26.1.02

Kæri Gvendur
Verzlunarskóli Íslands var stofnaður árið 1905 og var nafn hans þá skrifað á þennan hátt Verzlunarskóli Íslands. Verzlunarskóli Íslands hefur aldrei sótt um nafnabreytingu þannig að upphaflegt nafn hlýtur að standa, þrátt fyrir lagabreytingar um að henda bókstaf út úr íslenska stafrófinu. Tökum sambærilegt dæmi: Alþingi ákveður að henda stafnum m út úr íslensku. Er þá orðið Guðmundur skrifað Guðhundur eða eitthvað ámóta fáránlegt? Ég held að Gvendur yrði ekkert voðalega hress með slíkan gjörning. Eðlilegur ritháttur á styttingu orðsins Verzlunarskóli hlýtur því að vera Verzló en ekki Versló enda ekkert s í upphaflega orðinu. Fyrst Gvendur leit við á síðunni verslo.is(skrifað með s svo að sótsvartur pöpullinn rati á síðuna) þá ætti hann að sjá að þar er alls staðar ritað Verzlunarskóli Íslands með z. Lokaniðurstaða er því Verzló er skrifað með Z.
Óli Njáll  22:51| link

Bjössi Willis
Bjössi fer í borgina. (Þetta hljómar eins og titill á virkilega lélegri klámmynd. Framhaldsmyndin myndi þá væntanlega heita Bjössi tekur Sollu eða eitthvað ámóta frumlegt.) En það er allavega komið á hreint að það verður slagur um borgina þó að ég haldi að Björn hafi ekki nógu mikið persónufylgi til að sigra þetta.
Óli Njáll  18:12| link

Glataður egóisti?
Það er ég víst samkvæmt þessum manni, sem ég veit reyndar ekki hver er. Það er kanski rétt hjá honum, ekki ætla ég að dæma um það. En eitt er allavega satt í pistli hans, Verzló tapaði(þetta er skrifað með z) fyrir VMAU í keppni þar sem austfirðingar stóðu sig mjög vel en við hittum á okkar versta dag og allt fór úrskeiðis sem gat farið úrskeiðis. Það er nefnilega þannig með þessa keppni að dagsformið ásamt heppni skiptir rosalega miklu máli og þessir hlutir voru bara ekki til staðar hjá okkur í gær. Þeir sem aftur á móti hlustuðu á viðureign okkar við Borgó(sem voru með fínt lið) í fyrstu umferð vita þó að mun meira býr í liðinu enda stóðu þeir sig með mikilli prýði þar. En liðið er ungt að árum og munu eflaust koma tvíelfdir til leiks á næsta ári.

En ég ku víst hafa verið að rakka einhver lið niður hér á þessari síðu. Satt er það að ég hef sagt hreint út hvaða lið eru léleg og ekki líkleg til afreka, þau lið sem eru góð hafa aftur á móti fengið góð ummæli t.d. MS, sem ég hef mikið álit á. Og hér með ítreka ég fyrri yfirlýsingar um að MS, MH og MR séu yfirburða lið af þeim sem eftir eru, hin liðin eiga ekki séns í titilinn en sjálfur held ég að Ásbjörn og félagar muni taka þetta.Hvað varðar meintan landsbygðarrasims í mér þá vísa ég þeim ummælum aftur til föðurhúsana.


Óli Njáll  15:56| link ------------------

25.1.02

Helgin
Já, hún er nokkuð óskrifað blað.
Óli Njáll  15:12| link

Drullukvef
Ég er kominn með kvefdrullu og er hálf úldin í dag. Það er alls ekki jákvætt.
Óli Njáll  11:38| link ------------------

24.1.02

GB
Já, nú eru 3 lið komin í sjónvarpskeppnina, Bændur, mr og FG. FG og Bændur eru rusllið sem munu hrynja út í 8 liða úrslitum(nema drátturinn verði þeim mun verri) og mringar eru með lélegasta mrlið sem ég hef nokkurn tímann séð. Það þýðir þó ekki að þeir séu lélegir, bara að þeir eru ekki ósigrandi. En á morgun mætir Verzló VMAU og verður spennandi að sjá hvernig austfirðingar koma til leiks, ég veit að mínir menn verða massífir.
Óli Njáll  22:56| link

