyja úr stressi við það að fara yfir prófið mitt, miðað við að einungis 5 manns voru í prófinu þá ætti hann nú að geta klárað þetta á skömmum tíma. ég vil fá mína einkunn og það fljótt, hún má einnig vera nokkuð góð.
Óli Njáll  18:36| link

Spartakus er ekki klúbbur, við erum knattspyrnuakademía!!!
Óli Njáll  14:35| link

hmmm, á ekki að koma föstudagsgrein á uvg?????????
Óli Njáll  14:26| link

nú held ég inn í helgina með bros á vör eftir vel heppnaða kennsluviku. Allir mínir nemendur með fullt af verkefnum til að vinna yfir helgina, ellegar prófalestur. Jamm, næsta vika verður bara kúl. Svo var mér boðið í partý í febrúar. Ég er ekki búinn að plana djammlíf vetrarins að öðru leyti.
Óli Njáll  14:13| link

vá hvað maður er bara vaknaður klukkan 7:15 alla daga núorðið. Hvað er að gerast? Og nú líður að fyrsta tíma dagsins og ég er búinn að öllu sem máli skiptir og sit hér og les um homoa, illa gengur mér þó að finna eitthvað um ergaster og entecesor:(
Óli Njáll  09:02| link ------------------

29.8.02

úff, gömlu karlarnir tóku okkur í Spartakusbolta áðan. Við Gummi og Jón urðum að lúta í lægra haldi fyrir þaulreyndum kempum með Tomma Sölva í broddi fylkingar. Það er ljóst að ég neyðist til að mæta aftur til að rétta vorn hlut.
Óli Njáll  18:39| link

jahá, þá er ég farinn að fikta við upplýsingakerfið. Þetta er alger snigld. Anton á skilið stubbaknús fyrir vel unnin störf.
Óli Njáll  16:21| link

víuú, ég er búinn að skipuleggja næstu tíma í þaula. Svakalega er ég skipulagður, þetta kerfi mun þó ekki endast lengi. Eftir helgi verð ég eflaust kominn aftur í sama farið:(
Óli Njáll  13:54| link

jæja, nú er siggi búinn að grafa upp síðuna mína, eins gott að gæta orða sinna núna:)
Á eftir ætla ég að skella mér í knattspyrnuakademíuna Spartakus og sprikla smá, það er alltaf gaman að spila bolta þótt gæðin séu kanski ekkert voðalega mikil þarna. En hvað með það, tæklingar munu fljúga út og suður á eftir enda þörf á að taka út ergelsið frá leiknum í gær.
Óli Njáll  11:54| link ------------------

28.8.02

Nú er ég mættur ferskur og fínn í vinnuna og kominn að sjálfsögðu strax á netið. Netið heima er með móral, netið hér í góðum gír. Í dag ætla ég að tala við lækni, kaupa mér linsuvökva og líka jú reyna að vinna eitthvað. Mikið stuð hér sumsé. já.
Óli Njáll  13:44| link ------------------

27.8.02

Mikið er gaman að fara í Ræktina þessa dagana, í gær mátti þar sjá handboltabeibið Þórdísi úr Gróttu/KR og í dag var enginn önnur en Lilja sæta á ferðinni. Hí á Lambkála sem var feitur heima og skrópaði í bæði skiptin.
Óli Njáll  23:17| link

