22.2.02

Badmintonkrísa
Jæja, það var bara enginn tími laus hjá TBR mönnum áðan, ég minnist þess ekki að það hafi komið fyrir áður. Slíkt er slæmt því eftir viðbjóðspróf dauðans þá ætlaði ég að hrista af mér slenið með því að slátra Lambkála og fylgdarmeyjum í nokkrum settum. Ég legg til að hætt verði við að byggja íþróttahús við MH og í staðinn byggt þriðja TBR húsið. Allt fé til mh er góður biti í hundskjaft.
Óli Njáll  15:53| link

Slæmt...
...en kanski ekki svo slæmt. Röskva tapaði víst, það er slæmt. Verra þó að Vaka vann. Annars held ég samt að þetta gæti verið ágætis lexía fyrir Röskvu að tapa einu sinni. Nú sjá stúdentar hvernig Vaka stendur sig og Röskva vinnur stórsigur á næsta ári. Þannig að þetta er ekki heimsendir.
Óli Njáll  13:59| link ------------------

21.2.02

X - V
Þessi síða hefur í einn dag verið þjóðnýtt.
KJÓSUM RÖSKVU
Óli Njáll  00:48| link ------------------

20.2.02

Mótmæli
Ég mótmæli harðlega fyrirhugaðri lokun á heimasíðu Björgvins og mun krefjast skaðabóta á þeim forsendum að líf mitt sé ekki samt eftir svo illan gjörning.
Óli Njáll  18:20| link

abú
Þá er ég búinn að kjósa. Kaus í gamaldags órafrænni kosningu í Árnagarði. Mér finnst það viðkunnalegra heldur en rafrænar kosningar. Það er svona ákveðinn stemming að vera þarna með sinn blýant að krosa við og stroka út frambjóðendur. Áfram Röskva.
Óli Njáll  14:35| link

Á ég...
...að mæta á kjörstað í dag eða á morgun. Stór spurning.
Óli Njáll  09:55| link

Drasl
Mér sýnist að könnunin mín sé eitthvað gölluð. Helvítis drasl.
Óli Njáll  09:55| link ------------------

19.2.02

Smá könnun
Smá upphitun fyrir kosningarnar. Endilega kjósa.

SHÍ

Hvað skal kjósa? Vaka Röskva Skila auðu Current Results

Create a FREE Alxnet Web Poll

Óli Njáll  20:56| link

Jafnrétti til náms
Fyrir mér er þetta ósköp einfalt mál. Ríkið reiknar út hversu mikið það kostar að mennta hvern nemanda í t.d viðskiptafræði. Ég veit ekki nákvæma tölu en segjum að hún sé 500000 krónur. Sú upphæð hlýtur að duga fyrir 1. flokks menntun enda trúi ég því ekki upp á Björn Bjarnason að hann sé viljandi að halda niðri gæðum kenslu í HÍ. Það að aðrir skólar vilji einnig bjóða upp á viðskiptafræðimenntun er hið besta mál. Þeir mega þá fá sama framlag frá ríkinu þ.e. 500000 á nemanda enda viljum við ekki mismuna einum né neinum. Sú upphæð sem á að duga HÍ hlýtur líka að duga einkareknum skólum og því ónauðsynlegt að innheimta skólagjöld. Ef við tökum líka þá kreddu að "einkaaðilar fari betur með fjármagn en opinberir aðilar" trúanlega þá þurfa einkaskólarnir væntanlega minna fjármagn en HÍ fær til að bjóða upp á 1. flokks kenslu. Sú staðreynd að t.d. HÍR innheimti 100000 kall í skólagjöld til að standa undir 1. flokks kenslu sýnir einfaldlega svart á hvítu hversu illa hæstvirtur menntamálaráðherra og hæstvirt ríkisstjórn standa sig í málefnum HÍ. Síðan er það mjög eðlileg regla að fyrir hverja krónu sem innheimt er í skólagjöld lækki framlag ríkisins um 1 krónu á móti. Þá búa allir við sama jafnrétti til náms, þ.e. nám allra kostar jafn mikið. Slíkt ætti ekki að koma neitt niður á gæðum kenslu því margoft hefur það heyrst frá stjórnvöldum að Háskóli Íslands eigi að vera öflug menntastofnun og því hljóta einkaaðilar að geta gert sambærilega hluti fyrir sama fé. Þannig kerfi virkar eflaust ágætlega, fjölbreytni er aðeins af hinu góða og því hið besta mál að hér á landi séu bæði ríkisháskóli og einkaskólar en menn verða þó að fá að standa jafnfætis í þessari samkeppni.Jæja, nóg komið í bili. Takk fyrir og góða nótt.
Óli Njáll  16:33| link

Leiðrétting
Ágúst vildi endilega koma því á framfæri að þýskan mín hefði verið vitlaust og ég hefði átt að skrifa jetzt í staðinn fyrir nu sem ku vera danska. Ágúst sjálfur kann reyndar ekkert í þýsku því þá hefði hann séð hina vitleysuna í setningunni líka. Þetta má vera svona gestaþraut dagsins.
Óli Njáll  16:21| link

Lesen
Nu sollen ich lesen.
Djöfull er ég ´goður í þýsku.
Óli Njáll  10:16| link ------------------

18.2.02

Ég gefst upp
já, ég skal kjósa Röskvu. Ekki þó vegna þess að þetta sé svo góður kostur heldur aðeins skömminni skárri en hinn.
Óli Njáll  21:52| link

Ef einhver...
...vill tala við mig á msn þá er ég keikodude@hotmail.com eins og stendur reyndar skýrum stöfum hér fyrir ofan.
Óli Njáll  18:36| link

Undir feldi
Nú 2 dögum fyrir kosningar ligg ég undir feldi og reyni að gera upp hug minn varðandi mitt atkvæði. Vaka er að sjálfsögðu útilokað vegna þess einfalda lífsmottós að "allt sé skárra en íhaldið" en spurningin er á að kjósa Röskvu eða skila auðu. Annars finnst mér vanta fleiri valkosti í þessar kosningar. Tveggja flokka(fylkinga) kerfi er í eðli sínu leiðinlegt. En af hverju á ég að kjósa Röskvu? Þeir hafa stjórnað í 10 ár sem er dágóður tími en ef ég lít á stöðuna núna þá er lánasjóðurinn rusl og stúdentagarðar allt of fáir. Vissulega veit ég að þarna er við stjórnvöld þessa lands að sakast aðallega en hefði Röskva ekki getað verið búinn að ná einhverju meira fram. Þetta eru mál sem skipta máli og á að leggja áherslu á. Mér er skítsama um mestalla restina af stefnumálunum, rafvæðing háskólans og fótboltamót stúdenta, matarsjálfsalar og kaffikort. Ef fólk vill spara þá kemur það bara með kaffið á brúsa í skólann. Það yrði sennilega miklu betra kaffi líka. En ég hef samt meiri trú á að röskva geri eitthvað af viti í stúdentaráði en vaka. Einnig þekki ég engan á vökulistanum en þekki aftur á móti nokkur nöfn á röskvulistanum. Þarna eru eðalmenn s.s. Björgvin Ingi og félagi Sigfús(sem reyndar er í 17. sæti) sem er treystandi til góðra verka. Spurningin er því hvort Röskva sé ekki nógu ásættanleg til að hljóta mitt atkvæði og hindra þar með að vaka komist til valda. Endanleg niðurstaða mun birtast hér í kvöld eða fyrramálið!!!!
Óli Njáll  15:50| link

Messenger
Nú er ég kominn með messenger.
Óli Njáll  09:25| link ------------------