24.8.02

Í kvöld...
...er það Goldmember. Já ég sagði Goldmember. Mike Myers er snigggggglingur og því er þessi mynd eflaust snigggggld. Áætlaðir ferðafélagar, Bergný og eitthvað blátt kvikyndi sem reyndar veit ekki sjálfur af litarhætti sínum.
Óli Njáll  20:48| link

Diouf
já, El-hadji Diouf er maður dagsins með tvö mörk, hvílíkur snigggglingur. Ég elska þennan mann. Aftur á móti elska ég ekki að eiga tvöfaldan tíma i sögu eftir hádegi á föstudögum í vetur, tvöfalda tíma á að banna. Þeir eru morð:(
Óli Njáll  18:09| link

Prófið
Já, prófið mitt er búið, nei það reyndar stendur til 12 en ég er löngu búinn og gekk nokkuð vel sem er sérlega ánægjulegt miðað við hundingjalestur seinustu daga. Gvendur var sanngjarn og gaf val í öllum spurningunum sem forðaði mér frá þróun landbúnaðar og kvennaframboðum. Ég er því glaður maður í dag.
Óli Njáll  12:26| link ------------------

23.8.02

Litli sniglingurinn
er að rústa englendingum. Kominn með 185 og samtals eru Indverjar komnir með 584/4 sem er náttúrulega magnað og Dravid, Tendulkar og Ganguly allir með century. En ég er sem fyrr hræddur við jafnteflið.
Óli Njáll  20:22| link

jibbý
Indverjar eru á blússandi skriði gegn enskum núna og sérstakelga hafa Dravid og Tendulkar farið á kostum. Eina vandamálið er að þeir taka aðeins of mikinn tíma í þetta, ef svo heldur áfram sem horfir þá fá Englendingar ekkert að batta fyrr en seint á 3. degi.
Óli Njáll  17:28| link

Magnað
Jafnvel Baldur ávarpar skólastjóra sem skólastjóra en ekki Þorvarð. Virðingin sem Skólastjóri hefur er alveg mögnuð. Ég ætla framvegis að skrifa SKÓLASTJÓRI með stórum stöfum og bara gleyma því að maðurinn hefur nafn. Jamm.
Óli Njáll  17:26| link

ég sé
Nú loks sé ég út úr augum án þess að stara beint í eigin hárbrúsk sem farinn var að lafa líkt og brjóst á sjötugum kvenmanni. Fór líka á kennarafund í morgun, þar var fátt merkilegt sagt, eiginlega ekki neitt. Kíkti í 3 mínútur á tölvukerfið og fór.
Annars er afskaplega fyndið að lesa hinn bitra Brynjólf Flygenring sem er ávallt að reyna að hnýta eitthvað í mig yfir tölvukennslu minni, nú hef ég(og enginn annar heldur) aldrei vitað til þess að Brynjólfur væri neinn tölvusnillingur og stórlega efast ég um að kunnátta hans á word og excel sé meiri en mín og tel frekar að um hið gagnstæða sé að ræða. Stóri munurinn er þó sá að ég hafði sjálfsbjargarviðleitni ólíkt hafnfirðingnum bitra sem nú nagar af sér neglurnar af gremju.
Óli Njáll  15:11| link ------------------

22.8.02

Fundur
Á morgun er víst kennarafundur og eftir það kennsla á tölvukerfi skólans. Ég held ég sleppi nú síðari liðnum og verði bara eins og álfur út úr hól hvað tölvukerfið varðar, treysti svo bara á að Toni reddi mér þegar á þarf að halda. Á morgun þarf ég nefnilega að lesa eins og geit glósur og sitthvað fleira. Sem betur fer klárast lesheftið nú á eftir og léttir það af mér miklum áhyggjum. En dagskrá morgundagsins er:
6:00: Vakna(hahaha, þetta tekst aldrei)
???-9:30: Lesa mínar eigin glósur
9:30: vonast eftir lausum tíma í klippingu
10:00-12:00: Kennarafundur í Bláa salnum(ekkert vér mótmælum nostalgía þar)
12:00-03:00: Lestur á mínum glósum aftur, lestur á glósum sem ég vonandi fæ lánaðar hjá Halli og lestur á einfaldri kennslubók um 20. öldina(ásamt nokkrum töluvhléum og matarhléum að sjálfsögðu)
Eftir þetta verð ég svo formlega yfirlýstur geðveikur:(
Óli Njáll  22:15| link

Bu
Ekki ætlar Ámi kobb að kenna mikið ef hann er aðeins með tvo bekki. Annars datt mér í hug í kjölfarið á lestri heimasíðu hans um stórabrottfall og fleiri viðbjóði hver tilgangur málfræðikennslu í framhaldsskólum væri? Eru menn betri manneskjur ef þeir kunna stórabrottfall, setningahlutagreiningu og orðflokkagreiningu? Einungis harðsvíruðustu málfræðifasistar gætu haldið því fram og ef einhver þeirra vill reyna má hann endilega reyna að sannfæra mig um gagnsemi slíkrar kennslu. Ég er frekar á þeirri skoðun að íslenskukennslan eigi að byggjast upp á bókmenntum, þá blöndu af ljóðum, nútímaskáldsögum og fornbókmenntum. Með ljóðum er átt við hefðbundin ljóð enda tel ég flest allt sem samið er eftir miðja 20. öld vera hið mesta rusl samið af fólki sem í raun og veru eru engin skáld heldur leirburðardelar með enga hæfileika. Oghananú!!!!!!!
Óli Njáll  17:27| link

