{ Óli Njáll - keikodude@hotmail.com }

[ Naggur | ASAT | UVG | Múrinn | Praxiteles | Gamalt ]

[ Húgó | Thors | Fimmtudagur | Ármann | Sverrir | Hilma ]

[ Kolla | Sigfús | Jóhann | Bendt | Steinunn | Linkur vikunnar ]

15.6.02

Spurningu svarað
Já Þórir, þú ert andfélagslegt illmenni.
Óli Njáll  21:09| 
link

Sagnir
Ég er ekki enn búinn að lesa eina einustu grein í Sögnum sem þó eru hér löngu komnar í hús. Nú má fólk ekki halda að ég sé að skrifa í kaldhæðnum tón þegar ég segi að ég iða í skinninu yfir tilhugsuninni um allar þessar skemmtilegu greinar sem þarna bíða mín ef marka má titlana. Sérstaklega fæ ég gæsahúð af tilhugsuninni um þær unaðsstundir sem ég mun njóta við lestur greinarinnar "hvernig var torfkofinn sem íbúðarhús". Já, áhugamál sagnfræðinga eru margvísleg.
Óli Njáll  21:08| 
link

Enginn er spámaður
Já, spádómar mínir gengu hvorugur upp í morgun. Ég syrgi ekkert sérstaklega brotthvarf Paraguay en Danina syrgi ég meira. Danir áttu því miður sinn langversta leik í keppninni og áttu aldrei viðreisnar von. Hlýtur stór hluti af tapinu að vera skráð á þeirra ömurlega markmann sem skoraði sjálfsmark á 4. mínútu og átti líka að verja skotið frá Heskey. En ég held nú svoldið með Englandi og sérstaklega eftir að Robert Bernard Fowler kom inn á, vonandi mun hann koma eitthvað við sögu á móti Brasilíu.
Ég fór í ræktina áðan eftir leikinn og þar var ansi fámennt og var eigandinn bara úti í sólbaði þegar ég kom. En þó fámennt væri þá var falleg sjón í Ræktinni, engin önnur en Lilja sæta. Nú geri ég ekki ráð fyrir að nokkur lesandi þekki Lilju sætu nema Lambkáli en sú dama er heldur betur sæt, þótt ég hafi ekki hugmynd um hennar rétta nafn. Því miður var Lilja þarna með einhverri lufsu sem augljóslega var unnusti hennar og skemmdi það nú ánægjuna svolítið. En ég tók vel á því og er að drepast núna. Ákvað að boxa smá en það tekur hrottalega í hendurnar á manni. Það er samt mjög góð æfing þótt aldrei muni ég fara í hringinn að berjast. Ég hef litla ánægju af því að lemja fólk og enn minni ánægju af því að vera laminn.
Þessa helgina er ég svo umsjónamaður hans Simba. Simbi er köttur í eigu bróður míns sem ég sé um að fæða meðan hann er í útilegu. Þessi köttur er líkt og aðrir kettir skaðræðisskepna. Fólk sem á ketti er eitthvað klikk.
Óli Njáll  18:25| 
link

Vibbi
Alltaf eru Þjóðverjar jafn ógeðslegir. Leikurinn var alveg að fara eftir minni spá þegar Nauville djöfullinn skoraði á 87 mínútu eftir hundleiðinlegan leik. Bömmer.

Í gærkvöldi fór ég að borða á Laugaás með pabba og mömmu. Laugaás er ágætis staður en ekkert meira en það. Fékk snitzel sem var allt í lagi fyrir utan að einhverri síld var troðið ofan á snitzelið. Þegar ég fer á veitingastaði á fiskur að vera víðs fjarri og sérstaklega ekki ofan á kjötinu. Var svo ósköp þreyttur í gær og fór snemma að sofa. Fór heldur ekki í nein fasistamótmæli í gær. Hafði þarfari hlutum að sinna.
Óli Njáll  12:17| 
link

Auðskilið
Þór er eitthvað að hnýta í ummæli mín um Suðurkóreska landsliðið í knattspyrnu og spyr hvurn andskotann þau eigi að þýða. Mér finnst þetta nú ósköp auðskilið. Suður-Kóreumenn eru í svipuðum metum hjá mér og Frakkar(lesendur sem ekki hafa enn áttað sig á áliti mínu á Frökkum eru hér með útnefndir bjálfar aldarinnar). Þessar þjóðir fara bara í taugarnar á mér. Og ég meina nákvæmlega það sem ég sagði. Ég þekki ekki leikmenn Suður-Kóreu í sundur í sjón og nöfnin fara öll í hrærigraut í mínum haus því þau hljóma öll eins í mínum eyrum. Skammast ég mín fyrir þessi ummæli? Nei, hreint ekki. Ef menn vilja lesa eitthvað vafasamt út úr þeim, líkt og Þór gerir augljóslega, þá segir það meira um þeirra innræti en mitt.
Það skal taka fram að ég er einungis á móti Suður-Kóreu en Norður-Kóreumenn eru í meiri metum hjá mér enda eru þeir ekki fasistar heldur alræðis(kommún)istar og af tvennu slæmu þá er hið síðarnefnda betra. Auk þess sem norðurhlutinn ber ekki ábyrgð á hinum ljótu og vondu Hyundai bílum.
Óli Njáll  01:12| link
------------------

