29.12.01

Litlu jól
Í dag voru litlu jólin hjá Gettu betur nördum í versló. Það var nokkuð gaman. Í kvöld er svo stefnan sett á spilakvöld með Newcastle Brown Ale í hönd(hvað annað????)
Óli Njáll  20:28| link ------------------

28.12.01

Nonnabiti
Í gær prófaði ég Nonnabita í fyrsta sinn. Ég er semsagt loksins búinn að yfirvinna hræðsluna gegn slepjulegum samlokustöðum sem hefur hrjáð mig síðan að ég fékk hálfgildings matareitrun á Hlölla. Og Nonnabitinn er svo sem ágætur en djöfull er hann dýr. 710 krónur fyrir bát og pepsi er gersamlega út í hróa hött. Ég held ég haldi mig við minn gamla veitingastað í næstu götu við hliðina þar sem tvær pulsur með öllu og kók kosta 480 krónur. Mun betra og mun ódýrara.
Óli Njáll  14:41| link ------------------

27.12.01

jólakvef
Ég er kominn með jólakvefið.
Óli Njáll  17:43| link ------------------

25.12.01

Jólin
Þau voru róleg að þessu sinni. Voða kósý bara ég, mamma og pabbi með frábæran hamborgarahrygg, besta ís í geymi og besta frómas í geymi. Reyndar er ég kominn með eitthverja kvefdrullu og var því ansi þreyttur í gærkveldi. En maður fékk nokkra pakka, takk fyrir mig. Einnig kíkti jólasveinninn í heimsókn í gærmorgun og gaf mér Civ 3, sem er bara snilld eins og allt annað sem Sid Meier gerir. Um kveldið kíktum við svo til Brynjars og Stínu þar sem litla frænka mín Agnes var alveg ofvirk út af þessu öllu saman. En nú er jóladagur og jóladagur er tölvuleikjadagur. Nú skal germanska heimsveldið byggt upp og stefnt á heimsyfirráð.
Óli Njáll  12:05| link ------------------

24.12.01

Fréttir herma...
...að nú séu að koma jól. Ég er gersamlega búinn, lúinn og á eflaust eftir að sofna ansi snemma í kveld.
Óli Njáll  15:29| link

Jól í dag
Þá er komið að því. Óli Njáll óskar lesendum sínum, nær og fjær, gleðilegra jóla og farsæls komandi árs.
Óli Njáll  00:35| link ------------------

23.12.01

Afþakka
Já, ef einhver hefur hugsað sér að senda mér e-mail jólakort þá er honum ráðlagt að sleppa því. Ég er harður andstæðingur slíkra gjörninga. Jólakort eru gamaldags góður siður sem á að viðhalda sama hvað tækninni líður. Aftur á móti má fólk gjarnan senda mér jólaemail ef í honum stendur eitthvað skemmtilegt. En svona típísk með mynd af jólatré og jólasvein og einhver klisjutexti t.d. gleðileg jól og farsælt komandi ár, kveðja Jóakím, eru ekki til þess fallinn að gleðja nokkurn mann. Núna er ég aftur á móti að hlusta á jólakveðjur á RÚV(bestu útvarpsstöð í geymi enda er hún ríkisrekin). Þetta ætla ég að gera einhvern tímann, "kveðja frá Breiðholti, sendi öllum vinum og ættingjum innilegar jólakveðjur og takk fyrir bolludaginn, Óli Njáll".
Óli Njáll  21:29| link

Jólin
Þau eru á morgun. En nú er það skatan.
Óli Njáll  13:21| link ------------------