1.12.01

Ha
Var að sjá mörkin úr leik Man.utd og Chelsea og það sem kom helst á óvart er það að ekkert af þeim var beint hægt að rekja til Trúðsins Bartfés eða G. Neville. Öðruvísi mér áður brá.
Óli Njáll  19:32| link

DUDEK
Hvílíkur snillingur sem sá maður er. Hann er næstum því guðdómlega góður. Annars voru Liverpool lélegir í dag. Endalaust andleysi og varla að þeir nenntu að fara í sókn. Við áttum alls ekkert skilið að vinna en maður kvartar samt ekkert.
Í kvöld er stefnan sett á eitthvað Tabas dæmi með uvg stjórninni. Samkvæmt matargati Flugering þá kemur maður svangur út af þeim stað þannig að ég ætla að hita upp í uxahölum hjá mömmu. Annars er ótrúlegt kæruleysi í manni þessa helgina. Skrapp á djammið í gærkveldi og svo aftur í kvöld og ætla svo að vinna þunnur allan morgundaginn:( Það verður svo gríðarlegur lestur eftir helgina. Stefnan er sett á að rústa þessu algerlega.
Óli Njáll  18:02| link

1.des
Til hamingju með 1. desember. Hæ,hó, jibbí,jei.
Óli Njáll  13:24| link ------------------

30.11.01

Íslendingar og umferðin
Það verður alltaf miklu greinilegra á veturna hvað Íslendingar upp til hópa eru ömurlegir ökumenn. Áðan var ég að keyra heim frá Seltjarnrnesi(ég á heima úti á landi!) og ég var svo lengi að ég þurfti að leggja mig þrisvar. Íslendingar eru nefnilega flest allir fífl. Smá snjókoma og fólk fer að keyra á 5km/klst hraða. Ef fólk þorir ekki að keyra í snjó, hunskist þá í strætó, hálfvitarnir ykkar!!!!!!
Að auki þá skil ég ekki fólk sem er ekki á almennilegum dekkjum í svona færð. Ég þurfti einmitt að ýta tveimur hálfvitum á sléttum sumardekkjum út úr innkeyrslunni í morgun til að komast af stað í skólann. Svona fólk á ekki að hafa bílpróf.
Óli Njáll  18:19| link

Eftirherma dauðans
Lesendur þessarar síðu hafa væntanlega tekið eftir aðdáun minni á þeim merka bálki "Sögubrot af Tyrkjum". Væntanlega kemur það fáum á óvart enda er þessi bálkur vinsælustu bókmenntir þessa árs hér á landi miðað við kannanir. En alltaf eru þó einhverjir sem vilja lifa á frægð annara. Dæmi um slíkan mann er múrverjinn Kolbeinn Proppé, sem nú er farinn að rita "Sögubrot af Tyrkja" og miðað við það að pistillinn er númeraður þá er væntalega von á fleirum. Þessi pistill fannst mér ekki góður enda er það nú svo að þegar maður stelur nær algerlega nafni af virtum ritverkum og styttir um einn staf og breytir öðrum þá hlýtur maður að gera ansi miklar kröfur á að eftirherman jafnist á við fyrirmyndina. Sem í þessu tilviki er því miður ekki raunin. Einhver algerlega óáhugaverður pistill um óáhugaverðan tyrkneskan tónlistarmann sem dó úr hjartaáfalli. Ég vona því að þessi bálkur verði ekki lengri en þessi eini pistill. Ef Kolbeinn Probbé vill skrifa margra pistla bálka í menningarhorn múrsins þá mæli ég með því að hann noti hugmyndaflugið til að finna eitthvað frumlegt til að skrifa um, ekki apa eftir öðrum. Eins og Dabbi kóngur sagði: Svona gerir maður ekki.
Óli Njáll  14:02| link ------------------