14.6.02

Áfram skal haldið
Fyrst maður er búinn að spá um 16 liða úrslitin er tilvalið að halda áfram. Í átta liða úrslitum munu þá mætast ef spá mín gengur eftir:
1. Danmörk vs. Brasilía. Þetta er mikilvægasti leikur keppninnar enda tel ég að sigurvegarinn muni verða heimsmeistari. Hræddur er ég um að Brassar séu þeir heppnu en Danir munu bíta frá sér.
2. Svíþjóð vs. Tyrkland. Augljóst er að hér munu Tyrkirnir vinna góðan sigur.
3. Paraguay vs. Mexíkó. Þarna verður fjörugur leikur þar sem Paraguay mun sigra á vítaspyrnu annan leikinn í röð. Chilavert rúlar.
4. Spánn vs. Ítalía. Þetta er smáþjóðaslagur í boltanum sem gæti orðið spennandi. Ég hef smá trú á að Spánverjar muni reka af sér stórmótaslenið og sigri í framlengingu. Helguera skorar potmark.

Í undanúrslitum mætast þá:
1. Brasilía vs. Tyrkland. Brassar vinna enda svindla dómarar ævinlega þeim í hag. Ég held þó svoldið með báðum liðum þannig að ég mun una sáttur við úrslitin.
Paraguay vs. Spánn. Spánn vinnur enda er allt púður úr Paraguay eftir erfiða leið þeirra í undanúrslitin. 2-1 fyrir Spán.

Úrslitaleikurinn verður sumsé Brasilía vs. Spánn. Brassar vinna titilinn í hörkufjörugum leik 4-2.

En sumsé af þeim sextán liðum sem eftir eru þá tel ég líklegustu sigurvegara vera í eftirfarandi röð:
1. Brasilía
2. Danmörk
3. Spánn
4. Tyrkland

Já, svona hljóðar mín spá fyrir framhaldið, þetta verður svaka stuð.
Óli Njáll  18:17| 
link

Spáð í spilin
Jæja, þá er riðlakeppnin búin og ljóst að margir spennandi leikir eru framundan í 16 liða úrslitum:

1: Danmörk vs. England. Hér munu Danir vinna sigur sem enskir fjölmiðlar munu í kjölfarið slá upp sem stórtíðindum þótt auðvitað sjái allir góðir menn að Danirnir eru bara flottastir og sigur þeirra sanngjarn. Það verður hinn íðilfagri Stig Töfting sem skorar fyrsta mark leiksins og Dennis Rommedal bætir öðru við um miðjan síðari hálfleik. Robbie Fowler kemur svo inn á á 80 mínútu og minnkar muninn fyrir England. Munu þá tjallarnir loks átta sig á því að hann er þeirra besti striker.

2: Tyrkland vs. Japan. Hér mun Hasan Sas baða japanina í wasabi og Tyrkir vinna sigur í baráttuleik 2-0. Að sjálfsögðu skora Sukur og Sas mörkin. Svo öruggur er ég um sigur Tyrkja að ég heiti því hér með að borða sushi viðbjóð ef spá mín rætist ekki.

3: Brasilía vs. Belgía. Þetta verður leikur þar sem Belgar munu gera sitt besta til að fremja fjöldmorð með leiðinlegri knattspyrnu þannig að áhorfendur deyja úr leiðindum í stórum stíl. Gagnast þó ekki þar sem brassarnir eru alltof góðir. Annaðhvort endar leikurinn 1-0 eða 4-0 fyrir brassana.

4: Mexíkó vs. USA. Mexíkanar spila skemmtilegan og einfaldan bolta og Blanco er hvílíkur töffari sem mun fífla kanann. Kanar eru leiðinlegir og allir góðir menn vilja sjá þá fara fjandans til. Og sú ósk mun rætast þegar Mexíkanar taka þá 2-1.

5: S-Kórea vs. Ítalía. Del Piero hlýtur að verða í byrjunarliðinu eftir markið í síðasta leik. Hann mun leika kóreumenn grátt. Þó ég hati ítali þá vona ég samt að þeir sigri þennan leik og hef fulla trú á að svo verði. Ég hata kóreumenn, það er ekki hægt að halda með liði þar sem allir líta eins út og heita allir óskiljanlegum nöfnum. Auk þess sem þeir geta ekkert í fótbolta og eina ástæðan fyrir tilveru þeirra í 16 liða úrslitum er heimavöllurinn. Ítalir vinna 1-0, Del Piero skorar á 36 mínútu og svo er pakkað í vörn. Helvítis ítalir!!

