23.3.02

hahaha
Man.Utd. tapaði áðan fyrir Middlesboro á heimavelli sem er hið besta mál. Titilinn verður okkar í vor.

En svo við kryfjum nú Gettu Betur keppni ársins 2002 þá er ljóst að hún fær falleinkunn hjá mér. Aldrei í sögunni hafa jafn léleg lið mæst í úrslitum og nú. Einnig fannst mér Eggert ekki vera að meika það sem dómari, ágætis spurningar inn á milli en á heildina litið fremur lífllausar og óspennandi spurningar. Vandamál keppninnar í ár er náttúrulega það að allir sem gátu eitthvað í fyrra útskrifuðust. Í ár var því í raun enginn mjög góður keppandi í neinu liði(í fyrra voru Sæmundur og Sverrir T mjög góðir) einnig vantaði alla karakterana(Í fyrra Eyjólfur hinn Selfiski og jafnvel Hjalti skræpótti) þó reyndar hafi Stefán bóndi átt sína spretti í ár. Einnig vantaði algerlega Verzlunarskólann í sjónvarpið en menn geta svo sem deilt um hvort það sé löstur á keppninni. Það er vonandi að þetta verði betra á næsta ári því annars er þessi keppni deyjandi hlutur.
Óli Njáll  18:49| link

Friðbjarnarfarsinn
Gaman að sjá fá linkinn hjá Ágústi á síðu Friðbjarnar Orra og sjá hvílíku hugarangri þetta hefur valdið greyinu. Allavega sér hann ástæðu til að líkja mér við Stalín og vara þjóðina við mannasiðakennslu af minni hálfu. Ætli þau ummæli segi ekki meira um hann en mig.

Annars er það helsta vandamál skólakerfisins hversu litla virðingu nemendur bera fyrir námi sínu, kennurum og skólareglum. Ég hef þá kenningu að þetta sé afleiðing þess hversu linir kennarar eru við að halda uppi aga. Þessu er nefnilega auðvelt að breyta. Ég er nú nýskriðinn út úr framhaldsskóla og kannast því enn við þann anda sem þar ríkir. Þar viðgengst allskonar ókurteisi og dónaskapur gagnvart mörgum kennslumanninum. Ekki voru þó allir kennarar linir í að halda uppi reglu í sínum tímum, gott dæmi eru enskukennararnir Friðrik Sigfússon og Jónína Ólafsdóttir. Þau einfaldlega leggja fram á hreinskilinn hátt þær siðareglur sem gilda hjá þeim á hausti og guð forði þeim sem óhlýðnast. Þetta eru jafnframt einhverjir bestu kennarar sem ég hef haft því maður tekur eftir því sem þau eru að segja. Já, stalínskur agi er ekki svo slæmur að öllu leyti. Annars er það helst að frétta úr VÍ að StefánEinar.com var kosinn féhirðir með helmingi atkvæða. Til hamingju með það.

Og mr vann víst Gettubetur aftur í gær. Þeir fá engar hamingjuóskir af þessum bænum.
Óli Njáll  13:33| link ------------------

22.3.02

namminamm
Liverpool fékk Leverkusen í 8 liða úrslitum meistaradeildar. Ég er nokkuð sáttur við það þó að Utd hefði verið draumadrátturinn. Áfram Liverpool.
Óli Njáll  13:00| link

Erfitt líf
Nú er ég að sýna nemendum myndir um kalda stríðið í þriðja skipti í dag. Ég er því búinn að fá smá leið á þessum myndum og hangi á netinu á meðan krakkarnir horfa. Kanski ég skelli mér bara í tetris.
Óli Njáll  12:37| link ------------------

21.3.02

Söguþing 2002
2. íslenska söguþingið verður haldið nú um mánaðarmótin maí-júní og stendur í 3 daga. Sem upprennandi fræðimaður(þó ég kunni sama og ekkert í dönsku) er ég að spá í að skella mér þangað. Þarna verður margt spennandi en ljóst að besta málstofan hlýtur án efa að vera "Sjálfsmynd andspænis framandleika" enda mun þar hinn kyngimagnaði fræðimaður, sem þekktastur er án efa fyrir margslungin skrif sín um Tyrki, Sverrir Jakobsson halda erindi sem nefnist "Sjálfsmynd og óvinarmynd. Andhverfur eða hliðstæður?." Einnig verður eflaust sitt hvað fleira skemmtilegt þarna á boðstólum, allavega lofar Guðmundur Jónsson prófessor að þarna muni áfengi fljóta í stríðum straumum ofan í ráðstefnugesti sem hlýtur að teljast hið besta mál. Skál!
Óli Njáll  17:14| link

skrambinn
Ætli ég haldi ekki bara heim á leið í hádeginu. Þetta er ekki að meika það.
Óli Njáll  11:13| link ------------------

20.3.02

Dauður
Ég kom heim eftir kennslu og lagði mig í 3 klukkutíma, kvefið er alveg að fara með mig og ég held ég sé jafnvel með hita. Það er alls ekki gott mál. Það verður þó engin leti heldur verð ég mættur í skólann klukkan 8 í fyrramálið og verð á fullu langt fram eftir degi.