29.11.01

Alveg undursamlegt tilgangsleysi
Það er búið að vera afskaplega skemmtilegt að fylgjast með öllum þessum umræðum um háskólanámið á hinum og þessum síðum undanfarna daga. Þetta er hin fínasta umræða og áhugavert að sjá mismunandi skoðanir fólks á þessum málum og gildir þá einu hvort ég er sammála þeim rökum sem fram koma eður ei. Í fljótu bragði finnst mér flest allt nám í háskólanum(að teknu tilliti til Geirag skrifa í þetta með litlu h) eiga rétt á sér. Ég verð þó að viðurkenna að kynjafræði er ekki eitt af þeim en veit þó fullkomlega að það er bara sleggjudómur hjá mér. Ég veit í raun ekkert um það. Að sama skapi hef ég gaman af því að hafa fordóma gagnvart "raungreinanördunum". Mér finnst það bara tilheyra að hafa einhvern ríg, rígur í góðu hófi er bara skemmtilegur. Það þýðir þó ekki að ég líti niður á þetta fólk og þeirra nám. Það er jafn nauðsynlegt fyrir samfélagið og það sem við í Árnagarði fáumst við, þó að okkar framlag til þjóðfélagsins sé kanski ekki á jafn augljósan hátt mælt í krónum og aurum. En málið snýst heldur alls ekkert um krónur og aura. Þetta byggist á því að fólk fáist við það sem það er best í og hafi frelsi til þess. Fólk er misjafnt og þó að ég sem nemandi í heimspekideild kunni enga stórsnjalla formúlu til að sýna fram á gagnsemi hugvísinda, veit ég að fólk eins og ég myndi ekki gera þjóðfélaginu neitt gagn ef einu valkostir mínir í háskólanum væru verkfræði og viðskiptafræði. Hæfileikar okkar liggja bara ekki á því sviði. Ég aftur á móti tel að ég geti gert þjóðinni mikið gagn með mínum sagnfræðilegu rannsóknarstörfum í framtíðinni sem munu vonandi varpa ljósi á glæsta fortíð Íslendinga og hjálpa okkur við að skilja bakgrunn okkar, hvað það er sem veldur því að við erum eins og við erum. Ég tel að þess háttar menningarleg og huglæg atriði séu þjóðfélaginu alveg jafn mikilvæg og viðskiptaáætlanir og diffurjöfnur. Þjóðfélag án hugvísinda er martröð fyrir mér. Að sama skapi er þjóðfélag án raunvísinda jafn slæmur draumur.
Óli Njáll  22:49| link

Stytt upp
Það er bara hætt að snjóa. Ef það snjóar eitthvað meira í kvöld þá kemst ég ekkert í skólann í fyrramálið. Það er ekki gott mál.
Óli Njáll  18:52| link

Gamanið búið
Jæja, í dag hefst próflestur. Nánar tiltekið svona klukkan 17. Fram til 14. des verður svo stífur lestur og lítið gaman á meðan. Jákvæðu fréttirnar eru aftur á móti að ég skilaði síðasta skilaverkefninu í gær og þar með eru þau öll búin. Það slæma er að ég fæ þau öll til baka á morgun.
Óli Njáll  12:24| link

hár
Ég var að átta mig á því að ég er kominn með alltof mikið hár og þarf að fara í klippingu. Aftur á móti er aðeins mánuður til jóla og því hálf asnalegt að fara í klippingu núna. Ég held ég safni bara lubba í prófunum og spari mér þar með 2000kall.

Langloka dauðans
Já, lengi getur vont versnað. Og annað máltælki: Sumt er svo með öllu illt að ekki boði nokkuð gott. Um hvaða hlut skildu þessi máltæki eiga við. Heimasíðu ´Kúst's Flj'ugíhðrng. Þessi heimspekilegi pistill sem er alls jafn langur og Mahatabarata er bara það versta sem er í boði á internetinu. Skrambinn sjálfur.
Óli Njáll  10:17| link ------------------

28.11.01

Enn í sjokki
Ég verð að viðurkenna að ég er búinn að vera í sjokki í allan dag. Sama hversu vel Liverpool á eftir að ganga í framtíðinni þá mun ég aldrei fyrirgefa GH og Nefjólfi fullkomlega. Eða eins og Davíð nokkur orðaði eitt sinn: Svona gerir maður ekki. Sama hvað heimskir menn segja um að Fowler hafi verið lélegur þá tala staðreyndirnar sínu máli. 171 mark í 330 leikjum er nokkuð gott. Við skulum heldur ekki líta fram hjá því að hann skoraði 17 mörk í fyrra þrátt fyrir að vera ekki öruggur með sæti í liðinu. Hann skoraði 4 markið gegn Alavez eftir að hafa komið inná sem varamaður og hann skoraði líka gegn Charlton í leik sem tryggði okkur í Champions Cup. Fowler er nefnilega senter af guðs náð og aldrei betri en í stórleikjum. Markafæð hans í ár er engu öðru að kenna en kerfisbundinni niðurrifsstarfsemi stjóranna tveggja. Lítið á þá staðreynd að í einum leik gegn Leicester skoraði Fowler fleiri mörk en Heskey er búinn að skora allt tímabilið. Þeir hálfvitar sem reyna að halda því fram að maðurinn sé ekki frábær eru því ekkert nema hálfvitar með ekkert vit á knattspyrnu og ég mana hvern þann sem er á þeirri skoðun að segja það framan í opið geðið á mér. Ég skal ábygjast að skalla þá í andlitið í kjölfarið og skilja þá eftir liggjandi í blóði sínu.
Spurningin í framhaldi af þessum harmleik er svo hvernig Fowler mun standa sig hjá Leeds. Reynslan sýnir okkur að allir góðir leikmenn sem seldir eru frá Liverpool blómstra annars staðar, nefni t.d Peter nokkurn Beardsley sem Liverpool áleit útbrunninn. Það er því nokkuð ljóst að Leeds mun berjast hatramlega um titilinn og ég er ansi hræddur um að þar eigi Fowler eftir að skipta sköpum og sennilega hirða titilinn fyrir framan nefið á okkur. Vissulega vona ég þó ekki að sú verði raunin. Ég verð ávallt liverpool maður, sama hvað tautar og raular. En ég verð líka alltaf Fowler maður og því óska ég honum alls hins besta, bara ekki enska meistaratitilsins í búningi annars liðs.
Óli Njáll  16:16| link