6: Svíþjóð vs. Senegal. Hér mun ég spá Svíum sigri þvert á minn vilja. Það væri nefnilega mjög gaman að sjá Papa Dioup, Diouf og Diao komast í 8 liða úrslit. Svíarnir eru þó held ég of seigir fyrir Senegalana. Leikurinn fer jafntefli 1-1 og svíar vinna í framlengingu eða vítakeppni.

7: Þýskaland vs. Paraguay. 0-0 verður svo sannarlega raunin hér enda bæði liðin á móti sóknarknattspyrnu. Að lokum verður svo hörkuspennandi vítakeppni sem ómögulegt er fyrir að spá. Þýskararnir eru seigari en fjandinn sjálfur en Chilavert er töffari sem bæði skorar úr vítum og ver þau. Það mun muna einu marki og það verður Chilavert sem skorar úr sigurspyrnunni.

8: Spánn vs. Írland. Spánverjar eru miljón sinnum sterkari á pappírum en þurfa að burðast með hrakfallasögu sína á bakinu sem gæti háð þeim eitthvað. Styrkleikamunur þessara liða er þó of mikill og spanjólarnir taka þetta 2-0. Raul mun eiga stórleik. Íra verður þó minnst fyrir hetjulega baráttu.


Að lokum er rétt að minnast á ófarir Portúgala sem eru áhyggjuefni enda skemmtilegt lið þar á ferðinni. Jafnframt held ég að Strumpur verði að útskýra eitthvað betur rökstuðning sinn fyrir því að Portúgalir verði heimsmeistarar.
Óli Njáll  15:16| 
link
------------------

13.6.02

Ekki gott
Ekki gerði ég mikið gagn í fótboltanum áðan. Stafar það af því að ég tók eitthvað vitlaust eftir leiktíma og mætti klukkutíma of seint. Enda töpuðu mínir menn 2-4. Svona fer þegar mig vantar enda er ég ofursvalur boltaspilari.
Óli Njáll  23:46| 
link

Hvílík ókurteisi
Já, ég á stórfurðulega vini, gott dæmi um það er maður að nafni Þórir Hrafn Gunnarsson. Hvað varðar dónaskap á msn þá gagnrýni ég harðlega alla þá sem sýna strumpnum vanvirðingu á þeim vettvangi enda er ljótt að gera grín að minni máttar.
Óli Njáll  23:45| 
link

Frí
Ég fór snemma heim úr vinnu í dag og var það ágætt. Ég var hálf þreyttur í allan dag. Það er ekki jafn ágætt.
Annars kíkti strumpurinn á mig í vinnunni í dag. Reyndar kom strumpurinn aðallega til að versla og í körfu hans mátti m.a. greina, lífrænt og sykurlaust kókópuffs, tofu, möndlusoyamjólk og túnfífladuft(jamm, við seljum í alvörunni túnfífladuft). Einnig keypti strumpur sér lífrænan og sykurlausan kóladrykk og telst því fallinn í kókbindindi sínu. Ef fólk hefur ekkert að gera við tíma sinn þá má það gjarnan kíkja á mig í vinnunni þar sem ég tek vel á móti fólki og upplýsi það um undraheima lífræna fólksins.
Óli Njáll  18:58| 
link

hljkl
Óli Njáll  18:54| 
link

Varúð
Ekki spila badminton í TBR húsinu þegar úti er 20 stiga hiti og glampandi sól. Badminton í gufubaði reynir þokkalega mikið á mann.
Óli Njáll  14:26| 
link

Tyrkirnir
Tyrkirnir komust að sjálfsögðu áfram í morgun ásamt Brössunum. Það er gott mál enda er Hasan Sas mikill snillingur. Það kom mér nú á óvart að hinn annars framsýni maður Kubilay Ataturk skyldi ekki spá Tyrkjum áfram. En hann veðjaði á rangan hest og hélt að Kosta Ríka gæti eitthvað. Nú hata ég ítali en hata þó Króata enn meira því ef þeir hefðu bara hundskast til að vinna Ekvador þá væru ítalir á leiðinni heim. En Mexíkóar eru flottir, þeir mega eiga það að þeir spila skemmtilegan bolta.
En nú er ljóst að slegist er um krafta mína næsta vetur milli hinna ýmsu stórstjarna Verzlunarskólans. Hvað á ég að gera? Ég stend náttúrulega við samning minn við Baldur en bæti kanski við mig eins og einum sögubekk. Úff, næsti vetur verður killer hvað vinnuálag varðar.
Óli Njáll  14:23| 
link
------------------

