27.7.02

Hreðkur
Hreðkur voru tvímælalaust grænmeti dagsins í dag. Sérstaklega var áhugavert að fylgjast með hve undarlega margar konur brugðust við þegar þær sáu þessa gripi og margar þeirra virtust fyllast þörf til að strjúka og snerta þessa matvöru. Hvers vegna skil ég ekki:(
Óli Njáll  20:16| link

Stórmenni
Hér var áðan maður í grænmetinu sem bað um ný kíwí þar sem þau sem voru í borðinu væru "way down south". Hefði þetta verið einhver sótsvartur pöpull hefði ég sparkað í hann og sagt honum að hundskast í burtu. En þetta var enginn annar en Herbert Guðmundsson ofurhetja og áttum við svo saman ágætis spjall um ísbúðina hans og fleira. Vonbrigði dagsins voru þó þau að hann söng ekki fyrir mig Can't walk away:(
Óli Njáll  18:05| link

Sumir hefðu átt að hlægja meira þegar Lieftur vann Val í bikarnum um daginn. 4-0 kallinn minn. Við upp, þið niður.
Óli Njáll  13:00| link

Halló
Jæja, einhver vaknaður? Eflaust ekki enda er klukkan rúmlega 8 á laugardagsmorgni. Fólk á að vera sofandi. Ég er samt mættur í vinnuna þótt ég ætti að vera í fríi í dag. Hef nú held ég unnið 7 laugardaga í röð sem er ágætt fyrir budduna. En sól skín í heiði og í dag langar mig í ís.
Óli Njáll  09:19| link ------------------

26.7.02

Ég las og...
...ég hló.

"Sem kunnugt er, þá er undirritaður hlynntur því að menn sýni stillingu í samskiptum við hitt kynið"
Mér finnst þetta bara alveg afskaplega fyndið. Kanski finnst einhverjum fleirum það sama, kanski ekki.
Óli Njáll  21:23| link

Hver
tróð auglýsingu frá Tripod inn á mína síðu????
Óli Njáll  21:20| link

Aukavinna
Ég fæ að vinna frameftir gaman að því.
Óli Njáll  19:38| link

jamm
Mekong ekki King kong og alls ekki Donkey kong. Ég er á leið í hádegismat, jíbbíkajey.
Óli Njáll  13:51| link ------------------

25.7.02

Kjúlli
Bolinn og frú bjóða í kjúlla. Nammi,namm. Bolinn er nefnilega skrambi góður kokkur, ég held því fram að það sé í genunum.
Óli Njáll  19:33| link

Hátíð í bæ
Þorgeirsboli, einnig þekktur sem Brynjar Helgi Ingólfsson, minn einkabróðir er 27 ára í dag og fagna því allir góðir menn. Sendið honum póst á stinni@vortex.is
Óli Njáll  13:23| link ------------------

24.7.02

Vaskidívask
Ég á mikið uppvask fyrir höndum, aumingja ég. Get samt víst kennt sjálfum mér um það. Kanski kenningin hans pabba um að ég skíti út öll glös heimilisins eigi við rök að styðjast. Allavega er enginn annar á svæðinu.
Óli Njáll  22:55| link

eigi geng ég um í föðurlandi að sumri til
Óli Njáll  22:50| link

Billabong
Óli Njáll  11:40| link

Krikket
Í kvöld var krikket á kolóleglegum blautum velli. Það var gaman. Ég var nokkuð ánægður með sjálfan mig þar sem bowling tækni mín er öll á uppleið. Byrjaði þó fyrsta overið ekki mjög vel þar sem strax á öðrum bolta skoraði battarinn fjarka á mig. Varð ég við það illur mjög og lýsti því yfir að nú myndi wicketið falla og stóð ég við þau stóru orð strax í næsta bolta sem óumdeilanlega er minn besti bolti á ferlinum og beint í stumpsið. Hef ég nú einsett mér að líkjast Akhtar sem mest í bowling tækni og fara að æfa kraftinn.
Íslandsmótið verður 17. ágúst sem er óhentugur tími þar sem ég mun missa af honum enda áætlað að vera staddur hinum megin á landinu á þeim tíma. Einnig er áformaður stórleikur Kylfunnar við úrvalslið Indands og nágrennis í ágústmánuði. Sennilega mun nú Tendulkar ekki mæta en hinn ógurlegi battari Darri verður þar eflaust illur viðureignar. Sá maður er það skuggalegasta sem ég hef augum litið á krikketferli mínum.