Bók vikunnar
Það er tvímælalaust bókin Dulsmál 1600-1900 eftir Má Jónsson. Þessi bók veitti mér mikla gleði fyrri part desembermánaðar og ég hvet alla til að lesa þetta meistaraverk.
Óli Njáll  07:26| link ------------------

23.1.02

Hér er kominn...
...Þorgeirsboli, öðru nafni Verðbólgudraugurinn í öllu sínu veldi.
Óli Njáll  21:35| link

Beikon
Ég er ekki beikon
Óli Njáll  21:33| link

Hjálp
´ Var úti að keyra áðan og sýndist Þórir fimmtudagur vera að keyra bílinn við hliðina á mér. Það var ekki góð tilfinning. Ég var vægast sagt nokkuð skelkaður.
Óli Njáll  15:00| link

Á morgun
Á morgun mun birtast auglýsing á strætó sem ég festi kaup á og þar mun standa rauðum stöfum á hvítum grunni "Liverpool 1 Man.Utd. 0. Djöfull eru sumir miklir vitleysingar."
Óli Njáll  00:53| link

Tilboð
Til að slá á verðbólguna í landinu hefur ritstjórn þessa vefrits ákveðið að lækka áskriftargjöld um 15% og nema þau nú aðeins 1000 krónum á mánuði. Jafnframt hefur verið ákveðið að hætta að taka við greiðslu í ávísunum og kreditkortum og verður framvegis aðeins tekið við greiðslum í íslenskum lögeyri. Áskrifendur eru hvattir til að greiða gjöld sín hið fyrsta.
Óli Njáll  00:47| link

Helvítis melurinn
Já, enginn annar en Danny Murphy tryggði Liverpool sigurinn gegn man.utd áðan með gullfallegu marki. Ég var búinn að bölva Murphy í sand og ösku allan leikinn sökum lélegheita hans en ég hefði víst betur haldið kjafti. Þannig að nú er maður voða glaður, fimmti sigurinn á united í röð kominn í hús og nú hefst óslitin sigurganga Liverpool sem mun tryggja okkur annað sætið í vor á eftir Leeds.
Óli Njáll  00:45| link ------------------

22.1.02

Heimska fólkið
Það er ótrúlegt hversu mikið er af heimsku fólki í Árnagarði. Málið er að á þriðju hæð eru tvö tölvuver, eitt við stigann og annað minna innar á ganginum. Heimska fólkið er það fólk sem stendur og bíður eftir tölvum við stigann en oftast er nefnilega hægt að labba inn á ganginn þar sem oftast eru nokkrar tölvur lausar. Það gerði ég einmitt rétt áðan. En ég kvarta ekki yfir heimska fólkinu, meira þannig fólk og því fleiri tölvur fyrir mig.
Óli Njáll  14:08| link ------------------

21.1.02

Ekki vildi ég...
...vera talebanastríðsfangi hjá Bandaríkjamönnum.
Óli Njáll  23:09| link

Sorglegt
Hversu illa er komið fyrir leikarastéttinni þegar að Charlie Sheen er valinn besti leikarinn?????? En ég kvarta ekki, Charlie Sheen er flottur þó leikhæfileikar hans séu vægast sagt umdeildir.
Óli Njáll  16:07| link

Mánudagur
Í dag er Mánudagur, leiðindi þar á ferðinni.
Óli Njáll  11:56| link ------------------

20.1.02

Egill
Egill fundaði í gær, ágætt stuð þar enda Tvö Dónaleg haust að spila á Celtic. Sumir voru fúll á móti í gærkveldi og fóru snemma heim og misstu því af aðalskemmtiaðriði kvöldsins, hverjum öðrum en Einari Skúlasyni að meika það á dansgólfinu. Það var bara fyndið.
Óli Njáll  14:50| link ------------------