12.6.02

Farnir flatt
Núna, hafa kanski einhverjir farið flatt á því að spá S-Afríku titlinum. Ég virðist enn þurfa að ítreka að aldrei lýsti ég yfir stuðningi við S-Afríkumenn. En það er gott mál að Paraguay sé komið áfram, Chilavert rúlar!!!
Óli Njáll  19:04| 
link

Enginn er ég Dasgupta
Við skulum bara hafa það á hreinu að Wicketkeeper gærkvöldsins, þ.e. ég, gerði engin mistök. Aftur á móti var Indverski bowlerinn okkar alveg áttaviltur og kastaði iðulega ca. 4-5 metra til hliðar frá wicketinu. Og þótt vissulega þyki ég minna um margt á Sangakarra, hinn ofurgóða wicketkeeper Sri Lanka, þá eru nú takmörk hvað maður getur gert mörg kraftaverk á einum degi.
En Argentína féll út í morgun og Svíar komust í staðinn áfram og fagna því allir góðir menn (og Sverrir).Núna er allt útlit fyrir að Spánn og S-Afríka séu á leiðinni áfram og ljóst að enn hefur enginn farið flatt á því að veðja á S-Afríku. ÞAð skal þó taka fram hér að ég er alls enginn stuðningsmaður S-Afríku og spái þeim bráðum bana í 16 liða úrslitum gegn nazistunum.
Englendingar voru hundleiðinlegir í morgunn og óska ég þeim alls hins versta í leik þeirra gegn Dönum. Ég studdi Englendinga í upphafi þessa móts en þeir eru bara búnir að vera leiðinlegir og besti maðurinn er bara geymdur á bekknum meðan að gamla hækjan og Vassel fá tækifæri. Meðan fuglarinn sést ekki þá fá Englendingar engan stuðning frá mér. Danir eru aftur á móti bara mest kúl í heimi og munu verða heimsmeistarar.
Óli Njáll  14:03| 
link

Óður Indverji
Áðan voru allra þjóða kvikyndi samankomin í Elliðaárdalnum til að spila krikket. Letiblóðið Stefán lét þó hvergi sjá sig en íslendingar, bretar, indverjar, pakistanar og suður-afríkumenn skemmtu sér konunglega í góðu veðri við iðkunn á göfugustu íþrótt veraldar. Ég tók að mér hlutverk "gripils" sem enskir kalla "wicketkeeper" og stóð mig held ég ágætlega. Var einnig að sýna góða takta í battinu þegar einhver indverskur spinnerfjandi birtist og réðst á mig. Ég hata spinnera, þ.e.a.s. á móti mér, vissulega fíla ég Muralitharan en hann hefur ekki enn orðið þess heiðurs aðnjótandi að bowla gegn mér. Bowler dagsins er þó Lambkáli sem var alveg skelfilega bannvænn og hamraði stumpsa hægri vinstri. Michael Vaughan dagsins er aftur á móti Þór Steinarsson.
Óli Njáll  01:16| 
link
------------------

11.6.02

Hlýlegt
Mér finnst alltaf jafn hlýlegt þegar
kattarófétið kallar mig andskota sinn.
Óli Njáll  20:23| link

Hvaða,hvaða
Kolla virðist álíta mig rifrildishund hinn mesta vegna ritdeilu okkar Sverris. Ég ætla þó bara að vona að almenningur hafi nú áttað sig á að þetta var bara rökræða í góðum fíling þar sem engin illindi fylgdu. Hvað varðar óeðlilega bloggorku mína þá stafar hún einungis af of miklum frítíma. En það er kúl að blogga mikið. Og talandi um kúl, krikket er kúl eins og allir vita og krikket er einmitt núna eftir rúman hálftíma:)
Óli Njáll  20:21| link

Hræsnarar og eymingjar
Björgvin G og einhver heimskuleg snót frá samfylkingunni að ræða mannréttindabrot Kínverja. Þetta fólk væri hægt að taka alvarlega ef þau hefðu sömu skoðanir gagnvart mannréttindabrotum hvar sem er í heiminum en þar sem trantur þessa fólks er límdur við afturenda einnar hrottalegustu ríkisstjórnar í heimi, sem er einn mesti mannréttindaglæpon í heimi, þá flokkast þetta allt sem hræsnarar.
Ég mótmæli þó allur heilshugar komu Zemins hingað til lands og þeim mannréttindabrotum sem hann hefur staðið fyrir þótt ekki vilji ég mótmæla þeim í nafni hræsnara og eymingja.(lesist ungliðahreyfingar þrífokksins).
Óli Njáll  20:14| 
link

Hér er kominn gestur...
..segir prestur. Nei, hér er kominn gestur sem er prestur.
Óli Njáll  17:06| 
link