Vond könnun í DV í dag. 7% er ekki gott en lausnin er einföld. Pólitísk aftaka á einni kerlingu sem heitir Kolbrún Halldórsdóttir. Slíkur gjörningur væri mjög vel þeginn. Í staðinn skal láta stundakennara úr torfkofanum leiða Reykjavík Norður. jamm

Kolla er ekki dáinn. Bara bloggdáinn. Það eru góðar fréttir.

Fróði er að vakna, það eru líka góðar fréttir.
Óli Njáll  00:42| link ------------------

22.7.02

Nei
Á þessum bænum verður ekki krónu varið til bjargar keldusvínastofninum. Held nú ekki!!!
Óli Njáll  23:07| link

Gott kveld
Fólk sem reynir að skjóta sér undan afnotagjöldum RÚV eru kapítalískir hundar og hrynja í áliti hjá mér og ekki orð um það meir.

Snjöll er sú ákvörðun Ármanns að sleppa því að kommenta á ummæli mín um langskólagöngu enda hefði skipuleg málsvörn gegn snjöllu og hnittnu og umframallt gersamlega órökstuddu kommenti mínu bara litið hálfvitalega út. Slæmt er þó ef Ármann heldur að gæði kennara séu miðuð við menntun. Það vita allir að svo er ekki.

Í kvöldmat borðaði Árni Johnsen kjúklingabita og fékk sér kókosbollur í eftirrétt. Þetta er haft eftir afar traustum heimildarmönnum Keikodude.
Óli Njáll  22:54| link

Sören nálgast
Sören Hansen stóð sig vel á opna breska um helgina. Ætli hann sé síðan á leiðinni í Þistilfjörðinn? Nógu lengi hefur hann nú verið á leiðinni.
Óli Njáll  18:49| link

Þreyta dauðans
Í dag er ég svo þreyttur. Það er ekki gott.
Mér fynnst skondið að Ármann skuli ætla að kenna stundakennslu í torfkofanum við tjörnina. Miðað við að þar með verðum við kollegar(ég reyndar hjá mun virtari stofnun) sýnir þetta fram á gagnsleysi langskólagöngu.
Óli Njáll  13:51| link ------------------

21.7.02

Helgin
Jæja, í gær var farið í Syðra Langholt, einnig nefnt Álfaskeið. Hafði ég lofað vinnufélögum mínum að þar yrði fámennt og næði mikið til að stunda þar drykkjuólæti. Ekki gekk það eftir enda hafði jeppaklúbbur 4*4 komið sér þar fyrir. Það var samt nóg pláss fyrir okkur. Drukkið var mikið og sungið undir fögrum hammond leik Hvanndalsins. Og nú hefst upptalning á skandölum Óla Hvanndals: Nei kanski ekki, best að leyfa honum að halda mannorðinu.
Niðurstöður útliegurnar: Menn sem heita Lúffi geta ekki verið magnaðir gítaristar, taltjöld hafa ekkert skánað, Kentucky er góður á Selfossi, Eden er dýrt.
Og talandi um Eden. Þar keypti ég mér happaþrennu og græddi þar 500 krónur.Þann vinning fékk ég borgaðann í klinki. Sagði ég þá einhvern lélegan brandara við afgreiðslumanninn að í þéttbýli notuðu menn pappírspeninga. Brást hann ókvæða við og lét mig sko vita það að happaþrennuvinningar væru ávallt greiddir út í klinki. Ef ég mun einhvern tímann vinna miljón á happaþrennu þá hlakkar mig til að sjá hann telja tíkalla í langan, langan tíma.
Ég fór svo beina leið í boltann og var þar í fanta formi. Ágúst fær samt tilþrifaverðlaun fyrir eggjandi dans við girðingu.
Nú er ég þreyttur og farinn að sofa.
Óli Njáll  23:15| link ------------------