Til fjandans með frakkann
Ég er bara brjálaður akkúrat núna og ætla rétt að vona að þetta með að Fowler sé á leiðinni til Leeds sé bull. Ef svo er ekki þá óska ég Gerard Houllier og Nefjólfi Thompson kvalafulls dauðdaga og mun sjálfur sjá til þess ef þörf krefur.
Óli Njáll  07:30| link ------------------

27.11.01

Skondið
Mér finnst nokkuð skondið að nýlega stofnaður Aðdáendaklúbbur Sögubrota Af Tyrkjum (ASAT) skuli bera næstum því sama nafn og forseti Sýrlands. Bara svona smá pæling seint á vetrarkveldi.
Óli Njáll  23:47| link

ASAT
Endilega kíkið á heimasíðu ASAT. Það skýrir sig á síðunni hvaða samtök þetta eru.
Óli Njáll  21:50| link

Roland
Það er gaman að lesa það í Mogganum í morgun að Roland Eradze snilldarmarkvörður Vals í handbolta er til í að verða Íslendingur og koma í markið hjá landsliðinu. Nú er bara að henda passa í manninn og skella honum í liðið. Að fá þennan mann í markið yrði hvílíkt gæfuskref fyrir íslenska landsliðið. Maðurinn er magnaður. Af öðrum fréttum er það helst að ég er kominn á nagladekk.
Óli Njáll  12:27| link ------------------

26.11.01

Nú veit ég
Ég veit hvað þetta þýðir þessi latínóvitleysa. Og svo er bara að hefjast handa og finna út úr þessu. Annars er ég hálf dauður í höndunum eftir massaæfingu áðan. Þessi vika fer í að bæta upp veikindi og leti síðustu viku og ekkert múður með það.
Óli Njáll  17:54| link

Ha
Ef ég nú bara vissi hvað terminus post quem og terminus ante quem væri akkúrat núna, þá væri líf mitt mun auðveldara.
Óli Njáll  12:00| link

Morgungleði
Ég er vaknaður klukkan hálf átta. Mikið afrek það. Það er ómennskt að vakna svona snemma og í raun á að banna slíkt bull með lögum. Skjótum morgunhanann.
Óli Njáll  07:59| link ------------------

25.11.01

Leiðrétting
Ritstjórn keikodudes biður aðstandendur hinnar aumu kvikmyndasíðu Jónasarbarna innilega afsökunar á því að hafa kallað þau systkyn Jónasardætur hér um daginn. Eins og alþjóð veit samanstanda Jónasarbörnin af einum dreng að nafni Tómas og lauslætisdrós er Ragnína nefnist. Hitt stendur þó óbreytt að síðan er aum.
Óli Njáll  23:50| link

Enga andfætlinga
Ástralir komust ekki á HM og er það vel. Ég hata Ástrali enda byggist liðið þeirra upp á Leedsurum. Ég hata Leeds.
Óli Njáll  23:47| link

Heimildir
Jæja, í kveld eru það heimildirnar. Eitthvað bréf sem gömul kerling í Viðey skrifaði skal krufið til mergjar og reynt að komast að einhverjum mögnuðum niðurstöðum. Ég bíð spenntur.
Óli Njáll  20:58| link

Bartfés
Þessi leikur Arsenal og aulanna er bara stórskemmtilegur núna. Áfram Bartfés, búinn að klúðra 2 mörkum í sama leiknum. Þetta er farið að minna á Jamie nokkurn Carragher sem skoraði 2 sjálfsmörk í einum leik á móti aulunum fyrir nokkrum árum. Ég spái að Fergusson kaupi eins og eitt stykki markmann fyrir miðnætti.
Óli Njáll  17:56| link

Af öllum mönnum
Já, af öllum mönnum þá skoraði Emile Heskey fyrir ca. 20 mínútum síðan. Það virðast vera einhver álög á mér að því verr sem ég tala u einhvern Liverpool mann þeim mun betur leikur hann í næstu leikjum á eftir. Þess vegna prófa ég núna nýja taktík: Fowler sýgur feitann.
Óli Njáll  14:47| link

Sunderland
Liverpool á víst að keppa í dag við Ofurírann Njál Kvinn(a la Bjarni Fel) og félaga í Sunderland. Ég held að þetta verði nokkuð ljúft 3-0 fyirr Liverpool. Ekki þyrfti að koma á óvart þó að Mikjáll nokkur Owen myndi setja eins og 1-2 mörk og svo held ég að Hróbjartur Bernharður muni setja það sem uppá vantar.
Óli Njáll  11:15| link ------------------