Nei kanski ekki
Þjóðverjar eru víst komnir yfir. Kanski bara ekkert í svo vondum málum.
Óli Njáll  13:41| 
link

Í vondum málum
Þjóðverjar eru í vondum málum núna einum færri. Ekki myndi ég syrgja það að þeir detti út þótt ekki sé mikið gleðiefni að fá Íra og Kamerúna áfram. En ef Þýskararnir detta út hafa 3 fyrrum heimsmeistarar dottið út á einum degi og aðeins 4 eftir í keppninni og þar af aðeins 1 þjóð örugg áfram. Framhaldið verður spennandi. En núna er hm áhugi minn vaknaður af fullum krafti og ljóst að vaknað verður snemma í fyrramálið til að horfa. Eru ekki mínir menn í Englandi á morgun? Það er kominn tími á að Owen skelli þrennu svo ekki sé minnst á ofurstrikerinn Emile Heskey.
Óli Njáll  13:40| 
link

Jæja
Án þess að ég nefni nokkurn mann á nafn þá er gott til þess að vita að sumir spái þjóðverjum Jules Rimet bikarnum. Hann hefur nefnilega ekki sést síðan honum var stolið árið 1983. Já, það er alltaf gaman að hafa staðreyndirnar á hreinu.
Óli Njáll  13:35| 
link

"Seint koma sumir...
..en koma þó." Svo mælti Össur Skarphéðinsson í morgun þegar Ágúst B. Flygenring gekk í Samfylkinguna eftir að hafa sagt sig úr HÍF(Hinum íslenska fasistaflokki)
Óli Njáll  12:01| 
link

Svangur
Mér hefur ekki enn verið boðið í
köku, spurning hvernig ég á að taka því. Kanski er Hilma bara svona upptekinn í golfinu eða glápandi á boltann. Hver veit?
Óli Njáll  11:59| link

Allt búið
Jæja, Sverrrir virðist nú vera orðinn ansi pirraður á mótstöðunni sem hann hefur fengið á þessum bænum. Það er nú leitt ef hann tekur þetta inn á sig enda er Sverrir goðið mitt og ekki vil ég styggja hann. Mun ég því ekki svara meira af boltaröfli Sverris opinberlega og snúa skrifum mínum í átt að einhverju skemmtilegra.(reyndar finnst mér mjög gaman inn á milli að rífast um tilgangslausa hluti líkt og knattspyrnu). Sverri þakka ég þó fyrir hressilega deilu og býð hann velkominn í heimsókn að horfa á bolta einhvern daginn.
Óli Njáll  11:55| 
link

Strumpidístrump
Jæja, líkt og ég tjáði Þóri í gær þá voru Frakkar flengdir og sendir heim. Ánægja mín yfir því er gríðarleg, bæði vegna þess að Danir eru kúl og Frakkar eru óþjóðalýður. Senegalar komust einnig áfram og því fagna allir góðir menn. Þessi riðill fór sumsé nákvæmlega eins og ég vonaði þótt ekki hafi ég haft mikla trú á þessu fyrir mótið.
Ég er þrjóskur maður og held því áfram að mótmæla aumum málflutningi Sverris Jakobssonar.
1. Ég er ekki hatursmaður franskrar knattspyrnu heldur fyrirlít ég Frakkland, Frakka og allt sem franskt er. Og málflutningur Sverris er nú alveg hrottalega aumur í þessari færslu. Hvers vegna ætti ég ekki að lesa mér til um hvað er að gerast í knattspyrnuheiminum, Frakkland þar meðtalið? Skiljanlega er þetta erfitt fyrir Sverri sem augljóslega er ekki jafn fróður um stöðu knattspyrnumála í heiminum og hann vildi. Ég les greinar um knattspyrnu jafnvel þótt þær fjalli um franskan bolta, líkt og ég hef kynnt mér Sjálfstæðisflokkinn og stefnumál hans þótt ekki sé ég fasisti. Sverrir er því miður bara fastur í hundalógík sem er sorglegt ástand fyrir jafn greindan dreng og hann.
2. Sverrir reynir að klóra yfir slæma tilraun sína til að hagræða tölfræðinni. Sést á því að hann reynir ekki að verja fyrri ákvörðun sína um að henda út þeim stökum sem ekki hentuðu hans málflutningi heldur fer að gagnrýni eitt stak af sextán og væla yfir enska bikarnum. Ekki man ég statístik yfir hann en vel getur verið að á einu sviði hafi Scumararnir yfirhöndina gegn okkur Poolurum. Hvað varðar samlíkingu við Fram þá bendi ég á miljón ára titlaþurrð United á sínum tíma. Okkar bið er ekki orðinn helmingur af henni.
3. Ekki veit ég hvernig Sverrir fær þá hugmynd að velta fyrir sér samhengi Pele og tæklinga í knattspyrnu. Minnir útúrsnúningur hans helst á framsóknarmann í vikjunarumræðu. Jafnframt taldi ég upp fyrir hann 5 núverandi landsliðsmenn Brasilíu sem eru óumdeildir snillingar á knattspyrnusviðinu. Upphrópanir hans um "einu sinni var" og eitthvað í þeim dúr er því fremur óskiljanleg í ljósi þess að ég nefndi bæði forna leikmenn og núverandi. En eins og áður segir þá má Sverrir alveg hafa annað fegurðarmat á knattspyrnu Brasilíumanna en ég.
4. "Portúgal er smáþjóð í knattspyrnuheiminum". Þessa órökstuddu fullyrðingu mátti lesa hjá Sverri nokkrum Jakobssyni. Nei, afsakið það komu rök sem voru þau að inn á milli detta portúgalir niður eins og smáþjóða er siður. Nú skulum við taka þessa röksemdafærslu sem heilagan sannleik og nota afleiðutækni. Ein er sú þjóð í knattspyrnuheiminum sem ekki tók þátt á heimsmeistaramótinu í Bandaríkjunum vegna slælegs árangurs í undankeppni þar sem Búlgarir slóu þá út á dramatískan hátt. Fjórum árum síðar varð þjóðin heimsmeistari í knattspyrnu. Og nú fyrir stuttu síðan datt þjóðin út í riðlakeppni hm, án sigurs og án þess að skora eitt einasta mark. Með röksemdafærslu a la Sverrir er þetta smáþjóð í boltanum þar sem hún dettur niður á milli þess sem hún nær góðum árangri. (enda er smáþjóða siður að vera með of gamla leikmenn, t.d. Desailly, Lebouf o.fl.). Allir sammála?
5. Og síðast þegar ég frétti var ekki herforingjastjórn í Tyrklandi.

