4.1.02

Rólegt
Ég er bara heima hjá mér í rólegheitum í kvöld. Ætla snemma að sofa til að vakna klukkan 4 í fyrramálið og fara að vinna. Það er gaman að vinna á laugardögum, þá er maður á yfirvinnukaupi.
Óli Njáll  21:10| link ------------------

3.1.02

GB
Verzló keppir við Borgarholtsskóla í fyrstu umferð Gettu Betur í ár þann 15. janúar. Við erum að sjálfsögðu með hörkulið og stefnum á sigur í þessari viðureign. Nokkuð erfitt er að meta styrk Borgarholtsskóla þar sem ofurmennið Sæmundur er hættur og líka Páll sem var lalamaður. Eftir situr svo þögli maðurinn sem sagði ekki eitt einasta orð í fyrra og væntanlega einhverjir tveir nýliðar. Þetta verður eflaust hörkukeppni.
Óli Njáll  23:24| link

Aðferðaþóf
Mínir ágætu kennarar í Aðferðum eru ekkert að flýta sér að fara yfir próf.
Óli Njáll  23:22| link

Spólan í tækinu
Spólan í tækinu var alls ekkert mr vs. Verzló 95 því vídeótækið var óvart vitlaust stillt og því á ég nú klukkutíma af hinni (stórskemmtilegu) kvikmynd The other sister.
Óli Njáll  23:21| link

Vídeó
Jæja, var að koma af Zoolander. Snilldarmynd á sinn hátt, fín ódýr fyndni af bestu gerð. En nú er það spólan í tækinu Verzló vs. mr 95. Hvernig ætli þessi keppni endi??????
Óli Njáll  00:35| link

Ég
segi líka bra.
Óli Njáll  00:34| link ------------------

2.1.02

Bra
Endur segja bra.
Óli Njáll  19:17| link

Þöglir spekingar
Það er einkenni heimskra manna að þykjast vera spekingar. Stór hópur slíkra manna hefur röflað mikið um það undanfarin misseri að Robert nokkur Fowler væri lélegur senter. Merkilegt hversu lítið hefur heyrst í þessum spekingum undanfarnar vikur. Martröð mín um að Leeds yrðu of góðir með Fowler virðist hins vegar vera að rætast.
Óli Njáll  12:31| link ------------------

1.1.02

Og við höldum áfram

You know all and see all, but that doesn't prevent you from having a child-like innocence and a playful sense of humor. You obviously think very highly of yourself, but that's okay, everyone does. Told ya God was a woman!! Take The "Which Kevin Smith Female Are You?" Quiz!!

Óli Njáll  16:21| link

Furðulegt

Take the What Should Your New Year's Resolution Be? Quiz

Óli Njáll  16:16| link

Bítill

Take the Which Beatle Are You? Quiz.

Óli Njáll  16:11| link

Vaknaður
Þá er maður vaknaður í fyrsta skipti á nýju ári. Það er altaf nokkuð merkilegur atburður.
Óli Njáll  14:22| link

Velkominn
Velkominn til ársins tuttuguhundruðogtvö. Gleðilegt nýtt ár og allt það. Þetta er minn fyrsti pistill á nýju ári og skrifaður meðan ég bíð eftir öðlingnum og Jónasarsyninum Tómasi. Stefnan er sett í Garðabæinn líkt og í fyrra að hitta eitthvað fólk. Góða skemmtun.

ps. djöfull er gaman að skjóta upp flugeldum
Óli Njáll  01:09| link ------------------

31.12.01

Áramótapistill
Tilheyrir það víst ekki að skrifa einn stuttan áramótapistil núna. Árið tuttuguhundruðogeitt var ár breytinga hjá mér. Harðgiftur athafnamaðurinn(samt aldrei botnað almennilega í þessu orði) er orðinn að einhleypum háskólanema sem fær ekki námslán. Það er sennilega stærsta breytingin. Ég eignaðist líka frænda í ár. Hann heitir Þorgeir Þorgeirsbolason. Ég tók þátt í stofnun hins öfluga vefrits uvg.vg, sem sennilega er frægast fyrir það að skrifa ekki einn einasta pistil í 10 daga eftir 11. september sökum gúrkutíðar í heimsmálunum og hlaut í kjölfarið viðurnefnið stelpur,strippum! hjá illgjörnum mönnum. Tók einnig þátt í stofnun Egils Guðmundssonar, ´(sjá nánar clubnba.tripod.com). ASAT samtökin tóku til starfa undir forystu minni á árinu og er það tvímælalaust með merkari fréttum ársins(sjá nánar tyrkir.tripod.com). Á þessu ári uppgötvaði ég einnig krikket sem er bara cool íþrótt.
Heimsmálin voru ekkert sérlega skemmtileg. Hver er ekki kominn með leið á Bush og co. og lygavefsþvælustríði þeirra í Afganistan og öðrum ámóta "stríðum gegn hryðjuverkum". Ég er líka kominn með hundleið á virkjunum á Austurlandi. VG og íhaldið héldu áfram að vera yfirburðaflokkar í íslenskum stjórnmálum og samfylkingin var sorglegri en nokkru sinni fyrr.
Af vettvangi íþróttanna þá voru framin helgispjöll í bítlaborginni þegar Guð var seldur til Leeds. Liverpool safnaði litlum dollum en engin von er á stórum dollum í bráð. (Ekki meðan Murphy og Heskey eru í liðinu)
Nóg komið af röfli. Olinjall.tripod.com þakkar fyrir samveruna á sínu öðru starfsári og óskar lesendum nær og fjær til sjós og lands farsældar á komandi ári, tuttuguhundraðogtvö og bendir á að samkvæmt nýjustu útreikningum ritstjórnar eru aldamótin núna en hvorki í fyrra eða hitteðfyrra.
Óli Njáll  13:19| link ------------------

30.12.01

Nú árið er (næstum liðið)...
...í aldanna skaut og aldrei það kemur til baka. Hið herrans ár tuttuguhundruðogeitt á aðeins rúman sólarhring eftir og þá er tími til að velja hitt og þetta ársins. Byrjum á nokkrum hlutum:

Maður ársins: Osama Bin Laden. Það kemur bara enginn annar til greina.
Stjórnmálamaður ársins:Steingrímur J. hélt áfram að vera konungur stjórnmálanna hér heima. Í öðru sæti er Ólafur Magnússon fyrir að hundskast loksins úr Sjálfstæðisflokknum.
Hagsýna húsmóðir ársins:Árni Johnsen, fann altaf bestu kjörin.
Töffari ársins:Sköllótti maðurinn.

Við nánari athugun þá nenni ég bara ekki að velja í fleiri flokkum. Kanski maður bæti úr því á morgun. Eða ekki!!!!
Óli Njáll  17:37| link ------------------