Í dag var ég svo klagaður til námsráðgjafa, stórvinur minn í 5-E, var ekki sáttur við sín mál. Ætli ég treysti ekki á að hann hafi lært sína lexíu á þessum aðgerðum og fái jafnvel að sitja í næsta tíma sem er á föstudaginn. Fer þó væntanlega allt eftir skapi mínu þann daginn og þetta verður geðþóttaákvörðun frá helvíti.

Annars var kosningabaráttunni í Verzló að ljúka í dag, frambjóðendur kepptust við að dæla út kökum, nammi og ýmislegum varningi en mér tókst að standast freistingarnar og halda mig við mitt holla matarræði, í staðinn fyrir kökur fékk ég mér pastasalat á kennarastofunni í boði öðlingsins Eiríks sem splæsti á mig matarmiðum. En kosningarnar hefast sum sé á morgun og mín skilaboð til umheisins "x-Stefáneinar.com"
Óli Njáll  20:53| link

Fundahöld
Jæja, áðan sat ég minn fyrsta deildarfund sögudeildar í VÍ. Þar spjölluðum við undir styrkri stjórn hins magnaða deildarstjóra Árna Hermannssonar um kensluna fram að prófum, ég hafði engar sterkar skoðanir á því máli enda verð ég ekki þarna eftir páska. En það er stuð að sitja hádegisfundi.

Í morgun var mér svo hótað því af nemendum að vera klagaður í námsráðgjafann, hana Klöru. Eitthvað fannst mönnum það hörkuleg viðbrögð hjá mér að meina óþægum dreng, sem hafði í tímanum áður labbað út úr tíma til að tala í síma, að sitja í tímanum hjá mér. Ég bað hann vel að lifa og vera úti þar til hann kynni mannasiði. Það þarf að aga þessa gríslinga.

Annars er ég þreyttur núna. Er að fá eitthvað skelfingar kvef sem er ekki að meika það. Hvar er nú kveflyfið nýja?
Óli Njáll  13:00| link ------------------

19.3.02

8
Liverpool er þá komið í 8 liða úrslit Meistaradeildarinnar eftir að hafa rúllað upp Rómverjum 2-0 með mörkum frá ofurfinnanum Litmanen og Markamaskínunni. Nú verður gaman að fylgjast með framhaldinu en ég held að Liverpool hirði bara dolluna að þessu sinni. Þetta var skemmtilegur leikur, Liverpool var að spila stórskemmtilegan bolta og "El Capitan" var bara farinn að æða upp vinstri kantinn, sóla menn og gefa fyrirgjafir. Ég er stolltur af stráknum. Einnig var gaman að sjá Houllier mættan aftur á bekkinn og greinilegt að það hafði góð áhrif á liðið. Houllier er kóngurinn.
Óli Njáll  21:51| link

Sauðkindin
Blessuð sauðkindin var víst vond við birkið í jöklarannsóknum á Grænlandi á 11. öld borið saman við mannfjölda og kornrækt á heiðum uppi miðað við máldaga og eignarskrár.
Óli Njáll  13:56| link

8:00
Ég gersamlega ekki meika 8:15 tíma þessar vikurnar. Mér er fyrirmunað að vakna í þannig ósóma og asnalegheit. Ef tímarnir byrjuðu klukkan 9 þá væri allt miklu betra. Hvað er ég annars að kvarta það er bara einu sinni í viku sem ég þarf að mæta svona snemma þar sem ég hafði vit á því að segja mig úr kúrsinum "Heimur Miðalda" þar sem geðveikir kennarar hafa tímann klukkan 8 á föstudögum:)
Óli Njáll  09:16| link ------------------

18.3.02

Klikkað lið
Nú er Indverska löggan bara búinn að lemja Harbjahan Singh. Það er nú ekki allt í lagi hjá þessu fólki.
Óli Njáll  18:01| link

Prófblogg
Núna sit ég yfir prófi hjá 6-S í mannkynssögu. Það að spila tetris og horfa á nemendur brjóta heilann er bara gaman. En með tilliti til þess að ritgerðarefnið er Rússland 1860-1922 hvað er þá meira við hæfi núna en "LIFI BYLTINGIN".
Óli Njáll  14:29| link

Stolt
Nú er ég ferlega ferskur og stolltur af sjálfum mér. Vaknaði klukkan hálf átta í morgun til að fara að kenna einn tíma og náði að standast freistinguna að leggja mig eftir hann, á ekki að kenna aftur fyrr en hálf eitt og er bara í tsjilli með Milli Vanilli þangað til. Annars kíkti ég í bíó í gær á þá ágætu mynd Svartur haukur niður sem var hinn ágætasta skemmtun. góðar stríðsmyndir eru alltaf í uppáhaldi hjá mér og þessi fellur undir þá skilgreiningu. Hin vonda síða kvikmyndir.com gefur þrjár stjörnur sem er alveg sanngjarnt og stórmerkilegt miðað við að Guðjón kallinn dæmir myndina. Honum tekst þó að hafa gagnrýnina leiðinlega að vanda en ég held bara að maðurinn geti ekkert við þessu gert.
Óli Njáll  11:18| link ------------------