Ég vaknaði hálf sjö í morgun til að horfa á afhroð Frakka. Að vakna fyrr væri ómannúðlegt og hyggst ég því ekki fara að tilmælum Sverris um að vakna fyrr.
Óli Njáll  10:16| 
link
------------------

10.6.02

Frí
Ég var í fríi í vinnunni í dag og á víst líka frí á morgun þótt ég sé að spá í því að mæta. Sé bara til hvernig stuði ég verð í. Annars kíkti ég í dag upp í skóla að sækja ritgerðirnar mínar og kíkja á vorprófin. Það var náttúrulega segin saga að mínir kennarar voru ekki á staðnum en flestir aðrir voru þar þannig að ekki fékk ég mín próf. Náði þó í ritgerðirnar mínar. Kötturinn gaf mér ekki góða umsögn um röflið sem ég reit um Snorra en ekki erfi ég það við hann enda var þetta krapp hið mesta. Mér finnst eiginlega stórmerkilegt að fá 7,5 fyrir þetta. Mun skemmtilegri var umsögn Önnu um ritgerðina mína um frönsku byltinguna þar sem einungis vantaði fleiri heimildir til að tryggja mér ágætiseinkunn. En í fyrramálið kíki ég svo til Önnu til að skoða prófið. Anna er einmitt einn af mínum uppáhaldskennurum, er soldið eins og framhaldsskólakennari í háttum en mjög fín samt. En hvaða kennarar skyldu vera bestir:
1. Helgi Þorláksson er snillingur mikill og hljóp upp metorðastigann eftir að kennslu var lokið og ég fór að spjalla við hann á söguþinginu.
2. Anna Agnarsdóttir eins og fyrr segir er eitt af mínum uppáhöldum.
3. Már Jónsson er maðurinn með vondu áhugamálin en er samt mjög fínn kall og gaman að honum.
Jamm þetta er bráðabirgðalisti. Ýmsir fleiri gera tilkall til topp 3 listans og verður hann uppfærður reglulega næsta vetur. En hverjir skyldu vera verstir?
1. Maðurinn sem kennir sína tíma klukkan 8 á föstudagsmorgnum hlýtur að gera tilkall til þess. Slík undarlegheit dugðu reyndar til að hrekja mig í burtu strax í fyrstu vikunni þannig að kanski er ekki rétt að dæma kennsluhæfileika hans á þessu stigi.