Aumir ásar
Einu sinni var kúl söfnuður hér á landi, Vor siður eða ásatrúarsöfnuðurinn. Svo kúl var hann að næstum var ég búinn að skrá mig í hann einungis til þess að mín kirkjugjöld færu þangað en ekki í botnlausa hít þjóðkirkjunnar. En brottrekstur alsherjargoðans tók algerlega kúlið af þessu apparati, og hafi það ekki verið nóg þá settu þeir konu í embættið sem augljóslega er gersamlega út í hött. Jæja, ætli ég sé nú þegar búinn að móðga femínista? ok, en ég skal útskýra. Ásatrúarsöfnuðurinn byggir náttúrulega á hundgömlu meiði þótt söfnuðurinn sem slíkur sé ekkert voðalega gamall, og allsherjargoðaembættið hefur ávallt verið karlaembætti, þeir sem því embætti hafa gengt á liðinni öld hafa verið gamlir kúl kallar með ofurmikið skegg. Þetta skegg er nefnilega mjög svo kúl. Augljóslega er erfitt fyrir hinn nýja kvenkynsgoða að safna kúl skeggi(en sé hún fær um það skal ég glaður samþykkja hana). Að auki passar það bara engann veginn við ímynd ásatrúarinnar að hafa kvenkynsleiðtoga, gamla ásatrúarsamfélagið byggist upp á karlmönnum, þeir fóru með völdin. Ég syrgi kúlheit ásatrúarmanna.
Óli Njáll  12:45| link

Takk fyrir
Ég þakka Brynjólfi fyrir málfræðiábendingar.
Óli Njáll  12:36| link ------------------

21.8.02

Naflinn
Nú er ég í pólitískri naflaskoðun, það er alls ekki jákvætt því ég á að eyða allri minni orku í lestur. Niðurstöður koma bráðlega.
Hahaha, brandari minn á Gústus gekk fullkomlega upp. Hringdi í mig alveg að deyja úr forvitni. Það er bara fyndið.
Ég skal hjálpa Þóri í fatabúðum. Smekkvísi mín er fræg og þyki ég hafa einstaka hæfileika á að grafa upp föt í búðarleiðangrum. Þol mitt er einnig gífurlegt enda get ég eytt heilu dögunum í slíkum rúntum.
Óli Njáll  22:16| link

Kringluheimsókn
Í morgun kíkti ég í Hagkaup í fyrsta skipti í viku til að kaupa mér nasl með lestrinum mínum um leið og ég skutlaði Bergný í vinnuna. Það var ágætt að sjá vinnufélagana aftur enda margur öðlingurinn sem þarna vinnur. Sárt þótti mér þó að sjá Lífsins Lind í niðurníðslu og virðist sem ekkert hafi þar verið pantað inn síðan ég lagði land undir fót. Vonandi þó að arftaki minn, hún Alda, nái tökum á þessu fljótlega.
En áfram heldur lestur, kemst þótt hægt fari...
Óli Njáll  19:02| link

Lestur dagsins
Næst á dagskrá í lesplaninu er án efa stórgóð grein sem nefnist "vopnlausir væringjar" eftir Stefán nokkurn Pálsson. Reyndar aðeins 6 blaðsíður á lengd og getur því vart kallast grein. Þess má geta að Benedikt Gröndal er leiðinlegur.
Er Guðmundur Jónsson illmenni? tja, ég hallast meir og meir að þeirri kenningu með hverri mínútunni sem líður:(
Óli Njáll  17:10| link

Núnúnú
Kylfan er víst íslandsmeistari í krikket, það eru gleðitíðindi. Og þetta gerðist þrátt fyrir að þá vantaði einn sinn besta mann, þ.e. MIG. En í dag er lestrardagur dauðans, heftið fyrir Íslandssögu 4 massað en það er nú nokkuð þykkt. Þetta á eftir að verða próf dauðans:(
Óli Njáll  13:32| link ------------------

20.8.02

Ekki gaman
Ekki fynnst mér nú gaman að fá hótunarbréf frá hatursfólki í tölvupósti. Vaknar þá spurningin hvað á ég að gera í því máli? tja, sennilega er þetta nú bara einhver bjálfi að reyna að vera fyndinn, mun ósennilegri möguleiki er að um geðsjúkan einstakling sé að ræða en það er jafnframt þeim mun verra. Ég ætla að bíða í nokkra daga og hugsa málið og leyfa þeim seka að gefa sig fram. Ef ekki þá fer ég beint til lögreglunnar en þeir hafa eflaust mun minni húmor fyrir þessu en ég.
Óli Njáll  21:20| link

Ferðasagan
Jahá, bara kominn heim og kominn í tölvuna. Eftir góðan túr um landið er nú ágætt að koma heim og sjá gamla settið aftur og svo vonandi Bergný í kvöld. En ferðasagan er skrautleg. Hér kemur stutta útgáfan(sú lengri kemur sennilega á sama tíma og ferðasagan mín frá London)
Miðvikudagur: Þórir strýkur mælaborðið
Fimmtudagur: Óveður á Akureyri
Föstudagur: Húsavík sýgur feitann
Laugardagur: Seyðisfjörður og Sálin rokka feitt
Sunnudagur: Á slóð Ringo
Mánudagur: Helvítis andskotans malarvegir
Þriðjudagur: Beljur á veginum

Svo mörg voru þau orð, kærar þakkir til allra sem hýstu mig í ferðinni og lifið heil.
Óli Njáll  19:06| link ------------------