Pressan spáir í kandídötum vg í dag og gerir það bara mjög vel (allavega ef miðað er við Ólaf Teit á DV). Margt jákvætt þar á ferðinni. Skemmtileg nöfn á ferðinni í Reykjavík(þó ekki Kolbrún Halldórsdóttir), í Reykjavík myndi ég vilja sjá...
Reykjavík 1: Ögmundur leiðir og hinn vaski varaþingmaður Drífa Snædal fylgi í kjölfarið.
Reykjavík 2: Ármann Jakobsson leiði listann og nokk sama hver fylgir á eftir, gaman væri þó að sjá einhvern eldheitan ungliða fylgja í kjölfarið.
Ekki vissi ég reyndar að sægarpurinn Huginn væri að hyggja á framboð né heldur Karólína beib en bæði væru þó vel til þess fallin.
Hvað varðar suburbiu er náttúrulega augljóst að besti kosturinn af þeim sem Pressan mynnist á er Sigursteinn Másson. Maðurinn kemur vel fyrir, er einnig fulltrúi tveggja minnihlutahópa og hefur það einnig með sér að vera fjallmyndarlegur sem óneitanlega er kostur. Þessi maður myndi vinna stórsigra. Jafnframt gæti hinn galvaski kjaftaskur Sigfús Ólafsson gert góða hluti . Kristínu Halldórsdóttur vil ég ekki sjá nema þá kanski í 15.sæti.
Norðvestur er náttúrlega gefið að Jón Bjarnason leiðir en meiri spurning hverjir fylgja í kjölfarið, þarna eigum við að taka tvo menn þannig að annað sætið skiptir máli. Halldór Brynjólfsson hljómar vel í mínum eyrum enda minnir mig að hann hafi fengið um 10% í sínu kjördæmi síðast. Vestfirðingar mega svo éta það sem úti frýs, landinn hefur vonda reynslu af þingmönnum þaðan.
Norðaustur er nokkuð augljóst.
Suður: Ekki þekki ég nokkurt þeirra nafna sem þarna er minnst á. Vel lýst mér þó á það að bjóða fram kúabónda enda eru kýr augljóslega heilög dýr á Suðurlandi og sést það best á fylgi Guðna Ágústssonar. Annars er engum blöðum um það að fletta að beljur eru langflottustu skepnur þessa skers og enginn getur verið alvöru bóndi án þess að eiga nokkrar slíkar. Mu, og mjólk er góð.
Óli Njáll  23:16| link

Orð dagsins
Hinn orðheppni skáldjöfur Ágúst B. Fluggering á speki dagsins: "Bókhald er bókhald". Já hafi einhver verið í vafa þá ætti þessi setning að útskýra margt:)
Óli Njáll  17:46| link

Mekong
Hér er langt síðan bloggað var um Mekong, en í dag fór ég einmitt þangað. Þar fær maður ávallt gott að borða.
Eitthvað gimp er að reyna að hnýta í síðu mína og ásakar mig um leiðindi. Ég legg nú bara fæð á þannig ruslaralýð sem ætti fremur að líta í eigin barm.
Rækt í kvöld? Það held ég nú.
Óli Njáll  15:09| link ------------------

26.8.02

Viva Indland. Já þeir unnu breta og walesverja með innings og nokkrum hlaupum að auki. Það verður því brjáluð barátta í síðasta testinu á Oval. Ég elska krikket.
Óli Njáll  16:05| link

Verzlunarskólinn var settur í morgun og Þorvarður sagði reykingabrandarann. Hann talaði líka mjög lengi um eitthvað konungsríki, prinsessur, tréklossa og ævintýri. Vonandi hefur enginn nýneminn haldið að Verzló eigi eitthvað skyllt við ævintýri. Þeir sem lenda hjá mér ættu frekar að sjá samlíkingu í gúlaginu. En jamm, þetta byrjar víst bara klukkan 8:05 í fyrramálið sem þýðir að rétt fyrir 8 mun ég mæta með nýju fjarstýringuna mína að gullna hliðinu sprækur sem lækur og tilbúinn í átök dagsins. Einn tími í tölvum og einn í sögu. Annars þarf ég að taka upp stífa ritskoðun á þessari síðu ef einhver óalandi krakkagemlingur myndi grafa hana upp og auglýsa meðal nemenda minna, ekki lætur maður hanka sig á einhverju þannig kjaftæði.
Óli Njáll  16:03| link ------------------

25.8.02

Í gær kom hér við geðsjúklingur frá Búrfelli að sækja bók sem hann átti, já ég á við þennan geðsjúkling. Hann hefur lítið breyst í háttum og geðsýki en hins vegar er hann orðinn feitur og verður því framvegis nefndur "feiti maðurinn" á þessari síðu. En annars sér maður alltof lítið af þessum fyrrum bekkjarfélögum manns úr marmarahöllinni sem er synd. Jamm, eitthvað verður maður að gera í því fljótlega fyrst enginn annar gerir það.
Óli Njáll  20:39| link

Z
Já, ég lýsi nú bara frati á einhverja Ansjósubók og dæmið sem kynnt er til sögunnar er ekki til að auka álit mitt, hvorki á mhingum eða nútíma ljóðskáldum.
Óli Njáll  15:20| link

Powers
Já, Austin Powers klikkaði svo sannarlega ekki. Jú, reyndar klikkaði hann illa fyrir hlé en bætti heldur betur upp fyrir það í seinni hálfleik þar sem hún var stórkostleg. Mike Myers er ennþá kóngurinn.
Óli Njáll  14:46| link ------------------