Skynsemi mín segir mér að hættulegt gæti verið að birta fleiri nöfn á þessum lista þannig að það verður ekki gert. Guð má vita hver les þessa síðu.
Óli Njáll  22:36| 
link

Heimska fólk
Elísabet 2, drottning Breta, á ekki fimmtíu ára krýningarafmæli í ár, heldu á næsta ári. Í ár er verið að fagna fimmtíu ára valdaafmæli Betu þar sem hún tók við af föður sínum Gogga sjötta árið 1952. En samkvæmt ævafornum reglum eru breskir konungar(eða drottningar ef því er að skipta) ekki krýndir fyrr en ári eftir dauða síðasta konungs. Elísabet 2 var krýnt þann 2. júní 1953.
Óli Njáll  20:08| 
link

Af hverju eyði ég tíma mínum..
...í að ræða um fótbolta við mann sem augljóslega hefur ekkert vit á honum? Góð spurning en eins og áður segir þá hef ég ekkert við tíma minn að gera.
1. Tilgangur með lið númer eitt var að benda á það að hrokafullu þjóðirnar hafa efni á því enda eru þeir bestir. Ég styð hroka en menn verða þó að passa sig á hrokanum því menn geta brennt sig. Og ef menn ætla í aumingjalegt röfl um Scum Utd. þá bara minni ég á 18 titla Liverpool móti 13 hjá þeim(man nú ekki nákvæmlega töluna, gæti skeikað 1-2) og í öðru lagi hverjir enduðu ofar í deildinni síðast og í þriðja lagi hvernig hafa síðustu 5 viðureignir liðanna endað. Og ef við höldum áfram 4 evrópumeistaratitlar móti 1. Já, það ætti sagnfræðingurinn að vita að sagan nær lengra aftur í tímann en 10 ár, scumurum til mikillar armæðu
2. "Aldrei að láta stjórnarfar í viðkomandi landi hafa áhrif á sig, enda mundi maður þá bara halda með Norðurlöndunum." Þetta er nú bara orðrétt tekið frá Sverri. Úr þessu er ekki annað hægt að lesa en dálæti Sverris á dönskum fasistum. Kanski var hann bara búinn að gleyma fasistastjórn Danmerkur þegar hann reit þessi orð en yfirklór hans er svo máttlaust að farlama geðveikur köttur gæti klórað betur yfir eigin skít.
3. Pele, Romario, Socrates, Jariziniho, Garincha og svo nokkrir nýjir t.d. Ronaldo, Rivaldo, Ronaldinho, Roberto Carlos, Cafú. Þetta er minn rökstuðningur fyrir því að Brassar spili skemmtilegan bolta. Þarf ég líka að telja upp Argentínumenn? Vissulega er þetta þó smekksatriði, til eru menn sem eru á móti tæklingum í fótbolta og hafa því væntanlega annað fegurðarmat á knattspyrnu en ég. Mexíkó 86 voru á heimavelli og þá staðreynd þarf augljóslega að reikna inn í dæmið, svipað og Suður-Kórea og Japan núna, en þau lið geta ekki skít en njóta heimavallarins. Hvað varðar Paraguay, eitt af mínum uppáhaldsliðum sökum Chilaverts, þá spiluðu þeir afskaplega skynsamlega á hm í Frakklandi. Þeir þekktu sína veikleika og styrkleika og spiluðu eftir því. Fótbolti snýst nefnilega ekki alltaf um að hafa bestu mennina heldur um það að nýta það sem menn hafa og spila eins og lið. Og að lokum hafa Brassar skorað 6 mörk í 2 leikjum núna sem hlýtur að teljast ásættanlegt sóknarlega séð, þeir spila þó aðvitað vörn líka enda aðhyllast þeir ekki tæklingalausan fótbolta fremur en nokkrir aðrir knattspyrnuunnendur.
4. "Alltof margir hafa farið flatt á því að veðja á Nígeríu eða Suður-Afríku sem komandi heimsmeistara." Enn vitna ég beint í Sverri. Nú ætti íslenskufræðingurinn bróðir hans að geta bent honum á merkingu orðtaksins "að fara flatt á einhverju". Enn hefur enginn farið flatt á því að veðja á Suður-Afríku enda liðið enn með í keppnini og á mjög góða möguleika á ´sæti í 16 liða úrslitum, ekki geta þeir að því gert móti hverjum þeir lenda í riðlakeppninni. Einnig má benda á það að sárafáir knattspyrnuspekingar hafa veðjað á S-Afríku eða Nígeríu í þessari keppni nema Sverrir geti sýnt mér einhvern fjölda þeirra(þeir knattspyrnuspekingar eru væntanlega líka á móti tæklingum). Og hvað meinar maðurinn með stórþjóðir, ef um fólksfjölda er að ræða þá ættu menn líka að hafa óbilandi trú á Kína, Indlandi og Indónesíu. Sorry, Sveppi. Íbúafjöldi landa er ekki ráðandi þáttur hvað varðar knattspyrnugetu og það vita allir sem vit hafa á knattspyrnu. Hvað Senegal varðar þá þarf góður árangur þeirra núna ekki að koma á óvart(þótt sigur á Frökkum hafi vissulega verið framar vonum) gott gengi senegalskra knattspyrnumanna í frönsku fyrstu deildinni hefur leitt til þess að fjölmargir knattspyrnuspekingar(þ.e. spekingar sem líta á tæklingar sem hluta af leiknum) höfðu spáð hröðum uppgangi senegalska landsliðsins.
5. Jæja, er Portúgal smáþjóð í knattspyrnuheiminum? Svona ummæli eru ekki svaraverð enda verður þeim ekki svarað hér.
6. Hvað meinar maðurinn með það að Hollendingar hafi haft besta liðið en samt ekki sigrað. Það er nú frekar erfitt að halda því fram að eitthvert eitt lið sé það besta í heiminum hverju sinni. Hvernig ætlar Sverrir að færa rök fyrir því að þeir hafi verið bestir? Þunnildi og röfl segi ég nú bara.
7. Í tölfræði er augljóst að Sverrir hefur numið sín fræði hjá Dananum Lomborg(tengist kanski dálæti hans á dönskum fasistum). Af hverju síðustu 10, af hverju ekki tólf, þá ríkur hlutfallið upp í 5/12 úr 3/10. En þar sem stökin eru svona fá, einungis 16 talsins þá er aumkunarvert að reyna að sleppa þeim sem ekki henta manni. 7/16 er staðreyndin.
8. Umfjöllunin um hið forna ríki var nú einungis hliðarspor en í upplýsingum frá FIFA eru heimsmeistarar 1954, 1974 og 1990 skráðir West Germany. Í keppnum eftir það er talað um Germany. En þetta er þó tilgangslaus útúrdúr.
9. Og bara til að mótmæla síðasta liðnum. Víst, á móti skítlegum frökkum og ítölum má halda mað Þjóðverjum. Hamann er kúl og krikket líka.
Óli Njáll  17:20| 
link

