2.3.02

Árshátíð
Nú í dag er árshátíð Fróða, sem haldin er ásamt hinum ýmsu félögum, íslensku, líffræði og einhverjum fleiri í skíðaskálanum og ekki minni menn en Geirfuglarnir og Óli Palli munu halda uppi fjörinu. Menn ætla víst að taka daginn snemma og hefja leik í Keiluhöllinni á hádegi. Ég held ég haldi mér í hæfilegri fjarlægð og leggi mig frekar þegar ég er búinn að vinna.En svo verður djammað í kvöld.
Óli Njáll  08:25| link ------------------

1.3.02

Kjarakaup
Nú styttist í að stórritið Hugsjónamaðurinn eftir hinn virta fræðimann Óla Njál Ingólfsson verði fáanlegt á almennum markaði. Verð ritsins er 1500 krónur og er hægt að leggja greiðsluna inn á reikning 61080 í aðalbanka búnaðarbankans.
Óli Njáll  20:28| link

YES
Þá er ég búinn. Klukkan er 6 og klukkutími í deadline. Ég held ég hafi aldrei afkastað jafn miklu á einum degi allan minn skólaferil. Guðmundi Jónssyni óska ég til hamingju með að fá að lesa þetta meistaraverk um helgina sem ég gaf titilinn: Hugsjónamaðurinn.
Óli Njáll  18:03| link

Meiri snilld
Vilmundur var bara snigld.(já, það er g í orðinu snigld) vitnum í Alþýðublaðið: "Tíminn svaraði fyrir sig í aukaleiðara blaðsins. Að vísu telst höfundur þeirra orða ekki til mestu mannvitsbrekkna norðan Alpafjalla, en söm voru orðin."
Óli Njáll  14:49| link

4
Ég er kominn á síðu 4 í ritgerðinni minn. aðeins 6 og hálf eftir.
Óli Njáll  10:48| link

Vilmundur
Vlmundur var snillingur sbr. eftirfarandi tilvitnun: "Það er óskemmtilegt en engu að síður áþreifanlegt, að í gegnum flokkakerfið allt gengur eins konar fimmti flokkur. ... Þetta fólk er ekki margt en ótrúlega samhentur hagsmunahópur. Leikreglur og siðferði er honum lítils virði. Leyfin, aðstaðan, víxlarnir og hæfileg spilling með sem viðfeðmastri þátttöku er honum allt. Þessi fimmti flokkur, sem gengur í gegnum flokkakerfið allt, og hefur víða bitið sig fastan innan á báknið, er samt samheldinn. Það hefur síðustu misseri orðið óvenju opinbert hvernig fimmti flokkurinn hefur orðið áberandi í Framsóknarflokknum með Kristni Finnbogasyni og jafnvel Alfreð Þorsteinssyni. Það er þó sennilega vegna þess að þeir eru óvenju áberandi persónur, hvor á sína vísu."

Já, Alfreð kallinn greinilega jafn flottur 77 og hann er í dag.
Óli Njáll  10:09| link ------------------

28.2.02

Herkvaðning
ASAT samtökin hafa ákveðið að taka til umhugsunar umsóknir óbreyttra borgara sem vilja ganga í samtökin. Er þetta gert til að tryggja sem best stöðu samtakana á þeim viðsjárverðu tímum sem við lifum hér stuttu fyrir byltinguna. Áhugasamir geta sent póst á oni@hi.is, þ.e. mig, eða varaformann Brynjólf Flygenring á iaflyg@if.is
Óli Njáll  18:12| link

Fífl
Best að vitna í verkfræðinema: "Af hverju er farið með okkur í verkfræðideildinni eins og einhverja gagnslausa heimspekinema." Svona maður hlýtur að vera fífl það þarf ekkert að hafa fleiri orð um það. Meira að segja of vitlaus til að láta setninguna enda á spurningarmerki eins og venjan er með spurningar.
Óli Njáll  15:46| link

Guðmundur góði
Guðmundur Arason biskup var magnaður maður og um hann til nokkrar heimildir. Þess má einmitt geta að margar þær heimildir sem nú eru til eru taldar unnar upp úr glötuðu riti eftir Lambkár Þorgilsson. Lambkár þessi er einmitt í miklu uppáhaldi hjá vissum mönnum sem ganga meira að segja svo langt að herma eftir nafn hans þó með smávægilegum breytingum.
Óli Njáll  11:35| link

Enn ein snilld
Er ekki við hæfi að vísa á þetta vefrit í tilefni þess að í dag er fimmtudagur og allir hugsandi menn eiga að vita hver skrifar á fimmtudögum.
Óli Njáll  11:19| link

æææ
Guðmundur Hálfdanarson var virkilega fúll yfir því að enginn skildi lesa heima fyrir tímann í dag og sleit tímanum 15 mínutum fyrir 10 og var illur ásýndum. Ætli maður hundskist ekki til að lesa smá fyrir næstu viku.
Óli Njáll  10:21| link ------------------

27.2.02

Stór mistök
Ég gleymdi víst að sýna Brynjólfi Flygenring hin stórmerku klósett í Árnagarði í túrnum í dag. Það vita það nú allir sem þau hafa séð að þau eru ekki af verri endanum og enginn skortur á þeim enda er klósettið á jarðhæðinni stærra en kaffistofan og þá er ég bara að tala um karlaklósettið. Í raun er alveg fáránlega miklu plássi eytt í klósett í þessu húsi, en ef við lítum á jákvæðu hliðarnar þá getur það bara komið sér vel að
Óli Njáll  20:15| link