Boltabull
Á fáum hef ég minna álit á þegar kemur að knattspyrnu en Sverri Jakobssyni og eru fyrir því tvær ástæður. 1. Hann er Frammari og 2. hann vill ekki hafa tæklingar í fótbolta sem er jafngáfulegt og að spila fótbolta án bolta. Að sama skapi gef ég lítið fyrir umfjöllun hans um hm. Og nú verða liðir raktir í sömu röð og hjá sveppnum:
1. Hrokafullir evrópumenn eru í flestum tilvikum bestir í boltanum.
2. Hvað getur talist jákvætt við fasíska ríkisstjórn Danmerkur er mér gersamlega hulin ráðgáta.
3. Argentína og Brasílía eru ævinlega með góð lið og spila skemmtilegan bolta, önnur ameríkulið valda iðulega vonbrigðum, dæmi Kólumbía 94. Að tala um óverðskuldaðan árangur annara ameríkuþjóða er augljóst bull.
4. ok, sammála.
5. Suður-Afríka er í góðum málum og taplausir enn á hm með 4 stig. Hvernig einhver hefur farið flatt að veðja á þá skil ég ekki alveg. Senegal er annað dæmi um afríkulið sem stendur sig vel(enda með 2 liverpool menn innanborðs), þeir hljóta landfræðilega að vera flokkaðir líkt og Nígería enda liggja löndin ca. á sömu breiddargráðu.
6. Í knattspyrnuheiminum er Portúgal ekki smáþjóð og það kæmi ekki nokkrum manni með vit á knattspyrnu á óvart þótt þeir kæmust í undanúrslit.(þótt þeir séu að gera sitt besta við að klúðra sínum málum)
7. Hollendingar eru ekki með en stóðu sig alveg fantavel á síðasta hm.
8. í 7 af 16 skiptum sem hm hefur verið haldin hefur þjóð unnið sem ekki hefur unnið áður. Þetta gerðist síðast árið 1998. Það er nærri því annað hvert skipti. Þess má jafnframt geta að Þýskaland hefur aldrei orðið heimsmeistari, einungis hið forna ríki V-Þýskaland.
9. Gegn skítaliðum líkt og Frökkum og Ítölum má halda með hverjum sem er, jafnvel Þjóðverjum. Hamann er kúl.

jæja, þá er ég búinn að blaðra um gersamlega tilgangslausa hluti sem benda til að ég viti ekkert hvað ég á af mér að gera. Best að halda áfram að horfa á Pólverjana tapa.
Óli Njáll  12:57| 
link
------------------

9.6.02

Svona fór um sjóferð þá.
Óli Njáll  23:34| 
link

Ble
Undarlegir dagar líða hjá en lífið heldur víst áfram. Hvað ég hef gert af mér undanfarin kvöld hefur fólk getað lesið á hinum ýmsu bloggsíðum og óþarfi að bæta einhverju við hér. Nema ef kanski væru stórgóð ummæli Stefáns í gærkvöldi: "Við eigum ekki að hleypa Falun Gong inn í landið. Þeir geta bara mótmælt heima hjá sér."
Óli Njáll  15:15| 
link
------------------




Powered by Blogger