Hrepparígur
Gummi Jóh er ekta íslendingur, uppfullur af hrepparíg. Hvernig hægt er að halda því fram að 109 sé klassa fyrir ofan 111 er náttúrulega alveg óskiljanlegt. Reyndar játa ég að syðri hluti 111, þ.e. fellahverfið er versti staður í veröldinni.
Óli Njáll  13:41| link

Annars flokks fag
Stjórnmálafræði gerir greinilega engar kröfur til nemenda, þetta er staðreynd. Ef einhver efast um þessa fullyrðingu ráðlegg ég honum að fara á hlöðuna og skoða B.A. ritgerð Kristínar Sigurðardóttur frá 1991 sem fjallar um kosningastefnuskrár og stjórnarsáttmála 71-87. Hvílíkt drasl. Þetta er með ólíkindum léleg ritgerð. arg.
Óli Njáll  13:37| link

Er einhver á sýru
Íþróttafréttamenn moggans verða seint taldar miklar mannvitsbrekkur sérstaklega ekki sá sem skrifaði umfjöllun um leik Galatasary og Liverpool í morgun. Hann heldur því fram að Liverpool hafi verið heppið að ná stigi því heimamenn hefðu verið meira með boltann. Maðurinn hefur greinilega ekki horft á leikinn því ég taldi 4 skipti maður á móti manni færi sem Liverpool klúðraði(Smicer 2, Owen 1, Riise 1) auk þess sem við áttum nokkur langskot. Þetta voru mun betri færi en tyrkjahundingjarnir sköpuðu sér. Mogginn fær falleinkunn í dag.
Óli Njáll  10:48| link ------------------

26.2.02

Ó, blessað Breiðholtið
Það er meira hvað menn eru hrifnir af æskustöðvunum í Breiðholtinu þessa dagana. Ég sem háfjallabúi í Efra-Breiðholtinu skil þetta svo sem að hluta, þetta er ágætis staður en um leið og maður hefur búið annars staðar áttar maður sig virkilega á göllum staðarins. Þetta er út í sveit. Mér finnst ekkert gaman að þurfa 20 mínútur til að komast niður í skóla á morgnana, að skjótast eitthvert er orðatak sem er ekki til á þessum bænum, fjarlægðir eru mældar í ljósárum. Sérstaklega pirrandi ef maður er kominn niður í bæ og áttar sig á því að maður hefur gleymt einhverju og þarf að eyða 30-40 mínútum til að "skjótast" heim. Það er líka ókostur að það kostar 16-1800 krónur að fara í leigubíl úr bænum. Þannig að Breiðholtið væri hinn ágætasti staður ef það væri í Vatnsmýrinni.
Óli Njáll  22:17| link ------------------

25.2.02

Nóg komið
Nú heldur Njallinn heim á leið, uppgefinn af löglegum en siðlausum hlutum og umfram allt geysilega óánægður með íslensk stjórmál og þá sérstaklega að undanförnu.
Óli Njáll  19:00| link

Alveg klikk
Egill Helgason hefur óumdeilanlega misst þá litlu virðingu sem hann átti eftir hjá mér með því að velja kvikmyndir.com tengil vikunnar hjá sér. Er ekki allt í lagi heima hjá manninum???? Í kjölfarið velur ritstjórn keikodudes Lambkála sem tengil vikunnar enda eini nothæfi gagnrýnandi þessarar hrottalegu síðu þar sem önnur hver gagnrýni hefst á umfjöllun um leikstjóra og 90% mynda fá tvær og hálfa eða þrjár stjörnur.
Óli Njáll  18:13| link

Ekki var það boltinn
fór bara á stælinn í staðinn og fékk mér tvöfaldan hamborgara og diet kók. Annars er nokkuð skondið að ég er nú að lesa hið ágæta rit "Löglegt en siðlaust", svona í ljósi þjóðfélagsumræðunar á þessum síðustu og verstu tímum.
Óli Njáll  15:44| link

Nú er það boltinn
Nú hleyp ég af hlöðunni og set stefnuna á fótbolta. Það verður eflaust betra en hlaðan.
Óli Njáll  12:45| link

Dugnaður
Nú er keikodudinn duglegur. Ég sit á bókhlöðunni og læri. Kanski ekki seinna vænna að byrja á ritgerðinni sem ég á að skila í lok vikunnar. Bandalag Jafnaðarmanna er málið að þessu sinni. Ef einhver vill benda mér á magnaðar heimildir þá er allur póstur vel þeginn.
Óli Njáll  12:09| link ------------------

24.2.02

Konudagur
Það er konudagur í dag. Í dag er líka 24. febrúar. Það er líka sunnudagur. Og í dag er líka krikketdagur. Minn maður Tendulkar var í hökuformi í gær og skoraði grimmt og saltaði Zimbabve, Ástralía vs. Suður Afríka lauk svo einnig með stórsigri Ástrala, annar stærsti sigur sögunnar. Maður vikunnar hlýtur samt að vera Adam Gilchirst sem skoraði 200 stig fyrir Ástrali. Það breytir samt ekki þeirri staðreynd að Ástralir eru leiðindaþjóð.
Óli Njáll  14:36| link ------------------